Cinema

മുകേഷിന്റെ മകന്റെ ആദ്യ സിനിമ കല്യാണത്തിലെ ആദ്യ ഗാനം പുറത്തിറങ്ങി

കൊച്ചി: മുകേഷിന്റെ മകൻ ആദ്യമായി ക്യാമറയ്ക്ക മുന്നിലെത്തുന്ന ചിത്രമായ കല്യാണത്തിലെ ആദ്യ ഗാനം പുറത്തിറങ്ങി. രാജീവ് നായരാണൻ എഴുതിയ വരികൾ പാടിയത് സിദ്ധാർഥ് മേനോനാണ്. പണ്ടേ നീ എന്നിൽ ഉണ്ടേ' ഗാനമാണ് പുറത്തിറങ്ങിയത്.

രാജേഷ് നായർ സംവിധാനം ചെയ്യുന്ന ചിത്രമായ കല്യാണത്തിൽ ശ്രാവണിന്റെ അച്ഛന്റെ വേഷത്തിൽ പിതാവായ മുകേഷും ചിത്രത്തിലുണ്ട്.ഡബ്‌സ്മാഷ് വീഡിയോയിലൂടെ പ്രശസ്തയായ വർഷ ബൊല്ലമ്മമാണ് നായികയാകുന്നത്.

ഗോവിന്ദ് വിജയ്, സുമേഷ് മധു, രാജേഷ് ആർ നായർഎന്നിവരുടേതാണ് തിരക്കഥ. പ്രകാശ് അലക്‌സ് എന്ന പുതിയ സംഗീത സംവിധായകനും കല്യാണത്തിലൂടെ അരങ്ങേറ്റം കുറിക്കുന്നുണ്ട്.

Read more

ജയസൂര്യയുടെ ക്യാപ്റ്റനിലെ ആദ്യ ഗാനം പുറത്തിറങ്ങി

കൊച്ചി: പ്രജേഷ് സെൻ സംവിധാനം ചെയ്യുന്ന ക്യാപ്റ്റനിലെ ആദ്യ ഗാനം പുറത്തിറങ്ങി.ഇന്ത്യൻ ഫുട്‌ബോൾ ക്യാപ്റ്റനായിരുന്ന വി.പി സത്യന്റെ ജീവിതം സിനിമയായി എത്തുമ്പോൾ ക്യാപ്റ്റൻ സത്യനായി എത്തുന്നത് പ്രിയതാരം ജയസൂര്യയാണ്.

പി.ജയചന്ദ്രൻ ആലപിക്കുന്ന ഗാനത്തിന് വിശ്വജിത്താണ് സംഗീതം നൽകിയിരിക്കുന്നത്. നിതീഷ് നഡേരി, സ്വാതി ചക്രബർത്തി എന്നിവരുടേതാണ് വരികൾ. ഗുഡ്‌വിൽ എന്റർടെയ്ന്മെന്റ്‌സിന്റെ ബാനറിൽ ടി.എൽ. ജോർജാണ് ചിത്രം നിർമ്മിക്കുന്നത്.

അനുസിത്താരയാണ് ചിത്രത്തിലെ നായിക. ദീപക്, രഞ്ജി പണിക്കർ, സിദ്ദിഖ്, നിർമൽ പാലാഴി തുടങ്ങിയവരോടൊപ്പം നൂറോളം ഫുട്‌ബോൾ താരങ്ങളും ചിത്രത്തിൽ എത്തുന്നുണ്ട്. ആട് 2വിന്റെ ഗംഭീര വിജയത്തിന് ശേഷമെത്തുന്ന ചിത്രം വൻ വിജയമാകുമെന്ന പ്രതീക്ഷയിലാണ് ആരാധകർ

Read more

പ്രണവ് മോഹൻലാലിന്റെ ആദിയിലെ ആദ്യഗാനമെത്തി

കൊച്ചി: കാത്തിരിപ്പിനൊടുവിൽ പ്രണവ് മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന ആദിയിലെ ആദ്യ ഗാനം പുറത്തിറങ്ങി. ജീത്തു ജോസഫ് തന്നെ തിരക്കഥ രചിക്കുന്ന ചിത്രാണ് ആദി.

Some Lies Can Be Deadly എന്നാണ് ചിത്രത്തിന്റെ ടാഗ് ലൈൻ. ജീത്തു ജോസഫ് സംവിധാനം ചെയ്യുന്ന 9ാമത്തെ ചിത്രമാണ് ഇത്. സതീഷ് കുറുപ്പാണ് ആദിയുടെ ഛായാഗ്രഹണം നിർവഹിക്കുന്നത്. സംഗീതം അനിൽ ജോൺസൺ. ആന്റണി പെരുമ്പാവൂരാണ് ആശീർവാദ് സിനിമാസിനു വേണ്ടി ചിത്രം നിർമ്മിക്കുന്നത്. ചിത്രം അടുത്ത വർഷം തിയറ്ററുകളിലെത്തും

ആദിയുടെ ടീസറിനും, ട്രെയിലറിനും മികച്ച പ്രതികരണമാണ് ലഭിച്ചിരുന്നത്. ഹൈദരാബാദിലെ രാമോജി റാവു ഫിലിം സിറ്റിക്ക് പുറമേ, എറണാകുളം പാലക്കാട്, ബനാറസ്, കൊച്ചി, ബംഗളൂരു എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകൾ.

Read more

സ്ട്രീറ്റ് ലൈറ്റ്‌സിന്റെ ആദ്യ ടീസറെത്തി

കൊച്ചി: കാത്തിരിപ്പിനൊടുവിൽ മെഗാ സ്റ്റാർ മമ്മൂട്ടിയുടെ സ്ട്രീറ്റ് ലൈറ്റ്‌സിന്റെ ആദ്യ ടീസറെത്തി. തമിഴിലും മലയാളത്തിലും തെലുങ്കിലുമൊരുക്കുന്ന ചിത്രത്തെ ആരാധകർ വലിയ പ്രതീക്ഷയോടെ കാത്തിരിക്കുന്ന ഒന്നാണ്. മമ്മൂട്ടി തന്നെ നിർമ്മിക്കുന്ന ചിത്രം സംവിധാനം ചെയ്യുന്നത് പ്രശസ്ത ഛായാഗ്രാഹകൻ ശ്യാംദത്താണ്.

വിഷ്ണു ഉണ്ണികൃഷ്ണൻ, ലിജിമോൾ ജോസ്, സൗബിൻ ഷാഹിർ, ജോയ് മാത്യു, ഇന്ദ്രൻസ്, ഹരീഷ് കണാരൻ തുടങ്ങിയവരും ചിത്രത്തിൽ അണിനിരക്കും. സ്ട്രീറ്റ് ലൈറ്റ്‌സ് ജനുവരി 26ന് തീയേറ്ററുകളിൽ എത്തും.

Read more

"ശിക്കാരി ശംഭു"വിന്റെ ട്രെയിലർ പുറത്തിറങ്ങി

കുഞ്ചാക്കോ ബോബനെ നായകനാക്കി സുഗീത് ഒരുക്കുന്ന പുതിയ ചിത്രമായ 'ശിക്കാരി ശംഭു'വിന്റെ ട്രെയിലർ പുറത്തിറങ്ങി. ഒന്നേമുക്കാൽ മിനിറ്റ് ദൈർഘ്യമുള്ള ട്രെയിലർ ചാക്കോച്ചൻ തന്നെയാണ് ഫേസ്‌ബുക്കിൽ പോസ്റ്റ് ചെയ്തത്.

കുഞ്ചാക്കോ ബോബൻ പുലി വേട്ടക്കാരനായി എത്തുന്ന ചിത്രമാണ് ശിക്കാരി ശംഭു. കോമഡിക്കും ഫാന്റസിക്കും ഏറെ പ്രാധാന്യം നൽകിയാണ് ചിത്രം ഒരുക്കിയിരിക്കുന്നതെന്ന് ട്രെയിലറിൽ നിന്നും വ്യക്തമാണ്.
ഓർഡിനറി, മധുരനാരങ്ങ എന്നീ ചിത്രങ്ങൾ സംവിധാനം ചെയ്തതും സുഗീത് തന്നെയാണ്. ശിവദയാണ് ചിത്രത്തിലെ നായിക. വിഷ്ണു ഉണ്ണികൃഷ്ണൻ, ധർമജൻ ബോൾഗാട്ടി, ഹരീഷ് കണാരൻ എന്നിവരാണ് മറ്റ് പ്രധാന താരങ്ങൾ.

അടുത്തിടെ പുറത്തിറങ്ങിയ ചിത്രത്തിലെ ഗാനം ഏറെ ശ്രദ്ധിക്കപ്പെട്ടിരുന്നു. സന്തോഷ് വർമ്മയുടെ വരികൾക്ക് ശ്രീജിത് ഇടവനയാണ് സംഗീതം പകർന്നത്. ഏയ്ഞ്ചൽ മരിയ സിനിമാസിന്റെ ബാനറിൽ എസ്.കെ. ലോറൻസാണ് ചിത്രം നിർമ്മിക്കുന്നത്.

Read more

ഈടയുടെ ട്രെയിലറെത്തി

ഷെയ്ൻ നിഗവും നിമിഷ സജയനും ക്രേന്ദ്ര കഥാപാത്രങ്ങളാകുന്ന ചിത്രം ഈടയുടെ ട്രെയിലർ റെത്തി. കണ്ണൂരിലെ രാഷ്ട്രീയ പശ്ചാത്തലമാണ് ട്രെയിലറിൽ ഒരുക്കിയിരിക്കുന്നത്. ചിത്രം ജനുവരി അഞ്ചിന് തീയേറ്ററുകളിൽ എത്തും.

എം.ബി.എ കഴിഞ്ഞു മൈസൂരിലെ ഒരു ഇൻഷുറൻസ് കമ്പനിയിൽ അസിസ്റ്റന്റ് മാനേജർ ആയി ജോലി ചെയ്യുന്ന ആനന്ദിന്റെയും യാദൃശ്ചികമായി പരിചയപ്പെട്ട ഐശ്വര്യയുടെയും പ്രണയത്തെ ഉത്തര മലബാറിന്റെ പശ്ചാത്തലത്തിൽ ആവിഷ്‌കരിച്ചതാണ് ചിത്രം.പ്രശസ്ത ചിത്രസംയോജകൻ ബി. അജിത്ത് കുമാർ ആദ്യമായി സംവിധാനം ചെയ്യുന്ന ഈട എൽ.ജെ. ഫിലിംസാണ് പ്രദർശനത്തിനെത്തിക്കുന്നത്.

കളക്ടീവ് ഫേസ് വൺ അവതരിപ്പിക്കുന്ന ഡെൽറ്റ സ്റ്റുഡിയോയുടെ ബാനറിൽ ഷർമ്മിള രാജയാണ് ഈട നിർമ്മിക്കുന്നത്. സുകുമാർ തെക്കേപ്പാട്ട്, ടി.ആർ. എസ്. മുത്തുകുമാർ, ഇ.കെ. അയ്യപ്പൻ എന്നിവരാണ് എക്‌സിക്യുട്ടീവ് പ്രൊഡ്യൂസർമാർ. രാജീവ് രവിയുടെ അസോസിയേറ്റായിരുന്ന പപ്പുവാണ് ഛായാഗ്രഹണം നിർവഹിക്കുന്നത്.

Read more

ഹേയ് ജൂഡിന്റെ ട്രെയിലറെത്തി

നിവിൻ പോളിയെ നായകനാക്കി ശ്യാമപ്രസാദ് സംവിധാനം ചെയ്യുന്ന ഹേയ് ജൂഡ് എന്ന സിനിമയുടെ ട്രെയിലറെത്തി. തെന്നിന്ത്യൻ സിനിമയിലെ താര റാണി തൃഷ ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണ് 'ഹേയ് ജൂഡ്'. ചിത്രത്തിൽ ക്രിസ്‌ത്യൻ ആൻ ചക്രപറന്പ് എന്ന കഥാപാത്രത്തെയാണ് തൃഷ അവതരിപ്പിക്കുന്നത്. ജൂഡ് എന്ന ടൈറ്റിൽ കഥാപാത്രത്തെയാണ് നിവിൻ അവതരിപ്പിക്കുന്നത്.

ഗോവയിലാണ് ചിത്രത്തിന്റെ ഷൂട്ടിംഗ്. അനിൽ അന്പലക്കര നിർമ്മിക്കുന്ന ചിത്രത്തിൽ സിദ്ദിഖ്,​ മുകേഷ്, പ്രതാപ് പോത്തൻ, ഉർവശി തുടങ്ങിയവരാണ് മറ്റു പ്രധാന വേഷങ്ങൾ അവതരിപ്പിക്കുന്നത്.

Read more

കാർബണിന്റെ ട്രെയിലർ പുറത്തിറങ്ങി

കൊച്ചി: ഫഹദ് ഫാസിലിനെ നായകനാക്കി വേണു സംവിധാനം ചെയ്യുന്ന സിനിമയാണ് കാർബൺ.മുന്നറിയിപ്പിന് ശേഷം വേണു ഒരുക്കുന്ന ചിത്രം എന്ന പ്രത്യേകതയും കാർബണിനുണ്ട്. ഫഹദ് ഫാസിൽ പുറത്ത് വിട്ട ട്രെയിലർ സോഷ്യൽ മീഡിയയിൽ വൈറലാവുകയാണ്.

ഷാരൂഖ് ഖാന്റെ റയീസ്, ഹാരി മെറ്റ് സജാൽ എന്നീ സിനിമകൾക്ക് ശേഷം ബോളിവുഡ് ഛായാഗ്രാഹകൻ കെ യു മോഹനനാണ് ക്യാമറ കൈകാര്യം ചെയ്യുന്നത്. വേണു തന്നെയാണ് സിനിമയുടെ രചന. ബോളിവുഡിലെ വിഖ്യാത സംവിധായകനും സംഗീത സംവിധായകനുമായ വിശാൽ ഭരദ്വാജ് ആണ് കാർബണിന് വേണ്ടി ഈണമൊരുക്കുന്നത്.

സസ്പെൻസ് ത്രില്ലറായി നിർമ്മിക്കുന്ന കാർബണിന്റെ കഥ കാട് പശ്ചാതലമാക്കിയാണ് ഒരുക്കിയിരിക്കുന്നത്.സിനിമയുടെ പ്രധാന ലൊക്കേഷൻസ് തൃശ്ശൂരിലെ ചിമ്മിനി വനത്തിലും വാഗമണ്ണിലുമാണ്. മംമ്ത മോഹൻദാസാണ് കാർബണിൽ ഫഹദിന്റെ നായികയായി അഭിനയിക്കുന്നത്. ഒപ്പം ദിലീഷ് പോത്തൻ, നെടുമുടി വേണു, സൗബിൻ ഷാഹിർ, വിജയരാഘവൻ, മണികണ്ഠൻ ആചാരി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ.

Read more

ദിവാൻജിമൂല ഗ്രാൻഡ് പ്രിക്സിന്റെ ട്രെയിലറെത്തി

കൊച്ചി: കസ്തൂരിമാനിലെ സാജൻ ജോസ്ഫ് ആലുക്കയായി കുഞ്ചാക്കോ ബോബനെത്തുന്ന ദിവാൻജിമൂല ഗ്രാൻഡ് പ്രിക്‌സിന്റെ ട്രെയ്‌ലർ പുറത്തിറങ്ങി. അനിൽ രാധാകൃഷ്ണന് സംവിധാനം ചെയ്യുന്ന ചിത്രത്തിന്റെ തിരക്കഥ കോഴിക്കോട് കളക്റ്ററായിരുന്ന പ്രശാന്ത് നായരാണ്.

2003 ൽ കുഞ്ചാക്കോ ബോബൻ അഭിനയിച്ച കസ്തൂരിമാൻ എന്ന ചിത്രത്തിലെ സാജൻ ജോസഫ് എന്ന കാഥാപാത്രമായി തന്നെയാണ് ഈ ചിത്രത്തിലും പ്രത്യക്ഷപ്പെടുക. കൂടാതെ സപ്തമശ്രീ തസ്‌കരയിൽ സുധീർ കരമന അവതരിപ്പിച്ച ലീഫ് വാസു, പ്രാഞ്ചിയേട്ടനിലെ ടിനി ടോം അവതരിപ്പിച്ച കഥാപാത്രം എന്നിവയും ദിവാൻജിമൂല ഗ്രാൻഡ് പ്രിക്സിൽ വീണ്ടുമെത്തും.

