സാംസ്‌കാരിക വിശേഷങ്ങള്‍

കാപ്പി പ്രിയരെ ശ്രദ്ധിക്കൂ, നൈട്രോ കോള്‍ഡ് ബ്രൂ ക്യാനില്‍ അടങ്ങിയിരിക്കുന്നത് കൊടും വിഷം; തിരിച്ചു കൊടുത്താല്‍ കമ്പനി പണം തരും

 ന്യൂയോര്‍ക്ക്: മരണം ആഗ്രഹിക്കുന്നത് എന്നര്‍ത്ഥമുള്ള ഡെത്ത് വിഷ് എന്ന കോഫി കമ്പനി പുറത്തിറക്കിയ നൈട്രോ കോള്‍ഡ് ബ്രൂ ക്യാനില്‍ ഉപയോഗിച്ചാല്‍ ശരിക്കും മരണത്തെ മുഖാമുഖം കാണേണ്ടി വരുമെന്ന് മുന്നറിയിപ്പ്. ഇതിനെത്തുടര്‍ന്ന്, ഡെത്ത് വിഷ് കോഫി കമ്പനി തങ്ങളുടെ നൈട്രോ കോള്‍ഡ് ബ്രൂ ക്യാന്‍ തിരിച്ചു വിളിക്കുന്നു. വാങ്ങി രണ്ടു മാസത്തിനുള്ളില്‍ തിരിച്ചു നല്‍കിയാല്‍ മുടക്കിയ പണം അപ്പാടെ തിരിച്ചു തരാന്‍ തയ്യാറാണെന്നു കമ്പനി അറിയിച്ചു. തങ്ങളുടെ ഉത്പന്നത്തില്‍ മനുഷ്യശരീരത്തെ ദോഷകരമായി ബാധിക്കുന്ന വിഷം അടങ്ങിയിട്ടുണ്ടെന്നു കമ്പനി തന്നെയാണ് വെൡപ്പെടുത്തിയിരിക്കുന്നത്. അമേരിക്കയിലെ കാപ്പി പ്രിയരുടെ പ്രിയപ്പെട്ട ബ്രാന്‍ഡുകളിലൊന്നാണ് നൈട്രോ കോള്‍ഡ് ബ്രൂ ക്യാന്‍. സ്‌ട്രോങ് കോഫിക്ക് ഏറെ പേര് കേട്ട ഈ ബ്രാന്‍ഡിനെതിരേ യുഎസ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷനും രംഗത്തു വന്നിട്ടുണ്ട്. ന്യൂയോര്‍ക്ക് റൗണ്ട് ലേഷ് ആസ്ഥാനമായ കമ്പനിയുടെ 11 ഔണ്‍സ് നൈട്രോ കോള്‍ഡ് ബ്രൂ ക്യാനിലാണ് ബോച്ചുലിന്‍ എന്ന വിഷദീപ്തമായ പദാര്‍ത്ഥം അടങ്ങിയിരിക്കുന്നത്. ഈ വെളിപ്പെടുത്തല്‍ ഞെട്ടലോടെയാണ് ഉപയോക്താക്കള്‍ കേട്ടത്. 

 ക്യാനില്‍ നിറച്ചിരിക്കുന്ന കോള്‍ഡ് സ്‌ട്രോങ് ബ്രൂ കാപ്പി നിര്‍മ്മിക്കാനുള്ള ഇപ്പോഴത്തെ പ്രക്രിയ ബാക്ടീരിയയുടെ വളര്‍ച്ചയ്ക്കും ഉത്പാദനത്തിനും കാരണമാകുമെന്നും അതിനെ തടയിടാനാണ് ബോച്ചുലിന്‍ ഇതില്‍ ഉള്‍ക്കൊള്ളിച്ചതെന്നും കമ്പനി അറിയിച്ചു. ബോച്ചുലിന്‍ മനുഷ്യശരീരത്തില്‍ ദോഷകരമായി ബാധിക്കുന്നതാണെന്ന കാര്യം അടുത്തിടെയാണ് ശാസ്ത്രലോകം പുറത്തു വിട്ടത്. തുടര്‍ന്നാണ് വര്‍ഷങ്ങളായി തങ്ങളുടെ ക്യാനില്‍ നിറച്ചിരിക്കുന്ന കോള്‍ഡ് ബ്രൂവില്‍ ഇക്കാര്യമുണ്ടെന്ന വസ്തുത ഡെത്ത് വിഷ് കമ്പനിയും വ്യക്തമാക്കിയത്.

 യുഎസ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ പറയുന്നത് ബോച്ചുലിന്‍ ഉപഭോഗം മൂലം മനുഷ്യശരീരത്തില്‍ കാതലായ മാറ്റങ്ങള്‍ ഉണ്ടാകുമെന്നും സ്ഥിരമായ ഉപയോഗം ക്രമേണ മരണത്തിലേക്ക് തള്ളിയിട്ടേക്കുമെന്നുമാണ്. തുടര്‍ച്ചയായുള്ള ഉപയോഗം മൂലം ശരീരത്തിനാകെ ബലഹീനത, തലകറക്കം, കാഴ്ചക്കുറവ്, സംസാരിക്കുന്നതോ വിഴുങ്ങുന്നതോ ആയ പ്രശ്‌നങ്ങള്‍. ശ്വസനത്തിലെ ബുദ്ധിമുട്ട്, മറ്റ് പേശികളുടെ ബലഹീനത, ഉദരശബ്ദം, മലബന്ധം എന്നിവയും സാധാരണ ലക്ഷണങ്ങളാണ്.

 ലോകത്തിലെ ഏറ്റവും വീര്യം കൂടിയ കോഫി ഉത്പാദിപ്പിക്കുന്ന കമ്പനികളില്‍ മുന്‍നിരക്കാരാണ് ഡെത്ത് വിഷ്. അമേരിക്കയില്‍ കാപ്പി പ്രിയരില്‍ ഏറ്റവും കൂടുതല്‍ പേര്‍ ഉപയോഗിക്കുന്നതും ഡെത്ത് വിഷ് പുറത്തിറക്കുന്ന ക്യാനില്‍ നിറച്ചിരിക്കുന്ന കോള്‍ഡ് ബ്രൂവാണ്. ന്യൂയോര്‍ക്കിലെ പല ഗ്രോസ്സറി ഷോപ്പുകളിലും ഇപ്പോള്‍ നിരോധിക്കപ്പെട്ട ബ്രൂവിന്റെ ക്യാനുകള്‍ അടുത്തിടെ വരെ ലഭ്യമായിരുന്നു.

 'ഉപഭോക്താക്കളുടെ സുരക്ഷിതത്വമാണ് ഞങ്ങള്‍ക്ക് ഏറ്റവും പ്രാധാന്യം. ഏറ്റവും മികച്ച ഗുണനിലവാരം, സുരക്ഷിതത്വവും ഉറപ്പാക്കുന്നതിനു വേണ്ടി ഇപ്പോള്‍ ഉപയോക്താക്കളില്‍ എത്തിയിരിക്കുന്ന നൈട്രോ കോള്‍ഡ് ബ്രൂവിന്റെ ആ പ്രത്യേക ക്യാന്‍ മുഴുവന്‍ തിരിച്ചെടുക്കാന്‍ വേണ്ടുന്ന നടപടികള്‍ സ്വീകരിച്ചു കഴിഞ്ഞു. ഉപഭോക്താക്കളുടെ ആരോഗ്യം ഉറപ്പുവരുത്താനാണ് വന്‍ നഷ്ടം സഹിച്ചു കൊണ്ടുള്ള ഈ സുപ്രധാനമായ നടപടി- ഡെത്ത് വിഷ് കോഫി സ്ഥാപകനും ഉടമസ്ഥനുമായ മൈക് ബ്രൗണ്‍ പറഞ്ഞു.

 കമ്പനിയുടെ വെബ്‌സൈറ്റില്‍ നൈട്രോ കോള്‍ഡ് വാങ്ങുന്നവര്‍ക്ക് 60 ദിവസത്തിനുള്ളില്‍ മുഴുവന്‍ റീഫണ്ട് ലഭിക്കുമെന്ന് ബ്രൗണ്‍ പറഞ്ഞു. നിര്‍മ്മാണ പ്രക്രിയയില്‍ മാറ്റം വരുത്തുന്നത് വരെ കമ്പനി ഈ ബ്രൂവിന്റെ ഉല്‍പ്പാദനം നിര്‍ത്തി വച്ചിരിക്കുകയാണ്. എന്തായാലും ഈ കോള്‍ഡ് കോഫി കഴിച്ചവര്‍ക്കാര്‍ക്കും ഇതുവരെ ഏതെങ്കിലും തരത്തിലുള്ള രോഗങ്ങള്‍ ഉണ്ടായതായി റിപ്പോര്‍ട്ട് ചെയ്തിട്ടില്ല. 

Read more

വിഷയ സ്വികരണത്തിൽ എഴുത്തുകാരന്റെ സ്വാതന്ത്ര്യം എത്രത്തോളമാകാം

ഈ  ഒരു വിഷയം സർഗവേദി സ്വികരിക്കാനുള്ള പ്രധാന കാരണം എഴുത്തുകാരുടെ ഇടയിൽ അവരുടെ സൃഷ്ടികളിൽ , ഒരു ഭയം നിഴലിക്കുന്ന പോലെ തോന്നപ്പെടുന്നു .അവർ എഴുത്തിന്റെ ലോകത്തേക്ക് എത്തുമ്പോൾ എന്തിനെയോ പേടിക്കുന്നപോലെ .കുറച്ചുകൂടി തെളിച്ചു പറയാമായിരുന്നല്ലോ എന്ന് അനുവാചകനെക്കൊണ്ട് ചിന്തിപ്പിക്കുന്നു .

കുടിയേറ്റ മണ്ണിൽ സർഗ്ഗധനരായ പല എഴുത്തുകാർ ഉണ്ടായിട്ടും ,അവർക്കു ചില പരിധിക്കു അപ്പുറത്തേക്ക് ഉയരാൻ കഴിയാതെ പോയതിന്റെ ഒരു കാരണം താൻ വ്യാപരിക്കുന്ന ചെറു സമൂഹം തന്റെ എഴുത്തിനെ എങ്ങിനെ ഏറ്റുവാങ്ങും എന്ന ആകുലത കൊണ്ട് മാത്രമാണ് .താൻ പോകുന്ന പള്ളിക്കാർ ,താൻ വ്യാപരിക്കുന്ന അസോസിയേഷൻ ,തന്റെ ചുറ്റുമുള്ള കുടുംബസമൂഹം ,ഇവരെല്ലാം തന്റെ എഴുത്തിനെ എങ്ങിനെ വിലയിരുത്തും . എഴുതുന്നതെല്ലാം അയാളുടെ തന്നെ ജീവിതമാണെന്ന് തെറ്റിദ്ധരിക്കില്ലേ? യാഥാർഥ്യവും ,ഭാവനയും ഊടും ,പാവും പോലെ നെയ്യുമ്പോഴാണ് ഉദാത്തമായ  സൃഷ്ടികൾ ഉണ്ടാകുന്നത് .വേർതിരിച്ചു എടുക്കാനാകാത്തവിധം ഇവ ഇഴചേരുമ്പോൾ എഴുത്തുകാരൻ എന്തിന് പേടിക്കണം .

പെന്തകൊസ്തിലേക്ക്  ചേർന്ന ചിത്രകാരൻ എന്ത് വരച്ചാലും യേശുക്രിസ്തുവിന്റെ മുഖമായി പോകുന്നപോലെ.അതിനുമുമ്പ് അയാൾ അതിമനോഹരമായ ചിത്രരചന നടത്തിയിരുന്നതാകാം .അവിടെയുംചിത്രകാരൻ  മറന്നു പോകരുതാത്ത ഒരു കാര്യം ശിവകാശിയിൽ അടിച്ച കലണ്ടറിൽ നിന്നാണ്  അയാൾ ആദ്യമായി യേശുക്രിസ്തുവിന്റെ മുഖം കണ്ടത് .

പിന്നെ കാണുന്ന ഒരു പ്രവണത ക്രിസ്തുമസിനും ,ഓണത്തിനും ,ഈസ്റ്ററിനും മാത്രം ആ വിഷയങ്ങളിൽ വ്യാപാരിക്കുന്നവർ . അപ്പോളത്തെ സൃഷ്ടി കഴിഞ്ഞാൽ പിന്നെ ആളെ കാണില്ല .വേറൊരു കൂട്ടർ ,സമൂഹത്തിൽ ഹൃദയസ്‌പൃക്കായ ഒരു സംഭവം ഉണ്ടാകുമ്പോൾ മാത്രം പേന എടുക്കും .ഹൃദയം പൊട്ടി എഴുതും , പിന്നെ കാണില്ല .
 
പെട്ടെന്ന്  ശ്രദ്ധ പിടിച്ചു പറ്റാൻ വേണ്ടി ,നമ്മൾ മനസ്സിൽ മഹിമാധനരായി സൂക്ഷിക്കുന്നവരെപ്പറ്റി മോശം പറഞ്ഞെഴുതുക . വെളുത്ത ചുവരിലേക്ക് കറുത്ത മഷി  കുടയുമ്പോൾ ഉണ്ടാകുന്ന പ്രതിഭാസം സൃഷ്ടിക്കുക .അവിടെ യേശുക്രിസ്തുവും ,ഗാന്ധിജിയും ,ഒക്കെ കടന്നു വരും .

 ബൈബിൾ ബിംബങ്ങളും ,പ്രാക്തന ബിംബങ്ങളും ഇതിഹാസ ബിംബങ്ങളും ,ഉപയോഗിക്കുന്നതിനോടൊപ്പം ലൈംഗിക ബിംബങ്ങളും ഉപയോഗിച്ച് ശ്രദ്ധ പിടിച്ചു  പറ്റുക.. പള്ളികൾ കൊടികുത്തിവാഴുന്ന അമേരിക്കൻ സമൂഹത്തിൽ അത്തരം എഴുത്തുകാർ ,എത്രതന്നെ സർഗ്ഗധനരായാലും അംഗീകൃതരാകില്ല .

സന്തോഷ് പാലാ തൊടുപുഴ ന്യൂമാൻ കോളേജിലെ ജോസഫ് സാറിന് കൈ നഷ്ടപ്പെട്ട കാര്യം പരാമർശിക്കുകയുണ്ടായി .ഒരെഴുത്തുകാരന്റെ അഭിപ്രായത്തെ നേരിടേണ്ടത് ബുദ്ധികൊണ്ടായിരിക്കണം .അല്ലാതെ ശരീരം കൊണ്ടല്ല.  " ലിംഗവിശപ്പു് " എഴുതിയയാൾ ഏറ്റവും വേഗം ശ്രദ്ധ കിട്ടാൻ കുറുക്കുവഴി തേടുകയായിരുന്നു .കേരളത്തിലെ എഴുത്തു പല തട്ടുകളായി തിരിയുന്നു . അരാചകവാദികളുടെ ഇടം , നിരീശ്വര വാദികളുടെ ഇടം ,ദളിതരുടെ ,സ്ത്രീപക്ഷക്കാരുടെ അങ്ങിനെ പലതും .ഒരാളുടെ charactor  ഫോർമേഷൻ എങ്ങിനെയാണോ നടന്നത് ,അതിനെ ആശ്രയിച്ചായിരിക്കും അയാളുടെ എഴുത്തും മാറി ചിന്തിക്കാനും , മാറ്റിചിന്തിക്കാനും അയാൾ പാടുപെടേണ്ടിവരും .

പണ്ട് അധികാര സ്ഥാപനങ്ങളെ പ്രകിർത്തിച്ചു എഴുതാൻ എഴുത്തുകാർ നിര്ബന്ധിതരായിരുന്നു . ഇന്ന് എഴുത്തു വ്യക്തിയുടെ സ്വാതന്ത്ര്യമായി മാറി ." ഇന്നത് ആണ് ശരി " എന്നൊരവസ്ഥയില്ല .ഇന്നലത്തെ  ശരികൾ ഇന്നത്തെ ശരി ആകണം എന്നില്ല .പൊന്കുന്ന വർക്കിയും ,മുട്ടത്തു വർക്കിയും എഴുത്തിൽ  സത്യസന്ധത കാണിച്ചവരാണ് .ലൈംഗിക ബിംബങ്ങൾ ഉപയോഗിക്കുന്ന ഒരു കവിയും വസ്ത്രം ഉടുക്കാതെ നടന്നു കണ്ടിട്ടില്ല .ഈ അഭിപ്രായങ്ങളാണ് ജെ . മാത്യു സാർ പറഞ്ഞത് .

ജോസ് ചെരിപുരം എങ്ങനെ പറഞ്ഞു ,വയലാർ നിരീശ്വരവാദി ആയിരുന്നിട്ടും അതി മനോഹരമായ ഭക്തി ഗാനങ്ങൾ എഴുതി. എഴുത്തുകാർ പലപ്പോഴും വളരെ hipocrat ആകും . അമേരിക്കയിൽ ഉണ്ടാകുന്ന കൂടുതൽ സൃഷ്ടികളും മതസംബന്ധിയും ,ഈശ്വര പ്രകിർത്തനങ്ങളുമാണ് . പള്ളിയിൽ കാല്  ചവിട്ടി നിൽക്കുന്ന എഴുത്തുകാരന് എളുപ്പവും  അതാണ് .

രാജു തോമസിന്റെ  അഭിപ്രായത്തിൽ " എഴുതാൻ ഒരുപാട് ധൈര്യം ആവശ്യമാണ് " ഇവിടുത്തെ  പല എഴുത്തുകാർക്കും ബോധപൂർവമായ ജാഡ ഉണ്ട് . അതിനു രാജു എടുത്തു പറഞ്ഞത് രെജിസ്  നെടുങ്ങാടപ്പിള്ളിയുടെ  വരികളാണ് . " നിങ്ങൾ അമ്പതൻമാർക്കും ,അറുപതന്മാർക്കും ലിംഗമൂർച്ചയില്ല " എന്നാണ് .മാത്യു അർണോൾഡ് പറഞ്ഞു ," ഓൾ  litrature ഈസ് എ ക്രിട്ടിസിസം ഓഫ് ലൈഫ് " അത്  മനുഷ്യ ഗന്ധിയായിരിക്കണം .മാത്രമല്ല അത് ജീവിതത്തെ ധാർമികമായി ബലപ്പെടുത്തുകയും വേണം .

