Cinema

"തൊണ്ടിമുതലും ദൃക്സാക്ഷിയും" എന്ന ചിത്രത്തിലെ ആദ്യ വീഡിയോ സോങ് പുറത്തിറങ്ങി

2017-06-25 03:19:19am

കൊച്ചി: 'മഹേഷിന്റെ പ്രതികാര'ത്തിന് ശേഷം ദിലീഷ് പോത്തൻ സംവിധാനം ചെയ്യുന്ന 'തൊണ്ടിമുതലും ദൃക്സാക്ഷിയും' എന്ന ചിത്രത്തിലെ ആദ്യ വീഡിയോ സോങ് പുറത്തെത്തി.റഫീക് അഹമ്മദ് എഴുതി ബിജിബാൽ സംഗീതം പകർന്ന് 'കണ്ണിലെ പൊയ്കയില്' എന്നാരംഭിക്കുന്ന ഗാനമാണ് പുറത്തിറങ്ങിയത്.ഗണേശ് സുന്ദരവും സൗമ്യ ബാലകൃഷ്ണനുമാണ് ഈ മെലഡി ആലപിച്ചിരിക്കുന്നത്.മഹേഷിന്റെ പ്രതികാരത്തിലും ബിജിബാൽ തന്നെയായിരുന്നു സംഗീത സംവിധാനം നിർവഹിച്ചത്.

കാസർഗോഡ് ജില്ലയാണ് ദിലീപിന്റെ പുതിയ ചിത്രത്തിന്റെ പശ്ചാത്തലം.അതേസമയം കഥയ്ക്ക് കാസർഗോഡുമായോ ആനാടിന്റെ ചരിത്രവുമായോ ഒന്നും ബന്ധമില്ല.2016 ജൂലൈ 24നാണ് ദിലീഷ് പോത്തൻ തന്റെ പുതിയ ചിത്രത്തെക്കുറിച്ചുള്ള ആദ്യ സൂചന പുറത്തു വിട്ടത്.

സന്ദീപ് സേനൻ, അനീഷ് എം.തോമസ് എന്നിവർ ചേർന്ന് ഉർവ്വശി തീയേറ്റേഴ്സിന്റെ ബാനറിൽ നിർമ്മിക്കുന്ന ചിത്രത്തിന്റെ രചന സജീവ് പാഴൂരാണ്. രാജീവ് രവിയാണ് ഛായ. എഡിറ്റിങ് കിരൺ ദാസ്. ഈദിനാണ് ചിത്രം തീയേറ്ററുകളിലെത്തുക.