ചിത്രത്തിൽ നൈല ഉഷ, നെടുമുടി വേണു, സിദ്ദിഖ്, ജോയ് മാത്യു, സുധീർ കരമന തുടങ്ങിയവരും പ്രധാന വേഷങ്ങളിൽ എത്തുന്നു. മാഴ്‌സ് എന്റർടയ്ന്റ്‌മെൻസ്, സിൽവർ ഓഷ്യൻ, ഗ്രാൻഡ് പിക്‌സെൽസ് എന്ന ബാനറുകളിൽ മസൂദ് ടി.പി, സഫീർ കെ.പി, ഷെറിൻ വെന്നെമ്കാട്ടിൽ എന്നിവർ ചേർന്ന് ചിത്രം നിർമ്മിക്കുന്നു. അലക്‌സ് ജെ പുളിക്കൽ ചിത്രത്തിന്റെ ഛായാഗ്രഹണം നിർവഹിക്കുന്നു. സംഗീതം നിർവഹിക്കുന്നത് ഗോപി സുന്ദർ. ഗാനങൾ രചിച്ചിരിക്കുന്നത് ഹരിനാരായണൻ

Read more

‘ആനക്കാട്ടില്‍ ചാക്കോച്ചി’ വീണ്ടും എത്തുന്നു

പൊതുപ്രവർത്തനവു രാജ്യസഭാ എംപിസ്ഥാനവും ഒക്കെയായി തിരക്കിലായ നടൻ സുരേഷ് ഗോപി വലിയൊരു ഇടവേളയ്ക്ക് ശേഷം അഭിനയിക്കാൻ ഒരുങ്ങുകയാണ്. അതും തന്റെ കരിയറിലെ തന്നെ മികച്ച കഥാപാത്രമായ ആനക്കാട്ടിൽ ചാക്കോച്ചിയാണ് നടന്റെ മടങ്ങിവരവ്.

ലേലത്തിന്റെ രണ്ടാം ഭാഗം ഷൂട്ടിങ് ആണ് അടുത്തമാസം തുടങ്ങുന്നത്. രൺജി പണിക്കർ തിരക്കഥയെഴുതുന്ന ചിത്രത്തിൽ സുരേഷ്ഗോപി നായകനാകും. അടുത്ത വർഷം ആദ്യം ചിത്രീകരണം ആരംഭിക്കും.'കസബ'യ്ക്കു ശേഷം നിഥിൻ രഞ്ജി പണിക്കർ സംവിധാനം ചെയ്യുന്ന സിനിമയാണ് ലേലം 2.

മറ്റു താരങ്ങളെ കുറിച്ച് കൂടുതൽ വിവരങ്ങൾ ലഭ്യമല്ല. കസബയ്ക്ക് തിരക്കഥയെഴുതിയത് നിഥിൻ തന്നെയായിരുന്നു. എന്നാൽ ലേലം 2 എഴുതുന്നത് രഞ്ജി പണിക്കരാണ്. ഇത്. ലേലത്തിന്റെ ആദ്യഭാഗത്തിലുണ്ടായിരുന്ന പ്രമുഖ താരങ്ങൾ ലേലം 2ലും ഉണ്ടാകുമെന്നാണ് സൂചന.

Read more

ഒടിയന്റെ ടീസർ പുറത്തിറങ്ങി

മാസങ്ങൾ നീണ്ട ആരാധകരുടെ കാത്തിരിപ്പിന് വിരാമമിട്ട് 30കാരൻ മാണിക്യനായി മോഹൻലാൽ അവതരിച്ചു. വണ്ണം പകുതി കുറച്ച് പ്രായത്തിന്റെ യാതൊരു ലാഞ്ചനയും ഇല്ലാതെ തികച്ചും ചെറുപ്പക്കാരാനായി തന്നെയാണ് ലാലേട്ടൻ ഒടിയന്റെ ടീസറിൽ പ്രത്യക്ഷപ്പെട്ടിരിക്കുന്നത്.

തന്റെ ഫെയ്സ്ബൂക് പേജിലൂടെയാണ് ഒടിയൻ മാണിക്യന്റെ രൂപമാറ്റം കാണിക്കുന്ന ടീസറുമായി ലാലേട്ടൻ എത്തിയത്. മുറുക്കിചുവപ്പിച്ച ചുണ്ടും ക്‌ളീൻ ഷേവ് ചെയ്ത മുഖവുമായി മുപ്പതുകാരൻ മാണിക്യനായാണ് മോഹൻലാൽ എത്തിയത്. ടീസർ പ്രത്യക്ഷപ്പെട്ട് നിമിഷങ്ങൾക്കകം തന്നെ ആരാധകർ ഇത് നെഞ്ചിലേറ്റി കഴിഞ്ഞു.

'കാലമേ നന്ദി കഴിഞ്ഞു പോയ ഒരുപാടു വർഷങ്ങളെ ഇങ്ങനെ തോൽപ്പിക്കാൻ സാധിച്ചതിനു. എന്റെയും തേങ്കുറിശ്ശിയുടെയും സംഭവബഹുലമായ കാലഘട്ടത്തിൽ എന്നെ വീണ്ടും എത്തിച്ചതിനു.. ഈ മാണിക്യൻ, ഒടിയൻ മാണിക്യൻ ഒരുങ്ങി കഴിഞ്ഞിരിക്കുന്നു. ഇനിയാണ് കളി അപ്പൊ തുടങ്ങാം അല്ലെ.' മാണിക്യൻ പറയുന്നു.

ടീസർ വന്ന് നിമിഷങ്ങൾക്കകം തന്നെ ലൈക്കും ഷെയറും കമന്റുകളുമായി ആരാധകർ എത്തി. ലാലേട്ടന് ജയ് വിളികളുമായി പുതിയ മേക്ക് ഓവർ ആരാധകർ ഏറ്റെടുത്തിരിക്കുകയാണ്. ആർക്കും അത്ഭുതം തോന്നുന്ന മാറ്റം തന്നെയാണ് ലാലേട്ടൻ കാഴ്ചവെച്ചിരിക്കുന്നത്.

Read more

പ്രണവ്- ജിത്തു ജോസഫ് ചിത്രം ആദിയുടെ ആദ്യ ടീസറെത്തി

പ്രണവ് മോഹൻലാൽ നായകനായി എത്തുന്ന ചിത്രം ആദിയുടെ ടീസർ പുറത്തിറങ്ങി. 40 സെക്കന്റ് നീണ്ടു നിൽക്കുന്ന ടീസറാണ് ഫേസ്‌ബുക്കിലൂടെ സംവിധായകൻ ജീത്തു ജോസഫ് പുറത്തു വിട്ടത്. കടൽ തീരത്തു കൂടെ നടന്നടുക്കുന്ന പ്രണവിന്റെ ദൃശ്യമാണ് ടീസറിലുള്ളത്.

ആദി എന്നു തന്നെയാണ് ചിത്രത്തിൽ പ്രണവിന്റെ പേര്. 'സം ലൈസ് കാൻ ബി ഡെഡ്ലി' എന്നാണ് ചിത്രത്തിന്റെ ടാഗ് ലൈൻ. മലയാളത്തിന്റെ പ്രിയ നടൻ മോഹൻലാലിന്റെ മകൻ പ്രണവ് നായകനായി അരങ്ങേറ്റം കുറിക്കുന്ന ചിത്രം ആയതുകൊണ്ട് തന്നെ ജിത്തു ജോസഫ് ചിത്രം ഏറെ ശ്രദ്ധ നേടിക്കഴിഞ്ഞു. ചിത്രത്തിനു വേണ്ടി അക്രോബാറ്റിക് സ്വഭാവമുള്ള പാർക്കൗർ എന്ന ശാരീരികാഭ്യാസത്തിൽ ചിത്രീകരണത്തിന് മുൻപേ പ്രണവ് പരിശീലനം നേടിയത് വാർത്തയായിരുന്നു. മുമ്പ് ജിത്തു ജോസഫിന്റെ തന്നെ ലൈഫ് ഓഫ് ജോസൂട്ടി, പാപനാസം, എന്നീ ചിത്രങ്ങളിൽ പ്രണവ് മോഹൻലാൽ സംവിധാന സഹായിയായിരുന്നു.

അനുശ്രീ, ലെന, അതിഥി രവി എന്നിവരാണ് ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നത്. സതീഷ് കുറുപ്പ് ആണ് ചിത്രത്തിന്റെ ഛായാഗ്രഹണം നിർവഹിക്കുന്നത്. സിദ്ദിഖ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഷിജു വിൽസൺ, ഷറഫുദ്ദീൻ, നോബി എന്നീ യുവ താരങ്ങളും സിനിമയിലുണ്ട്.

2018 ജനുവരി ഇരുപത്തിയാറിന് ചിത്രം റിലീസ് ചെയ്‌തേക്കുമെന്നാണ് റിപ്പോർട്ട്. മോഹൻ ലാലിന്റെ എക്കാലത്തെയും ഹിറ്റായ നരസിംഹവും ഇതേ ഡേറ്റിൽ തന്നെയായിരുന്നു റിലീസ് ചെയ്തത്. അതുകൊണ്ട് തന്നെ അച്ഛന്റെ ചരിത്രം ആവർത്തിക്കുമൊയെന്നയറിയാനുള്ള കാത്തിരിപ്പിലാണ് ആരാധകർ.

Read more

മമ്മൂട്ടിയുടെ മാസ്റ്റർ പീസിന്റെ ട്രെയിലർ പുറത്തിറങ്ങി

രാജാധിരാജക്ക് ശേഷം അജയ് വാസുദേവൻ ഒരുക്കുന്ന മമ്മൂട്ടി ചിത്രം മാസ്റ്റർപീസിന്റെ ട്രെയിലർ പുറത്ത് വിട്ടു. ഇംഗ്ലീഷ് പ്രൊഫസ്സറായ എഡ്വേർഡ് ലിവിങ്സ്റ്റൺ എന്ന എഡ്ഡിയുടെ കിടിലൻ ഡയലോഗുകളും ആക്ഷനും കോർത്തിണക്കിയതാണ് ട്രെയലർ.

ആക്ഷൻ രംഗങ്ങൾ കൊണ്ട് സമൃദമായ ചിത്രത്തിന്റെ ട്രെയിലർ ആരാധകരുടെ പ്രതീക്ഷ വർധിപ്പിച്ചിരിക്കുകയാണ്. ആദ്യം പുറത്ത് വിട്ട ടീസറിൽ മമ്മുക്കയുടെ സംഭാഷണമില്ലെന്ന കുറവ് ട്രെയിലറിൽ തീർത്തിട്ടുണ്ട്.

പുലിമുരുകന് ശേഷം ഉദയ് കൃഷ്ണ തിരക്കഥയൊരുക്കുന്ന ചിത്രത്തിൽ വൻ താരനിരയാണ് അണിനിരക്കുന്നത്. മുകേഷ്, ഉണ്ണി മുകുന്ദൻ, കലാഭവൻ ഷാജോൺ, ഗോകുൽ സുരേഷ്, മഖ്ബൂൽ സൽമാൻ, ദിവ്യദർശൻ, പൂനം ബാജ്വ, വരലക്ഷ്മി ശരത്കുമാർ, ജനാർദ്ദനൻ, വിജയകുമാർ, നന്ദു, സന്തോഷ് പണ്ഡിറ്റ്, പാഷാണം ഷാജി, ജോളി മൂത്തേടൻ തുടങ്ങിയവർക്കൊപ്പം ആയിരത്തിലേറെ കോളേജ് വിദ്യാർത്ഥികളും ചിത്രത്തിൽ വേഷമിടുന്നു.

വിനോദ് ഇല്ലംപള്ളിയാണ് ക്യാമറ കൈകാര്യം ചെയ്തത്. റോയൽ സിനിമാസിന്റെ ബാനറിൽ സി.എച്ച്.മുഹമ്മദ് നിർമ്മിക്കുന്ന ചിത്രം ഉദയ് കൃഷ്ണയുടെ നേതൃത്വത്തിലുള്ള യുകെ സ്റ്റുഡിയോസ് വിതരണം ചെയ്യും.

Read more

കല്പനയുടെ മകൾ ശ്രീമയും വെള്ളിത്തിരയിലേക്ക്

അന്തരിച്ച പ്രശശ്ത നടി കല്പനയുടെ മകൾ ശ്രീമയി വെള്ളിത്തിരയിലേക്ക് ചുവടുവയ്ക്കുന്നു. സംവിധായകൻ കമലിന്റെ അസോസിയേറ്റായി പ്രവർത്തിച്ചിരുന്ന സുമേഷ് ആദ്യമായി ഒരുക്കുന്ന ചിത്രത്തിലൂടെയാണ് ശ്രീമയിയുടെ സിനിമാ പ്രവേശം.

കുഞ്ചിയമ്മയും അഞ്ച് മക്കളും എന്ന് പേരിട്ടിരിക്കുന്ന ചിത്രം പുതുമുഖങ്ങൾക്ക് പ്രാധാന്യം നൽകുന്ന ചിത്രമാണ്. സിനിമയുടെ ചിത്രീകരണം ജനുവരിയോടെ ആരംഭിക്കും. ജൂണിൽ ചിത്രം തിയേറ്ററുകളിൽ എത്തും

ഇന്ത്യൻ നിർമ്മിത സാധനങ്ങൾ മാത്രം വിൽക്കുന്ന ഒരു വ്യാപാരകേന്ദ്രമായ ഗാന്ധി ബസാറിനെ കേന്ദ്രീകരിച്ചാണ് സിനിമ. ഗാന്ധി ബസാറിന്റെ സംരക്ഷകരായ 20 വയസ്സുള്ള കുഞ്ചിയമ്മയും 40 വയസ്സിനുമേൽ പ്രായമുള്ള അഞ്ച് 'മക്കളും' തമ്മിലുള്ള ആത്മബന്ധത്തിന്റെ കഥയാണിത്. ഹാസ്യത്തിന് പ്രാധാന്യം നൽകുന്ന ചിത്രത്തിൽ കുഞ്ചിയമ്മയുടെ അഞ്ച് മക്കളായി കലാഭവൻ ഷാജോൺ, ശ്രീജിത് രവി, ഇർഷാദ്, സാജു നവോദയ, ബിനു പപ്പു എന്നിവരും അഭിനയിക്കുന്നു. ഇവരോടൊപ്പം തമിഴ് നടൻ നാസർ, ടിനി ടോം, സുധീർ കരമന എന്നിവരും വേഷമിടുന്നു. അബ്രാ മൂവീസിന്റെ ബാനറിലാണ് ചിത്രം നിർമ്മിക്കുന്നത്.

Read more

സലീം കുമാറിന്റെ ദൈവമേ കൈതോഴാം കെ കുമാറാകാണത്തിന്റെ മേക്കിങ് വീഡിയോ പുറത്ത്

സലിംകുമാർ സംവിധാനം ചെയ്യുന്ന ' ദൈവമേ കൈതൊഴാം, കെ. കുമാറാകണം' എന്ന ചിത്രത്തിന്റെ ഷൂട്ടിങ് വിശേഷങ്ങളുമായി മേക്കിങ് വിഡിയോ പുറത്തിറങ്ങി.ഫൺ ഫാമിലി എന്റർടെയ്‌നർ എന്ന നിലയ്ക്ക് ഒരുങ്ങിയ ചിത്രം ജനുവരിയിൽ തിയറ്ററുകളിലെത്തിക്കാനാണ് അണിയറ പ്രവർത്തകർ ഒരുങ്ങുന്നത്. ഷൂട്ടിങിന്റെ ആദ്യ ദിനങ്ങൾ മുതലുള്ള രംഗങ്ങൾ വീഡിയോയിലൂടെ പ്രേക്ഷകർക്ക് മുന്നിലെത്തിക്കുകയാണ് ഇപ്പോൾ പുറത്ത് വിട്ടിരിക്കുന്ന മേക്കിങ് വീഡിയോയിലൂടെ.

സലിം കുമാർ ആദ്യമായി സംവിധാനം ചെയ്യുന്ന എന്റർടെയ്‌നർ ഫൺ മൂവി എന്ന സവിശേഷതയും ചിത്രത്തിനുണ്ട്. സലിം കുമാറും ചിത്രത്തിൽ ഒരു പ്രധാന വേഷത്തിൽ അഭിനയിക്കുന്നുണ്ട്.ചിത്രത്തിൽ അനുശ്രിയാണ് നായികയായി എത്തുന്നത്.കംപാർട്ട്‌മെന്റ്, കറുത്ത യഹൂദൻ എന്നീ സിനിമകൾക്ക് ശേഷം സലീം കുമാർ സംവിധാനം ചെയ്യുന്ന ചിത്രമാണ് ദൈവമേ കൈതൊഴാം കെ കുമാറാകണം'.