Read more

നായര്‍ സൊസൈറ്റി ഓഫ് ഡെലവെയര്‍‌വാലി ഓണാഘോഷവും എന്‍‌എസ്‌എസ് ഓഫ് നോര്‍ത്ത് അമേരിക്കയുടെ 2018 കണ്‍വന്‍ഷന്‍ രജിസ്ട്രേഷന്‍ കിക്കോഫും വന്‍ വിജയം

നായര്‍ സൊസൈറ്റി ഓഫ് ഡെലവെയര്‍‌വാലിയുടെ ഓണാഘോഷവും എന്‍.എസ്.എസ്. ഓഫ് നോര്‍ത്ത് അമേരിക്കയുടെ 2018 കണ്‍വന്‍ഷന്‍ രജിസ്‌ട്രേഷന്‍ കിക്കോഫും സെപ്റ്റംബര്‍ 9-ന് പെന്‍സില്‍വേനിയയിലെ ഡ്രെക്സല്‍ ഹില്ലില്‍ വെച്ച് നടന്നു.

ജനറല്‍ സെക്രട്ടറി അനില്‍ കുമാര്‍ കുറുപ്പിന്റെ ആമുഖപ്രസംഗത്തിനുശേഷം പ്രസിഡന്റ് ശ്രീമതി സുജാപിള്ള സ്വാഗതമാശംസിക്കുകയും ഓണാശംസകള്‍ നേരുകയും ചെയ്തു.

തികഞ്ഞ സമുദായ സ്നേഹിയും സീനിയര്‍  മെമ്പറുമായ പി.കെ. തങ്കപ്പന്‍ നായര്‍ ഓണസന്ദേശം നല്‍കി. സനാതന ധര്‍മ്മവും ആര്‍ഷഭാരത സംസ്കാരവും കണ്ടു മനസിലാക്കാനും അത് ഉള്‍ക്കൊള്ളുവാനും പുതിയ തലമുറക്ക് ഇതുപോലെയുള്ള ആഘോഷങ്ങള്‍ ഉപകരിക്കട്ടെ എന്ന് അദ്ദേഹം ആശംസിച്ചു.

എന്‍.എസ്.എസ്. ഓഫ് നോര്‍ത്ത് അമേരിക്കപ്രസിഡന്റ് എം.എന്‍.സി. നായര്‍ പത്നി ശ്രീമതി രാജി നായരോടൊപ്പം ഓണാഘോഷത്തില്‍ പങ്കെടുത്ത്‌ ആശംസകള്‍ നേര്‍ന്നു. 2018 ആഗസ്റ്റ് 10, 11, 12 തീയതികളില്‍ ചിക്കാഗോയില്‍ വെച്ച്  നടക്കുന്ന നായര്‍ സംഗമത്തിന്റെ ശുഭാരംഭം കുറിച്ചുകൊണ്ട് ആദ്യത്തെ രജിസ്‌ട്രേഷന്‍ പി.കെ. തങ്കപ്പന്‍ നായരില്‍ നിന്ന് എം.എന്‍.സി. നായര്‍ ഏറ്റുവാങ്ങി.

വളരെയധികം കുടുംബങ്ങള്‍ സംഗമത്തിലേക്ക് രജിസ്റ്റര്‍ ചെയ്യുകയുണ്ടായി.  നായര്‍ സൊസൈറ്റി ഓഫ് ഡെലവെയര്‍ ട്രഷറര്‍ അജിത് നായര്‍ തന്റെ പ്രസംഗത്തില്‍ നായര്‍ സംഗമം 2018 വിജയിപ്പിക്കുവാന്‍ നാമോരോരുത്തരും പ്രതിജ്ഞാബദ്ധരാണെന്ന് ഊന്നിപ്പറയുകയുണ്ടായി.

വിവിധ കലാപരിപാടികളും വിഭവസമൃദ്ധമായ ഓണസദ്യയും ഓണാഘോഷത്തിന് മാറ്റുകൂട്ടി.

Read more

ഇന്ത്യന്‍ നാഷ്ണല്‍ ഓവര്‍സീസ് കോണ്‍ഗ്രസ് റീജിയനല്‍ സമ്മേളനം ഹൂസ്റ്റണില്‍-സെപ്റ്റംബര്‍ 24ന്

ഹൂസ്റ്റണ്‍: ഇന്ത്യന്‍ നാഷ്ണല്‍ ഓവര്‍സീസ് കോണ്‍ഗ്രസ് (INOC) ടെക്‌സാസ് റീജിയന്റെ ആഭിമുഖ്യത്തില്‍ ഒരു പ്രത്യേക സമ്മേളനം സെപ്റ്റംബര്‍ 24ന് ഞായറാഴ്ച വൈകീട്ട് 5 മണിയ്ക്ക് നടത്തപ്പെടുന്നതാണ്.

സ്റ്റാഫോഡിലുള്ള സൗത്ത് ഇന്ത്യന്‍ ചേംബര്‍ ഓഫ് കൊമേഴ്‌സ് ഹാളില്‍(445, Murphy Road, Stafford, TX-77477) വച്ച് നടത്തപ്പെടുന്ന യോഗത്തില്‍ പ്രസിഡന്റ് ജോസഫ് ഏബ്രഹാം അദ്ധ്യക്ഷത വഹിയ്ക്കും. റീജിയന്റെ ഭാവി പ്രവര്‍ത്തനങ്ങളെപ്പറ്റിയും കേരളത്തിലെ ആനുകാലിക രാഷ്ട്രീയ സംഭവ വികാസങ്ങളെപ്പറ്റി ചര്‍ച്ചയും ഉണ്ടായിരിയ്ക്കുന്നതാണ്. എല്ലാ കോണ്‍ഗ്രസ് അനുഭാവികളെയും യോഗത്തിലേക്ക് സ്വാഗതം ചെയ്യുന്നുവെന്ന് ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക്
ജോസഫ് ഏബ്രഹാം(പ്രസിഡന്റ്)-713 582 9517
ബേബി മണക്കുന്നേല്‍(സെക്രട്ടറി)-713 291 9721
ജീമോന്‍ റാ്ന്ന്ി(ജോ.സെക്രട്ടറി)-407-718-4805

Read more

15,000 ഡോളര്‍ ചെക്ക് ബാങ്കില്‍ നിക്ഷേപിക്കാനെത്തിയ ഡോക്ടറല്‍ വിദ്യാര്‍ത്ഥി അറസ്റ്റില്‍

വിചിറ്റ(കാന്‍സസ്): വിചിറ്റ എം പ്രൈസ് ബാങ്കില്‍(Emprise) 151,000 ഡോളറിന്റെ ചെക്ക് നിക്ഷേപിക്കാനെത്തിയ ഇറാക്കി ഡോക്ടറല്‍ വിദ്യാര്‍ത്ഥിയെ ബുധനാഴ്ച പോലീസ് അറസ്റ്റു ചെയ്തു. സത്താല്‍ അലിയേയും ഭാര്യ, പതിനഞ്ചു വയസ്സുള്ള മകള്‍ എന്നിവരേയും പോലീസ് ചോദ്യം ചെയ്യുന്നതിനായി കസ്റ്റഡിയിലെടുത്തു.

1993ല്‍ ഇറാക്കില്‍ നിന്നും എത്തിയ സത്താര്‍ വിചിറ്റ സ്‌റ്റേറ്റ് യൂണിവേഴ്‌സിറ്റിയില്‍ മെക്കാനിക്കല്‍ എന്‍ജിനീയറിംഗില്‍ ഡോക്ടറല്‍ വിദ്യാര്‍ത്ഥിയാണ്. ഈയ്യിടെയാണ് മിഷിഗണിലുള്ള വീട് വിറ്റ് വിചിറ്റയിലേക്ക് കുടുംബസമ്മേതം താമസം മാറ്റിയത്. അലിയുടെ മൂത്തമകന്‍ ഈ യൂണിവേഴ്‌സിറ്റിയിലെ വിദ്യാര്‍ത്ഥിയാണ്.

ബാങ്കിലെത്തി പണം നിക്ഷേപിക്കുന്നതിനെകുറിച്ചു ജീവനക്കാരനുമായി സംസാരിക്കുന്നതിനിടയില്‍(അഞ്ചുമിനിറ്റിനുള്ളില്‍) പോലീസ് എത്തിയ അലിയെ കൈയ്യാമം വെക്കുകയായിരുന്നു. 151,000 ഡോളര്‍ സ്ഥലം വിറ്റു കിട്ടിയതാണെന്നു പറഞ്ഞിട്ടും പോലീസ് അത് പരിശോധിക്കാന്‍ തയ്യാറായില്ല എന്ന് അലി പറഞ്ഞു.

ഇത്രയും വലിയ തുക ബാങ്കില്‍ നിക്ഷേപിക്കാന്‍ എത്തിയതില്‍ സംശയം തോന്നിയ ജീവനക്കാരാണ് വിവരം പോലീസില്‍ അറിയിച്ചതെന്നും, ചെക്കിനെ കുറിച്ചുള്ള വിശദാംശങ്ങള്‍ പരിശോധിക്കാന്‍ ശ്രമിച്ചത് പരാജയപ്പെട്ടുവെന്നുമാണ് പോലീസ് വിശദീകരണം.

അറസ്റ്റിനു മുമ്പ് ആവശ്യമായ രേഖകള്‍ പോലീസിന് നല്‍കിയെന്നും, എന്നാല്‍ പോലീസ് അതൊന്നും കാര്യമായി എടുത്തില്ലെന്നും, താന്‍ വംശീയതയുടെ ഇരയാണെന്നും അലി പിന്നീട് പറഞ്ഞു. സത്താര്‍ അലി ആയതുകൊണ്ടാണഅ ഇത് സംഭവിച്ചതെന്നും, ജെയിംസോ, റോബര്‍ട്ടോ ആയിരുന്നുവെങ്കില്‍ സംഭവിക്കുകയില്ലായിരുന്നുവെന്നും അലി പരാതിപ്പെട്ടു. ചെക്കിന്റെ നിജസ്ഥിതി ബോധ്യപ്പെട്ടാല്‍ ഇവരെ വിട്ടയക്കുമെന്നും പോലീസും വ്യക്തമാക്കി.

Read more

ഹാര്‍വി ദുരന്തബാധിതര്‍ക്ക് സഹായഹസ്തവുമായി ഫിലാഡല്‍ഫിയാ കോട്ടയം അസോസിയേഷന്‍

ഹൂസ്റ്റണ്‍: ഹൂസ്റ്റണിലും സമീപപ്രദേശങ്ങളിലും ആഞ്ഞടിച്ച ഹാര്‍വി കൊടുങ്കാറ്റിനെയും തുടര്‍ന്നുണ്ടായ വെള്ളപ്പൊക്കത്തെയും തുടര്‍ന്ന് ദുരന്തം അനുഭവിക്കുന്നവര്‍ക്ക് സഹായ ഹസ്തവുമായി ഫിലാഡല്‍ഫിയാ കോട്ടയം അസോസിയേഷന്‍. അസോസിയേഷന്‍ സെക്രട്ടറി ജയ്‌സ് അന്ത്രയോസിനെയും ട്രഷറര്‍ ഏബ്രഹാം ജോസഫിനെയും ഹൂസ്റ്റണിലേക്ക് അയച്ചുകൊണ്ടാണ് ഫിലാഡല്‍ഫിയ അസോസിയേഷന്‍ മാതൃക കാട്ടിയത്. ഫിലാഡല്‍ഫിയാ അസോസിയേഷന്റെ വകയായി ഹാര്‍വി ദുരിതാശ്വാസ നിധിയിലേക്ക് സമാഹരിച്ച തുകയുടെ ചെക്ക് മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ (മാഗ്) പ്രസിഡന്റ് തോമസ് ചെറുകരയ്ക്ക് ചെക്ക് കൈമാറി. ദേശി റെസ്‌റ്റോറന്റില്‍ സംഘടിപ്പിച്ച ചടങ്ങ് ഈശ്വരപ്രാര്‍ത്ഥനയോടെ ആരംഭിച്ചു. കോട്ടയം ക്ലബ് ഹൂസ്റ്റണും ചടങ്ങിന് ആതിഥേയത്വം വഹിച്ചു. പ്രസിഡന്റ് ആന്‍ഡ്രൂസ് ജേക്കബ് അദ്ധ്യക്ഷത വഹിച്ചു.

ആന്‍ഡ്രൂസ് ജേക്കബ്, തോമസ് കളത്തൂര്‍, ജോസ് ജോണ്‍ തുടങ്ങിയവര്‍ ഫിലാഡല്‍ഫിയാ കോട്ടയം അസോസിയേഷന്റെ മഹാമനസ്‌കതയെ ശ്ലാഘിച്ചു സംസാരിച്ചു.

Read more

മാര്‍ അപ്രേം സൗത്ത് വെസ്റ്റ് ഭദ്രാസന സഹായമെത്രാപ്പോലിത്താ

ഹൂസ്റ്റണ്‍: മലങ്കര ഓര്‍ത്തഡോക്‌സ് സഭയുടെ സൗത്ത് വെസ്റ്റ് അമേരിക്കന്‍ ഭദ്രാസന സഹായമെത്രാപ്പോലീത്ത ആയി അടൂര്‍ – കടമ്പനാട് ഭദ്രാസനാധിപന്‍ സഖറിയാസ് മാര്‍ അപ്രേം മെത്രാപ്പോലീത്തായെ പരിശുദ്ധ ബസേലിയോസ് മാര്‍ത്തോമ്മ പൗലോസ് ദ്വിതിയന്‍ കതോലിക്കാ ബാവാ നിയമിച്ചു. നിയമനം സെപ്റ്റംബര്‍ 20 മുതല്‍ പ്രാബല്യത്തില്‍ വന്നു. ഭദ്രാസന ഭരണ നിര്‍വ്വഹണത്തില്‍ കതോലിക്കായെ സഹായിക്കുക എന്നാണ് സഹായ മെത്രാപ്പോലീത്തായുെട നിയമനോദ്ദേശ്യം.

മാര്‍ അപ്രേം മലബാര്‍ ഭദ്രാസനത്തിലെ ചുങ്കത്തറ സെന്റ് ജോര്‍ജ് വലിയ പള്ളി ഇടവകാംഗമായ ഇ. കെ. കുര്യാക്കോസ് ശോശാമ്മ ദമ്പതികളുടെ പുത്രനായി 1966 ല്‍ ജനിച്ചു. കാലിക്കറ്റ് സര്‍വ്വകലാശാലയില്‍ ബിരുദ പഠനത്തിനുശേഷം കോട്ടയം സെമിനാരിയില്‍ നിന്നും GST, സെറാമ്പൂര്‍ സര്‍വ്വകലാശാലയില്‍ നിന്നും B.D, M.TH, D.TH ബിരുദങ്ങള്‍ നേടി. 1992 ല്‍ വൈദികപട്ടം ഏറ്റ് വിവിധ ഇടവകകളില്‍ വികാരിയായി സേവനമനുഷ്ഠിച്ചതിന് പുറമേ കോട്ടയം സെമിനാരി അധ്യാപകന്‍, മലങ്കര സഭാ മാസികയുടെ ചീഫ് എഡിറ്റര്‍, ബൈബിള്‍ സൊസൈറ്റി അംഗം പരിശുദ്ധ ദ്വിദിമോസ് ബാവായുടെ പ്രിന്‍സിപ്പാല്‍ സെക്രട്ടറി തുടങ്ങി നിരവധി സ്ഥാനങ്ങളും വഹിച്ചിട്ടുണ്ട്.

2010 മേയ് 12നു കോട്ടയം മാര്‍ ഏലിയ കത്തിഡ്രല്‍ ദേവാലയത്തില്‍ സഖറിയാസ് മാര്‍ അപ്രേം എന്ന പേരില്‍ മെത്രാനായി വാഴിച്ചു. പുതുതായി രൂപീകരിച്ച അടൂര്‍- കടമ്പനാട് ഭദ്രാസനത്തിന്റെ പ്രഥമ മെത്രാപ്പോലീത്തയായി നിയമിക്കപ്പെട്ടു. മാര്‍ അപ്രേം ഒരു നല്ല ഗായകനും, വാഗ്മിയും എഴുത്തുകാരനുമാണ്. സഭയുടെ വിവിധ സേവന രംഗങ്ങളില്‍ ശോഭിക്കുന്ന തിരുമേനി ഇപ്പോള്‍ മലങ്കര സഭയുടെ എക്യുമെനിക്കല്‍ റിലേഷന്‍ കമ്മിറ്റി അംഗം, ശ്രുതി സ്‌കൂള്‍ ഓഫ് ലിറ്റര്‍ജിക്കല്‍ മ്യൂസിക്കിന്റെ ഡയറക്ടര്‍ എന്നീ നിലകളില്‍ പ്രവര്‍ത്തിക്കുന്ന മാര്‍ അപ്രേമിന്റെ പുതിയ നിയമനം അദ്ദേഹത്തിന്റെ സഭാ പ്രവര്‍ത്തനങ്ങള്‍ക്കുള്ള അംഗീകാരം കൂടിയാണെന്ന് ഭദ്രാസന സെക്രട്ടറി ഫാ. ഫിലിപ്പ് ഏബ്രഹാം അഭിപ്രായപ്പെട്ടു. മാര്‍ അപ്രേം ഒക്ടോബര്‍ രണ്ടാമത്തെ ആഴ്ചയില്‍ ഭദ്രാസന ആസ്ഥാനത്തില്‍ എത്തിച്ചേരുമെന്ന് ഭദ്രാസന പി ആര്‍ ഒ എല്‍ദോ പീറ്റര്‍ അറിയിച്ചു.