സലീം കുമാർ തന്നെയാണ് ചിത്രത്തിന്റെ രചന നിർവഹിക്കുന്നതും. നാദിർഷയാണ് ചിത്രത്തിനായി സംഗീതം ഒരുക്കുന്നത്.

Read more

വിമാനത്തിന്റെ ടീസറെത്തി

കൊച്ചി: സ്വയം വിമാനങ്ങൾ നിർമ്മിച്ച് പറപ്പിച്ച, ജന്മനാ മൂകനും ബധിരനുമായ സജി തോമസായിട്ട് പൃഥ്വിരാജ് എത്തുന്ന വിമാനത്തിന്റെ ടീസറിന് മികച്ച പ്രതികരണം. നവാഗതനായ പ്രദീപ് നായർ സംവിധാനം ചെയ്യുന്ന ചിത്രത്തിൽ വലിയ താരനിരയാണ് അണിനിരക്കുന്നത്.

റബ്ബർതോട്ടങ്ങളിൽ കീടനാശിയടിക്കാൻ വന്ന ഹെലികോപ്റ്ററുകൾ കണ്ട പതിനഞ്ചു വയസ്സുകാരന്റെ സ്വപ്‌നങ്ങളിൽ നിറഞ്ഞ വിമാനം സ്വന്തമായി നിർമ്മിക്കാനുള്ള നിരന്തരപരിശ്രമങ്ങളാണ് സിനിമയുടെ ആധാരം. വിമാനനിർമ്മാണം സംബന്ധിച്ച പുസ്തകങ്ങൾ വായിച്ചും പൈലറ്റുമാരുടെ ഉപദേശങ്ങൾ തേടിയും സജി സ്വന്തമായി വിമാനം നിർമ്മാനം നിർമ്മിച്ചു പറപ്പിച്ചതാണ് പ്രിഥ്വിരാജിനെ നായകനാക്കി സിനിമയാക്കിയത്.

മുമ്പ് വിനീത് ശ്രീനിവാസൻ നായകനായി എത്തിയ എബിയുടെ കഥയുമായി വിമാനത്തിന്റെ കഥയ്ക്ക് സമാനതയുണ്ടെന്ന് കാണിച്ച് കോടതിയിലെത്തിയിരുന്നു. എന്നാൽ കോടതിയുടെ അനുവാദത്തോടെ എബി റിലീസിനെത്തുകയായിരുന്നു.

ദുർഗ കൃഷ്ണ നായികയാകുന്നു ചിത്രത്തിൽ നെടുമുടി വേണു, അലൻസിയർ, പി.ബാലചന്ദ്രൻ, ശാന്തി കൃഷ്ണ, സുധീർ കരമന എന്നിവർ പ്രധാനകഥാപാത്രങ്ങളെ അവതരിപ്പിക്കുന്നു. ജെ.സി.ഡാനിയേലിനും മൊയ്തീനും ശേഷംപൃഥ്വിരാജിന്റെ ബയോഗ്രഫിക്കൽ ചിത്രമാണ് വിമാനം.തിരക്കഥയും പ്രദീപ് തന്നെയാണ് ഒരുക്കിയിരിക്കുന്നത്. കഥാപാത്രത്തിന് വേണ്ടി വിമാനത്തിലെ കഥാപാത്രത്തിന് വേണ്ടി ശരീര ഭാരം പത്ത് കിലോയോളം പൃഥ്വരാജ് കുറച്ചിരുന്നു.മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് ചിത്രം നിർമ്മിക്കുന്നത്.

Read more

ന​ട​ൻ ക​ലാ​ഭ​വ​ൻ അ​ബി അ​ന്ത​രി​ച്ചു

കൊ​ച്ചി: ന​ട​നും മി​മി​ക്രി ക​ലാ​കാ​ര​നു​മാ​യ ക​ലാ​ഭ​വ​ൻ അ​ബി അ​ന്ത​രി​ച്ചു. കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ലാ​യി​രു​ന്നു അ​ന്ത്യം. ര​ക്ത​ത്തി​ൽ പ്ലേ​റ്റ്ല​റ്റു​ക​ൾ കു​റ​യു​ന്ന രോ​ഗ​ത്തി​ന് അ​ദ്ദേ​ഹം ഏ​റെ നാ​ളാ​യി ചി​കി​ത്സ​യി​ലാ​യി​രു​ന്നു. വ്യാ​ഴാ​ഴ്ച രാ​വി​ലെ​യാ​ണ് അ​ബി​യെ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​ത്. ആ​ശു​പ​ത്രി​യി​ൽ എ​ത്തു​ന്ന​തി​ന് മു​ൻ​പ് ത​ന്നെ മ​ര​ണം സം​ഭ​വി​ച്ചി​രു​ന്ന​താ​യി ആ​ശു​പ​ത്രി അ​ധി​കൃ​ത​ർ വ്യ​ക്ത​മാ​ക്കി. യു​വ​ന​ട​ൻ ഷെ​യ​ൻ നി​ഗം മ​ക​നാ​ണ്.

മി​മി​ക്രി രം​ഗ​ത്തെ കു​ല​പ​തി​ക​ളി​ൽ ഒ​രാ​ളാ​യി​രു​ന്നു അ​ബി. ക​ലാ​ഭ​വ​നി​ലൂ​ടെ മി​മി​ക്രി​രം​ഗ​ത്തെ​ത്തി​യ അ​ബി ത​ന​താ​യ മി​ക​വു​ക​ളി​ലൂ​ടെ മി​മി​ക്രി രം​ഗ​ത്തെ അ​ഗ്ര​ഗ​ണ്യ​നാ​യി മാ​റു​ക​യാ​യി​രു​ന്നു. ആ​മി​നാ താ​ത്ത​യാ​യും അ​മി​താ​ഭ് ബ​ച്ച​നാ​യും സ്റ്റേ​ജി​ലെ​ത്തി പ്രേ​ക്ഷ​ക​രെ കു​ടു​കു​ടാ ചി​രി​പ്പി​ക്കു​ക​യും അ​ദ്ഭു​ത​പ്പെ​ടു​ത്തു​ക​യും ചെ​യ്ത മി​മി​ക്രി താ​ര​മാ​ണ് അ​ബി. മി​മി​ക്രി​യി​ൽ നി​റ​ഞ്ഞു നി​ന്ന പ​ല ക​ലാ​കാ​ര·ാ​രും സി​നി​മ​യി​ൽ മു​ൻ​നി​ര നാ​യ​ക​ൻ​മാ​രാ​യ​പ്പോ​ൾ അ​ബി പ​ല​പ്പോ​ഴും ശ്ര​ദ്ധി​ക്ക​പ്പെ​ട്ടി​ല്ല.

ഇ​ട​ക്കാ​ല​ത്തു സി​നി​മ​യി​ൽ സ​ജീ​വ​മാ​യി​രു​ന്നെ​ങ്കി​ലും, എ​ന്തു​കൊ​ണ്ട് അ​ബി ബി​ഗ് സ്ക്രീ​നി​ൽ നി​ന്ന് അ​പ്ര​ത്യ​ക്ഷ​മാ​യി എ​ന്ന ചോ​ദ്യ​ത്തി​ന് ഞാ​നാ​രോ​ടും അ​വ​സ​രം ചോ​ദി​ച്ചു പോ​യി​ട്ടി​ല്ലെ​ന്നാ​യി​രു​ന്നു അ​ബി​യു​ടെ മ​റു​പ​ടി. എ​ന്നി​രു​ന്നാ​ലും ഒ​രി​ട​വേ​ള​യ്ക്കു ശേ​ഷം ഹാ​പ്പി വെ​ഡ്ഡിം​ഗ് എ​ന്ന ചി​ത്ര​ത്തി​ലൂ​ടെ അ​ബി മ​ട​ങ്ങി​യെ​ത്തി​യി​രു​ന്നു. 

Read more

ഈടയുടെ ടീസര്‍ പുറത്തിറങ്ങി

ഷെയ്ൻ നിഗം, തൊണ്ടിമുതലും ദൃക്‌സാക്ഷിയും ഫെയിം നിമിഷാ സജയൻ എന്നിവർ നായകനും നായികയുമാകുന്ന ഈടയുടെ ആദ്യ ടീസറെത്തി. പേരിനെ സൂചിപ്പിക്കും പോലെ വടക്കേ മലബാറിലെ പ്രദേശിക ഭാഷയാണ് ടീസറിന്റെയും പ്രത്യേകത. ചിത്രം ജനുവരി അഞ്ചിന് തീയേറ്ററുകളിൽ എത്തും. പ്രശസ്‌ത ചിത്രസംയോജകൻ ബി. അജിത്ത് കുമാർ ആദ്യമായി സംവിധാനം ചെയ്യുന്ന ഈട എൽ.ജെ. ഫിലിംസാണ് പ്രദർശനത്തിനെത്തിക്കുന്നത്.

കളക്ടീവ് ഫേസ് വൺ അവതരിപ്പിക്കുന്ന ഡെൽറ്റ സ്റ്റുഡിയോയുടെ ബാനറിൽ ഷർമ്മിള രാജയാണ് ഈട നിർമ്മിക്കുന്നത്. സുകുമാർ തെക്കേപ്പാട്ട്, ടി.ആർ. എസ്. മുത്തുകുമാർ, ഇ.കെ. അയ്യപ്പൻ എന്നിവരാണ് എക്‌സിക്യുട്ടീവ് പ്രൊഡ്യൂസർമാർ. രാജീവ് രവിയുടെ അസോസിയേറ്റായിരുന്ന പപ്പുവാണ് ഛായാഗ്രഹണം നിർവഹിക്കുന്നത്.

Read more

നടി തൊടുപുഴ വാസന്തി അന്തരിച്ചു

തൊടുപുഴ: നടിയും നാടക പ്രവർത്തകയുമായ തൊടുപുഴ വാസന്തി (65)അന്തരിച്ചു. ഇന്ന് പുലർച്ചെ വാഴക്കുളത്തെ സ്വകാര്യ ആശുപത്രിയിലായിരുന്നു അന്ത്യം. ദീർഘനാളായി അസുഖ ബാധിതയായിരുന്നു. സംസ്‌കാരം വൈകുന്നേരം നാലിന് തൊടുപുഴ മണക്കാട്ടെ സഹോദരന്റെ വസതിയിൽ നടക്കും. തൊണ്ടയിൽ കാൻസർ ബാധിച്ച് ചികിത്സയിലായിരുന്നു അവർ. പ്രമേഹരോഗം ബാധിച്ചതിനെ തുടർന്ന് വലതു കാൽ മുറിച്ചുമാറ്റിയിരുന്നു.

പിതാവ് രാമകൃഷ്ണൻ നായർ കാൻസർ രോഗബാധിതനായതോടെ വാസന്തി സിനിമയിൽനിന്നു കുറച്ചു കാലം മാറി നിന്നിരുന്നു. മൂന്നു വർഷത്തിനു ശേഷം സിനിമയിലേക്കു തിരികെ എത്തി. അപ്പോൾ ഭർത്താവ് രജീന്ദ്രനും രോഗം ബാധിതനായി. 2010 ഓഗസ്റ്റിൽ അദ്ദേഹവും പിന്നാലെ അമ്മയും മരിച്ചതോടെ വാസന്തി വീണ്ടും തനിച്ചായി.

ഇടുക്കി ജില്ലയിലെ തൊടുപുഴക്കടുത്ത് മണക്കാട് എന്ന ഗ്രാമത്തിലാണ് പി വാസന്തിയുടെ ജനനം. 450 ചിത്രങ്ങളിൽ അഭിനയിച്ചിട്ടുണ്ട്. 16ഓളം ടെലിവിഷൻ പരമ്പരകളിലും 100ലധികം നാടകങ്ങളിലും അഭിനയിച്ചു. നാടകാഭിനയത്തിന് സർക്കാർ പുരസ്‌കാരവും ഫിലിം ക്രിട്ടിക്സ് അവാർഡും ലഭിച്ചിട്ടുണ്ട്. നാടക നടൻ അച്ഛൻ രാമകൃഷ്ണൻ നായരുടെ ബാലെ ട്രൂപ്പിലൂടെയായിരുന്നു തൊടുപുഴയുടെ തുടക്കം.

വളരെ ചെറുപ്പത്തിലേ നാടകത്തിലും ബാലെ ട്രൂപ്പുകളിലും അഭിനയ ജീവിതം തുടങ്ങി.പീനൽകോഡ്' എന്ന നാടകത്തിൽ അഭിനയിക്കവെ അടൂർ ഭവാനിയാണ് തൊടുപുഴ വാസന്തി എന്ന പേരു വിളിച്ചത്. കെ.ജി ജോർജ്ജിന്റെ 'യവനിക', അതിലെ രാജമ്മ എന്ന കഥാപാത്രം അവിസ്മരണീയമാക്കി. ഇതോടെ വാസന്തി തിരക്കുള്ള നടിയായി. ആലോലം, കാര്യം നിസ്സാരം, ഗോഡ് ഫാദർ, നവംബറിന്റെ നഷ്ടം തുടങ്ങിയ ചിത്രങ്ങളിൽ ശ്രദ്ധേയ വേഷങ്ങൾ ചെയ്തു. റേഡിയോ നാടക രംഗത്തും അവർ സജീവമായിരുന്നു.

തൊടുപുഴ വാസന്തിയെ സഹായിക്കാൻ ഒരുങ്ങി മലയാള സിനിമയിലെ വനിതാ കൂട്ടായ്മയായ വിമെൻ ഇൻ സിനിമ കളക്ടീവ് രംഗത്തെത്തിയിരുന്നു. രോഗബാധിതയായ ദയനീയ അവസ്ഥയിൽ കഴിയുന്ന വാസന്തിയെക്കുറിച്ചുള്ള വാർത്തകൾ മാധ്യമങ്ങളിൽ വന്നതിന് തൊട്ടുപിന്നാലെയാണ് ഡബ്ല്യൂസിസി സഹായവുമായി രംഗത്ത് വന്നത്.

സിനിമയിൽ അവസരം കുറഞ്ഞപ്പോൾ വരമണി നാട്യാലയം നൃത്തവിദ്യാലയം തുടങ്ങി. രണ്ടുവർഷം മുൻപ് അതു പൂട്ടി. ഇതോടെ ജീവിതം നരകയാതനയിലുമായി.

Read more

വിനീത് ശ്രീനിവാസൻ ചിത്രം "ആന അലറലോടലറൽ"ലെ ഗാനങ്ങൾ റിലീസ് ചെയ്തു

കൊച്ചി: ഡിസംബറിൽ തീയേറ്ററുകളിൽ എത്തുന്ന വിനീത് ശ്രീനിവാസൻ ചിത്രം 'ആന അലറലോടലറൽ'ലെ ഗാനങ്ങൾ റിലീസ് ചെയ്തു. ചിത്രത്തിലെ അഞ്ചു ഗാനങ്ങൾക്കും സംഗീതം നൽകിയിരിക്കുന്നത് ഷാൻ റഹ്മാനാണ്. വിനീത് ശ്രീനിവാസനും മനു മഞ്ജിത്തുമാണ് ഗാനരചന നിർവഹിച്ചത്.

ചിത്രത്തിന്റെ ഓഡിയോ ലോഞ്ച് ചടങ്ങ് കൊച്ചിയിൽ വെന്നാണ് നടന്നത്. വിനീത് ശ്രീനിവാസൻ, ഷാൻ റഹ്മാൻ, അനു സിതാര, തെസ്‌നി ഖാൻ, ഗായകരായ സച്ചിൻ ബാലു, ശ്രേയ ജയദീപ്, ഗൗരി ലക്ഷ്മി, ചിത്രത്തിന്റെ തിരക്കഥ ഒരുക്കിയ ശരത് ബാലൻ, ചിത്രത്തിന്റെ സംവിധായകൻ ദിലീപ് മേനോൻ, ചിത്രത്തിന്റെ നിർമ്മാതാവ് സിബി തോട്ടുപുറം, മ്യൂസിക്247ന്റെ ഹെഡ് ഓഫ് ഒപറേഷൻസ് സൈദ് സമീർ തുടങ്ങിയവരും മറ്റു അണിയറപ്രവർത്തകരും ചടങ്ങിൽ പങ്കെടുത്തു.

ശരത് ബാലന്റെ തിരക്കഥയിൽ നവാഗതനായ ദിലീപ് മേനോൻ സംവിധാനം നിർവഹിച്ച ചിത്രത്തിൽ വിനീത് ശ്രീനിവാസൻ, അനു സിതാര, സുരാജ് വെഞ്ഞാറമൂട്, തെസ്‌നി ഖാൻ, മാമുക്കോയ എന്നിവരാണ് പ്രധാന വേഷങ്ങളിൽ അഭിനയിക്കുന്നത്. ഛായാഗ്രഹണം ദീപു എസ് ഉണ്ണിയും ചിത്രസംയോജനം മനോജുമാണ് നിർവഹിച്ചിരിക്കുന്നു. പോയട്രി ഫിലിം ഹൗസിന്റെ ബാനറിൽ സിബി തോട്ടുപുറം, നേവീസ് സേവ്യർ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. മ്യൂസിക്247നാണ് ഒഫീഷ്യൽ മ്യൂസിക് പാർട്ണർ.

Read more

ലിജോ ജോസ് പല്ലിശേരി ചിത്രം ഈ മ യൗവിന്റെ ടീസർ കാണാം

അങ്കമാലി ഡയറീസിന് ശേഷം ലിജോ ജോസ് പെല്ലിശ്ശേരി ഒരുക്കുന്ന ചിത്രം ഈ. മ. യൗ റിലിസിനൊരുങ്ങുകയാണ്. ഇതിന് മു്‌ന്നോടിയായി ചിത്രത്തിന്റെ ടീസർ പുറത്തിറങ്ങി. വെറും പതിനെട്ട് ദിവസം കൊണ്ട് ഈ ചിത്രത്തിന്റെ ഷൂട്ടിങ് പൂർത്തിയാക്കിയത്.

വിനായകൻ, ചെമ്പൻ വിനോദ് ജോസ്, ദിലീഷ് പോത്തൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഈശോ മറിയം യൗസേഫ് എന്നതിന്റെ ചുരുക്കപ്പേരാണ് ഈ. മ. യൗ. ചിത്രത്തിന്റെ ആദ്യ ടീസർ നടൻ ജയസൂര്യയാണ് പുറത്തിറക്കിയത്. മികച്ച അഭിപ്രായവും ടീസറിന് ലഭിച്ചിരുന്നു.

കൊച്ചി കേന്ദ്രമാക്കിയാണ് ചിത്രം ഒരുക്കിയിരിക്കുന്നത്. രാജേഷ് കുളങ്ങര നിർമ്മിക്കുന്ന ചിത്രത്തിന്റെ രചന പി.എഫ് മാത്യൂസാണ്. ഷൈജു ഖാലിദാണ് ഛായാഗ്രാഹകൻ. ഡിസംബറിൽ ഈ. മ. യൗ തീയേറ്ററുകളിലെത്തും.

Read more

മമ്മൂട്ടി ചിത്രം മാസ്റ്റർപീസിന്റെ ടീസർ പുറത്തിറങ്ങി

മമ്മൂട്ടി ആരാധകർ ആവേശത്തോടെ കാത്തിരിക്കുന്ന ചിത്രം മാസ്റ്റർപീസിന്റെ ടീസർ പുറത്തിറങ്ങി. പ്രൊഫസർ എഡ്ഡി എന്ന കഥാപാത്രത്തെയാണ് മമ്മൂട്ടി ഈ ചിത്രത്തിൽ അവതരിപ്പിക്കുന്നത്. ക്യാമ്പസ് ത്രില്ലറായ ചിത്രത്തിൽ കോളജിലെ ഗുണ്ടായിസം അവസാനിപ്പിക്കാനായി ഇറങ്ങിപ്പുറപ്പെടുന്ന ഇംഗ്ലീഷ് പ്രൊഫസറാണ് എഡ്ഡി. ഇതിനകം ആറ് ലക്ഷത്തിൽ അധികം പേരാണ് ചിത്രത്തിന്റെ ടീസർ യൂട്യൂബിലൂടെ കണ്ടത്.

ക്രിസ്മസ് റിലീസ് ചിത്രത്തിന്റെ ടീസർ മെഗാ സ്റ്റാർ തന്നെയാണ് ഫേസ്‌ബുക്കിലൂടെ പുറത്തുവിട്ടത്. മമ്മൂട്ടിക്കൊപ്പം മികച്ച വേഷത്തിൽ ഉണ്ണി മുകുന്ദനുമെത്തുന്ന ചിത്രമാണ് മാസ്റ്റർപീസ്. അജയ് വാസുദേവ് സംവിധാനംചെയ്യുന്ന ചിത്രത്തിന്റെ തിരക്കഥ ഉദയ്കൃഷ്ണയുടേതാണ്.

ഉണ്ണി മുകുന്ദൻ പൊലീസ് ഉദ്യോഗസ്ഥനായ ജോൺ തെക്കൻ എന്ന കഥാപാത്രത്തെ അവതരിപ്പിക്കുന്നു. വരലക്ഷ്മി ശരത്കുമാർ, ഗോകുൽ സുരേഷ്, മഹിമ നമ്പ്യാർ, പൂനം ബജ്വ, മഖ്ബൂൽ സൽമാൻ, മുകേഷ്, കലാഭവൻ ഷാജോൺ, സലിംകുമാർ, സന്തോഷ് പണ്ഡിറ്റ് എന്നിങ്ങനെ വൻ താരനിരയുമുണ്ട്.

Read more

തെന്നിന്ത്യൻ താരം നമിത വിവാഹിതയായി

തെന്നിന്ത്യൻ താരം നമിത വിവാഹിതയായി. ആഘോഷങ്ങൾ ഒന്നുമില്ലാതെ തിരുപ്പതിയിൽ നടന്ന വിവാഹ ചടങ്ങിൽ സുഹൃത്ത് വീരേന്ദ്ര ചൗധരിയാണ് നമിതയെ താലികെട്ടിയത്. തന്റെ വിവാഹ വാർത്ത കഴിഞ്ഞ ദിവസം താരം തന്നെയാണ് ആരാധകരുമായി പങ്കുവയ്ച്ചത്. സുഹൃത്ത് റെയ്‌സയുടെ ട്വിറ്റർ അക്കൗണ്ടിലൂടെയാണ് നമിത വിവാഹത്തെക്കുറിച്ച് തുറന്നു പറഞ്ഞത്.

ചെന്നൈയിൽ സുഹൃത്തുക്കൾക്ക് വേണ്ടി വിരുന്ന് സംഘടിപ്പിക്കും. നമിതയുടെ വിവാഹത്തെ സംബന്ധിച്ച് നേരത്തേ ഒരുപാട് പ്രചരണങ്ങളുണ്ടായിരുന്നു. തെന്നിന്ത്യൻ നടൻ ശരത് ബാബുവിനെ നമിത വിവാഹം കഴിച്ചുവെന്ന തരത്തിലുള്ള വാർത്തകൾ വന്നിരുന്നു. ഇതിനെതിരെ നമിതയും ശരത് ബാബുവും ശക്തമായ ഭാഷയിൽ പ്രതികരിച്ചിരുന്നു.

തമിഴ്, തെലുങ്ക്, മലയാളം സിനിമ മേഖലയിലായി നിരവധി ചിത്രങ്ങളിൽ വേഷമിട്ട നമിതയ്ക്ക് വലിയൊരു ആരാധക സമൂഹം കൂടെ ഉണ്ട്. 2005 മുതൽ 2013 വരെ തമിഴിൽ നമിതയുടെ കാലമായിരുന്നു. വിജയ് ചിത്രം അഴകിയ തമിഴ് മകൻ, ഞാൻ അവൻ അല്ലൈ, വ്യാപാരി തുടങ്ങിയ ചിത്രങ്ങളിലൂടെ മസാലപടങ്ങളുടെ ഭാഗമായിരുന്ന നമിത മുഖ്യധാരസിനിമയിലും സജീവമായി. പിന്നീട് അമിതമായ തടി വർധിച്ചത് നമിതയുടെ അവസരം കുറക്കുകയായിരുന്നു.

എന്നാൽ ഇന്ന് ഡയറ്റിങ്ങിലൂടെ ശക്തമായി തിരിച്ച് വരാൻ ഒരുങ്ങുകയാണ് നമിത. തന്റെ പുതിയ ചിത്രത്തിന്റെ പൂജ ചടങ്ങുകൾക്ക് അൾട്രാ ഗൽമറസ് വേഷത്തിൽ പ്രത്യക്ഷപ്പെട്ട നമിത വീണ്ടും ഗ്‌ളാമർ ലോകത്തേയ്ക്കുള്ള തന്റെ തിരിച്ച് വരവിന് കൂടിയാണ് ശ്രമിക്കുന്നത്.പുലിമുരകനിലൂടെ വീണ്ടും മൂന്നുവർഷങ്ങൾക്ക് ശേഷം രണ്ടാംവരവ് നടത്തി. പൊട്ട് എന്ന തമിഴ് ചിത്രമാണ് നമിതയുടേതായി ഇറങ്ങാനുള്ള പുതിയ പ്രോജക്ട്. തമിഴിലും തെലുങ്കിലും മലയാളത്തിലുമായി നിരവധി ആരാധകരുണ്ട് നമിതയ്ക്ക്.

1984 ൽ ഗുജറാത്തിലെ സൂറത്തിലാണ് നമിത ജനിച്ചത്, തെന്നിന്ത്യയിലും പ്രത്യേകിച്ച് തമിഴ് നാട്ടിൽ നമിതക്ക് ധാരാളം ആരാധക ക്ലബ്ബുകൾ ഉണ്ട്. പ്രശസ്ത സെർച്ച് എൻജിനായ ഗൂഗിളിൽ 2008 ൽ ഏറ്റവും കൂടുതൽ അന്വേഷിക്കപ്പെട്ട തമിഴ് നടി നമിതയായിരുന്നു.

Read more

ബിഗ് ബിയുടെ രണ്ടാം ഭാഗം വരുന്നു

കൊച്ചി പഴയ കൊച്ചിയായിരിക്കില്ല, പക്ഷേ ബിലാൽ പഴയ ബിലാൽ തന്നെയാണ്'' - എന്ന ഡയലോഗ് സൃഷ്ടിച്ച പ്രകമ്പനം ഇനിയും ഒഴിഞ്ഞുപോയിട്ടില്ല. മമ്മൂട്ടിയുടെ ഏറ്റവും മികച്ച ആക്ഷൻ കഥാപാത്രമായിരുന്നു ബിഗ് ബിയിലെ ബിലാൽ. ഛായാഗ്രഹണത്തിന്റെ സാധ്യതകൾ പരമാവധി ഉപയോഗപ്പെടുത്തി മലയാള സിനിമയെ ഹോളിവുഡ് നിലവാരത്തിലേക്ക് ഉയർത്തിയായിരുന്നു അമൽ നീരദ് ചിത്രം ഒരുക്കിയത്.

ഇപ്പോളിതാ മാസ് കഥാപാത്രമായ ബിലാൽ ജോൺ കുരിശിങ്കലായി മമ്മൂക്ക വീണ്ടുമെത്തുന്നു വെന്ന കാര്യം ഉറപ്പായിരിക്കുകയാണ്. ബിലാൽ എന്നാണ് ബിഗ്‌ബി രണ്ടാം ഭാഗത്തിന് പേരിട്ടിരിക്കുന്നത്. സംവിധായകൻ അമൽ നീരദും ഇക്കാര്യം ഫേസ്‌ബുക്ക് പേജിൽ പങ്കുവച്ചിട്ടുണ്ട്. അടുത്ത വർഷം ചിത്രം പുറത്തിറക്കാനാണ് തീരുമാനം. ദുൽഖർ സൽമാനും ഫേസ്‌ബുക്ക് പേജിൽ ഇക്കാര്യം ഷെയർ ചെയ്തിട്ടുണ്ട്.തനിക്ക് ഏറ്റവും ഇഷ്ടമുള്ള ചിത്രങ്ങളിലൊന്നാണ് ബിഗ്‌ബിയെന്നും മലയാളസിനിമയിൽ സ്റ്റൈലിന്റെ പര്യായമായ ബിലാലിനെ രണ്ടാംവരവിനായി കാത്തിരിക്കാൻ ക്ഷമയില്ലെന്നും ദുൽഖർ ഫേസ്‌ബുക്കിൽ കുറിച്ചു.ബിഗ് ബിയുടെ രണ്ടാം ഭാഗത്തിൽ ദുൽഖർ എത്തുന്നുണ്ടെന്ന് സോഷ്യൽ മീഡിയയിൽ വ്യാപക പ്രചരണമുണ്ട്. എന്നാൽ ഇതുസംബന്ധിച്ച ഔദ്യോഗിക വിവരം ലഭ്യമല്ല.

എടുത്ത് വളർത്തിയ നാല് സഹോദരങ്ങളുടെ കഥ പറയുന്ന ചിത്രമാണ് ബിഗ് ബി. ബിലാൽ എന്നാണ് മമ്മൂട്ടിയുടെ കഥാപാത്രത്തിന്റെ പേര്. അത് തന്നെയാണ് ചിത്രത്തിന്റെ രണ്ടാം ഭാഗത്തിനും നൽകിയിരിക്കുന്നത്.

Read more

"ഗ്രേറ്റ്ഫാദര്‍" തെലുങ്കിലേക്ക്

ഹൈദരാബാദ്: ഒടുവിൽ ഗ്രേറ്റ്ഫാദറും തെലുങ്ക് സംസാരിക്കാനൊരുങ്ങുന്നു. മമ്മൂട്ടിയുടെ സൂപ്പർഹിറ്റ് ചിത്രം ദ ഗ്രേറ്റ് ഫാദർ തെലുങ്കിലേക്ക് റീമേക്ക് ചെയ്യാൻ ഒരുങ്ങുകയാണ് സൂപ്പർസ്റ്റാർ വെങ്കിടേഷ്

ഹനീഫ് അദേനി സംവിധാനം ചെയ്ത ദി ഗ്രേറ്റ്ഫാദർ മലയാളത്തിലെ മികച്ച സ്‌റ്റൈലിഷ് ത്രില്ലറാണ്. ചിത്രത്തിന്റെ ഷൂട്ടിങ്ങ് 2018ൽ ആരംഭിക്കാനാണ് തീരുമാനം, എന്നാൽ ചിത്രത്തിന്റെ അണിയറ പ്രവർത്തകരുടെ വിവരങ്ങൾ ഇത് വരെ പുറത്ത് വിട്ടിട്ടില്ല.

ഗ്രേറ്റ് ഫാദർ ഇഷ്ടപ്പെട്ട വെങ്കിടേഷ് തന്നെയാണ് റീമേക്കിനുള്ള നീക്കങ്ങൾ നടത്തുന്നത്. ഇതിന് മുമ്പ് മോഹൻലാലിനെ നായകനായിക്കി ജീത്തു ജോസഫ് സംവിധാനം ചെയ്ത ഫാമിലി ത്രില്ലറായ ദൃശ്യം തെലുങ്കിലേക്ക് വെങ്കിടേഷ് റീമേക്ക് ചെയ്തിരുന്നു.

മാധവനെ നായകനാക്കി തമിഴിലും ഹിന്ദിയിലുമായി ഒരുക്കിയ ഇരുതി സുട്രുവിന്റെ തെലുങ്ക് റീമേക്കായ ഗുരുവിലും വെങ്കിടേഷായിരുന്നു നായകൻ, സമീപ കാലത്ത് ശ്രദ്ധിക്കപ്പെട്ട മൂന്നാമത്തെ ചിത്രത്തിനാണ് റീമേക്ക് ഒരുക്കാൻ വെങ്കിടേഷ് മുൻകൈയെടുക്കുന്നത്.

Read more

പ്രണവിന്റെ "ആദി" ഫസ്റ്റ് ലുക്ക് പോസ്‌റ്റർ എത്തി

മലയാളത്തിന്റെ പ്രിയ നടൻ മോഹൻലാലിന്റെ മകൻ പ്രണവ് മോഹൻലാൽ നായകനാകുന്ന 'ആദി'യുടെ ഫസ്‌റ്റ് ലുക്ക് പോസ്‌റ്റർ എത്തി. ആക്ഷന് ഏറെ പ്രാധാന്യം നൽകുന്ന ചിത്രം ഒരുക്കുന്നത് ജീത്തു ജോസഫ് ആണ്. 'ചിത്രത്തിന്റെ അവസാനഘട്ട ചിത്രീകരണം ഹൈദരാബാദിൽ പുരോഗമിക്കുകയാണെന്നും ഒരു മികച്ച ചിത്രം തന്നെ പ്രേക്ഷകർക്ക് സമ്മാനിക്കാനാവും എന്ന വിശ്വാസത്തോടെയും പ്രാർത്ഥനയോടെയും' എന്ന പോസ്‌റ്റോടു കൂടി ജീത്തു തന്നെയാണ് ആദിയുടെ ഫസ്‌റ്റ് ലുക്ക് പോസ്‌റ്റർ പുറത്തു വിട്ടത്.