Read more

‘ഗാന്ധി പീസ് വാക്ക്’ ഡാളസ്സില്‍- ഒക്ടോബര്‍ 1 ഞായര്‍

ഇര്‍വിംഗ് (ഡാളസ്സ്): ഇന്ത്യന്‍ അമേരിക്കന്‍ ഫ്രണ്ട്‌സ്ഷിപ്പ് കൗണ്‍സില്‍, ഇന്ത്യന്‍ അസ്സോസിയേഷന്‍ ഓഫ് നോര്‍ത്ത് ടെക്‌സസ് സംയുക്ത സംഘടനയായ മാഹാത്മാ ഗാന്ധി മെമ്മോറില്‍ ഓഫ് നോര്‍ത്ത് ടെക്‌സസിന്റെ (എം ജി എം എന്‍ റ്റി) ആഭിമുഖ്യത്തില്‍ ഒക്ടോബര്‍ 1 ഞായറാഴ്ച രാവിലെ 9 മണിക്ക് ഗാന്ധി പീസ് വാക്ക് 2017 സംഘടിപ്പിക്കുന്നു.

ഇര്‍വിംഗ് ഹിഡന്റിഡ്ജ് ഡ്രൈവിലുള്ള മഹാത്മാ ഗാന്ധി മെമ്മോറിയല്‍ പ്ലാസയില്‍ നടക്കുന്ന ഉത്ഘാടന ചടങ്ങില്‍ ഹൂസ്റ്റണ്‍ കോണ്‍സുല്‍ ഓഫ് ഇന്ത്യ ആര്‍ ഡി ജോഷി, ഇര്‍വിംഗ് പ്രോടേം മേയര്‍ അലന്‍ മീഗര്‍ എന്നിവര്‍ മുഖ്യാതിഥികളായി പങ്കെടുക്കും.

സമാധാന യാത്രയില്‍ പങ്കെടുക്കുന്നവര്‍ക്ക് സൗജന്യ ടീഷര്‍ട്ടും, തൊപ്പിയും, പ്രഭാത ഭക്ഷണവും നല്‍കുമെന്ന് സംഘാടകര്‍ അറിയിച്ചു. പങ്കെടുക്കുന്നവര്‍ വെള്ള വസ്ത്രങ്ങള്‍ ധരിക്കേണ്ടതാണെന്നും അഭ്യര്‍ത്ഥിച്ചിട്ടുണ്ട്.

നോര്‍ത്ത് ലേക്ക് കോളേജ് പാര്‍ക്കിങ്ങ് ലോട്ടില്‍ വാഹനം പാര്‍ക്ക് ചെയ്യേണ്ടതാണെന്നും, അവിടെ നിന്നും സൗജന്യ ഷട്ടില്‍ സര്‍വ്വീസ് ക്രമീകരിച്ചിട്ടുണ്ടെന്നും ചെയര്‍മാന്‍ ഡോ പ്രസാദ് തോട്ടകുറ അറിയിച്ചു.

Read more

പെന്‍സില്‍ ഡ്രോയിങ്ങ്, വാട്ടര്‍ കളറിംഗ് മത്സരം ഡാളസ്സില്‍ ഒക്ടോബര്‍ 14 ന്

ഗാര്‍ലന്റ് (ഡാളസ്): കേരള അസ്സോസിയേഷന്‍ ഓഫ് ഡാളസ്സിന്റേയും, ഇന്ത്യ കള്‍ച്ചറല്‍ ആന്റ് എഡുക്കേഷന്‍ സെന്ററിന്റേയും ആഭിമുഖ്യത്തില്‍ ‘ആര്‍ട്ട് കോംപറ്റീഷന്‍ 2017’ ഒക്ടോബര്‍ 14 ശനിയാഴ്ച രാവിലെ 9.30 മുതല്‍ കേരള അസ്സോസിയേഷന്‍ കോണ്‍ഫ്രന്‍സ് ഹാളില്‍ വെച്ച് സംഘടിപ്പിക്കുന്നു. നാല് ഗ്രൂപ്പുകളായാണ് മത്സരം നടക്കുക. ആറ് വയസ്സിന് താഴെ, ഏഴിനും എട്ടിനും, ഒമ്പതിനും പത്തിനും, പതിനൊന്നിനു മുകളില്‍. മത്സരങ്ങളില്‍ ഒന്നാം സ്ഥാനം ലഭിക്കുന്നവരുടെ ചിത്രങ്ങള്‍ ലയണ്‍സ് ക്ലബ് ഇന്റര്‍ നാഷണല്‍ പീസ് പോസ്റ്റര്‍ മത്സരത്തില്‍ സമര്‍പ്പിക്കും. പീസ് പോസ്റ്റര്‍ മത്സരത്തില്‍ വിജയിക്കുന്നവര്‍ക്ക് 5000 ഡോളര്‍ കാഷ് പ്രൈസും, അവാര്‍ഡും ലഭിക്കും.

മത്സരത്തില്‍ പങ്കെടുക്കുവാനെത്തുന്നവര്‍ ആവശ്യമായ ഉപകരണങ്ങളുമായി എത്തിച്ചേരേണ്ടതാണ്. മുന്‍കൂര്‍ രജിസ്‌ട്രേഷന്‍ ഇല്ലെങ്കിലും നേരത്തെ വിവരമറിയിക്കുന്നത് പ്രയോജനകരമാണെന്ന് സംഘാടകര്‍ അറിയിച്ചു. കേരള അസ്സോസിയേഷന്‍ ജനറല്‍ സെക്രട്ടറി റോയ് കൊടുവത്ത് അറിയിച്ചതാണിത്.

കൂടുതല്‍ വിവരങ്ങള്‍ക്ക്

ഹരിദാസ് തങ്കപ്പന്‍- 214 908 5686
അനശ്വര്‍ മാമ്പിള്ളില്‍- 214 997 1385
സുധീര്‍ പി- 972 325 1409

Read more

സണ്ണി കോന്നിയൂര്‍ 2017-ലെ അമേരിക്കന്‍ കര്‍ഷകശ്രീ

ന്യൂയോര്‍ക്ക്: ന്യൂയോര്‍ക്ക് കേന്ദ്രമായി ആണ്ടുതോറും നടത്തിവരാറുള്ള കര്‍ഷകശ്രീ അവാര്‍ഡിനു സ്റ്റാറ്റന്‍ഐലന്റില്‍ നിന്നുള്ള സണ്ണി കോന്നിയൂര്‍ ഒന്നാം സമ്മാനം നേടി കര്‍ഷകശ്രീ അവാര്‍ഡിന് അര്‍ഹനായി. രണ്ടാം സ്ഥാനം എല്‍മോണ്ടില്‍ നിന്നുള്ള റോയി മാത്യുവും, മൂന്നാം സ്ഥാനം ന്യൂഹൈഡ് പാര്‍ക്കില്‍ നിന്നുള്ള തോമസ് കോലടിയും നേടി.

പൂഞ്ഞാര്‍ എം.എല്‍.എ പി.സി ജോര്‍ജിനു ആദ്യകാല കേരളാ കോണ്‍ഗ്രസുകാര്‍ കേരളാ കള്‍ച്ചറല്‍ അസോസിയേഷന്‍ സെന്ററില്‍ വച്ചു നല്‍കിയ സ്വീകരണ യോഗത്തില്‍ അദ്ദേഹം സമ്മാന ദാനം നിര്‍വഹിച്ചു.

കര്‍ഷക പാരമ്പര്യം അമേരിക്കയിലും നിലനിര്‍ത്തുന്നതിനു ഇവിടെയുള്ള മലയാളികള്‍ കാണിക്കുന്ന താത്പര്യം അഭിനന്ദനം അര്‍ഹിക്കുന്നുവെന്നു വര്‍ക്കി ഏബ്രഹാം സ്‌പോണ്‍സര്‍ ചെയ്ത ട്രോഫി സണ്ണി കോന്നിയൂരിനു നല്‍ക്കൊണ്ട് പ്രസ്താവിച്ചു.

അഡ്വ. സക്കറിയാ കരുവേലിയുടെ അധ്യക്ഷതയില്‍ കൂടിയ യോഗത്തില്‍ ഫിലിപ്പ് മഠത്തില്‍ സ്വാഗതം ആശംസിച്ചു. ആശംസകള്‍ അര്‍പ്പിച്ചുകൊണ്ട് വര്‍ഗീസ് കളത്തില്‍, അപ്പുക്കുട്ടന്‍ പിള്ള, ഷിനോ മറ്റം, അലക്‌സ്, ഡോ. ജേക്കബ് തോമസ് എന്നിവര്‍ സാംസാരിച്ചു.

കുഞ്ഞ് മാലിയില്‍ നന്ദി പ്രകാശിപ്പിച്ചു. വിഭവസമൃദ്ധമായ സദ്യയോടെ യോഗം അവസാനിച്ചു.

Read more

പൂമരം 2017 അമേരിക്കയില്‍ വൈറല്‍ !

പൂമരം 2017 അമേരിക്കയില്‍ വൈറല്‍ ആയി മാറി ! വൈക്കം വിജയലക്ഷ്മിയും , അബിയും , രാഗേഷ് ചേര്‍ത്തലയും അമേരിക്കന്‍ മലയാളികളുടെ മനസു കിഴടക്കി ! അമേരിക്കന്‍ ഷോ ചരിത്രത്തിലെ ഏറ്റവും മികച്ച ഷോ ആയി മാറി ! അഞ്ജലി എന്റെര്‍റ്റൈന്മെന്റ്‌സിന്റെ ബാനറില്‍ , സെപ്റ്റംബര്‍ 15 നു ആരംഭിച്ച പൂമരം നിറഞ്ഞ സദസ്സില്‍ MaAllen , Houston എന്നീ വേദികളില്‍ ഒരു പുതിയ തുടക്കത്തിന് നടികുറിച്ചു ! സൂപ്പര്‍ സ്റ്റാറുകളല്ല , അതുക്കും മുകളിലാണ് പൂമരത്തോണിയില്‍ വന്നവര്‍ എന്നു ജനങ്ങള്‍ ഒന്നടങ്കം പറയുകയാണ് ! 2.30 മണികൂര്‍ ഷോ 3.30 വരെ നീട്ടിയ അനുഭവമാണ് Houston ഗുരുവായൂര്‍ ക്ഷേത്ര ഭാരവാഹികള്‍ക്കു പറയാനുള്ളത്. ഗായത്രിവീണയും , പുല്ലാങ്കുഴലും കൊണ്ട് വിജയലക്ഷ്മിയും , രാഗേഷും അമേരിക്കന്‍ മലയാളികളെ ആനന്ദനിര്‍വൃതില്‍ ആറാടിച്ചു . മെക്‌സിക്കന്‍ ഡാന്‍സും ആയി വന്ന അനുശ്രീ , പൂമരം വേദിയില്‍ ഒരു ഒരു വേറിട്ട അനുഭവം പ്രദാനം ചെയ്തു . വിനീത് എന്ന ഒരു പുതു പ്രതിഭയുടെ അപാര സംഗീതം Houston മലയാളികളെ ഞെട്ടിച്ചു ! അനൂപ് ചന്ദ്രന്റെയും , അരിസ്‌റ്റോ സുരേഷിന്റെയും പ്രകടനങ്ങള്‍ ഒന്നിന് ഒന്നായി തകര്‍ത്തു. ഒക്ടോബര്‍ 7 ചിക്കാഗോ, സെപ്തംബര് 30 miami , ഒക്ടോബറില്‍ ന്യൂജേഴ്‌സി , ന്യൂയോര്‍ക് , വാഷിംഗ്ടണ്‍ എന്നിവടങ്ങളില്‍ ഷോ നടക്കാനിരിക്കുന്നതേ ഉള്ളു !!

Read more

തോമസ് കൂവള്ളൂരിന്റെ ഭാര്യാ പിതാവ് വി.ഒ. മാത്യു ഓരത്തേല്‍ (94) നിര്യാതനായി

ന്യൂയോര്‍ക്ക്: കുറുപ്പന്തറ മണ്ണാറപ്പാറ സെന്റ് സേവ്യേഴ്‌സ് ഇടവകാംഗമായ വി.ഒ. മാത്യു ഓരത്തേല്‍ (94) സെപ്റ്റംബര്‍ 22-നു നിര്യാതനായി. പരേതന്‍ മുന്‍കാല ബിസിനസുകാരനും, കേരളാ കോണ്‍ഗ്രസിന്റെ ആരംഭകാല സജീവ പ്രവര്‍ത്തകനുമായിരുന്നു.

ഭാര്യ: അന്നമ്മ മാത്യു വടയാര്‍ മാലിയേല്‍ കുടുംബാംഗമാണ്.

മക്കള്‍: ഒ.എം. വര്‍ക്കി (ന്യൂയോര്‍ക്ക്), സിസിലി കൂവള്ളൂര്‍ (ന്യൂയോര്‍ക്ക്), ജോസഫ് ഒ.എം. (ഫ്‌ളോറിഡ), അന്ന ഫെര്‍ണാണ്ടസ് (ന്യൂയോര്‍ക്ക്), പരേതനായ ബന്നി മാത്യു (ന്യൂയോര്‍ക്ക്), ലിസ്സി മത്തായി (ഏറ്റുമാനൂര്‍), ക്ലൈംസ് മാത്യു (ദുബായ്).

പരേതന്‍ തോമസ് കൂവള്ളൂരിന്റെ ഭാര്യാ പിതാവാണ്.

സംസ്കാര ശുശ്രൂഷകള്‍ സെപ്റ്റംബര്‍ 25-നു തിങ്കളാഴ്ച ഉച്ചകഴിഞ്ഞ് 2.30-നു മണ്ണാറപ്പാറ സെന്റ് സേവ്യേഴ്‌സ് ദേവാലയത്തില്‍ വച്ചു നടത്തപ്പെടുന്നതും, തുടര്‍ന്നു കുടുംബ കല്ലറയില്‍ സംസ്കരിക്കുന്നതുമാണ്.

ബന്ധുമിത്രാദികള്‍ ഇതൊരറിയിപ്പായി സ്വീകരിക്കണമെന്ന് താത്പര്യപ്പെടുന്നു. കുടുംബാംഗങ്ങള്‍ക്കുവേണ്ടി തോമസ് കൂവള്ളൂര്‍ (914 409 5772).

Read more

മലയാളി അസോസിയേഷന്‍ ഓഫ് ന്യൂജേഴ്‌സി (മഞ്ച്) ഓണാഘോഷം വര്‍ണ്ണാഭമായി

ന്യൂജേഴ്‌സി: പൂവേ പൊലി പൂവേ.... മലയാളികളുടെ മനസില്‍ ഇന്നും തങ്ങി നില്‍ക്കുന്ന മലയാണ്മയുടെ ഓര്‍മ്മകള്‍ അലതല്ലുന്ന ഓണക്കാഴ്ചകള്‍. പ്രവാസി മലയാളികളുടെ മനസില്‍ ഇന്നും ഗൃഹാതുരത്വമുണര്‍ത്തുന്ന ഒരു മധുരസ്മരണകളാണ് എല്ലാ വര്‍ഷവും ഓണാഘോഷങ്ങളിലൂടെ പുനരാവിഷ്ക്കരിക്കപ്പെടുന്നത്. അതെ പ്രവാസി മലയാളികള്‍ക്ക് ഇന്നും ഓണം കലര്‍പ്പില്ലാത്ത പഴയകാലത്തെ അവരുടെ ഓണാഘോഷങ്ങളെ അനുസ്മരിപ്പിക്കുന്നതാണ്.
അത്തരത്തിലൊരോണമാണ് സെപ്റ്റംബര്‍ രണ്ടിന് ന്യൂജേഴ്‌സിയിലെ പാറ്റേഴ്‌സണിലുള്ള സെന്റ് ജോര്‍ജ് സീറോ മലബാര്‍ കാത്തലിക് പള്ളി ഓഡിറ്റോറിയത്തില്‍ അരങ്ങേറിയത്.

മലയാളി അസോസിയേഷന്‍ ഓഫ് ന്യൂജേഴ്‌സി (മഞ്ച്) യുടെ ആഭിമുഖ്യത്തില്‍ നടന്ന ഓണാഘോഷ പരിപാടികള്‍ ദീര്‍ഘകാലത്തെ പ്രവാസ ജീവിതത്തിന്റെ തിരക്കു പിടിച്ച ജീവിതത്തില്‍ നിന്ന് തങ്ങളുടെ ചെറുപ്പകാലത്തെ സമൃദ്ധിയുടെ ഓണക്കാലത്തെ സ്മരണകളിലേക്ക് ന്യൂജേഴ്‌സിയിലെ മലയാളികളെ കൂട്ടിക്കൊണ്ടുപോയി.

ഹാര്‍വി കൊടുങ്കാറ്റ് ദുരന്തം വിതച്ച ഹ്യൂസ്റ്റണിലെ മലയാളികള്‍ക്കും ജീവനും കിടപ്പാടവും നഷ്ടപ്പെട്ട അനേകര്‍ക്കും വേണ്ടി ഒരു നിമിഷം പ്രാര്‍ത്ഥനാ മഞ്ജരികള്‍ അര്‍പ്പിച്ച ശേഷമാണ് ആഘോഷ പരിപാടികള്‍ക്ക്ു തുടക്കം കുറിച്ചത്. ജോലിത്തിരക്കുകളുടെ പിരിമുറക്കമൊന്നുമില്ലാതെ ശനിയാഴ്ച ഉച്ചയ്ക്ക് 12 മണിയോടെയാണ് ഓണാഘോഷ പരിപാടികള്‍ ആരംഭിച്ചത്. കിരീടവും ആടയാഭരണങ്ങളുമണിഞ്ഞ് കൊമ്പന്‍ മീശയും ഇളക്കിയും കുടവയര്‍ കുലുക്കിയും മുത്തുക്കുടയും ചൂടി എഴുന്നള്ളിയ മാവേലിത്തമ്പുരാനെ പൂത്താലമേന്തിയ സെറ്റുസാരികളുടുത്ത മലയാളിമങ്കമാരും പട്ടുപാവാടകളണിഞ്ഞ കുരുന്നു സുന്ദരികളും നിറപുഞ്ചിരികളോടെ വരവേറ്റു ചെണ്ടവാദ്യവും അകമ്പടിയായപ്പോള്‍ മാവേലിയുടെ വരവ് അരങ്ങ് തകര്‍ത്തു. പൂവിളികളും വഞ്ചിപ്പാട്ടു പിന്നണിയില്‍ മുഴങ്ങിയപ്പോള്‍ നിറഞ്ഞ സദസിനിടയിലൂടെ കൈകള്‍ വീശി എല്ലാ പ്രവാസി മലയാളികള്‍ക്കും അനുഗ്രഹം ചൊരിഞ്ഞ് മഹാബലിത്തമ്പുരാന്‍ വേദിയില്‍ ഉപവിഷ്ടനായി. ദേശീയഗാനവും പ്രാര്‍ത്ഥനാഗാനവും ആലാപനം നടത്തിയതിനു ശേഷം മഹാബലിത്തമ്പുരാന്‍ ഓണാശംസകള്‍ അര്‍പ്പിച്ചു. തുടര്‍ന്ന് മഞ്ച് കുടുംബത്തിലെ അംഗനമാര്‍ ചേര്‍ന്ന് അവതരിപ്പിച്ച തിരുവാതിരാ നൃത്തം ഓണാഘോഷത്തെ ഉജ്ജ്വലമാക്കി. അതിനുശേഷം വിശിഷ്ടാതിഥികള്‍ ചേര്‍ന്ന് ഭദ്രദീപം കൊളുത്തി ഓണാഘോഷം ഔദ്യോഗികമായി ഉദ്ഘാടനം ചെയ്തു.