നായകനാകുന്നതിനൊപ്പം മറ്റൊരു 'സർപ്രൈസ്' കൂടി ആരാധകർക്കായി പ്രണവ് ഒരുക്കുന്നുണ്ട്. സന്തോഷ് വർമ്മയ്‌ക്കൊപ്പം ചിത്രത്തിൽ പ്രണവും ഗാനങ്ങൾ എഴുതുന്നുണ്ടെന്നതാണ് ആ സർപ്രൈസ്. എന്തായാലും തന്റെ അഭിനയം കൊണ്ട് എന്നും ആരാധകരെ വിസ്‌മയിപ്പിച്ചിട്ടുള്ള താര രാജാവിന്റെ മകൻ ഒളിപ്പിച്ചു വച്ചിരിക്കുന്ന അത്ഭുതങ്ങൾ കാത്തിരുന്നു തന്നെ കാണാം. ജനുവരി 26നാണ് ചിത്രം റിലീസ് ചെയ്യുന്നത്.

Read more

പുണ്യാളനിലെ ആദ്യ ഗാനം എത്തി

ജയസൂര്യ നായകനാവുന്ന പുണ്യാളൻ പ്രൈവറ്റ് ലിമിറ്റഡിലെ അനിമേഷൻ ഗാനം പുറത്തിറങ്ങി. നാലുകൊമ്പുള്ള കുഞ്ഞാന.. നാടു ചുറ്റണ പൊന്നാന എന്ന് തുടങ്ങുന്ന ഗാനം ആലപിച്ചിരി ക്കുന്നത് വിനീത് ശ്രീനിവാസനാണ്....സന്തോഷ് വർമയുടെ വരികൾക്ക് ആനന്ദ് മധുസൂദനൻ ആണ് ഈണം പകർന്നത്.

ഹിറ്റ് ചിത്രമായ പുണ്യാളൻ അഗർബത്തീസിന്റെ രണ്ടാം ഭാഗമായാണ് ചിത്രം ഒരുങ്ങുന്നത്. 2013ൽ പുറത്തിറങ്ങി ഗംഭീര വിജയം കൈവരിച്ച പുണ്യാളൻ അഗർബത്തീസിലെ ആനപ്പിണ്ടം തപ്പി നടക്കുന്ന ജോയ് താക്കോൽക്കാരൻ ജയസൂര്യയുടെ കരിയറിലെ ഏറ്റവും മികച്ച കഥാപാത്രങ്ങളിൽ ഒന്നാണ്.

ചിത്രത്തിൽ അജു വർഗീസ് അവതരിപ്പിച്ച ഗ്രീനുവും ശ്രീജിത്ത് രവിയുടെ അഭയ് കുമാറുമെല്ലാം ശ്രദ്ധേയമായ കഥാപാത്രങ്ങളായിരുന്നു. എന്നാൽ ആദ്യഭാഗത്തിലെ നായിക നൈലാ ഉഷയ്ക്ക് പകരം എത്തുന്നത് ശ്രുതി രാമചന്ദ്രനാണ്. നവംബർ 17ന് ചിത്രം തീയേറ്റുകളിലെത്തും.

Read more

ഐ.വി. ശശി അന്തരിച്ചു

ചെന്നൈ: പ്രശസ്ത സംവിധായകൻ ഐ.വി.ശശി (69) അന്തരിച്ചു. ചെന്നൈയിലെ സാലിഗ്രാമത്തിലുള്ള വസതിയിൽ നിന്ന് ആശുപത്രിയിലേക്ക് കൊണ്ടുപോകവേയാണ് അന്ത്യം. അസുഖത്തെത്തുടർന്ന് ചികിത്സയിലായിരുന്നു അദ്ദേഹം. ഭാര്യയും നടിയുമായ സീമയാണ് മരണവിവരം മാധ്യമങ്ങളെ അറിയിച്ചത്.

1968-ൽ എ.ബി.രാജിന്‍റെ "കളിയല്ല കല്ല്യാണം' എന്ന സിനിമയിൽ കലാസംവിധായകനായിട്ടായിരുന്നു അദ്ദേഹത്തിന്‍റെ ചലച്ചിത്ര ജീവിതത്തിന്‍റെ തുടക്കം. ഛായാഗ്രഹ സഹായിയായും പ്രവർത്തിച്ചിട്ടുണ്ട്. പിന്നീട് സഹസം‌വിധായകനായും അദ്ദേഹം പ്രവർത്തിച്ചു. ആദ്യചലച്ചിത്രം ഇരുപത്തിഏഴാം വയസ്സിൽ സം‌വിധാനം ചെയ്തു. എന്നാൽ, ആദ്യം സം‌വിധാനം ചെയ്തതായി അറിയപ്പെടുന്ന ചലച്ചിത്രം 1975-ൽ പുറത്തിറങ്ങിയ ഉത്സവം ആണ്.

പിന്നീട് വന്ന "അവളുടെ രാവുകൾ' എന്ന സിനിമ മലയാളചലച്ചിത്ര ചരിത്രത്തിലെ തന്നെ വൻവിജയം നേടിയ ചിത്രമാണ്. ഈ ചലച്ചിത്രം പിന്നീട് ഹിന്ദിയിലേക്കും മൊഴിമാറ്റം നടത്തിയിരുന്നു. മലയാളത്തിന് പുറമെ തമിഴിലും ഹിന്ദിയിലും ഏഴ് വീതവും തെലുങ്കിൽ രണ്ടും സിനിമകൾ അദ്ദേഹം സംവിധാനം ചെയ്തു. ദേശീയ പുരസ്കാര ജേതാവായ ഇദ്ദേഹത്തെ സംസ്ഥാന സർക്കാർ ജെ.സി.ഡാനിയേൽ പുരസ്കാരം നൽകി ആദരിച്ചിട്ടുണ്ട്.

1982ൽ "ആരൂഢത്തി'ന് ദേശീയോദ്ഗ്രഥനത്തിനുള്ള ദേശീയ അവാർഡ് ലഭിച്ചു. രണ്ടു തവണ മികച്ച സംവിധായകനുള്ള സംസ്ഥാന അവാർഡ്, ഒരു തവണ മികച്ച രണ്ടാമത്തെ ചിത്രത്തിനുള്ള അവാർഡ്, ഒരു തവണ ജനപ്രീതി നേടിയ ചിത്രത്തിനുള്ള അവാർഡ് എന്നിവ അദ്ദേഹം സ്വന്തമാക്കിയിട്ടുണ്ട്. 

Read more

നടി മേഘ്‌ന രാജിന്റെ വിവാഹ നിശ്ചയം കഴിഞ്ഞു

ബാംഗ്ലൂർ: പ്രമുഖ തെന്നിന്ത്യൻ നടി മേഘ്‌ന രാജിന്റെ വിവാഹ നിശ്ചയം കഴിഞ്ഞു. കന്നട നടൻ ചിരഞ്ജീവി സർജയുമായുള്ള വിവാഹ നിശ്ചയ ചടങ്ങുകൾ നടന്നത് ബാഗ്ലൂരിൽ നടിയുടെ വസതിയിൽ വച്ചായിരുന്നു. പ്രമുഖ കന്നട നടൻ സുന്ദർ രാജിന്റെയും പ്രമീള ജോഷൈയുടെയും മകളുമാണ് മേഘാന രാജ്.

പത്തുവർഷത്തെ പ്രണയത്തിന് ഒടുവിലാണ് ഇവർ വിവാഹിതരാകാൻ തീരുമാനിച്ചത്. കന്നട നടൻ ചിരഞ്ജീവി സർജയാണ് വരൻ. ബംഗളൂരു ജെ.പി നഗറിലുള്ള മേഘ്നയുടെ വസതിയിൽ വച്ചായിരുന്നു വിവാഹനിശ്ചയ ചടങ്ങുകൾ. ഇരുവരുടെയും അടുത്ത ബന്ധുക്കളും സുഹൃത്തുക്കളും ചടങ്ങിൽ പങ്കെടുത്തു. വൈകീട്ട് ഹോട്ടൽ ലീലാ പാലസിൽ സത്കാരം നടന്നു. ഈ വർഷം ഡിസംബർ 6 നാണ് വിവാഹം.

വിനയൻ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് മേഘ്ന മലയാളത്തിലെത്തുന്നത്. തുടർന്ന് ഓഗസ്റ്റ് 15, രഘുവിന്റെ സ്വന്തം റസിയ, ബ്യൂട്ടിഫുൾ, റെഡ് വൈൻ, മെമ്മറീസ് തുടങ്ങിയ ഒരുപിടി മലയാളം ചിത്രങ്ങളിൽ വേഷമിട്ടു. ചിരഞ്ജീവിക്കൊപ്പം ആട്ടഗര എന്ന സിനിമയിൽ ഒരുമിച്ചെത്തിയതോടെ പ്രണയമാണെന്ന ഗോസിപ്പുകൾ പ്രചരിച്ചിരുന്നു. എന്നാൽ ഇരുവരും ഇത് നിഷേധിച്ചിരിക്കുകയായിരുന്നു.ബാംഗ്ലൂർ: പ്രമുഖ തെന്നിന്ത്യൻ നടി മേഘ്‌ന രാജിന്റെ വിവാഹ നിശ്ചയം കഴിഞ്ഞു. കന്നട നടൻ ചിരഞ്ജീവി സർജയുമായുള്ള വിവാഹ നിശ്ചയ ചടങ്ങുകൾ നടന്നത് ബാഗ്ലൂരിൽ നടിയുടെ വസതിയിൽ വച്ചായിരുന്നു. പ്രമുഖ കന്നട നടൻ സുന്ദർ രാജിന്റെയും പ്രമീള ജോഷൈയുടെയും മകളുമാണ് മേഘാന രാജ്.

പത്തുവർഷത്തെ പ്രണയത്തിന് ഒടുവിലാണ് ഇവർ വിവാഹിതരാകാൻ തീരുമാനിച്ചത്. കന്നട നടൻ ചിരഞ്ജീവി സർജയാണ് വരൻ. ബംഗളൂരു ജെ.പി നഗറിലുള്ള മേഘ്നയുടെ വസതിയിൽ വച്ചായിരുന്നു വിവാഹനിശ്ചയ ചടങ്ങുകൾ. ഇരുവരുടെയും അടുത്ത ബന്ധുക്കളും സുഹൃത്തുക്കളും ചടങ്ങിൽ പങ്കെടുത്തു. വൈകീട്ട് ഹോട്ടൽ ലീലാ പാലസിൽ സത്കാരം നടന്നു. ഈ വർഷം ഡിസംബർ 6 നാണ് വിവാഹം.

വിനയൻ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് മേഘ്ന മലയാളത്തിലെത്തുന്നത്. തുടർന്ന് ഓഗസ്റ്റ് 15, രഘുവിന്റെ സ്വന്തം റസിയ, ബ്യൂട്ടിഫുൾ, റെഡ് വൈൻ, മെമ്മറീസ് തുടങ്ങിയ ഒരുപിടി മലയാളം ചിത്രങ്ങളിൽ വേഷമിട്ടു. ചിരഞ്ജീവിക്കൊപ്പം ആട്ടഗര എന്ന സിനിമയിൽ ഒരുമിച്ചെത്തിയതോടെ പ്രണയമാണെന്ന ഗോസിപ്പുകൾ പ്രചരിച്ചിരുന്നു. എന്നാൽ ഇരുവരും ഇത് നിഷേധിച്ചിരിക്കുകയായിരുന്നു.

Read more

പുണ്യാളൻ പ്രൈവറ്റ് ലിമിറ്റഡിന്റെ ട്രെയിലറെത്തി

രഞ്ജിത്ത് ശങ്കർ ജയസൂര്യ കൂട്ടുകെട്ടിൽ ഒരുങ്ങുന്ന പുതിയ ചിത്രമായ പുണ്യാളൻ പ്രൈവറ്റ് ലിമിറ്റഡിന്റെ രസകരമായ ട്രെയിലറെത്തി. പുണ്യാളൻ അഗർബത്തീസിന്റെ രണ്ടാം ഭാഗമാണിത്.

ചിത്രത്തിൽ പുതിയ ഉത്പന്നവുമായാണ് ജോയി താക്കോൽക്കാരൻ എത്തുന്നത്. പുണ്യാണൻ വെള്ളമാണ് ഇത്തവണ ജോയി രംഗത്തിറക്കുന്നത്.അജു വർഗീസ്, ശ്രീജിത്ത് രവി എന്നിവരേ ക്കൂടാതെ ധർമ്മജൻ, ഗിന്നസ് പക്രു എന്നിവരും രണ്ടാം ഭാഗത്തിലുണ്ട്.

ഡ്രീംസ് ആൻഡ് ബിയോണ്ടിന്റെ ബാനറിൽ ജയസൂര്യയും രഞ്ജിത്ത് ശങ്കറും ചേർന്നാണ് ചിത്രം നിർമ്മിച്ചിരിക്കുന്നത്. ഇരുവരുടേയും വിതരണക്കമ്പനിയായ പുണ്യാളൻ സിനിമാസ് ചിത്രം വിതരണത്തിനെത്തിക്കും.നവംബർ 17ന് ചിത്രം തീയേറ്ററിലെത്തും.

Read more

എന്‍എന്‍ പിള്ളയാകാന്‍ നിവിന്‍ പോളി

നാടകാചാര്യൻ എൻ.എൻ.പിള്ളയുടെ ജീവിതം അഭ്രപാളികളിലേക്ക്. എൻ.നാരായണപിള്ള എന്ന എൻ.എൻ.പിള്ളയുടെ' 'ഞാൻ എന്ന ആത്മകഥയെ ആധാരമാക്കിയാണ് സിനിമ തയ്യാറാക്കുന്നത്. കമ്മട്ടിപ്പാടത്തിന് ശേഷം ഛായാഗ്രാഹകനും, സംവിധായകനുമായി രാജീവ് രവിയാണ് നാടകാചാര്യന്റെ ജീവിതം സ്‌ക്രീനിലെത്തിക്കുന്നത്.നിവിൻ പോളിയാണ് ചിത്രത്തിൽ നായകനാവുന്നത്. നിവിൻ പോളിയുടെ പിറന്നാൾ ദിനമായിരുന്ന ബുധനാഴ്ചയാണ് രാജീവ് രവി പദ്ധതി പ്രഖ്യാപിച്ചത്.

അമൽ നീരദ് ചിത്രം 'ഇയ്യോബിന്റെ പുസ്തക'ത്തിന് രചന നിർവ്വഹിച്ച ഗോപൻ ചിദംബരമാണ് രാജീവ് രവി ചിത്രത്തിനും തിരക്കഥയൊരുക്കുക. ഇ4 എന്റർടെയ്ന്മെന്റ്‌സ് നിർമ്മിക്കുന്ന ചിത്രത്തിന്റെ ഛായാഗ്രഹണം മധു നീലകണ്ഠൻ. ചിത്രീകരണം അടുത്ത വർഷം ആരംഭിക്കും.

തുറന്നുപറച്ചിലുകളുടെ പേരിൽ ഏറെ ശ്രദ്ധിക്കപ്പെട്ട ആത്മകഥയാണ് എൻ.എൻ.പിള്ളയുടെ 'ഞാൻ'. 28 നാടകങ്ങളും 21 ഏകാങ്കനാടകങ്ങളും രണ്ട് നാടക പഠനങ്ങളും അദ്ദേഹം എഴുതിയിട്ടുണ്ട്.

1991ൽ സിദ്ദിഖ് ലാൽ സംവിധാനം ചെയ്ത ഗോഡ്ഫാദർ എന്ന സിനിമയിൽ അഞ്ഞൂറാൻ എന്ന കഥാപാത്രത്തെ അവതരിപ്പിച്ചുകൊണ്ടാണ് സിനിമയിലേയ്‌ക്കെത്തിയത്. ആ ഒറ്റ കഥാപാത്രത്തിലൂടെ മലയാളികൾക്കദ്ദേഹം അഞ്ഞൂറാനായി മാറി. നടൻ വിജയരാഘവനാണ് മകൻ. 1995 നവംബർ 15ന് അദ്ദേഹം അന്തരിച്ചു.

Read more

മോഹൻലാലും മഞ്ജുവും ഒന്നിക്കുന്ന വില്ലനിലെ റൊമാന്റിക് ഗാനം കാണാം

മോഹൻലാലിനെ നായകനാക്കി ബി ഉണ്ണിക്കൃഷ്ണൻ ഒരുക്കുന്ന വില്ലനിലെ അതിമനോഹരമായ ഗാനം യുട്യൂബിന്റെ ഹിറ്റ് ചാർട്ടിൽ. ഇന്നലെ വൈകുന്നേരത്തോടെ പുറത്തുവിട്ട മോഹൻലാലും നായിക മഞ്ജു വാര്യരും ഒന്നിച്ചുള്ള റോമാന്റിക് ഗാനമാണ് വൈറലാകുന്നത്. മണിക്കൂറുകൾ കൊണ്ട് തന്നെ 6 ലക്ഷത്തിലധികം പേർ ഗാനം കണ്ട് കഴിഞ്ഞു.

മോഹൻലാലും മഞ്ജുവാര്യരും ഭാര്യാ-ഭർത്താക്കന്മാരായി പ്രത്യക്ഷപ്പെടുന്ന ഗാനം ആലപിച്ചി രിക്കുന്നത് കെ.ജെ. യേശുദാസാണ്. ബി ഹരിനാരായണന്റെ വരികൾക്ക് ഫോർ മ്യുസിക്സ് സംഗീതം നൽകുന്നു. റിലീസിനു മുന്നേ റിക്കാർഡ് സ്വന്തമാക്കിയ ചിത്രമാണ് വില്ലൻ. സിനിമയുടെ ഹിന്ദി ഡബ്ബിങ് റൈറ്റ്‌സ്, ഓഡിയോ റൈറ്റ്സ്, സാറ്റലൈറ്റ് റേറ്റ്്‌സ് എന്നിവ റെക്കോഡ് തുകയ്ക്കാണ് വിറ്റ് പോയത്. ചിത്രം റിലീസിനു മുമ്പുതന്നെ 10 കോടി സ്വന്തമാക്കിക്കഴിഞ്ഞു.

മുപ്പതു കോടിയോളം മുടക്കി ബിഗ് ബജറ്റിൽ ഒരുക്കിയ വില്ലൻ തമിഴ്, തെലുങ്ക് ഭാഷകളിലും ഡബ് ചെയ്ത് പുറത്തിറക്കുന്നുണ്ട്. ചിത്രം 27ന് തീയറ്ററുകളിലെത്തും.മോഹൻലാൽ സോൾട്ട് ആൻഡ് പെപ്പർ ലുക്കിൽ എത്തുന്ന വില്ലൻ ഒരു കംപ്ലീറ്റ് ത്രില്ലർ ചിത്രമാണ്. വിരമിച്ച പൊലീസ് ഓഫീസറായാണ് ചിത്രത്തിൽ മോഹൻലാൽ വേഷമിടുന്നത്.

മോഹൻലാലിനൊപ്പം കോളിവുഡ് താരം വിശാൽ, ഹൻസിക, സിദ്ദീഖ്, അജു വർഗീസ്, ചെമ്പൻ വിനോദ് ജോസ് എന്നിവരും ചിത്രത്തിലുണ്ട്.റോക്ക്ലിൻ വെങ്കിടേഷാണ് ചിത്രത്തിന്റെ നിർമ്മാണം. പീറ്റർ ഹെയ്ൻ സംഘട്ടന രംഗങ്ങളൊരുക്കുന്നു. ബി കെ ഹരിനാരായണന്റെ വരികൾക്ക് ഫോർ മ്യൂസിക്‌സ് ഗ്രൂപ്പാണ് സംഗീതം.

Read more

ജയസൂര്യ- രഞ്ജിത്ശങ്കർ ടീമിന്റെ പുണ്യാളൻ പ്രൈവറ്റ് ലിമിറ്റഡിന്റെ ട്രെയിലർ കാണാം

ജയസൂര്യ- രഞ്ജിത്ശങ്കർ ടീമിന്റെ പുതിയ ചിത്രം പുണ്യാളൻ പ്രൈവറ്റ് ലിമിറ്റഡിന്റെ ട്രെയിലർ പുറത്തിറങ്ങി. വിപണിയിൽ പുതിയതായി ഇറങ്ങുന്ന ഉത്പന്നത്തെ പരിചയപ്പെടുത്തുന്ന തരത്തിലാണ് ട്രെയ്ലർ. 2013ൽ പുറത്തിറങ്ങിയ സൂപ്പർഹിറ്റ് ചിത്രം പുണ്യാളൻ അഗർബത്തീസിന്റെ രണ്ടാം ഭാഗമാണ് പുണ്യാളൻ പ്രൈവറ്റ് ലിമിറ്റഡ്.

പുണ്യാളൻ അഗർബത്തീസിന് പകരം പുതിയൊരു പ്രോഡക്;ടുമായാണ് ട്രെയിലർ ലോഞ്ച് ചെയ്തിരിക്കുന്നത്. കേരളത്തിലെ വെള്ളം ലോകമാർക്കറ്റിൽ ഇറക്കാൻ പോകുന്ന ജോയി താക്കോൽക്കാരനായാണ് ചിത്രത്തിൽ ജയസൂര്യ എത്തുന്നത്. 'പ്രേതം', 'സൺഡേ ഹോളിഡേ' എന്നീ ചിത്രങ്ങളിലൂടെ ശ്രദ്ധേയയായ ശ്രുതി രാമചന്ദ്രനാണ് ചിത്രത്തിലെ നായിക.

അജു വർഗീസ്, ശ്രീജിത്ത് രവി, വിജയരാഘവൻ, സുനിൽ സുഖദ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. നവംബറിൽ ചിത്രം തീയേറ്ററുകളിലെത്തും.

Read more

ഷാഫി-ബിജു മേനോൻ ചിത്രം ഷെർലക് ടോംസ് ട്രെയിലർ കാണാം

ടു കൺട്രീസ് എന്ന സൂപ്പർഹിറ്റ് ചിത്രത്തിന് ശേഷം ഷാഫി സംവിധാനം ചെയ്യുന്ന ഷെർലക് ടോംസ് എന്ന ചിത്രത്തിന്റെ ട്രെയിലർ പുറത്തിറങ്ങി. ചിത്രത്തിൽ ബിജു മേനോനാണ് നായകൻ.ഒന്നര മിനിട്ട് നീളുന്ന ട്രെയിലർ മുഴുനീള കോമഡി ചിത്രമാണെന്ന സൂചന നൽകുന്നു.

ചോക്ലേറ്റ്, മേക്കപ്മാൻ എന്നീ ചിത്രങ്ങൾക്കുശേഷം സച്ചി ഷാഫിക്കു വേണ്ടി തിരക്കഥ രചിക്കുന്നു എന്ന പ്രത്യേകതയും ഈ ചിത്രത്തിനുണ്ട്.കുട്ടിക്കാലം മുതൽ ഷെർലക് ഹോംസ് കഥകൾ വായിച്ചു വളരുന്ന ടോമിന്റെ ആഗ്രഹം വലുതാകുമ്പോൾ ഒരു കുറ്റാന്വേഷകൻ ആകണമെന്നായിരുന്നു. ഇതിനായി ഐ.പി.എസ് ആഗ്രഹിച്ച് സിവിൽ സർവ്വീസ് എഴുതുന്ന ടോമിന് പക്ഷെ ലഭിക്കുന്നത് ഐ.ആർ.എസ് ആണ്. പിന്നീട് നടക്കുന്ന രസകരമായ സംഭവങ്ങളാണ് സിനിമയുടെ ഇതിവൃത്തം.

Read more

മമ്മൂട്ടിയും പൃഥ്വിരാജും വീണ്ടും

പോക്കിരി രാജ എന്ന ഹിറ്റ് ചിത്രത്തിന് ശേഷം മമ്മൂട്ടിയും പൃഥ്വിരാജും വീണ്ടും ഒന്നിക്കുന്നു. ഇത്തവണ സച്ചി സംവിധാനംചെയ്യുന്ന പുതിയ ചിത്രത്തിലാണ് ഇരുവരും ഒന്നിച്ച് അഭിനയിക്കുന്നത്. ചിത്രത്തിന്റെ അണിയറപ്രവർത്തനങ്ങൾ ഉടൻ ആരംഭിക്കും. എന്നാൽ ഈ സിനിമയിൽ നായിക ആരെന്ന് വ്യക്തമല്ല. ചിത്രത്തെ കുറിച്ചുള്ള കൂടുതൽ വിവരങ്ങൾ പിന്നീട് പുറത്ത് വിടും.

മമ്മൂട്ടിയുടെ പിറന്നാൾ ദിനത്തിൽ മമ്മൂട്ടിയുമൊത്ത് വീണ്ടും ഉടൻ അഭിനയിക്കുമെന്ന് പൃഥ്വിരാജ് പറഞ്ഞിരുന്നു. പോക്കിരി രാജയിലാണ് ഇരുവരും ഒന്നിച്ച് അഭിനയിച്ചത്. പോക്കിരി രാജയ്ക്ക് ശേഷം വൈശാഖ് ഒരുക്കുന്ന രാജ 2ലും ഇരുവരും ഒന്നിക്കുന്നെന്ന വാർത്തയുണ്ടായി. എന്നാൽ, ആ ചിത്രം ഇതുവരെ തുടങ്ങിയിട്ടില്ല. നേരത്തെ മുന്നറിയിപ്പ് എന്ന മമ്മൂട്ടിച്ചിത്രത്തിലും പൃഥ്വിരാജ് അതിഥിതാരമായി എത്തിയിരുന്നു.

Read more

ആസിഫ് അലി നായകനാകുന്ന കാറ്റിന്റെ ഗാനം പുറത്തിറങ്ങി

കൊച്ചി: മലയാള സിനിമ ഇൻഡസ്ട്രിയിലെ പ്രമുഖ മ്യൂസിക് ലേബൽ ആയ മ്യൂസിക് 247, 'കാറ്റ്'ൽ മുരളി ഗോപി ആലപിച്ച ഗാനം റിലീസ് ചെയ്തു. റഫീഖ് അഹമ്മദ് രചിച്ചിരിക്കുന്ന 'പോട്ടടാ പോട്ടടാ' എന്ന ഈ ഗാനത്തിന് ദീപക് ദേവ് സംഗീതം നൽകിയിരിക്കുന്നു.

അരുൺ കുമാർ അരവിന്ദ് സംവിധാനവും ചിത്രസംയോജനവും നിർവഹിച്ച 'കാറ്റ്'ൽ ആസിഫ് അലി, മുരളി ഗോപി, വരലക്ഷ്മി ശരത്കുമാർ, മാനസ രാധാകൃഷ്ണൻ, ഉണ്ണി രാജൻ പി ദേവ് എന്നിവർ അഭിനയിക്കുന്നുണ്ട്. പി പത്മരാജന്റെ ചെറുകഥകളിലെ മുഖ്യ കഥാപാത്രങ്ങളെ ആസ്പദമാക്കി ചിത്രത്തിന്റെ തിരക്കഥ ഒരുക്കിയിരിക്കുന്നത് അനന്തപത്മനാഭനാണ്. പ്രശാന്ത് രവീന്ദ്രൻ ഛായാഗ്രഹണം നിർവഹിച്ചിരിക്കുന്നു.

മ്യൂസിക് 247 നാണ് ഒഫീഷ്യൽ മ്യൂസിക് ലേബൽ. അരുൺ കുമാർ അരവിന്ദ് തന്നെയാണ് കർമ്മയുഗ് ഫിലിംസിന്റെ ബാനറിൽ 'കാറ്റ്' നിർമ്മിച്ചിരിക്കുന്നത്.

മുരളി ഗോപി ആലപിച്ച 'പോട്ടടാ പോട്ടടാ' എന്നാ ഗാനം കാണാം

Read more

ഉദാഹരണം സുജാതയുടെ ടീസര്‍ പുറത്തിറങ്ങി

മഞ്ജു വാര്യരെ പ്രധാന കഥാപാത്രമാക്കി നവാഗതനായ പ്രവീൺ സി ജോസഫ് സംവിധാനം ചെയ്യുന്ന ഉദാഹരണം സുജാത ടീസർ പുറത്തിറങ്ങി. ദുൽഖർ സൽമാനാണ് ടീസർ ഔദ്യോഗികമായി റിലീസ് ചെയ്തത്. വേറിട്ട ഗെറ്റപ്പിലാണ് മഞ്ജു ചിത്രത്തിൽ എത്തുകയെന്നാണ് ടീസർ നല്കുന്ന സൂചന. മഞ്ജുവിന്റെ കഥാപാത്രത്തിന്റെ സ്വഭാവം വ്യക്തമാക്കുന്ന ടീസറാണ് അണിയറക്കാർ പുറത്തുവിട്ടത്. രണ്ടാം വരവിലെ മഞ്ജുവിന്റെ പുതുമയുള്ള കഥാപാത്രമാകും സുജാത.

കോളനിയിൽ ജീവിക്കുന്ന സുജാത എന്ന കഥാപാത്രത്തെ മഞ്ജു അവതരിപ്പിക്കുന്നു. ജോജു ജോർജും നെടുമുടി വേണുവുമാണ് മറ്റു പ്രധാന താരങ്ങൾ. സിനിമയിൽ കലക്ടറുടെ വേഷത്തിൽ മമ്ത മോഹൻദാസുമെത്തുന്നു

ചിത്രത്തിന്റെ തിരക്കഥ നവീൻഭാസ്‌കറാണ്. അനുരാഗകരിക്കിൻവെള്ളം എന്ന സൂപ്പർഹിറ്റ് ചിത്രത്തിന് ശേഷം നവീൻ ഭാസ്‌കർ തിരക്കഥയെഴുതുന്ന ചിത്രവുമാണ് ഇത്. മധു നീലകണ്ഠൻ ആണ് ഛായാഗ്രഹണം. സംവിധായകൻ മാർട്ടിൻ പ്രക്കാട്ടും നടൻ ജോജു ജോർജും ചേർന്നാണ് നിർമ്മാണം.

Read more

കുഞ്ഞുണ്ണിയുടെ കുണ്ഠിതത്തിന്റെ മോഷൻ പോസ്റ്റർ റിലീസ് ചെയ്തു

കുഞ്ഞുണ്ണിയുടെ കുണ്ഠിതം പേരു കേൾക്കുമ്പോൾ തന്നെ ഇതിൽ എന്തോ പുതുമയുണ്ട് എന്നു തോന്നും. സണ്ണിവെയിൻ നായകനാകുന്ന പുതിയ ചിത്രത്തിന്റെ പേരാണിത്. കഴിഞ്ഞദിവസം സണ്ണി വെയിൻ പുറത്തിറക്കിയ കുഞ്ഞുണ്ണിയുടെ കുണ്ഠിതത്തിന്റെ മോഷൻ പോസ്റ്ററിന് വലിയ സ്വീകരണമായിരുന്നു സോഷ്യൽ മീഡിയയിൽ ലഭിച്ചത്. എട്ടുകാലി സിനിമ മോഹി എന്നീ രണ്ട് ഹ്രസ്വചിത്രങ്ങളിലൂടെ ശ്രദ്ധേയനായ നവാഗത സംവിധായകൻ പ്രിൻസ് ജോയി ഒരുക്കുന്ന ചിത്രമാണ് കുഞ്ഞുണ്ണിയുടെ കുണ്ഠിതം.

പ്രിസം എന്റർടൈന്മെന്റിന്റെ ബാനറിൽ പ്രേംലാൽ പട്ടാഴി, അനുരാജ് രാജൻ, രതീഷ് രാജൻ എന്നിവർ ചേർന്നാണ് കുഞ്ഞുണ്ണിയുടെ കുണ്ഠിതം നിർമ്മിക്കുന്നത്. ജിഷ്ണു ആർ നായർ  അശ്വിൻ എന്നിവർ ചേർന്ന് എഴുതിയ കഥയ്ക്ക് തിരക്കഥ ഒരുക്കിയിരിക്കുന്നത് നവീൻ ടി മണിലാൽ ആണ്. മനു മഞ്ജിത് ഹരി നാരായണൻ എന്നിവരുടെ വരികൾക്ക് സംഗീതം നൽകിയിരിക്കുന്നത് അഡ്വഞ്ചേഴ്‌സ് ഓഫ് ഓമനക്കുട്ടൻ എന്ന ചിത്രത്തിലൂടെ ശ്രദ്ധേയനായ അരുൺ മുരളീധരനാണ്. ചിത്രത്തിന്റെ ക്യാമറ ചലിപ്പിക്കുന്നത് പപ്പിനുവാണ്. ചിത്രത്തിന്റെ എഡിറ്റിങ് അർജുൻ ബെന്നും കൈകാര്യം ചെയ്യുന്നു.