മഞ്ച് പ്രസിഡന്റ് സജിമോന്‍ ആന്റണിയുടെ അധ്യക്ഷതയില്‍ ചേര്‍ന്ന ലളിതമായ പൊതുസമ്മേളനം മുഖ്യാതിഥി പാറ്റേഴ്‌സണ്‍ സെന്റ് ജോര്‍ജ് പള്ളി വികാരി ഫാ.ജേക്കബ് ക്രിസ്റ്റി ഉദ്ഘാടനം ചെയ്തു. സമത്വസുന്ദരമായ ഓണത്തിന്റെ സ്മരകളില്‍ കഴിയുന്ന പ്രവാസി മലയാളികള്‍ക്ക് ഇനിയുള്ള കാലം മുഴുവന്‍ ഓണത്തിന്റെ നല്ലകാലം ഉണ്ടാകട്ടെയെന്ന് അദ്ദേഹം ആശംസിച്ചു. ഫൊക്കാന നേതാക്കളായ തമ്പി ചാക്കോ, നാമം സ്ഥാപക നേതാവ് മാധവന്‍ ബി നായര്‍, ഫിലിപ്പോസ് ഫിലിപ്പ്, ലൈസ്ലി അലകസ്, ജോയി ഇട്ടന്‍, പോള്‍ കറുകപ്പള്ളില്‍, ഷാജി വര്‍ഗീസ്, വേള്‍ഡ് മലയാളി കൗണ്‍സില്‍ പ്രസിഡന്റ് തങ്കമണി അരവിന്ദന്‍, കാഞ്ച പ്രസിഡന്റ് സ്വപ്ന ജോര്‍ജ് തുടങ്ങിയ പ്രസംഗിച്ചു. രാജു ജോയി, ജോസ്‌ജോയി, ഐറിന്‍ എലിസബത്ത് തടത്തില്‍, റോഷന്‍ മാമന്‍ എന്നിവര്‍ ഗാനങ്ങള്‍ ആലപിച്ചു. സുജ ജോസ്, ഷൈനി രാജു, നെസി തടത്തില്‍, ജൂബി സാമുവേല്‍, ജിജി ഷാജി, മഞ്ചു ചാക്കോ, രശ്മി വര്‍ഗീസ്, അമ്പിളി കുര്യന്‍ എന്നിവര്‍ ചേര്‍ന്ന് തിരുവാതിര നൃത്തം അവതരിപ്പിച്ചു. ആഷ്‌ലി ഷിജിമോനും ഈവ സജിമോനും ചേര്‍ന്ന് സിനിമാറ്റിംഗ് നൃത്തം അവതരിപ്പിച്ചപ്പോള്‍ ജിസ്മി ലിന്റോ, അലക്‌സാ ഷിജിമോന്‍, ജോയന്ന മനോജ്, സന്തോഷ് എ്‌നീ കുരുന്നുകളുടെ സംഘനൃത്തവും ഐറിന്‍ എലിസബത്ത് തടത്തിലിന്റെ നൃത്തവും ഹൃദ്യമായി. മഞ്ച് ട്രഷററും പ്രോഗ്രാം കമ്മിറ്റി കണ്‍വീനറുമായ പിന്റോ ചാക്കോ സ്വാഗതം പറഞ്ഞു. മഞ്ച് വിമന്‍സ് ഫോറം കണ്‍വീനര്‍ മരിയാ തോട്ടുകടവില്‍ കുട്ടികള്‍ക്കായി കുസൃതി മത്സരങ്ങള്‍ നടത്തി. ഷൈനി രാജു, സുജ ജോസ് എന്നിവര്‍ എം.സി.മാരായിരുന്നു. 

Read more

കൂടുതൽ അമേരിക്കൻ ഓണ വിശേഷങ്ങളുമായി ഏഷ്യാനെറ്റ് യൂ. എസ്. റൗണ്ടപ്പ്.

ന്യൂയോർക്ക്: നേരോടെ, നിർഭയം, നിരന്തരം, വാർത്തകളായാലും എന്റെർടെയ്ൻമെന്റ് പരിപാടികളായാലും, ലോക മലയാളികളുടെ സ്വന്തം ചാനലായ ഏഷ്യാനെറ്റിൽ എല്ലാ ശനിയാഴ്ച്ചയും രാവിലെ 9 (ന്യൂയോർക്ക് സമയം) മണിക്ക് ഡിഷ് നെറ്റ് വർക്കിലും, ഐ.പി.ടി.വി. സിസ്റ്റത്തിൽ 8 മണിക്കും (ന്യൂയോർക്ക് സമയം) പ്രക്ഷേപണം ചെയ്യുന്ന ഏഷ്യാനെറ്റ് യൂ.എസ്. റൗണ്ടപ്പിൽ ഈയാഴ്ച്ച, അമേരിക്കയിലെ വിവിധ മലയാളി പ്രസ്ഥാനങ്ങളുടെ ഓണാഘോഷ പരിപാടികളുടെ പ്രശക്ത ഭാഗങ്ങൾ ലോക മലയാളികൾക്കായി കാഴ്ച്ചവെക്കുന്നു.

ഓണത്തോട് അനുബന്ധിച്ചു ഇലിനോയിസ് സംസ്ഥാനത്തെ ചിക്കാഗോയിലെ 40 വർഷം പിന്നിട്ട കേരളാ അസോസിയേഷൻ ഓഫ് ചിക്കാഗോയുടെ ഓണാഘോഷ പരിപാടികളും, 40 -ആം വാർഷിക ആഘോഷങ്ങളുടെ പ്രശക്ത ഭാഗങ്ങളും, കേരളാ സാമാജം ഓഫ് ഗ്രേറ്റർ ന്യൂയോർക്ക്, മലയാളി അസ്സോസിയേഷൻ ഓഫ് ഫിലാഡൽഫിയ, ഒരുമ, ഗീതാമണ്ഡലം ചിക്കാഗോ, തുടങ്ങി ഒട്ടനവധി സംഘടനകളുടെ ഓണാഘോഷ പരിപാടികൾ ഈ എപ്പിസോഡിൽ ഉൾപ്പെടുത്തിയിട്ടുണ്ട്. ന്യൂയോർക്കിൽ വിവിധ സംഘടനകൾ ഒരുമിച്ച് കൂടി നടത്തിയ ഓണം ശ്രദ്ധേയമായി. എക്കാലത്തും അമേരിക്കയിലെ ആഴ്ച്ച വിശേഷങ്ങളുമായി എത്തുന്ന ഏഷ്യാനെറ്റ് യൂ.സ്. റൗണ്ടപ്പിന്റെ ഈയാഴ്ച്ചയിലെ എപ്പിസോഡും പുതുമകൾ നിറഞ്ഞതായിരിക്കും.

കൂടുതൽ വിവരങ്ങൾക്ക്
യൂ.എസ്. പ്രോഗ്രാം ഡയറക്ടർ രാജു പള്ളത്ത് 732 429 9529

Read more

സീറോ മലബാര്‍ കാറ്റക്കെറ്റിക്കല്‍ കോണ്‍ഫറന്‍സ് സെപ്റ്റംബര്‍ 30-ന് ചിക്കാഗോയില്‍

ചിക്കാഗോ: ചിക്കാഗോ സീറോ മലബാര്‍ രൂപതയിലെ മതബോധന പ്രിന്‍സിപ്പല്‍മാരുടെ വാര്‍ഷിക സമ്മേളനം 2017 സെപ്റ്റംബര്‍ 30-നു ശനിയാഴ്ച കത്തീഡ്രല്‍ പാരീഷ് ഹാളില്‍ വച്ചു നടക്കും.

രൂപതയിലെ 41 ഇടവകകളില്‍ നിന്നും 30 മിഷനുകളില്‍ നിന്നുമുള്ള പ്രിന്‍സിപ്പല്‍മാര്‍ രൂപതാ കത്തീഡ്രല്‍ ആസ്ഥാനത്തുവച്ചു നടക്കുന്ന ഈ സമ്മേളനത്തില്‍ പങ്കെടുക്കും. രൂപതയിലെ വിവിധ സണ്‍ഡേ സ്കൂളുകളിലായി 9000 വിദ്യാര്‍ത്ഥികളും, 1100 അധ്യാപകരും ഉണ്ട്.

ചിക്കാഗോ രൂപതാധ്യക്ഷന്‍ മാര്‍ ജേക്കബ് അങ്ങാടിയത്ത് സമ്മേളനം ഉദ്ഘാടനം ചെയ്യും. മാര്‍ ജോയി ആലപ്പാട്ട് സമ്മേളനത്തില്‍ ആമുഖ സന്ദേശം നല്‍കും. ആലുവ പൊന്തിഫിക്കല്‍ സെമിനാരി ഡീന്‍ റവ.ഡോ. സിബി പുളിക്കല്‍ ക്ലാസുകള്‍ നയിക്കും. വി. കുര്‍ബാന കേന്ദ്രീകൃതമായ മതബോധനത്തെ സംബന്ധിച്ച പ്രബന്ധം റവ.ഡോ. സിബി പുളിക്കല്‍ അവതരിപ്പിക്കും.

രൂപതയുടെ കൂരിയാ അംഗങ്ങളായ റവ.ഡോ. അഗസ്റ്റിന്‍ പാലയ്ക്കാപ്പറമ്പില്‍, റവ.ഫാ. തോമസ് മുളവനാല്‍, ഫാ. ജോര്‍ജ് മാളിയേക്കല്‍, ഫാ. ജോണിക്കുട്ടി പുലിശേരി എന്നിവര്‍ യോഗത്തില്‍ സംബന്ധിക്കും. മതബോധന ചര്‍ച്ചകളില്‍ റവ.ഡോ. ജോര്‍ജ് ദാനവേലി, റവ.ഫാ. പോള്‍ ചാലിശേരി എന്നിവരും പങ്കുചേരും. സമ്മേളനത്തിന്റെ ഒരുക്കങ്ങള്‍ പൂര്‍ത്തിയായതായി മതബോധന ഡയറക്ടര്‍ ഫാ. അഗസ്റ്റിന്‍ പാലയ്ക്കാപ്പറമ്പില്‍ അറിയിച്ചു. 

Read more

രവീന്ദ്രന്‍ നയ്യാര്‍ (78) മയാമിയില്‍ നിര്യാതനായി

മയാമി :ആലപ്പുഴ സ്വദേശിയും ഫ്‌ലോറിഡയില്‍ മയാമിക്കടുത്തു പ്‌ളാന്റേഷനില്‍ സ്ഥിരതാമസക്കാരനുമായിരുന്ന രവീന്ദ്രന്‍ നയ്യാര്‍ (78 ) സെപ്റ്റംബര്‍ 16-നു പ്‌ളാന്റേഷനില്‍ വെച്ച് നിര്യതനായി . സംസ്കാരം നടത്തി.

എണ്‍പതുകളുടെ ആദ്യം അമേരിക്കയിലേക്ക് കുടിയേറിയ പരേതന്‍ ഒരു ജിയോ കെമിസ്റ്റും ,സെയില്‍സ് ആന്‍ഡ് മാര്‍ക്കറ്റിംഗ് മേഖലയില്‍ വലിയ നേട്ടങ്ങള്‍ കൈവരിച്ച വ്യക്തിയുമായിരുന്നു .രോഗബാധിതനാകുന്നത് വരെ മലയാളി സമൂഹത്തിലെ സജീവ സാന്നിദ്ധ്യയുമായിരുന്നു പരേതന്‍ .

ഭാര്യ: ലളിതാ നായര്‍. മക്കള്‍: പ്രിയാ നായര്‍, മാധവ് നായര്‍. മരുമക്കള്‍: മിലിന്‍ഡ് ഹെബിള്‍, തെരേസാ നായര്‍. കൊച്ചുമക്കള്‍: ദിയ, ആര്യ, പ്രിയ, ചേതന്‍.

Read more

ഫോമാ സീനിയര്‍ സിറ്റിസണ്‍സ് ഫോറം രൂപീകരിച്ചു; ജെ. മാത്യൂസ് ചെയര്‍മാന്‍

ന്യൂയോര്‍ക്ക്: അമേരിക്കന്‍ മലയാളികളില്‍ ആദ്യകാല കുടിയേറ്റക്കാരില്‍ ഭൂരിഭാഗവും മുതര്‍ന്ന പൗരന്മാരാണ്. പലരും സ്വയം പര്യാപ്ത നേടിയവരാണ്. എന്നാല്‍ അല്ലാത്തവര്‍ക്ക് സ്‌റ്റേറ്റ് ഗവണ്‍മെന്‍റ്, ഫെഡറല്‍ ഗവണ്‍മെന്‍റ് നിരവധിയായ ആനുകൂല്യങ്ങളും സഹായങ്ങളും നല്‍കുന്നുണ്ട്.എന്നാല്‍ പലര്‍ക്കും അതേപ്പറ്റി വ്യക്തമായ ധാരണയുമില്ല. ഇത്തരം ആനുകുല്യങ്ങള്‍ ഓരോ സ്‌റ്റേറ്റിലും വ്യത്യസ്ഥമാണ്. ഓരോ സ്‌റ്റേറ്റുകളിലും ഇത്തരം പ്രവര്‍ത്തനങ്ങള്‍ ഏകോപിപ്പിക്കുകയും ആവശ്യം വേണ്ട ഉപദേശങ്ങളും സഹായങ്ങളും എത്തിച്ചു നല്‍കുന്നുതിനുവേണ്ടി ഫോമാ രൂപീകരിച്ച പോഷക സംഘടനയാണ് ഫോമാ സീനിയര്‍ സിറ്റിസണ്‍സ് ഫോറം.

ഫോറത്തിന്‍റെ ചെയര്‍മാനായി സാമൂഹിക സാംസ്കാരിക പ്രവര്‍ത്തകന്‍ ജെ. മാത്യൂസ്(ന്യൂയോര്‍ക്ക്), ജോസഫ് നെല്ലുവേലിലാണ്(ഷിക്കാഗോ) സെക്രട്ടറി, ഔസേഫ് വര്‍ക്കി(ഫ്‌ളോറിഡ) ട്രഷറര്‍, ജോര്‍ജ് മാലേത്ത്(അറ്റ്‌ലാന്‍റാ) ജോ. ട്രഷറര്‍, വര്‍ഗീസ് ചുങ്കത്തില്‍(ന്യൂയോര്‍ക്ക്) ജോ. സെക്രട്ടറി എന്നിവരെ മറ്റു ഭാരവാഹികളായി തെരഞ്ഞടുത്തു ഫോമാ ജോ. ട്രഷറര്‍ ജോമോന്‍ കുളപ്പുരക്കലാണ് സീയിയര്‍ സിറ്റിസണ്‍സ് ഫോറത്തിന്‍റെ നാഷണല്‍ കോര്‍ഡിനേറ്റര്‍.

കൂടുതല്‍ കരുതലും പരിഗണനകള്‍ക്കും വേണ്ടിവരുന്ന മുതര്‍ന്ന പൗരന്മാരെ സഹായിക്കുന്നതിനായി സോഷ്യല്‍ വര്‍ക്കേഴ്‌സ് ഉള്‍പ്പെടെയുള്ളവരെ ഉള്‍പ്പെടുത്തി ഓരോ സ്‌റ്റേറ്റുകളിലും ടീമുകള്‍ രൂപീകരിക്കുന്ന പ്രവര്‍ത്തനങ്ങള്‍ ആരംഭിച്ചു കഴിഞ്ഞു.

ഫോമയുടെ അഞ്ചാമത്തെ പോഷക സംഘടനയായ സീനിയര്‍ സിറ്റിസണ്‍സ് ഫോറത്തിന് എല്ലാ വിജയാംശസകളും നേരുന്നതായി ഫോമാ പ്രസിഡന്‍റ് ബെന്നി വാച്ചാച്ചിറ, സെക്രട്ടറി ജിബി തോമസ് എന്നിവര്‍ അറിയിച്ചു.

Read more

ലാനാ ന്യൂയോര്‍ക്ക് രജിസ്‌ട്രേഷന്‍ കിക്ക്ഓഫ് വന്‍ വിജയം

ന്യൂയോര്‍ക്ക്: ഒക്ടോബര്‍ 6, 7, 8 തിയ്യതികളില്‍ ന്യൂയോര്‍ക്കില്‍ നടക്കുന്ന ത്രിദിന ദേശീയ സമ്മേളനത്തില്‍ ന്യൂയോര്‍ക്കില്‍ നിന്നും പങ്കെടുക്കുന്ന അംഗങ്ങളുടെ രജിസ്ട്രേഷന്‍ കിക്ക് ഓഫ് സെപ്റ്റംബര്‍ 9 ന് ന്യൂയോര്‍ക്ക് കേരള സെന്ററില്‍ വെച്ച് നടത്തപ്പെട്ടു.

ലാനാ കണ്‍വെന്‍ഷന്റെ മുന്നോടിയായി സംഘടിപ്പിച്ച ഭാഷാ സ്‌നേഹികളുടേയും, സാഹിത്യകാരന്മാരുടേയും സംയുക്ത യോഗത്തില്‍ കണ്‍വന്‍ഷന്‍ കമ്മിറ്റി ചെയര്‍മാന്‍ മനോഹര്‍ തോമസ് അദ്ധ്യക്ഷത വഹിച്ചു.സമ്മേളനം വന്‍ വിജയമാക്കുന്നതിന് എല്ലാവരുടേയും സഹകരണം ചെയര്‍മാന്‍ അഭ്യര്‍ത്ഥിച്ചു.

തുടര്‍ന്ന് നിര്‍മ്മല ജോസഫ്, സന്തോഷ് പാല, പി ടി പൗലോസ് എന്നിവരില്‍ നിന്നും രജിസ്ട്രേഷന്‍ ചെക്ക് മനോഹര്‍ തോമസ് ഏറ്റുവാങ്ങി ലാനാ സമ്മേളനത്തിന്റെ പ്രധാന കുറിപ്പ് കണ്‍വീനര്‍ സന്തോഷ് പാല, പ്രോഗ്രാം കമ്മിറ്റി കണ്‍വീനര്‍ ഡോ നന്ദകുമാര്‍ ചാണയില്‍, റിസപ്ഷന്‍ കമ്മറ്റി ചെയര്‍മാന്‍ പ്രിന്‍സ് മാര്‍ക്കോ് കണ്‍വീനര്‍മാരായ ബാബു പാറക്കല്‍, രാജു തോമസ് സാംസി കൊടുമണ്‍ (സ്റ്റിയറിംഗ് കമ്മിറ്റി കണ്‍വീനര്‍) എന്നിവര്‍ വിശദീകരിച്ചു.

ഡോ എ കെ ബി പിള്ള, രാജു മൈലപ്ര, രാജു തോമസ്, കെ കെ ജോണ്‍സണ്‍, ഡോ എന്‍ പി ഷീല തുടങ്ങിയവര്‍ സമ്മേളനത്തിന്റെ വിജയത്തിനായി എല്ലാവിധ പിന്‍തുണയും സഹായ സഹകരണവും വാഗ്ദാനം ചെയ്തു. ലാമാ ജനറല്‍ സെക്രട്ടറി ജെ മാത്യൂസ് സമ്മേളനത്തിന്റെ പൊതു നയങ്ങളും, പരിപാടികളും സംക്ഷിപ്തമായി വിശദീകരിച്ചു. ഡിന്നറിന് ശേഷം യോഗം പര്യവസാനിച്ചു. (ലാനാ ജനറല്‍ സെക്രട്ടറി ജെ മാത്യൂസ് പ്രസിദ്ധീകരണത്തിന് നല്‍കിയ പത്രകുറിപ്പില്‍ നിന്നും)

Read more

വിഷയ സ്വികരണത്തിൽ എഴുത്തുകാരന്റെ സ്വാതന്ത്ര്യം എത്രത്തോളമാകാം

ഈ  ഒരു വിഷയം സർഗവേദി സ്വികരിക്കാനുള്ള പ്രധാന കാരണം എഴുത്തുകാരുടെ ഇടയിൽ 
അവരുടെ സൃഷ്ടികളിൽ , ഒരു ഭയം നിഴലിക്കുന്ന പോലെ തോന്നപ്പെടുന്നു .അവർ എഴുത്തിന്റെ ലോകത്തേക്ക് എത്തുമ്പോൾ എന്തിനെയോ പേടിക്കുന്നപോലെ .കുറച്ചുകൂടി തെളിച്ചു പറയാമായിരുന്നല്ലോ എന്ന് അനുവാചകനെക്കൊണ്ട് ചിന്തിപ്പിക്കുന്നു .
                           കുടിയേറ്റ മണ്ണിൽ സർഗ്ഗധനരായ പല എഴുത്തുകാർ ഉണ്ടായിട്ടും ,അവർക്കു ചില പരിധിക്കു അപ്പുറത്തേക്ക് ഉയരാൻ കഴിയാതെ പോയതിന്റെ ഒരു കാരണം താൻ വ്യാപരിക്കുന്ന ചെറു സമൂഹം തന്റെ എഴുത്തിനെ എങ്ങിനെ ഏറ്റുവാങ്ങും എന്ന ആകുലത കൊണ്ട് മാത്രമാണ് .താൻ പോകുന്ന പള്ളിക്കാർ ,താൻ വ്യാപരിക്കുന്ന അസോസിയേഷൻ ,തന്റെ ചുറ്റുമുള്ള കുടുംബസമൂഹം ,ഇവരെല്ലാം തന്റെ എഴുത്തിനെ എങ്ങിനെ വിലയിരുത്തും . എഴുതുന്നതെല്ലാം അയാളുടെ തന്നെ ജീവിതമാണെന്ന് തെറ്റിദ്ധരിക്കില്ലേ? യാഥാർഥ്യവും ,ഭാവനയും ഊടും ,പാവും പോലെ നെയ്യുമ്പോഴാണ് ഉദാത്തമായ 
സൃഷ്ടികൾ ഉണ്ടാകുന്നത് .വേർതിരിച്ചു എടുക്കാനാകാത്തവിധം ഇവ ഇഴചേരുമ്പോൾ എഴുത്തുകാരൻ 
എന്തിന് പേടിക്കണം .
 
                     പെന്തകൊസ്തിലേക്ക്  ചേർന്ന ചിത്രകാരൻ എന്ത് വരച്ചാലും യേശുക്രിസ്തുവിന്റെ മുഖമായി 
പോകുന്നപോലെ.അതിനുമുമ്പ് അയാൾ അതിമനോഹരമായ ചിത്രരചന നടത്തിയിരുന്നതാകാം .
അവിടെയുംചിത്രകാരൻ  മറന്നു പോകരുതാത്ത ഒരു കാര്യം ശിവകാശിയിൽ അടിച്ച കലണ്ടറിൽ 
നിന്നാണ്  അയാൾ ആദ്യമായി യേശുക്രിസ്തുവിന്റെ മുഖം കണ്ടത് .
 
                    പിന്നെ കാണുന്ന ഒരു പ്രവണത ക്രിസ്തുമസിനും ,ഓണത്തിനും ,ഈസ്റ്ററിനും മാത്രം ആ 
വിഷയങ്ങളിൽ വ്യാപാരിക്കുന്നവർ . അപ്പോളത്തെ സൃഷ്ടി കഴിഞ്ഞാൽ പിന്നെ ആളെ കാണില്ല .വേറൊരു കൂട്ടർ ,സമൂഹത്തിൽ ഹൃദയസ്‌പൃക്കായ ഒരു സംഭവം ഉണ്ടാകുമ്പോൾ മാത്രം പേന എടുക്കും .ഹൃദയം പൊട്ടി എഴുതും , പിന്നെ കാണില്ല .
 
                 പെട്ടെന്ന്  ശ്രദ്ധ പിടിച്ചു പറ്റാൻ വേണ്ടി ,നമ്മൾ മനസ്സിൽ മഹിമാധനരായി സൂക്ഷിക്കുന്നവരെപ്പറ്റി 
മോശം പറഞ്ഞെഴുതുക . വെളുത്ത ചുവരിലേക്ക് കറുത്ത മഷി  കുടയുമ്പോൾ ഉണ്ടാകുന്ന പ്രതിഭാസം 
സൃഷ്ടിക്കുക .അവിടെ യേശുക്രിസ്തുവും ,ഗാന്ധിജിയും ,ഒക്കെ കടന്നു വരും .
 
                ബൈബിൾ ബിംബങ്ങളും ,പ്രാക്തന ബിംബങ്ങളും ഇതിഹാസ ബിംബങ്ങളും ,ഉപയോഗിക്കുന്നതിനോടൊപ്പം ലൈംഗിക ബിംബങ്ങളും ഉപയോഗിച്ച് ശ്രദ്ധ പിടിച്ചു  പറ്റുക.. 
പള്ളികൾ കൊടികുത്തിവാഴുന്ന അമേരിക്കൻ സമൂഹത്തിൽ അത്തരം എഴുത്തുകാർ ,എത്രതന്നെ 
സർഗ്ഗധനരായാലും അംഗീകൃതരാകില്ല .
 
                 സന്തോഷ് പാലാ തൊടുപുഴ ന്യൂമാൻ കോളേജിലെ ജോസഫ് സാറിന് കൈ നഷ്ടപ്പെട്ട കാര്യം 
പരാമർശിക്കുകയുണ്ടായി .ഒരെഴുത്തുകാരന്റെ അഭിപ്രായത്തെ നേരിടേണ്ടത് ബുദ്ധികൊണ്ടായിരിക്കണം .അല്ലാതെ ശരീരം കൊണ്ടല്ല.  " ലിംഗവിശപ്പു് " എഴുതിയയാൾ ഏറ്റവും വേഗം ശ്രദ്ധ കിട്ടാൻ കുറുക്കുവഴി തേടുകയായിരുന്നു .കേരളത്തിലെ എഴുത്തു പല തട്ടുകളായി തിരിയുന്നു . അരാചകവാദികളുടെ ഇടം ,നിരീശ്വര വാദികളുടെ ഇടം ,ദളിതരുടെ ,സ്ത്രീപക്ഷക്കാരുടെ അങ്ങിനെ പലതും .ഒരാളുടെ charactor  ഫോർമേഷൻ എങ്ങിനെയാണോ നടന്നത് ,അതിനെ ആശ്രയിച്ചായിരിക്കും അയാളുടെ എഴുത്തും മാറി ചിന്തിക്കാനും , മാറ്റിചിന്തിക്കാനും അയാൾ പാടുപെടേണ്ടിവരും .
 
              പണ്ട് അധികാര സ്ഥാപനങ്ങളെ പ്രകിർത്തിച്ചു എഴുതാൻ എഴുത്തുകാർ നിര്ബന്ധിതരായിരുന്നു .
ഇന്ന് എഴുത്തു വ്യക്തിയുടെ സ്വാതന്ത്ര്യമായി മാറി ." ഇന്നത് ആണ് ശരി " എന്നൊരവസ്ഥയില്ല .ഇന്നലത്തെ 
ശരികൾ ഇന്നത്തെ ശരി ആകണം എന്നില്ല .പൊന്കുന്ന വർക്കിയും ,മുട്ടത്തു വർക്കിയും എഴുത്തിൽ 
സത്യസന്ധത കാണിച്ചവരാണ് .ലൈംഗിക ബിംബങ്ങൾ ഉപയോഗിക്കുന്ന ഒരു കവിയും വസ്ത്രം 
ഉടുക്കാതെ നടന്നു കണ്ടിട്ടില്ല .ഈ അഭിപ്രായങ്ങളാണ് ജെ . മാത്യു സാർ പറഞ്ഞത് .
 
                 ജോസ് ചെരിപുരം എങ്ങനെ പറഞ്ഞു ,വയലാർ നിരീശ്വരവാദി ആയിരുന്നിട്ടും അതി 
മനോഹരമായ ഭക്തി ഗാനങ്ങൾ എഴുതി. എഴുത്തുകാർ പലപ്പോഴും വളരെ hipocrat ആകും . അമേരിക്കയിൽ ഉണ്ടാകുന്ന കൂടുതൽ സൃഷ്ടികളും മതസംബന്ധിയും ,ഈശ്വര പ്രകിർത്തനങ്ങളുമാണ് . പള്ളിയിൽ കാല് ചവിട്ടി നിൽക്കുന്ന എഴുത്തുകാരന് എളുപ്പവും  അതാണ് .
 
            രാജു തോമസിന്റെ  അഭിപ്രായത്തിൽ " എഴുതാൻ ഒരുപാട് ധൈര്യം ആവശ്യമാണ് " ഇവിടുത്തെ 
പല എഴുത്തുകാർക്കും ബോധപൂർവമായ ജാഡ ഉണ്ട് . അതിനു രാജു എടുത്തു പറഞ്ഞത് രെജിസ് 
നെടുങ്ങാടപ്പിള്ളിയുടെ  വരികളാണ് . " നിങ്ങൾ അമ്പതൻമാർക്കും ,അറുപതന്മാർക്കും ലിംഗമൂർച്ചയില്ല "
എന്നാണ് .മാത്യു അർണോൾഡ് പറഞ്ഞു ," ഓൾ  litrature ഈസ് എ ക്രിട്ടിസിസം ഓഫ് ലൈഫ് " അത് 
മനുഷ്യ ഗന്ധിയായിരിക്കണം .മാത്രമല്ല അത് ജീവിതത്തെ ധാർമികമായി ബലപ്പെടുത്തുകയും വേണം .
Read more

ഗ്ലാഡ്‌സണ്‍ വര്‍ഗീസിന് ലീഡര്‍ഷിപ്പ് അവാര്‍ഡ്

ഷിക്കാഗോ: വിദേശ ഇന്ത്യക്കാരുടെ ഗ്ലോബല്‍ സംഘനടയായ ഗോപിയോ (ഗ്ലോബല്‍ ഓര്‍ഗനൈസേഷന്‍ ഫോര്‍ പീപ്പിള്‍ ഓഫ് ഇന്ത്യന്‍ ഒറിജിന്‍) റോസ്‌മോണ്ട് ഹൈറ്റ് ഹോട്ടലിന്റെ ഗ്രാന്റ് ബാള്‍ റൂമില്‍ വച്ചു നടന്ന ബിസിനസ് കോണ്‍ഫറന്‍സിലും ആനുവല്‍ ഗാലയിലും വച്ചു അമേരിക്കയിലെ വിവിധ സാമൂഹിക-സാംസ്കാരിക-സാമുദായിക സംഘടനകള്‍ക്ക് നേതൃത്വം നല്‍കുന്ന ഗ്ലാഡ്‌സണ്‍ വര്‍ഗീസിന്, ഗോപിയോ എന്ന സംഘടനയുടെ വളര്‍ച്ചയ്ക്കും, നേതൃത്വത്തിനും നല്‍കിയ വലിയ സംഭാവനകള്‍ക്ക് യു.എസ്. കോണ്‍ഗ്രസ്മാന്‍ രാജാ കൃഷ്ണമൂര്‍ത്തി ലീഡര്‍ഷിപ്പ് അവാര്‍ഡ് നല്‍കി ആദരിക്കുകയുണ്ടായി. കോണ്‍ഗ്രസ്മാന്റെ അവാര്‍ഡ് ദാന പ്രസംഗത്തില്‍ ഗോപിയോയുടെ വളര്‍ച്ചയേയും, പ്രവര്‍ത്തനങ്ങളേയും പ്രശംസിക്കുകയും തന്റെ സുഹൃത്തായ ഗ്ലാഡ്‌സണ്‍ വര്‍ഗീസിന് ലീഡര്‍ഷിപ്പ് അവാര്‍ഡ് നല്‍കുന്നതിലുള്ള അതിയായ സന്തോഷം അറിയിക്കുകയും ചെയ്തു.

അമേരിക്കയിലെ വിവിധ കോര്‍പറേഷന്‍ സി.ഇ.ഒമാര്‍, കോണ്‍സുലര്‍ ഓഫ് ഇന്ത്യ, ഇന്ത്യന്‍- അമേരിക്കന്‍ വ്യവസായ പ്രമുഖര്‍, അമേരിക്കന്‍ രാഷ്ട്രീയ നേതാക്കള്‍ എന്നിവര്‍ ചടങ്ങില്‍ പങ്കെടുത്തു.

അമേരിക്കയിലെ പ്രശസ്ത എന്‍ജീനീയറിംഗ് കോളജായ പെര്‍ഡ്യൂ യൂണിവേഴ്‌സിറ്റിയില്‍ നിന്നു മെക്കാനിക്കല്‍ എന്‍ജിനീയറിംഗില്‍ ബുരുദാനന്തര ബിരുദവും, അതേ യൂണിവേഴ്‌സിറ്റിയില്‍ നിന്നു ഓപ്പറേഷന്‍സ് മാനേജ്‌മെന്റില്‍ എം.ബി.എ ബിരുദവും നേടിയ ഗ്ലാഡ്‌സണ്‍ വെസ്റ്റിംഗ് ഹൗസ് കോര്‍പറേഷന്‍ ഡിവിഷണല്‍ ഡയറക്ടറാണ്. ഇല്ലിനോയിസ് ഗവര്‍ണര്‍ പാറ്റ് ക്യൂന്‍ 2013-ല്‍ ഗ്ലാഡ്‌സണെ ഇല്ലിനോയിസ് സ്ട്രക്ചറല്‍ എന്‍ജിനീയറിംഗ് ബോര്‍ഡ് കമ്മീഷണര്‍ ആയി നിയമിക്കുകയുണ്ടായി.

മലയാളി എന്‍ജിനീയേഴ്‌സ് അസോസിയേഷന്‍ ഇന്‍ നോര്‍ത്ത് അമേരിക്ക പ്രസിഡന്റ്, ഫോമ ജനറല്‍ സെക്രട്ടറി, ഐ.എന്‍.ഒ.സി ചിക്കാഗോ പ്രസിഡന്റ്, എക്യൂമെനിക്കല്‍ കൗണ്‍സില്‍ ഓഫ് ചിക്കാഗോ സെക്രട്ടറി, ഇന്‍ഡോ അമേരിക്കന്‍ ഡമോക്രാറ്റിക് ഓര്‍ഗനൈസേഷന്‍ സെക്രട്ടറി എന്നീ സ്ഥാനങ്ങള്‍ വഹിച്ചിട്ടുണ്ട്. 

Read more

സോജി മീഡിയാ എക്‌സലന്‍സ് അവാര്‍ഡ് 2017

ഷിക്കാഗോ: അമേരിക്കന്‍ ദൃശ്യ-മാധ്യമ രംഗത്ത് തനതായ ശൈലിയില്‍ ദൃശ്യചാരുതയാര്‍ന്ന മനോഹര കാഴ്ചകള്‍ ഒരുക്കിയ സോജി മീഡിയ ദൃശ്യമാധ്യമ രംഗത്ത് മികച്ച സംഭാവനകള്‍ നല്‍കിയ പ്രതിഭകളെ ആദരിക്കുന്നു.

2017 സെപ്റ്റംബര്‍ 22-നു വൈകുന്നേരം ഏഴുമണിക്ക് ഗ്ലെന്‍ ഓക്‌സ് ഹൈസ്കൂളില്‍ (74-20 Commonwelth Blvd, Queens, NY 11426) വച്ചാണ് അവാര്‍ഡ് വിതരണം നടക്കുന്നത്.