ഷോർട്ട് ഫിലിമുകളിലൂടെ സിനിമാരംഗത്തേക്ക് കാലെടുത്തു വെക്കുന്ന പുതിയ പ്രതിഭകൾക്ക് പ്രചോദനം നൽകുന്നതാണ് പ്രിൻസ് ജോയിയുടെ ആദ്യ സിനിമാ പ്രവേശനം. കണ്ണൂർ ഇരിട്ടി സ്വദേശിയായ പ്രിൻസ് ജോയ് സാമ്പത്തികമായി വളരെ താഴ്ന്ന കുടുംബത്തിൽ ജനിച്ച സിനിമ സ്വപ്നം കണ്ടു നടന്ന സാധാരണ വിദ്യാർത്ഥിയായിരുന്നു. പഴശ്ശിരാജാ കോളേജ് പുൽപ്പള്ളിയിലെ ബിരുദ പഠനകാലത്ത് ജീവിതമായിരുന്നു പ്രിൻസ് ജോയിയുടെ സിനിമ സ്വപ്നങ്ങൾക്ക് ചിറകു മുളപ്പിച്ചത്. ബിരുദ പഠനകാലത്ത് എട്ടുകാലി എന്ന ഒരു ചിത്രത്തിലൂടെ  ഷോട്ട്ഫിലിം രംഗത്തേക്ക് കടന്നുവന്നു. സംസ്ഥാനദേശീയ അവാർഡുകൾ അടക്കം  നിരവധി പുരസ്‌കാരങ്ങൾ സ്വന്തമാക്കിയ എട്ടുകാലി  പ്രിൻസിന് ഒരു സിനിമാ സംവിധായകൻ  ആവാനുള്ള ഊർജ്ജം നൽകി.

പിന്നീട് ഞാൻ സിനിമ മോഹി എന്ന പേരിൽ മറ്റൊരു ഹ്രസ്വചിത്രം പ്രിൻസ് സംവിധാനം ചെയ്തു. സുനിൽ ഇബ്രാഹിം സംവിധാനം ചെയ്ത വൈ എന്ന ചിത്രത്തിലെ നായകനായ ധീരജ് ഡെന്നിയായിരുന്നു ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചത്. പിന്നീട് കരിങ്കുന്നം സിക്‌സസ് എന്ന ചിത്രത്തിൽ ദീപു കരുണാകരന്റെയും അലമാര എന്ന ചിത്രത്തിൽ മിഥുൻ മനുവൽ തോമസിന്റേയും അസിസ്റ്റന്റായി പ്രിൻസിന്റെ സിനിമാ പ്രവേശനം.

Read more

നടി പ്രിയാമണി വിവാഹിതയായി

സാധരണ താരങ്ങളുടെ വിവാഹത്തിന് ഉണ്ടാകുന്ന പതിവ് ആഡംബരങ്ങളും ആഘോഷങ്ങളു മൊക്കെ ഒഴിവാക്കി നടി പ്രിയമണി വിവാഹിതയായി. ഏറെ നാളായി പ്രണയത്തിലായിരുന്ന സുഹൃത്തും ഇവന്റ് മാനേജേറുമായ മുസ്തഫയെയാണ് നടി പ്രിയമണി രജിസ്റ്റിർ വിവാഹം ചെയ്തത്.തികച്ചും ലളിതമായി ബംഗളൂരുവിൽ നടന്ന രജിസ്റ്റർ വിവാഹത്തിൽ ബന്ധുക്കളും അടുത്ത സുഹൃത്തുക്കളും മാത്രമാണ് പങ്കെടുത്തത്.

വിവാഹത്തിന് ശേഷം ഇന്ന് ബംഗളൂരുവിലെ എലാൻ കൺവെൻഷൻ സെന്ററിൽ സിനിമാ രംഗത്തുള്ളവർക്കായി വിവാഹ സത്കാരം ഒരുക്കിയിട്ടുണ്ട്.തുടർന്ന് 2 ദിവസത്തിനുള്ളിൽ തന്നെ ശേഷിക്കുന്ന ചിത്രങ്ങളിൽ അഭിനയിക്കാനെത്തുമെന്നും നടി അറിയിച്ചു.രണ്ട് സിനിമകളാണ് പ്രിയാമണിക്ക് ഉടൻ പൂർത്തിയാക്കാനുള്ളത്.

രണ്ട് മതത്തിൽപ്പെട്ടവരായതിനാൽ ഇരുമതങ്ങളുടെയും വിശ്വാസങ്ങൾ വ്രണപ്പെടാതിരി ക്കാനാണ് വിവാഹം രജിസ്റ്റർ ചെയ്യാൻ തീരുമാനിച്ചതെന്ന് പ്രിയാമണി വ്യക്തമാക്കിയിരുന്നു. വിവാഹ ശേഷവും അഭിനയിക്കുമെന്നും താരം അറിയിച്ചിരുന്നു.

ബംഗളൂരുവിൽ ഇവന്റ് മാനേജ്മെന്റ് ബിസിനസ് നടത്തുകയാണ് മുസ്തഫ രാജ്. വർഷങ്ങൾക്ക് മുൻപ് ഒരു ഐപിഎൽ ചടങ്ങിൽവച്ചാണ് ഇരുവരും പരിചയപ്പെട്ടത്. തുടർന്ന് പ്രണയത്തിലാവു കയായിരുന്നു

2004ൽ വിനയൻ സംവിധാനം ചെയ്ത സത്യം എന്ന ചിത്രത്തിലൂടെയാണ് പ്രിയ മലയാളത്തിൽ എത്തുന്നത്. 2007ൽ പരുത്തിവീരനിലൂടെ ആ വർഷത്തെ മികച്ച നടിക്കുള്ള ദേശീയ അവാർഡും താരത്തിന് ലഭിച്ചിരുന്നു.

Read more

"ഒരു വിശേഷപ്പെട്ട ബിരിയാണി കിസ്സ" ട്രെയിലർ കാണാം

കോഴിക്കോട് ജില്ലയിലെ ഒരു ഉൾഗ്രാമത്തിൽ എല്ലാ ഞായറാഴ്ചയും നടക്കുന്ന ബിരിയാണി നേർച്ചയും നേർച്ച നടത്തുന്ന ഹാജിമാരുടെയും കഥ പറയുന്നഒരു വിശേഷപ്പെട്ട ബിരിയാണി കിസ്സയുടെ ട്രെയിലറെത്തി.ബിരിയാണിയും അതിനോടനുബന്ധിച്ച സംഭവങ്ങളുമാണ് ട്രെയിലറിൽ ഉൾപ്പെടുത്തിയിരിക്കുന്നത്.

കോസ്മിക് ഗ്ലോബൽ മീഡിയായുടെ ബാനറിൽ നവാഗതനായ കിരൺ നാരായണനാണ് ചിത്രം തിരക്കഥ രചിച്ച് സംവിധാനം ചെയ്യുന്നത്.നെടുമുടി വേണു, മാമുക്കോയ, സുനിൽ സുഖദ, ലെന എന്നിവരാണ് പ്രധാന താരങ്ങൾ. അതിഥി താരങ്ങളായി ലാൽ, ഭാവന, അജു വർഗീസ്, വിനയ് ഫോർട്ട് എന്നിവരും ചിത്രത്തിലുണ്ട്.

സഞ്ജയ് കൃഷ്ണനാണ് സംഗീത സംവിധായകൻ. ഛായാഗ്രഹണം സുനിൽ കൈമനം, എഡിറ്റിങ് അയൂബ് ഖാൻ, കലാസംവിധാനം സി.കെ. സുരേഷ്, പ്രൊഡക്ഷൻ കൺട്രോളർ പാപ്പച്ചൻ ധനുവച്ചപുരം.

Read more

മോഹൻലാൽ ചിത്രം വെളിപാടിന്റെ പുസ്തകത്തിലെ ആദ്യഗാനം വൈറലാകുന്നു

വീഡിയോ റിലീസ് ചെയത് മണിക്കൂറുകൾക്കകം തന്നെ ആരാധകർ നെഞ്ചേറ്റി സ്വീകരിച്ചിരിക്കുകയാണ് മോഹൻലാൽ ലാൽ ജോസ് ചിത്രം വെളിപാടിന്റെ പുസ്തകത്തിലെ ആദ്യ വിഡീയോ ഗാനത്തെ.നാടൻ ഈണത്തിലുള്ള എന്റമ്മേടെ ജിമിക്കി കമ്മൽ എന്ന് തുടങ്ങുന്ന ഗാനത്തിന്റെ വീഡിയോയാണ് റിലീസായി ഒരു ദിവസം പിന്നിട്ടപ്പോഴേക്കും നാല് ലക്ഷത്തോളം പേർ കണ്ടിരിക്കുന്നത്.

അങ്കമാലി ഡയറീസ് ഫെയിം ശരത് കുമാറും ജൂഡ് ആന്റണിയുമാണ് ഗാനരംഗത്തിൽ. ഗാനത്തിന്റെ ഓഡിയോ നേരത്തെ തന്നെ യൂടൂബിൽ ഹിറ്റായിരുന്നു. വിനീത് ശ്രീനിവാസനും രഞ്ജിത് ഉണ്ണിയും ചേർന്നാണ് ഗാനം ആലപിച്ചിരിക്കുന്നത്. അനൽ പനച്ചൂരാന്റെ രചനയ്ക്ക് ഷാൻ റഹ്മാനാണ് സംഗീതം.

അങ്കമാലി ഡയറീസിലൂടെ ശ്രദ്ധ നേടിയ അന്ന രേഷ്മ രാജനാണ് ചിത്രത്തിലെ നായിക. ബെന്നി പി നായരമ്പലമാണ് രചന. ആന്റണി പെരുമ്പാവൂരാണ് വെളിപാടിന്റെ പുസ്തകം നിർമ്മിക്കുന്നത്. കുർത്തയണിഞ്ഞ് സഞ്ചിയും തൂക്കി മോഹൻലാൽ സെക്കിളിലെത്തുന്ന ടീസറിന് വലിയ സ്വീകാര്യത ലഭിച്ചിരുന്നു.

Read more

മമ്മൂട്ടി ചിത്രം "പുള്ളിക്കാരൻ സ്റ്റാറാ"യുടെ ഗാനങ്ങൾ റിലീസ് ചെയ്തു

സെവൻത് ഡെക്ക് ശേഷം ശ്യാംധർ സംവിധാനം ചെയ്യുന്ന മമ്മൂട്ടി ചിത്രമായ പുള്ളിക്കാരൻ സ്റ്റാറായുടെ ഗാനങ്ങൾ പുറത്തിറങ്ങി. എഫ്ടിഎസ് ഫിലിംസിന്റെ കൂടെ യൂണിവേഴ്സൽ സിനിമയുടെ ബാനറിൽ ബി രാകേഷ് ആണ് ചിത്രം നിർമ്മിച്ചിരിക്കുന്നത്. ബക്രീദ്-ഓണം റിലീസായി ചിത്രം തിയറ്ററുകളിൽ എത്തും.

രതീഷ് രവി കഥയും തിരക്കഥയും ഒരുക്കു്ന്ന ഈ ചിത്രത്തിൽ ആശ ശരത്, ദീപ്തി സതി, ദിലീഷ് പോത്തൻ, ഇന്നസെന്റ് എന്നിവരും പ്രമുഖ വേഷങ്ങളിൽ അഭിനയിക്കുന്നുണ്ട്. ഛായാഗ്രഹണം വിനോദ് ഇല്ലമ്പള്ളിയും ചിത്രസംയോജനം രതീഷ് രാജുമാണ് നിർവഹിച്ചിരിക്കുന്നത്. പശ്ചാത്തല സംഗീതം ഗോപി സുന്ദറിന്റെതാണ്. മ്യൂസിക് 247 നാണ് ഒഫീഷ്യൽ മ്യൂസിക് ലേബൽ.

സന്തോഷ് വർമ്മ, ഹരിനാരായണൻ ബി കെ, എം ആർ ജയഗീത, വിനായക് ശശികുമാർ എന്നിവരുടെ വരികൾക്ക് എം ജയചന്ദ്രൻ ഈണം പകർന്ന നാല് ഗാനങ്ങളാണ് ആൽബത്തിലുള്ളത്. വിജയ് യേശുദാസ്, ശ്രേയ ജയദീപ്, ആൻ ഏമി എന്നിവർ ഗാനങ്ങൾ ആലപിച്ചിരിക്കുന്നു.

Read more

നവാഗത സംവിധായകൻ ബിനു ഉലഹന്നാൻ ചിത്രം മെല്ലെയുടെ ട്രെയ്‌ലര്‍ കാണാം

നവാഗതനായ ബിനു ഉലഹന്നാൻ തിരക്കഥയെഴുതി സംവിധാനം ചെയ്യുന്ന മലയാള ചിത്രം മെല്ലെയുടെ ട്രെയിലർ എത്തി. അമിത് ചക്കാലയ്ക്കൽ, തനുജ കാർത്തിക് എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിൽ ജോജു ജോർജ്, ജോയ് മാത്യു, പി ബാലചന്ദ്രൻ, വിവേക് ഭാസ്‌ക്കർ ഹരിദാസ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.

ചിത്രത്തിന്റെ ഒഫീഷ്യൽ മ്യൂസിക് പാർട്ണറായ മ്യൂസിക്247ന്റെ യൂട്യൂബ് ചാനലിലൂടെയാണ് ട്രൈലെർ പുറത്തിറക്കിയത്. ഛായാഗ്രഹണം സന്തോഷ് അനിമയും ചിത്രസംയോജനം സുനീഷ് സെബാസ്‌റ്യനുമാണ് നിർവഹിച്ചിരിക്കുന്നത്. ഡോ. ഡൊണാൾഡ് മാത്യു സംഗീതം നൽകിയിരിക്കുന്നു. പശ്ചാത്തല സംഗീതം വിജയ് ജേക്കബിന്റേതാണ്. അദ്ദേഹം ചിത്രത്തിലെ ഒരു ഗാനത്തിനും ഈണം പകർന്നിട്ടുണ്ട്. ജോണി സി ഡേവിഡ് ആണ് ത്രിയേക പ്രൊഡക്ഷൻസ്‌ന്റെ ബാനറിൽ ചിത്രം നിർമ്മിച്ചിരിക്കുന്നത്.

നാട്ടിൻപുറത്തെ സാധാരണ കുടുംബത്തിൽ ജനിച്ച് ഡോക്ടറാകുന്ന റെജിയുടെയും ആശുപത്രിയിൽ വച്ചു പരിചയപ്പെടുന്ന ഉമയുടെയും ജീവിതമാണ് മെല്ലെ എന്ന ചിത്രത്തിൽ ദൃശ്യവത്കരിക്കുന്നത്. റെജിയെ അമിത് ചക്കാലയ്ക്കലും ഉമയെ തനുജ കാർത്തികും അവതരിപ്പിക്കുന്നു.

Read more

ദുൽഖർ ചിത്രം സോളോ യുടെ ആദ്യ ടീസർ പുറത്തിറങ്ങി

തിരുവനന്തപുരം: തമിഴിലും മലയാളിത്തിലുമായി പുറത്തിറങ്ങുന്ന ദുൽഖർ ചിത്രം സോളോ യുടെ ആദ്യ ടീസർ പുറത്തിറങ്ങി. ലെഫ്.കേണൽ രുദ്ര രാമചന്ദ്രൻ എന്ന കഥാപാത്രമാണ് 1.21 മിനിറ്റ് ദൈർഘ്യമുള്ള വീഡിയോയിൽ ദുൽഖർ അവതരിപ്പിക്കുന്നത്. പുറത്തുവന്ന ടീസറിൽ വ്യക്തമാകുന്നത് നായകന്റെ പ്രണയവും പ്രണയ നഷ്ടവുമൊക്കെയാണ്.

ബോളിവുഡിൽ ശ്രദ്ധേയമായ ചിത്രങ്ങൾ ഒരുക്കിയ ബിജോയ് നമ്പ്യാർ ആദ്യമായി മലയാളത്തിലെത്തുന്ന 'സോളോ'യിൽ ആർതി വെങ്കിടേഷാണ് ദുൽഖറിന്റെ നായിക. വിവിധ ഭാഷാസിനിമകളിൽ നിന്നുള്ള ഒട്ടേറെ താരങ്ങൾ അണിനിരക്കുന്ന ചിത്രം അഞ്ച് ഭാഗങ്ങളുള്ള ചലച്ചിത്ര സമുച്ചയമാണെന്നാണ് സൂചന.