തുടര്‍ന്ന് മലയാളികളുടെ പ്രിയ ഗായകന്‍ എം.ജി ശ്രീകുമാര്‍, ശ്രേയ ജയദീപ് എന്നിവര്‍ നയിക്കുന്ന 'നിങ്ങളോടൊപ്പം' സ്റ്റേജ് ഷോയും ഉണ്ടായിരിക്കും.

അവാര്‍ഡിന് അര്‍ഹരായവര്‍: ഗ്ലാഡ്‌സണ്‍ വര്‍ഗീസ് (കമ്യൂണിറ്റി ലീഡര്‍ഷിപ്പ് അവാര്‍ഡ്), സുനില്‍ ട്രൈസ്റ്റാര്‍, പ്രവാസി ചാനല്‍ (മീഡിയ), ഡോ. ഫ്രീമു വര്‍ഗീസ് (ബെസ്റ്റ് ഇവന്റ് ഓഫ് ദി ഇയര്‍- നാഫാ 2017), സിജോ വടക്കന്‍, ഫ്‌ളവേഴ്‌സ് ടിവി യു.എസ്.എ (മീഡിയ & റിയല്‍ എസ്റ്റേറ്റ്), ടോം ജോര്‍ജ് (ആക്ടര്‍, ഡയറക്ടര്‍ - മീഡിയ), ഡോ. കൃഷ്ണ കിഷോര്‍ (മീഡിയ റിപ്പോര്‍ട്ടിംഗ്), ജോസ് കാടാപ്പുറം കൈരളി ടിവി യു.എസ്.എ (മീഡിയ), പോള്‍ കറുകപ്പള്ളില്‍ (ഫൊക്കാന), ടോസിന്‍ ഏബ്രഹാം (വിഷ്വല്‍ മീഡിയ). 

Read more

റോക്‌ലാൻഡ് ക്നാനായ ദേവാലയത്തിൽ പരിശുദ്ധ മാതാവിന്റെ തിരുന്നാൾ സെപ്.24 ന് ആഘോഷിക്കുന്നു

ന്യൂ യോർക്ക് ഹാവർ സ്‌ട്രോയിൽ (റോക്‌ലാൻഡ് )പരിശുദ്ധ  കന്യാമറിയത്തിന്റെ നാമത്തിലുള്ള പുതിയ ഇടവക ദേവാലയത്തിൽ മാതാവിന്റെ തിരുന്നാൾ സെപ്.24  ന്  ആഘോഷിക്കുന്നു .എല്ലാ പ്രിയപെട്ടവരെയും തിരുന്നാളിന്റെ അനുഗ്രങ്ങൾ പ്രാപിപ്പാൻ  ക്ഷണിക്കുന്നു.ഞായറാഴ്ച 2 പിഎം ന് ആരാധനയോടെ  തിരുന്നാൾ കർമ്മങ്ങൾ ആരംഭിക്കുന്നു തുടർന്നു പിറവം  പള്ളി വികാരി ബഹു . റവ .ഫാ .തോമസ് ആദോപ്പിള്ളി കാർമികത്വത്തിൽ  കൊടികയറ്റിയതിനു ശേഷം   ലദിഞ്ഞു  നടക്കും .ആഘോഷമായ തിരുന്നാൾ പാട്ടുകുർബാന അഭിവന്ദ്യ . മാർ ജോയി ആലപ്പാട്ട്‌ പിതാവ്(സഹായ മെത്രാൻ ചിക്കാഗോ രൂപത ) അർപ്പിക്കും .തിരുന്നാൾ സന്ദേശം റവ .ഫാഎബ്രഹാം മുത്തോലത്ത് നല്കും (വികാരി സേക്രട്ട് ഹാർട്ട് ചർച് ചിക്കാഗോ ). ശിങ്കാരി മേളത്തിന്റെ അകമ്പടിയോടെ തിരുന്നാൾ പ്രദക്ഷിണം ആഘോഷമായി നടക്കും  , അതിനു ശേഷം റവ .ഫാ .ജോസഫ് തറക്കൽ  പരി .കുർബാന ആശിർവാദം  നൽകും .തുടർന്ന് കലാസന്ധ്യ ഉണ്ടായിരിക്കും .പ്രഥമ തിരുന്നാൾ ഇടവക അംഗങ്ങൾ സംയുക്തമായി  ഏറ്റു  നടത്തുന്നു.പരിപാടികൾക്ക് നേതൃത്വം നൽകുന്നത് ഇടവക വികാരി റവ ..ഫാ. ജോസ് ആദോപ്പിള്ളി ക്കു പുറമെ കൈക്കാരന്മാരായ സിബി മണലേൽ ,ഫിലിപ്പ് ചാമക്കാല ,എബ്രഹാം പുലിയലകുന്നേൽ . റജി ഒഴുങ്ങാലിൽ എന്നിവർ നേതൃത്വം നല്കുന്നു .   സ്‌നേഹവിരുന്നോടെ തിരുന്നാൾ സമാപിക്കും .

Read more

പരത്തുവയലില്‍ കോര ജേക്കബ് (78) റോക്ക് ലാന്‍ഡില്‍ നിര്യാതനായി

ന്യു യോര്‍ക്ക്: കോതമംഗലത്ത് പരേതനായ പരത്തുവയലില്‍ ചാക്കോ കോരയുടെ പുത്രന്‍ കോര ജേക്കബ് (78) സെപ്റ്റംബര്‍ 19-നു റോക്ക് ലാന്‍ഡില്‍ നിര്യാതനായി.

ഭാര്യ സാറാമ്മ മണ്ണൂര്‍ അരികുപുറത്തു കുടുംബാംഗമാണ്. മക്കള്‍: മെറിന്‍ കുര്യന്‍, ഡാലസ്; അനിത വര്‍ഗീസ്, സെന്റ് ലൂയി, മിസൂറി; അനില്‍ ജേക്കബ്, ന്യു യോര്‍ക്ക്
മരുമക്കള്‍: ബെന്നി കുര്യന്‍, സുനില്‍ വര്‍ഗീസ്, ആന്‍ ജേക്കബ്

കൊച്ചുമക്കള്‍: ഇസബെല്ല കുര്യന്‍, ജെറമയ കുര്യന്‍, സേലാ വര്‍ഗീസ്
സഹോദരന്‍: വര്‍ഗീസ് കോര പരത്തുവയലില്‍, ഭാര്യ ആനി വര്‍ഗീസ്

പൊതുദര്‍ശനം: സെപ്റ്റം 23 ശനി 5 മുതല്‍ 9 വരെ; സെപ്റ്റം. 24 ഞായര്‍ 4 മുതല്‍ 8 വരെ: മൈക്കല്‍ ഹിഗ്ഗിന്‍സ് ഫ്യൂണറല്‍ ഹോം, 321 സൗത്ത് മെയില്‍ സ്റ്റ്രീറ്റ്, ന്യു സിറ്റി, ന്യു യോര്‍ക്ക്-10956

സംസ്‌കാര ശുശ്രുഷ സെപ്റ്റംബര്‍ 25 തിങ്കള്‍ രാവിലെ 9 മണിക്ക് ന്യു ഹെമ്പ്‌സ്റ്റെഡ് പ്രിസ്ബിറ്റീരിയന്‍ ചര്‍ച്ചില്‍, (484 ന്യു ഹെമ്പ്‌സ്റ്റെഡ് റോഡ്, ന്യു സിറ്റി, ന്യു യോര്‍ക്-10956) അഭിവന്ദ്യ യല്‍ദോ മാര്‍ തീത്തോസ് മെത്രപ്പോലീത്തയുടെ മുഖ്യകാര്‍മ്മികത്വത്തില്‍ നടത്തും 
Contact: Sunny Poulose: 845-598-5094

Read more

മധുരിക്കും ഓർമകളിലേക്ക് കൂട്ടിക്കൊണ്ടു പോയ ജോയ് ആലുക്കാസ് "ഓൾഡ് ഈസ് ഗോൾഡ് "

പ്രവാസി മലയാളികളെ മധുരിക്കും ഓർമകളിലേക്ക് കൂട്ടിക്കൊണ്ടു പോയ ജോയ് ആലുക്കാസ് 'ഓൾഡ് ഈസ് ഗോൾഡ് ' പ്രേക്ഷകരുടെ മനം കവരാൻ ലോകമെമ്പാടുമുള്ളവർക്കായി പ്രവാസി ചാനലിൽ ശനിയാഴ്ചയും ഞായറാഴ്ചയും പ്രക്ഷേപണം.

പ്രശസ്ത വ്യവസായി ജോയ് ആലുക്കാസ് മുഖ്യാതിഥി ആയിരുന്ന 'ഓൾഡ് ഈസ് ഗോൾഡ്' എന്ന പ്രോഗ്രാമിൽ അമേരിക്കയിലെ പ്രശസ്ത ഗായകരായ ജോഷി, തഹ്‌സീൻ, അനിത, ശാലിനി എന്നീ ഗായകർ പങ്കെടുത്തു.  അമേരിക്കയുടെ നിരവധി ഭാഗങ്ങളിൽ നിന്നെത്തിയ ഓർക്കസ്ട്രയുടെയും അകമ്പടിയോടൊപ്പമാണ് ഈ സംഗീത സന്ധ്യ അരങ്ങേറിയത്.  ജോർജ്‌ വയലിൻ, ഡെന്നി കീബോർഡ്, ലാൽജി തബല, സാലു ഗിറ്റാർ, റോണി ഡ്രംസ്, വിജയ് ഗിറ്റാർ കൂടാതെ ബിജു സൗണ്ട് എഞ്ചിനീയർ എന്നിവരായിരുന്നു ഇതിന്റെ പിന്നിൽ.

സെപ്റ്റംബർ 23 നു രാവിലെ 10  മണിക്കും വൈകിട്ട് 8 മണിക്കും കൂടാതെ ഞായറാഴ്ച രാവിലെ 9 മണിക്കും വൈകിട്ട് 5 മണിക്കും പ്രവാസി ചാനലിലൂടെ സംപ്രേക്ഷണം ചെയ്യും.

അമേരിക്കയിലെ പ്രശസ്ത വ്യെവസായി ദിലിപ് വെർഗീസ്, സാമൂഹ്യ സാംസ്‌കാരിക നേതാവും ജോയ് ആലുക്കാസ് അമേരിക്ക കോ ഓർഡിനേറ്ററും ആയ അനിയൻ ജോർജ്, ജോയ് ആലുക്കാസ് നോർത്ത് അമേരിക്ക കൺട്രി ഹെഡ് ഫ്രാൻസി വർഗീസ് എന്നിവർ പരിപാടികൾക്ക് നെത്ര്വത്വം നൽകി.  നൂറു കാണിക്കിനാളുകൾ പങ്കെടുത്ത സംഗീത സന്ധ്യയിൽ വച്ച് ജോയ് ആലുക്കാസിനെയും പത്നിയെയും ആദരിച്ചു. കലാവേദി സിബി ഡേവിഡ് പ്രോഗ്രാമ്മുകൾക്കു ചുക്കാൻ പിടിച്ചു.

Read more

ചെവി കേള്‍ക്കാത്തതിനാല്‍ ഇരുമ്പു റോള്‍ കൈയില്‍ വച്ചു; പൊലീസ് വെടിയേറ്റു മരിച്ചു

ഒക്‍ലഹോമ : ബധിരനായ വ്യക്തി പൊലീസ് വെടിവയ്പിൽ കൊല്ലപ്പെട്ടു. ചെവി കേൾക്കാത്തയാൾ എന്നു സമീപ വാസികൾ കൂകി വിളിച്ചിട്ടും  സാഞ്ചസ് (36) എന്ന യുവാവിനെ പൊലീസ് വെടിവയ്ക്കുകയായിരുന്നു.

സാഞ്ചസിന്റെ പിതാവ് ഓടിച്ചിരുന്ന വാഹനം അപകടത്തിൽപെടുകയും തുടർന്ന് വാഹനം നിർത്താതെ പിതാവ് അവിടെ നിന്നും രക്ഷപ്പെടുകയും ചെയ്തു. സംഭവം അറിഞ്ഞ് ഒരു പൊലീസ് ഓഫിസർ അന്വേഷണത്തിനായി സാഞ്ചസും പിതാവും താമസിച്ചിരുന്ന വീട്ടിൽ എത്തി. വീടിനു മുമ്പിലെത്തിയ പൊലീസ് കണ്ടത് കയ്യിൽ ഒരു ഇരുമ്പ് വടിയുമായി (റോൾ) നിൽക്കുന്ന സാഞ്ചസിനെയാണ്. ഉടൻ തന്നെ സഹായത്തിനായി മറ്റൊരു ഓഫിസറും സ്ഥലത്തെത്തി.

Read more

അമേരിക്കയില്‍ ഉയര്‍ന്ന വരുമാനമുള്ള ഏഷ്യന്‍ വംശജരില്‍ ഒന്നാം സ്ഥാനം ഇന്ത്യക്കാര്‍ക്ക്

ന്യൂയോർക്ക് : ഉയർന്ന വരുമാനമുള്ള ഏഷ്യൻ വംശജരിൽ ഒന്നാം സ്ഥാനത്ത് ഇന്ത്യൻ അമേരിക്കൻ വംശജരാണെന്ന് സെപ്റ്റംബർ  ആദ്യവാരം പ്യു(Pew) നടത്തിയ ഗവേഷണ സർവ്വേ ഫലം ചൂണ്ടിക്കാണിക്കുന്നു. അമേരിക്കൻ കുടുംബത്തിന്റെ ശരാശരി വാർഷിക വരുമാനം 53,000 ഡോളറാണെങ്കിൽ ഏഷ്യൻ രാജ്യത്തിൽ നിന്നുള്ളവരുടെ വരുമാനം 73,000 ഡോളറാണ്. എന്നാൽ ഇന്ത്യൻ അമേരിക്കൻ കുടുംബാംഗങ്ങളുടെ ശരാശരി വാർഷിക വരുമാനം 100,000 ഡോളറാണെന്നാണ് സർവ്വേയിൽ വ്യക്തമായി സൂചിപ്പിക്കുന്നത്.

വിദ്യാഭ്യാസത്തിന്റെ കാര്യത്തിലും ഇന്ത്യൻ വംശജരാണ് ഒന്നാം സ്ഥാനത്ത്.ഏഷ്യൻ രാജ്യങ്ങളിൽ നിന്നുള്ളവരിൽ  25 വയസിന് മുകളിലുള്ള 50 ശതമാനത്തിന് ഒരു ബിരുദമോ അതിലധികമോ വിദ്യാഭ്യാസ യോഗ്യത  ഉണ്ടെങ്കിൽ അമേരിക്കയിൽ 25 വയസ്സിനു മുകളിലുള്ള 30 ശതമാനം പേർക്ക് മാത്രമാണ് ബിരുദമെങ്കിലുമുള്ളത്. ഇന്ത്യൻ വശംജരിൽ 72 ശതമാനം പേർക്ക് ബിരുദമോ അതിലുയർന്ന വിദ്യാഭ്യാസ യോഗ്യതയോ ഉണ്ടെന്നു കണക്കാക്കിയിരിക്കുന്നു.

2000–2015 കാലഘട്ടത്തിൽ ഏഷ്യൻ വംശജരുടെ എണ്ണത്തിൽ വൻ വർധനവാണുണ്ടായിട്ടുള്ളത്. 11.9 മില്യണിൽ നിന്നും 20 മില്യണായി ഏഷ്യൻ വംശജർ വർധിച്ചതായും സർവ്വേ ചൂണ്ടിക്കാണിക്കുന്നു. അമേരിക്കൻ രാഷ്ട്രീയ മുഖ്യധാരയിലും ഉയർന്ന തസ്തികകളിലും ഇന്ത്യൻ ആധിപത്യമാണ് നിലനിൽക്കുന്നതെന്നും സർവ്വേ പറയുന്നു.

Read more

പ്രീത ഭരാര സിഎന്‍എന്‍ സീനിയര്‍ ലീഗല്‍ അനലിസ്റ്റ്

ന്യുയോർക്ക് : മുൻ യുഎസ് അറ്റോർണിയും ഇന്ത്യൻ വംശജനുമായ പ്രീത ബറാറയെ സിഎൻഎൻ– ൽ സീനിയർ ലീഗൽ അനലിസ്റ്റായി നിയമിച്ചു.
ന്യൂയോർക്ക് സതേൺ ഡിസ്ട്രിക്റ്റ് യുഎസ് അറ്റോർണിയായിരിക്കുമ്പോൾ പ്രസിഡന്റ് ട്രംപ് ജോലിയിൽ നിന്നും പിരിച്ചു വിട്ട് ആറുമാസം പൂർത്തിയായതോടെയാണ് പുതിയ നിയമനം ലഭിച്ചത്.

ഒബാമ നിയമിച്ച 45 യുഎസ് അറ്റോർണിമാരോടു രാജിവയ്ക്കാൻ ഒരേ സമയം ആവശ്യപ്പെട്ടതോടെയാണ് പ്രീത ബറാറ സ്വയം രാജിവയ്ക്കുന്നതിന് തയ്യാറായത്. ട്രംപിന്റെ നടപടി രൂക്ഷമായ വിമർശനങ്ങൾ നേരിടേണ്ടി വന്നു.

ട്രംപ് പ്രസിഡന്റായി ചുമതലയേറ്റിട്ടും പ്രീത ബറാറയോട് യുഎസ് അറ്റോർണി യായി തുടരാൻ ആവശ്യപ്പെട്ടിരുന്നുവെങ്കിലും  പൊതു തീരുമാനത്തിനു വിധേയമായി പ്രീതിനോട് രാജി ആവശ്യപ്പെടുന്നത്. ന്യൂയോർക്ക് യുഎസ് അറ്റോർണിയായിരിക്കുമ്പോൾ തന്ത്രപ്രധാനമായ നിരവധി കേസുകൾ വളരെ ശ്ലാഘനീയമായി ബറാറ നടത്തിയിരുന്നു. പുതിയ സ്ഥാന ലബ്ധിയിൽ പൂർണ്ണതൃപ്തനാണെന്ന് പ്രീത ബറാറ പ്രതികരിച്ചത്.