ബിജോയ്യുടെ തന്നെ നിർമ്മാണകമ്പനിയായ ഗെറ്റ്എവേ ഫിലിംസും അബാം ഫിലിംസും ചേർന്നാണ് നിർമ്മാണം. ഇതുവരെ മലയാളത്തിൽ ഇറങ്ങിയ ചിത്രങ്ങളിൽ നിന്നും വ്യത്യസ്തമായൊരു അവതരണശൈലിയായിരിക്കും ഈ സിനിമയുടേതെന്ന് ബിജോയ് ഉറപ്പിച്ചു പറഞ്ഞിരുന്നു. മണിരത്നത്തിന്റെ സംവിധാന സഹായിയായിരുന്ന ബിജോയ് നമ്പ്യാർ മോഹൻലാൽ അഭിനയിച്ച നിശബ്ദ ഹ്രസ്വചിത്രമായ റിഫ്‌ളക്ഷനിലൂടെയാണ് അരങ്ങേറ്റം കുറിച്ചത്. തുടർന്ന് മലയാളത്തിൽ ചെയ്ത രാഹു എന്ന ഹ്രസ്വചിത്രവും ഏറെ ശ്രദ്ധിക്കപ്പെട്ടു. ശൈതാനായിരുന്നു ആദ്യ ബോളിവുഡ് ചിത്രം.

വിക്രം, നീൽ നിഥിൻ മുകേഷ്, ജീവ എന്നിവരെ പ്രധാനകഥാപാത്രങ്ങളാക്കി തമിഴിലും ഹിന്ദിയിലുമായി ഡേവിഡ് എന്ന ചിത്രമൊരുക്കി. അമിതാഭ് ബച്ചൻ, ഫർഹാൻ അക്തർ എന്നിവർ പ്രധാനവേഷങ്ങളിലെത്തിയ വാസിർ ആണ് അവസാനമായി പുറത്തിറങ്ങിയ ചിത്രം. ബോളിവുഡ് താരവും മോഡലുമായ ഡിനൊ മോറിയയും ചിത്രത്തിൽ സൈനികന്റെ വേഷത്തിൽ എത്തുന്നുണ്ട്.

ദീപ്തി സതി, സുഹാസിനി, നാസർ, നേഹ ശർമ്മ, ശ്രുതി ഹരിഹരൻ, സായ് ധൻസിക, പ്രകാശ് ബെലവാടി, ഖ്വാഷിക് മുഖർജി, മനോജ് കെ.ജയൻ, ആൻ അഗസ്റ്റിൻ, സായ് തംഹങ്കർ എന്നിവർ മറ്റ് കഥാപാത്രങ്ങളെ അവതരിപ്പിക്കും. ദുൽഖർ അവതരിപ്പിക്കുന്ന കഥാപാത്രത്തിന്റെ അച്ഛനമ്മമാരായാണ് നാസറും സുഹാസിനിയും എത്തുക. മലയാളത്തിലും തമിഴിലുമായി ഒരേസമയം ചിത്രീകരിക്കുന്ന ചിത്രത്തിൽ ദുൽഖർ അവതരിപ്പിക്കുന്നത് കരിയറിൽ ഇതുവരെ ചെയ്യാത്ത ഒരു കഥാപാത്രത്തെ ആയിരിക്കുമെന്ന് ബിജോയ് നന്യാർ നേരത്തേ പറഞ്ഞിരുന്നു.

Read more

ദുൽഖർ സൽമാൻ ബോളിവുഡിലേക്ക്

മലയാളികളുടെ പ്രിയതാരം ദുൽഖർ സൽമാൻ ബോളിവുഡിലേക്കും ചുവടുവെക്കുന്നു. റോണി സ്‌ക്രുവാല നിർമ്മിക്കുന്ന ചിത്രത്തിലൂടെയാണ് ദുൽഖർ അരങ്ങേറ്റം കുറിക്കുന്നത്. അക്ഷയ് ഖുറാനയാണ് ചിത്രം സംവിധാനം ചെയ്യുന്നത്. ഇർഫാൻ ഖാൻ, മിഥില പൽക്കർ എന്നിവരാണ് മറ്റ് താരങ്ങൾ. ഹുസൈൻ ദലലും അക്ഷയ് ഖുറാനയും ചേർന്നാണ് ചിത്രത്തിന്റെ തിരക്കഥ ഒരുക്കുന്നത്.ചിത്രത്തിന്റെ പേരാ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. ഷൂട്ടിങ് സെപ്റ്റംബർ ആദ്യവാരം ആരംഭിക്കും. മലയാളത്തിൽ കുറഞ്ഞകാലം കൊണ്ട് കൂടുതൽ ആരാധകരെ ഉണ്ടാക്കിയ താരമാണ് ദുൽഖർ സൽമാൻ. ദുൽഖർ ഇതുവരെ അഭിനയിച്ച ചിത്രങ്ങളെല്ലാം തന്നെ മലയാളികൾ ഇരുകൈയും നീട്ടിയാണ് സ്വീകരിച്ചത്. ചെറുപ്പക്കാരായ പ്രേക്ഷകരുടെ ഇടയിലും വലിയ സ്വാധീനമുണ്ടാക്കാൻ കുറഞ്ഞ കാലയളവിൽ തന്നെ മലയാളത്തിന്റെ സ്വന്തം ദുൽഖറിന് സാധിച്ചിരുന്നു.

Read more

വിത്യസ്ത ലുക്കിൽ ആസിഫ് അലി; കാറ്റ് ഒഫീഷ്യല്‍ ട്രെയിലര്‍ പുറത്തിറങ്ങി

ഈ അടുത്ത കാലത്ത്, ലെഫ്റ്റ് റൈറ്റ് ലെഫ്റ്റ് എന്നീ ചിത്രങ്ങൾക്ക് ശേഷം അരുൺ കുമാർ അരവിന്ദ് സംവിധാനം ചെയ്യുന്ന കാറ്റിന്റെ ട്രെയ്ലർ പുറത്തിറങ്ങി. മുരളി ഗോപിയും ആസിഫ് അലിയും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം പത്മരാജന്റെ കഥാപാത്രങ്ങളെ അടിസ്ഥാനമാക്കിയുള്ളതാണ്. പ്തമരാജന്റെ മകൻ അനന്തപത്മനാഭനാണ് സിനിമയുടെ എഴുത്തുകാരൻ.

ആസിഫ് അലി, മുരളി ഗോപി, വരലക്ഷ്മി ശരത്കുമാർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. 2.05 മിനിറ്റ് ദൈർഘ്യമുള്ള ട്രെയ്ലറാണ് പുറത്തെത്തിയത്.സിനിമയിൽ വ്യത്യസ്തമായ ലുക്കിലാണ് ആസിഫ് എത്തുന്നത്. അദ്ദേഹത്തിന്റെ കരിയറിലെ മറ്റൊരു മികച്ച വേഷം കൂടിയായിരിക്കും ഇത്.

റഫീഖ് അഹമ്മദിന്റെ വരികൾക്ക് ദീപക് ദേവ് ഈണമൊരുക്കുന്നു. പ്രശാന്ത് രവീന്ദ്രനാണ് ക്യാമറ. കർമ്മയുഗ് ഫിലിംസിന്റെ ബാനറിൽ അരുൺകുമാർ അരവിന്ദ് തന്നെയാണ് ചിത്രം നിർമ്മിക്കുന്നത്.

Read more

വിനുമോഹന്‍ നായകനാകുന്ന പുതിയ സിനിമ "സ്ഥാന"ത്തിന്റെ പോസ്റ്റര്‍ പുറത്തിറങ്ങി

വിനു മോഹനെ നായകനാക്കി ആര്‍എംകെ പ്രൊഡക്ഷന്‍സിന്റെ ബാനറില്‍ ശിവപ്രസാദ് സംവിധാനം ചെയ്യുന്ന ചിത്രമാണ് സ്ഥാനം. ആര്‍ രാജന്‍ നായരാണ് നിര്‍മ്മാണം .സ്ഥാനത്തിന്റെ ഒഫിഷ്യല്‍ ഫേസ് ബുക്ക് പേജിലൂടെയാണ് പോസ്റ്റര്‍ പുറത്തിറക്കിയത്. ഈ സിനിമയുടെ ചിത്രീകരണം തിരുവല്ലയിലും പരിസരപ്രദേശങ്ങളിലും പുരോഗമിക്കുകയാണ്.

മലയാളത്തിന്റെ മഹാനടന്‍ പദ്മശ്രീ മധു ഒരു മികച്ച കഥാപാത്രമായി എത്തുന്ന ചിത്രം ഓണത്തിന് ശേഷം തീയറ്ററുകളില്‍ എത്തും. ഹയര്‍ സെക്കണ്ടറി കലോത്സവത്തില്‍ മികച്ച നടിയായി തെരഞ്ഞെടുക്കപ്പെട്ട മാളവിക ആണ് ചിത്രത്തിലെ നായിക.

ജോയ് മാത്യു , സുനില്‍ സുഗത ,കെ.പി എ സി ലളിത , രാകേന്ദു ,ചെത്തിപ്പുഴ വത്സമ്മ ,ലക്ഷ്മി,ശൈലജ ,വിഷ്ണു ,തിരുവല്ല സാബു, പദ്മനാഭന്‍ തമ്പി ,ഹരിലാല്‍ തുടങ്ങി വലിയ താര നിര ചിത്രത്തിലുണ്ട് . ഛായാഗ്രഹണം ശരത് ഗാന രചനകെ.ജയകുമാര്‍,സംഗീതം ഡോ: സാം കടമ്മനിട്ട ,എഡിറ്റിങ് സിദ്ധാര്‍ത്ഥ ശിവ , പ്രൊഡക്ഷന്‍ ഡിസൈനര്‍ അനില്‍ കെ.പെണ്ണുക്കര. കലാസംവിധാനംകെ ഗിരീഷ് ,പ്രൊഡക്ഷന്‍ കണ്‍ട്രോളര്‍ ജയേഷ്,ചമയംപട്ടണം റഷീദ്, ശബ്ദലേഖനംഹരികുമാര്‍ ,മുഖ്യ സംവിധാന സഹായികള്‍ സുനില്‍ സ്കറിയ മാത്യു ,വിനോദ് വിശ്വം ,സംവിധാന സഹായികള്‍പ്രവീണ്‍ ബി സാമുവേല്‍,അജിത് കുമാര്‍,പ്രൊഡക്ഷന്‍ കോ ഓര്‍ഡിനേറ്റര്‍അര്‍ജുന്‍ ആയിലത്ത്,നിശ്ചല ഛായാഗ്രഹണം ദീപ അലക്‌സ്,ഷിജു സി ബാലന്‍,വാര്‍ത്താ വിതരണം എ .എസ് ദിനേശ് ,ടൈറ്റില്‍ ഡിസൈന്‍ ബിജൂസ്.

Read more

മമ്മൂട്ടിയുടെ പുള്ളിക്കാരൻ സ്റ്റാറായുടെ ആദ്യ ടീസർ പുറത്തിറങ്ങി

മമ്മൂട്ടി നായകനാകുന്ന പുള്ളിക്കാരൻ സ്റ്റാറാ എന്ന ചിത്രത്തിന്റെ ആദ്യ ടീസർ പുറത്തിറങ്ങി. എന്റെ ചേട്ടന്മാരെ എനിക്കീ നാട്ടിലും വീട്ടിലുമൊക്കെ അത്യാവശ്യം നല്ല ചീത്തപ്പേരാാ.. എല്ലാം ഈ പെണ്ണുങ്ങളുടെ കാര്യത്തിലാ എന്ന് തുടങ്ങുന്ന ഡയലോഗും, മനസ്സറിയാത്ത കാര്യം കേൾക്കുമ്പോൾ കണ്ണീന്ന് അറിയാണ്ട് വെള്ളം വരുമെന്ന വികാര നിർഭരമായ ഡയലോഗും ചേർത്താണ് ടീസർ പുറത്തിറക്കിയിരിക്കുന്നത്.

കുടുംബ ബന്ധങ്ങൾക്ക് പ്രാധാന്യം നൽകുന്ന ചിത്രം ഒരു ഫാമിലി എന്റർടെയ്‌നറാണ്. കൊച്ചിയിൽ അദ്ധ്യാപക പരിശീലകനായി എത്തുന്ന ഇടുക്കിക്കാരനായാണ് മമ്മൂട്ടി ചിത്രത്തിൽ എത്തുന്നത്.സെവൻത്ത് ഡേ എന്ന പൃഥ്വിരാജ് ചിത്രത്തിന് ശേഷം ശ്യാംധർ സംവിധാനം ചെയ്യുന്ന ചിത്രമാണ് പുള്ളിക്കാരൻ സ്റ്റാറാ.

പുതുമുഖ തിരക്കഥാകൃത്തായ രതീഷ് രവിയാണ് ഈ ചിത്രത്തിന്റെ തിരക്കഥ. ആശ ശരത്, ദീപ്തി സതി എന്നിവരാണ് നായികമാരായി എത്തുന്നത്. ഇവരെ കൂടാതെ ഇന്നസെന്റ്, ദിലീഷ് പോത്തൻ, ഹരീഷ് കണാരൻ, സോഹൻ സീനുലാൽ എന്നിവരും ചിത്രത്തിലുണ്ട്.

Read more

ആസിഫ് അലിയുടെ സഹോദരന്‍ നായകനാകുന്ന ഹണീ ബീ 2.5 ന്റെ ട്രെയിലർ കാണാം

ഹണി ബീ 2 എന്ന സിനിമയുടെ ലൊക്കേഷനിൽ അഭിനയ മോഹം കൊണ്ട് ചാൻസ് ചോദിച്ചു വരുന്ന ഒരാളുടെ കഥ പറയുന്ന ചിത്രം ഹണി ബീ2.5ന്റെ ട്രെയിലർ എത്തി. സിനിമക്കുള്ളിലെ സിനിമയുടെ കഥപറയുന്ന ചിത്രത്തിൽ ആസിഫ് അലിയുടെ സഹോദരൻ അസ്‌കർ ആണ് നായകനാകുന്നത്. കട്ടപ്പനയിലെ ഹൃത്വിക് റോഷൻ ഫെയിം ലിജിമോളാണ് നായിക.

ഹണി ബിയിൽ അഭിനയിച്ച പലരും ഈ ചിത്രത്തിലും ഉണ്ട്. ഒരേ ലൊക്കേഷനിൽ ഷൂട്ടിങ് പൂർത്തിയാക്കിയ രണ്ടു സിനിമകൾ എന്ന അപൂർവ്വത ഹണീ ബീ 2.5 ന് അവകാശപ്പെടാം.മലയാള സിനിമയിൽ ആദ്യമായാണ് ഒരു സിനിമയുടെ ലൊക്കേഷൻ മറ്റൊരു ചിത്രത്തിന് പശ്ചാത്തലമാകുന്നത്. ആസിഫ് അലി, ഭാവന അടക്കമുള്ളവർ 2.5ലും കഥാപാത്രങ്ങളാകുന്നുണ്ട്.

ഷൈജു അന്തിക്കാട് സംവിധാനം ചെയ്യുന്ന ചിത്രം ലാൽ തന്നെയാണ് നിർമ്മിക്കുന്നത്.

Read more

ഗൗതമിയുടെ മലയാളചിത്രം "ഇ"യുടെ ഒഫീഷ്യൽ ട്രെയിലർ പുറത്തിറങ്ങി

കൊച്ചി: മലയാള സിനിമയിലേക്ക് നടി ഗൗതമിയുടെ തിരിച്ചുവരവിന് കളമൊരുക്കുന്ന ത്രില്ലർ ചിത്രം 'ഇ'-യുടെ ഒഫീഷ്യൽ ട്രെയിലർ പുറത്തിറങ്ങി. എ.എസ് പ്രൊഡക്ഷന്റെ ബാനറിൽ കുക്കു സുരേന്ദ്രനാണ് ചിത്രം സംവിധാനം ചെയ്തത്. അമിൻ സുറാനി, സംഗീത് ശിവൻ എന്നിവർ ചേർന്ന് നിർമ്മിക്കുന്ന ഇ-യുടെ തിരക്കഥയൊരുക്കിയിരിക്കുന്നത് രോഹൻ ബജാജ്, ഹരികുമാർ എന്നിവർ ചേർന്നാണ്.

ഗൗതമിയെക്കൂടാതെ ആറ് പുതുമുഖങ്ങളും ചിത്രത്തിൽ വേഷമിടുന്നു. മനോജ് പിള്ളയാണ് ഛായാഗ്രഹണം നിർവഹിച്ചിരിക്കുന്നത്. രാഹുൽ രാജാണ് സംഗീത സംവിധാനം. ഈ മാസം ചിത്രം തിയറ്ററുകളിലെത്തും.

Read more