Read more

ഫൊക്കാന വിമന്‍സ് ഫോറം ഉത്ഘാടനം ഡിട്രോയിറ്റില്‍

ഡിട്രോയിറ്റ്: ഫെഡറേഷന്‍ ഓഫ് കേരള അസ്സോസിയേഷന്‍സ് ഇന്‍ നോര്‍ത്ത് അമേരിക്ക(ഫൊക്കാന)യുടെ വിമന്‍സ് ഫോറം ഡിട്രോയിറ്റ് റീജിയന്റെ പ്രവര്‍ത്തന ഉത്ഘാടനം സെപ്റ്റംബര്‍ 24ന് വൈകീട്ട് 5 മണിക്ക് വാറെന്‍ സെന്റ് തോമസ് ഓര്‍ത്തഡോക്‌സ് ചര്‍ച്ച് ഓഡിറ്റോറിയത്തില്‍ വെച്ച് നടത്തപ്പെടും. ഫൊക്കാനയുടെ ചരിത്രത്തില്‍ ആദ്യമായാണ് ഡിട്രോയിറ്റില്‍ വിമെന്‍സ് ഫോറം രൂപീകരിക്കുന്നത്. ഭാരതീയ സംസ്ക്കാരവും കേരളീയ സംസ്ക്കാരവും പുത്തന്‍ തലമുറയിലേക്ക് പകര്‍ന്നു നല്‍കുക എന്ന ലക്ഷ്യത്തോടെയാണ് വിമെന്‍സ് ഫോറം പ്രവര്‍ത്തനങ്ങള്‍ സംഘടിപ്പിക്കുന്നത്. സമൂഹത്തില്‍ പിന്‍തള്ളപ്പെട്ടു പോയവരെയും ഒറ്റപ്പെട്ടു പോയവരെയും സമൂഹത്തിന്റെ മുഖ്യധാരയിലേക്ക് ഉയര്‍ത്തിക്കൊണ്ട് വരികയും സ്ത്രീ കൂട്ടായ്മയിലൂടെ നമുക്ക് നഷ്ടമായിക്കൊണ്ടിരിയ്ക്കുന്ന കേരളത്തിന്റെ തനതായ സാംസ്ക്കാരിക പാരമ്പര്യങ്ങള്‍ തിരികെ പിടിയ്ക്കുക എന്നതാണ് വിമെന്‍സ് ഫോറത്തിന്റെ പ്രവര്‍ത്തന ലക്ഷ്യം. ഉത്ഘാടന സമ്മേളനത്തില്‍ ഫൊക്കാന പ്രസിഡന്റ് തമ്പി ചാക്കോ, സെക്രട്ടറി ഫിലിപ്പോസ് ഫിലിപ്പ്, കണ്‍വന്‍ഷന്‍ ചെയര്‍മാന്‍ മാധവന്‍ നായര്‍, ജോയിന്റ് സെക്രട്ടറി ഷിബു വെണ്‍മണി, തുടങ്ങിയ ഫൊക്കാനയുടെ ദേശീയ നേതാക്കളും സാമൂഹിക സാംസ്ക്കാരിക രംഗങ്ങളിലെ പ്രമുഖരും പങ്കെടുക്കും.
സമ്മേളനത്തോടു ചേര്‍ന്ന് ഡിട്രോയിറ്റിലെ കലാകാരന്‍മാരും കുട്ടികളും പങ്കെടുക്കുന്ന കലാപരിപാടികള്‍ അരങ്ങേറും.

ഫൊക്കാന വിമെന്‍സ് ഫോറം റീജയണല്‍ പ്രസിഡന്റ് ഡെയിസന്‍ ചാക്കോ, വൈസ് പ്രസിഡന്റ് മറിയാമ്മ തോമസ്, സെക്രട്ടറി ഷാലന്‍ ജോര്‍ജ്, ട്രഷറര്‍ അന്നമ്മ മാത്യു എന്നിവരുടെ നേതൃത്വത്തില്‍ വിപുലമായ ക്രമീകരണങ്ങള്‍ നടന്നു വരുന്നു. ഈ ഉത്ഘാടന സമ്മേളനത്തിലേക്ക് ഏവരെയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

Read more

ലോംഗ്‌ഐലന്റില്‍ ഉജ്വല ഓണാഘോഷം 24-ന്

ന്യൂയോര്‍ക്ക്: ബഹുജന പങ്കാളിത്തവും, വൈവിധ്യവും കലാമൂല്യവും നിറഞ്ഞ പരിപാടികള്‍ ഉള്‍പ്പെടുത്തിക്കൊണ്ട് എല്ലാവര്‍ഷവും നടത്തിവരുന്ന ന്യൂയോര്‍ക്കിലെ ഏറ്റവും വലിയ തിരുവോണാഘോഷങ്ങള്‍ സെപ്റ്റംബര്‍ 24-ന് ഞായറാഴ്ച ലോംഗ്‌ഐലന്റില്‍ നടക്കും.

ഇന്ത്യന്‍ അമേരിക്കന്‍ മലയാളി അസോസിയേഷന്‍ ഓഫ് ലോംഗ്‌ഐലന്റും, ഇന്ത്യന്‍ നഴ്‌സസ് അസോസിയേഷന്‍ ഓഫ് ന്യൂയോര്‍ക്കും (എന്‍.എ.എന്‍.വൈ) സംയുക്തമായി സംഘടിപ്പിക്കുന്ന വര്‍ണ്ണശബളമായ ആഘോഷ പരിപാടികളില്‍ പ്രാദേശിക ഭരണതലത്തിലെ ഉന്നതര്‍ ഉള്‍പ്പെട്ട നിരവധി വിശിഷ്ടാതിഥികള്‍ പങ്കെടുക്കുന്നതാണ്. ന്യൂഹൈഡ് പാര്‍ക്കിലുള്ള ക്ലിന്റണ്‍, ജി. മാര്‍ട്ടിന്‍ പാര്‍ക്ക് ഹാളില്‍ ഞായറാഴ്ച ഉച്ചയ്ക്ക് 12.30 മുതല്‍ വൈകുന്നേരം 5 മണി വരെയാണ് പരിപാടികള്‍. ഉച്ചയ്ക്ക് 12.30-മുതല്‍ ആരംഭിക്കുന്ന വിഭവസമൃദ്ധമായ ഓണസദ്യയോടെ പരിപാടികള്‍ ആരംഭിക്കും.

തുടര്‍ന്ന് നടക്കുന്ന സാംസ്കാരിക സമ്മേളനത്തില്‍ ഏഷ്യാനെറ്റ് യു.എസ്.എയുടെ തലവനും, ജേര്‍ണലിസ്റ്റ് അവാര്‍ഡ് ജേതാവുമായ ഡോ. കൃഷ്ണ കിഷോര്‍ ഓണസന്ദേശം നല്‍കും. നാസാ കൗണ്ടിയിലെ ഉന്നത ഉദ്യോഗസ്ഥന്‍ എഡ്വേര്‍ഡ് മംഗാനോ, ഹോണറബിള്‍ ജൂഡി ബോസ് വര്‍ത്ത് (സൂപ്പര്‍വൈസര്‍, ടൗണ്‍ ഓഫ് നോര്‍ത്ത് ഹെംപ്സ്റ്റഡ്), ഹോണറബിള്‍ റിച്ചാര്‍ഡ് ജെ. നിക്കോളോ (ലെജിസ്ലേറ്റര്‍, നാസു കൗണ്ടി), ഹോണറബിള്‍ ആഞ്ചലാ ഫെരേരാ (കൗണ്‍സില്‍മാന്‍, ടൗണ്‍ ഓഫ് നോര്‍ത്ത് ഹെംപ്സ്റ്റഡ്), ഡോ. തോമസ് പി. മാത്യു (പ്രസിഡന്റ്, എ.കെ.എം.ജി ന്യൂയോര്‍ക്ക്) എന്നിവര്‍ ആശംസകള്‍ അര്‍പ്പിക്കും. ഇളംതലമുറയിലെ മുപ്പതു പേര്‍ന്ന് ആലപിക്കുന്ന ദേശീയ ഗാനം ചടങ്ങിന് മാറ്റുകൂട്ടും.

അത്തപ്പൂക്കളം, തിരുവാതിര, സംഘനൃത്തം എന്നിവയ്‌ക്കൊപ്പം 75 വനിതകള്‍ ചേര്‍ന്ന് അവതരിപ്പിക്കുന്ന ചെണ്ടമേളം ആഘോഷപരിപാടികള്‍ക്ക് ചടുലമായ താളക്കൊഴുപ്പേകും. കലാഭവന്‍ ജയനും സംഘവും ചേര്‍ന്ന് അവതരിപ്പിക്കുന്ന നാടന്‍ പാട്ടുകള്‍, ഇതര കലാപരിപാടികള്‍ എന്നിവയാണ് ഈവര്‍ഷത്തെ പ്രമുഖ കലാവിരുന്നുകള്‍. ആഘോഷകരമായ ഈ ചടങ്ങുകളില്‍ പങ്കെടുത്ത് വിജയിപ്പിക്കാന്‍ ഏവരേയും ഹാര്‍ദ്ദവമായി സ്വാഗതം ചെയ്യുന്നുവെന്നു സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക്: സാബു ലൂക്കോസ് (516 902 4300), മേരി ഫിലിപ്പ് (347 254 9834), ബഞ്ചമിന്‍ ജോര്‍ജ് (516 851 6577), സിസിലി ജോയി (319 527 9123), ബേബി കുര്യാക്കോസ് (516 270 2722), ജോര്‍ജ് തോമസ് (516 849 9255), ഏലിയാമ്മ അപ്പുക്കുട്ടന്‍ (516 270 2906), മാത്യു തോമസ് (917 539 1652), തോമസ് എം. ജോര്‍ജ് (917 502 8852), ഡോ. ജേക്കബ് തോമസ് (718 406 2541), ജയിംസ് മാത്യു (718 344 0846), വര്‍ഗീസ് ജോസഫ് (516 302 3563), ജോജി കുര്യാക്കോസ് (516 376 6698).

ബിജു ചെറിയാന്‍ അറിയിച്ചതാണിത്. 

Read more

കൊളംബസില്‍ തിരുനാള്‍ ഭക്തിനിര്‍ഭരമായി

ഒഹായോ: കൊളംബസ് സീറോ മലബാര്‍ മിഷന്റെ മദ്ധ്യസ്ഥയായ പരിശുദ്ധ കന്യാമറിയത്തിന്റെ തിരുനാള്‍ സെപ്റ്റംബര്‍ 17-നു ഭക്തിനിര്‍ഭരമായി കൊണ്ടാടി. ചിക്കാഗോ രൂപതാ സഹായ മെത്രാന്‍ മാര്‍ ജോയി ആലപ്പാട്ട് തിരുനാള്‍ കര്‍മ്മങ്ങള്‍ക്ക് മുഖ്യ കാര്‍മികത്വം വഹിച്ചു. ഈവര്‍ഷത്തെ തിരുനാള്‍ ഏറ്റെടുത്ത് നടത്തിയത് 40 പ്രസുദേന്തിമാരായിരുന്നു.

പരിശുദ്ധ കന്യാമറിയത്തിന്റേയും, ഭാരതത്തില്‍ നിന്നുള്ള വിശുദ്ധരുടേയും തിരുസ്വരൂപം വഹിച്ചുകൊണ്ടുള്ള പ്രദക്ഷിണത്തിലും, ഊട്ടുനേര്‍ച്ചയിലും അനേകം പേര്‍ പങ്കെടുത്തു. തുടര്‍ന്നു നടന്ന പൊതു സമ്മേളനത്തില്‍ കുട്ടികളുടേയും, മുതിര്‍ന്നവരുടേയും കലാപരിപാടികള്‍ ആഘോഷങ്ങള്‍ക്ക് മാറ്റുകൂട്ടി. മാര്‍ ജോയി ആലപ്പാട്ട് ഈവര്‍ഷത്തെ വേദോപദേശ ക്ലാസുകളിലെ ഉന്നത ഉന്നത വിജയികള്‍ക്കും, നൂറു ശതമാനം ഹാജരായവര്‍ക്കും, പിക്‌നിക്കിലെ വിജയികളായ "പുലിക്കുട്ടികള്‍ക്കും', "കൊളംബസ് നസ്രാണി കപ്പ്' ക്രിക്കറ്റ് ടൂര്‍ണമെന്റ് വിജയികളായ "അവഞ്ചേഴ്‌സ്' ടീമിനും സമ്മാനങ്ങള്‍ വിതരണം ചെയ്തു.

ഈവര്‍ഷത്തെ കൊളംബസ് നസ്രാണി അവാര്‍ഡ് നേടിയ ജില്‍സണ്‍ ജോസിനെ വേദിയില്‍ ആദരിച്ചു. ഹാര്‍വി കൊടുങ്കാറ്റ് ദുരിതാശ്വാസ നിധിയിലേക്ക് സമാഹരിച്ച തുക മാര്‍ ജോയി ആലപ്പാട്ട് പിതാവിനു സമര്‍പ്പിച്ചു.

പി.ആര്‍.ഒ റോസ്മി അരുണ്‍ അറിയിച്ചാണിത്. 

Read more

ഫിലാഡല്‍ഫിയ സെന്റ് പീറ്റേഴ്‌സ് സിറിയന്‍ ഓര്‍ത്തഡോക്‌സ്- റവ.ഫാ. ജോയി ജോണിന് യാത്രയയപ്പ് നല്‍കി

ഫിലാഡല്‍ഫിയ: സമര്‍പ്പിതമായ വൈദീക ശുശ്രൂഷയുടെ എട്ടുവര്‍ഷം വിജയകരമായി പൂര്‍ത്തീകരിച്ച് ന്യൂയോര്‍ക്കിലെ ഇടവക ശുശ്രൂഷയിലേക്ക് സ്ഥലംമാറിപ്പോകുന്ന റവ.ഫാ. ജോയി ജോണിന് ഫിലാഡല്‍ഫിയ സെന്റ് പീറ്റേഴ്‌സ് സിറിയന്‍ ഓര്‍ത്തഡോക്‌സ് കത്തീഡ്രലിന്റെ ആഭിമുഖ്യത്തില്‍ സ്‌നേഹോഷ്മളമായ യാത്രയയപ്പ് നല്‍കി. എട്ടുനോമ്പാചരണത്തിന്റെ സമാപനമായ സെപ്റ്റംബര്‍ പത്താംതീയതി വിശുദ്ധ കുര്‍ബാനയ്ക്കുശേഷം ചേര്‍ന്ന യാത്രയയപ്പ് സമ്മേളനത്തില്‍ ഇടവക എക്‌സിക്യൂട്ടീവ് കമ്മിറ്റി അംഗങ്ങള്‍, ഭക്തസംഘടനാ ഭാരവാഹികള്‍ തുടങ്ങിയവര്‍ ആശംസകള്‍ നേര്‍ന്നു. സീനിയര്‍ വൈദീകനായ റവ.ഫാ. ജോസ് ദാനിയേല്‍ പയറ്റേലിന്റെ മഹനീയ അധ്യക്ഷതയില്‍ ചേര്‍ന്ന സമ്മേളനത്തില്‍ നിരവധിയാളുകള്‍ പങ്കെടുത്തു. 

ഉത്തത ദീര്‍ഘവീക്ഷണവും, ഇച്ഛാശക്തിയും, അതിരില്ലാത്ത പ്രവര്‍ത്തന സന്നദ്ധതയും കൈമുതലായുള്ള റവ.ഫാ. ജോയി ജോണിന്റെ നേതൃത്വം ഇടവകയുടെ സമ്പൂര്‍ണ്ണമായ ആത്മീയ - ഭൗതീക വളര്‍ച്ചയ്ക്ക് വഴിയൊരുക്കിയെന്ന് ആശംസാ പ്രാസംഗീകര്‍ ചൂണ്ടിക്കാട്ടി. ഇടവകയുടെ വിവിധ നിര്‍മാണ പ്രവര്‍ത്തനങ്ങള്‍ക്കും ആദ്ധ്യാത്മിക സംഘടനകളുടെ ഏകോപിച്ചുള്ള പ്രവര്‍ത്തനങ്ങളക്കും നല്‍കിയ നേതൃത്വം മഹനീയമാണ്. അച്ചന്റെ വൈദീക ശുശ്രൂഷാ കാലത്ത് ഇടവക കത്തീഡ്രല്‍ പദവിയിലേക്ക് ഉയര്‍ത്തപ്പെടാന്‍ ഭാഗ്യമുണ്ടായി. സാധുജന സംരക്ഷണ രംഗത്ത് അനേകം പ്രവര്‍ത്തനങ്ങള്‍ നടത്തുവാന്‍ കഴിഞ്ഞു. നാളിതുവരെ വികാരിയായി സേവനം അനുഷ്ഠിച്ചിട്ടുള്ള മുഴുവന്‍ ഇടവകകളുടേയും സമ്പൂര്‍ണ്ണ വളര്‍ച്ചയ്ക്ക് ആരംഭം കുറിക്കുവാന്‍ കഴിഞ്ഞിട്ടുള്ള അച്ചന്റെ സേവനം വേണ്ടവിധം പ്രയോജനപ്പെടുത്തുവാന്‍ ഭദ്രാസനത്തിലെ ഇടവകകള്‍ക്ക് കഴിയട്ടെ എന്നും ഏവരും ആശംസിച്ചു. 

സെക്രട്ടറി സരിന്‍ ചെറിയാന്‍ കുരുവിള അവതാരകനായിരുന്നു. ലിസി ജോര്‍ജ് (സെന്റ് മേരീസ് വിമന്‍സ് ലീഗ്), ആന്‍മേരി ഇടിച്ചാണ്ടി (യൂത്ത് അസോസിയേഷന്‍), ഷാന ജോഷ്വാ (സണ്‍ഡേ സ്കൂള്‍) എന്നിവര്‍ ആശംസകള്‍ നേര്‍ന്ന് സംസാരിച്ചു. ഇടവകയുടെ സ്‌നേഹോപഹാരം ഫാ. ജോസ് ദാനിയേലും കമ്മിറ്റിയംഗങ്ങളും ചേര്‍ന്ന് അച്ചന് സമ്മാനിച്ചു. നാളിതുവരെ ഇടവക കൂട്ടായി നല്‍കിയ എല്ലാ സഹകരണങ്ങള്‍ക്കും ഐക്യ പ്രവര്‍ത്തനങ്ങള്‍ക്കും തന്റെ മറുപടി പ്രസംഗത്തില്‍ അച്ചന്‍ നന്ദി പ്രകാശിപ്പിച്ചു. ട്രഷറര്‍ മാത്യൂസ് മഞ്ച കൃതജ്ഞത രേഖപ്പെടുത്തി. സ്‌നേഹവിരുന്നോടെയാണ് ചടങ്ങുകള്‍ സമാപിച്ചത്. സെന്റ് പീറ്റേഴ്‌സ് കത്തീഡ്രലിന്റെ പുതിയ വികാരിയായി റവ.ഫാ. ഗീവര്‍ഗീസ് ജേക്കബ് ചാലിശേരി നിയമിതനായി. 

ഇടവകയ്ക്കുവേണ്ടി സരിന്‍ ചെറിയാന്‍ കുരുവിള അറിയിച്ചതാണിത്.

Read more

സംഗീത സംവിധായകന്‍ ഡോ. സാം കടമ്മനിട്ട അമേരിക്കയില്‍

ദേശീയ സംസ്ഥാന പുരസ്കാരങ്ങള്‍ നേടിയ ശ്രീ. കവിയൂര്‍ ശിവപ്രസാദ് സംവിധാനം ചെയ്യുന്ന ഏറ്റവും പുതിയ സിനിമ 'സ്ഥാനം' ത്തിന്റെ സംഗീത സംവിധായകന്‍ അമേരിക്കയില്‍ എത്തി.

ഷിക്കാഗോ, ഡിട്രോയിറ്റ്, ഫിലാഡല്‍ഫിയ, ന്യുയോര്‍ക്ക്, കാലിഫോര്‍ണിയ, ഡാളസ്, ഹൂസ്റ്റണ്‍ തുടങ്ങിയ സ്ഥലങ്ങളില്‍ വിവിധ പരിപാടികളില്‍ ഡോ. സാം കടമ്മനിട്ട പങ്കെടുക്കും.

സിനിമാ പ്രവേശം ആഘോഷമാക്കിയ സംഗീത സംവിധായകന്‍

ആരാണ് ഇങ്ങനെയൊരു തുടക്കം ആഗ്രഹിക്കാത്തത്.

ദേശീയ സംസ്ഥാന അവാര്‍ഡുകള്‍ നേടിയ മുതിര്‍ന്ന സംവിധായന്‍ കവിയൂര്‍ ശിവപ്രസാദ് സാറിന്റെ സിനിമ. മലയാളത്തിന് മറക്കാന്‍ കഴിയാത്ത അനശ്വര ഗാനങ്ങള്‍ സമ്മാനിച്ച, മുന്‍ ചീഫ് സെക്രട്ടറിയും മലയാളം സര്‍വകലാശാല വൈസ് ചാന്‍സിലറുമായ കെ. ജയകുമാര്‍ സാറിന്റെ രചന. ഇതിനെല്ലാം പുറമെ സാക്ഷാല്‍ ഗന്ധര്‍വ ഗായകന്‍ പദ്മശ്രീ ഡോ. കെ. ജെ. യേശുദാസിന്റെ ആലാപനം.

ഈ മഹാരഥന്മാരുടെ ഒപ്പം തന്റെ സിനിമാ സ്വപ്നങ്ങള്‍ക്ക് തിരി തെളിക്കാന്‍ കഴിഞ്ഞ സന്തോഷത്തിലാണ് സംഗീത സംവിധായകന്‍ ഡോ. സാം കടമ്മനിട്ട.

സലീല്‍ ചൗധരി, എം. ബി. ശ്രീനിവാസന്‍, ലൂയിസ് ബാങ്ക്, എല്‍. സുബ്രഹ്മണ്യം, കെ. രാഘവന്‍ മാഷ്, രവീന്ദ്രന്‍ മാഷ് തുടങ്ങിയ മുതിര്‍ന്ന സംഗീത സംവിധായകരെ മാത്രം ഉപയോഗിച്ചിട്ടുള്ള ശിവപ്രസാദ് എന്ന സംവിധായകന്‍ പുതുമുഖമായ ഡോ. സാം കടമ്മനിട്ടയെ പരിഗണിച്ചതിലൂടെ ഒരു പ്രതിഭയുടെ പിറവിക്കു കൂടി ചുക്കാന്‍ പിടിച്ചിരിക്കുകയാണ്.

സ്ഥാനം സിനിമയില്‍ മൂന്നു ഗാനങ്ങളാണ് ഉള്ളത്. ഒരിടവേളക്ക് ശേഷം ദാസേട്ടന്‍ സുജാത കൂട്ടുകെട്ടിന്റെ പ്രണയാര്‍ദ്രമായ ഒരു യുഗ്മഗാനം മലയാളികള്‍ക്ക് ഈ സിനിമയിലൂടെ ലഭിക്കും. പദ്മശ്രീ. മധു അവതരിപ്പിക്കുന്ന കഥാപാത്രത്തിനായി മറ്റൊരു ഗാനവും ദാസേട്ടന്‍ പാടിയിട്ടുണ്ട്. സിതാര, അന്നാ ബേബി എന്നിവരാണ് മറ്റു ഗായകര്‍. തന്റെ ആദ്യ സിനിമയിലൂടെ തന്നെ ഡോ. സാം കടമ്മനിട്ട പരിചയപ്പെടുത്തുന്ന ഗായികയാണ് അന്നാ ബേബി.

ഓണപ്പാട്ടുകള്‍, പ്രണയ ഗാനങ്ങള്‍, ലളിത ഗാനങ്ങള്‍, ഹിന്ദു ക്രിസ്ത്യന്‍ ഭക്തിഗാനങ്ങള്‍ തുടങ്ങി നിരവധി ആല്‍ബങ്ങള്‍ക്കു രചനയും സംഗീതവും നിര്‍വ്വഹിച്ചിട്ടുള്ള ഡോ. സാം കടമ്മനിട്ട തൃപ്പൂണിത്തുറ ആര്‍. എല്‍. വി. കോളേജില്‍ സംഗീതം അഭ്യസിച്ചിട്ടുണ്ട്.

െ്രെകസ്തവ സഭയിലെ അനാരോഗ്യകരമായ പ്രവണതകളെ തുറന്നു കാട്ടുന്ന സിനിമയാണ് സ്ഥാനം. ചേരിതിരിഞ്ഞുള്ള പോര്‍വിളികള്‍ക്കു പക്ഷം പിടിക്കാതെ മാനുഷിക മൂല്യങ്ങള്‍ ഉയര്‍ത്തിപിടിക്കുകയാണ് പദ്മശ്രീ. മധു അവതരിപ്പിക്കുന്ന അലക്‌സാണ്ടര്‍ സര്‍ എന്ന കഥാപാത്രം. മഹാപണ്ഡിതനായ അലക്‌സാണ്ടര്‍ സാറിന്റെ സ്ഥിരം സന്ദര്‍ശകനാണ് വിനു മോഹന്‍ അവതരിപ്പിക്കുന്ന പ്രദീപ് എന്ന നായക കഥാപാത്രം. ഹയര്‍ സെക്കണ്ടറി കലോത്സവത്തില്‍ മികച്ച നടിയായി തിരഞ്ഞെടുക്കപ്പെട്ട മാളവിക ആണ് ചിത്രത്തിലെ നായിക. അലക്‌സാണ്ടര്‍ സാറിന്റെ ചെറുമകള്‍ വിമല എന്ന കഥാപാത്രമാണ് മാളവിക അവതരിപ്പിക്കുന്നത്.

ജോയ് മാത്യു, സുനില്‍ സുഗത, കെ.പി.എ.സി.ലളിത, രാകേന്ദു, ശൈലജ, വിഷ്ണു, തിരുവല്ല സാബ, പദ്മനാഭന്‍ തമ്പി, ഹരിലാല്‍ തുടങ്ങി വലിയ താരനിര ചിത്രത്തിലുണ്ട് . ഛായാഗ്രഹണം ശരത്, എഡിറ്റിങ് സിദ്ധാര്‍ത്ഥ ശിവ, പ്രൊഡക്ഷന്‍ ഡിസൈനര്‍ അനില്‍ കെ.പെണ്ണുക്കര, കലാസംവിധാനം കെ.ഗിരീഷ്, പ്രൊഡക്ഷന്‍ കണ്‍ട്രോളര്‍ ജയേഷ്, ചമയംപട്ടണം റഷീദ്, ശബ്ദലേഖനം ഹരികുമാര്‍, മുഖ്യ സംവിധാന സഹായികള്‍ സുനില്‍ സ്കറിയ മാത്യു, വിനോദ് വിശ്വം, സംവിധാന സഹായികള്‍ പ്രവീണ്‍ ബി സാമുവേല്‍, അജിത് കുമാര്‍, പ്രൊഡക്ഷന്‍ കോ ഓര്‍ഡിനേറ്റര്‍ അര്‍ജുന്‍ ആയിലത്ത്, നിശ്ചല ഛായാഗ്രഹണം ദീപ അലക്‌സ്,ഷിജു ജി ബാലന്‍, വാര്‍ത്താ വിതരണം എ.എസ് ദിനേശ് , ടൈറ്റില്‍ ഡിസൈന്‍ ബിജൂസ്.

Read more

ജില്‍സണ്‍ ജോസിന് കൊളംബസ് നസ്രാണി അവാര്‍ഡ്

ഒഹായോ: അമേരിക്കയില്‍ സീറോ മലബാര്‍ സഭയുടെ വിശ്വാസവും പാരമ്പര്യവും കാത്തുസൂക്ഷിക്കുന്നതിനു അക്ഷീണ പ്രയത്‌നം നടത്തുന്നവരെ ആദരിക്കുന്ന "കൊളംബസ് നസ്രാണി അവാര്‍ഡി'ന് ജില്‍സണ്‍ ജോസ് അര്‍ഹനായി. കൊളംബസ് സീറോ മലബാര്‍ സമൂഹത്തിന് നല്കിക്കൊണ്ടിക്കുന്ന വിലപ്പെട്ട സംഭാവനകളാണ് ഈ അവാര്‍ഡിന് ജില്‍സണെ അര്‍ഹനാക്കിയത്.

ഒഹായോയില്‍ വച്ചു നടന്ന ചടങ്ങില്‍ ചിക്കാഗോ സീറോ മലബാര്‍ രൂപതാ സഹായ മെത്രാന്‍ മാര്‍ ജോയി ആലപ്പാട്ട് നസ്രാണി അവാര്‍ഡ് ജില്‍സണ് കൈമാറി. പ്രസ്തുത ചടങ്ങില്‍ ഫാ. ജോര്‍ജ് ഊരാളിക്കുന്നേല്‍, ഫാ. ദേവസ്യ കാനാട്ട്, ഫാ. ജോണ്‍ വടക്കേറ്റം, ഫാ. റോബര്‍ട്ട് കിറ്റ്‌സ്മില്ലര്‍ എന്നിവര്‍ സന്നിഹിതരായിരുന്നു.

ഗ്രീനാ പള്ളിത്താനം, കിരണ്‍ എലവുങ്കല്‍, ഷിംസ മനോജ് തുടങ്ങിയവര്‍ കഴിഞ്ഞ കാലങ്ങളില്‍ ഈ അവാര്‍ഡ് നേടിയിട്ടുണ്ട്. ജോസഫ് സെബാസ്റ്റ്യന്‍ സ്വാഗതവും, മനോജ് ആന്റണി റിപ്പോര്‍ട്ടും, ജില്‍സണ്‍ ജോസ് നന്ദിയും പ്രകാശിപ്പിച്ചു.

കോതമംഗലം രൂപതയിലെ വണ്ടാമറ്റം ഇടവകാംഗങ്ങളായ ജോസ്- കുട്ടിയമ്മ ദമ്പതികളുടെ മകനായ ജില്‍സണ്‍ ബിസിനസ് അഡ്മിനിസ്‌ട്രേഷനില്‍ ബിരുദാനന്തര ബിരുദം നേടുകയും, പിന്നീട് ഇന്ത്യയിലും ഒമാനിലും, യു.എ.ഇയിലും ജോലി ചെയ്യുകയുണ്ടായി. അതിനുശേഷം അമേരിക്കയിലേക്ക് കുടിയേറുകയും യുണൈറ്റഡ് സ്റ്റേറ്റ്‌സ് പോസ്റ്റല്‍ സര്‍വീസില്‍ (യു.എസ്.പി.എസ്) സേവനം അനുഷ്ഠിക്കുകയും ചെയ്യുന്നു. ഭാര്യ: ജയ. മക്കള്‍: ജൂലി, ജാസ്മിന്‍, ജെസീക്ക, ഇമ്മാനുവേല്‍, ക്രിസ്റ്റോഫര്‍.

പി.ആര്‍.ഒ റോസ്മി അരുണ്‍ അറിയിച്ചതാണിത്. 

Read more

നോര്‍ത്ത് ഈസ്റ്റ് ഡേകെയര്‍ ഫിലാഡല്‍ഫിയായുടെ ഈവര്‍ഷത്തെ ഓണം വര്‍ണ്ണാഭമായി

ഫിലാഡല്‍ഫിയ: ചെണ്ടവാദ്യമേളങ്ങളുടെ അകമ്പടിയോടെ വന്നമാവേലിയെ എല്ലാവരും ചേര്‍ന്ന് വരവേറ്റു. നോര്‍ത്ത് ഈസ്റ്റ്‌ഡേകെയര്‍ അഡ്മിനിസ്‌ട്രേഷസ് അന്ന ഉഫ്ബര്‍ഗ്, അലക്‌സ് ഉഫ്ബര്‍ഗ്, വിശിഷ്ട അതിഥി ഫാ.എം.കെ .കുര്യാക്കോസ് എന്നിവര്‍ ഭദ്രദീപംതെളിയിച്ച് സമ്മേളനം ഉദ്ഘാടനംചെയ്തു.

തുടര്‍ന്ന് മാവേലിയായി വന്ന ജെയിംസ്പീറ്റര്‍ ഏവര്‍ക്കും ഓണാശംസ നേര്‍ന്നു. ഒട്ടുംവൈകാതെ തന്നെ ഏതൊരുമലയാളിയുടേയും രുചിയോര്‍മ്മകള്‍ ഉണര്‍ത്തുന്ന ഓണസദ്യ ആരംഭിച്ചു.കേരളത്തനിമയാര്‍ന്ന ഓണവിഭവങ്ങളും ഗൃഹാതുരത്വമുണര്‍ത്തുന്ന ആ ചാരങ്ങളും പിന്‍പറ്റിക്കൊണ്ടുള്ള ആസമൃദ്ധിയുടെ ഇഷ്ടഭോജനം ജനങ്ങള്ക്ക് ഏറെ ഹൃദ്യവും ആവേശവുമായി.
ഫാ.എം.കെ .കുര്യാക്കോസ് ഓണസന്ദേശം നല്‍കി. തുടര്‍ന്ന് ഡേകെയര്‍ കോഓര്‍ഡിനേറ്റര്‍ പി.സി.ചാണ്ടിയും സംസാരിച്ചു.

ടെംപിള്‍ യൂണിവേഴ്‌സിറ്റി ഹോസ്പിറ്റലിലെ നേഴ്‌സ്മാരായ ഷേര്‍ലി ജോസഫ്, ജൂലിയറ്റ് ജോണ്‍, ഷീബലിയോ, റ്റിസ്സാ തുടിയന്‍ എന്നിവരുടെ നേതൃത്വത്തില്‍ നടന്നഹെല്‍ത്ത ്‌ഫെയര്‍അംഗങ്ങള്‍ക്ക് ഏറെഅറിവ് പകരുന്നതായിരുന്നു.
വിവിധകലാപരിപാടികളോടെ സമാപിച്ച ഓണാഘോഷചടങ്ങുകള്‍ക്ക് ഡേകെയര്‍ സ്റ്റാഫുകളായ ജെയിംസ്പീറ്റര്‍, വത്സല ജേക്കബ്, സലോമി ചാസി, സജി മാത്യു, പോപ്പിവര്ഗീസ് തുടങ്ങിയവര്‍ നേതൃത്വംനല്‍കി. സോളമന്‍, ആകാശ്, ജിനുതുടങ്ങിയവര്‍ ചെണ്ടമേളങ്ങള്‍ക്കു നേതൃത്വംനല്‍കി.

ഓണപരിപാടികള്‍ക്ക് ഡേകെയര്‍ കോഓര്‍ഡിനേറ്റര്‍ പി.സി.ചാണ്ടി എം.സിയായി നേതൃത്വം നല്കി. ഡേകെയര്‍നെ പ്രതിനിധീകരിച്ചു ജോണ്‍ ജോര്‍ജ് നന്ദിപ്രകാശനം നടത്തി.

Read more

യോങ്കേഴ്‌സില്‍ ഒരുമയുടെ ഓണം

ന്യൂയോര്‍ക്ക്: ന്യൂയോര്‍ക്ക് സിറ്റിയുടെ തൊട്ടടുത്തു കിടക്കുന്ന യോങ്കേഴ്‌സിലെ മലയാളികള്‍ ചരിത്രം തിരുത്തിക്കുറിച്ചു കൊണ്ടു ഒരിക്കല്‍ക്കൂടി ഒരുമിച്ച് അണിനിരക്കുന്നു. യോങ്കേഴ്‌സിന്റെ ചരിത്രത്തില്‍ ഇന്നെവരെ നടത്താത്ത ഏറ്റവും കേമമായ ഓണസദ്യയായിരിക്കും സെപ്റ്റംബര്‍ 23 ന് ശനിയാഴ്ച ഉച്ചയ്ക്ക് 12 മണി മുതല്‍ നടത്താനിരിക്കുന്നത്.

അടുത്തകാലം വരെ രണ്ടായി വിഭജിച്ചു നിന്നിരുന്ന യോങ്കേഴ്‌സിലെ മലയാളികളെ ഒരു കുടക്കീഴില്‍ അണിനിരത്തുന്നതിന് യോങ്കേഴ്‌സ് മലയാളി അസ്സോസിയേഷന്റെ ഇപ്പോഴത്തെ പ്രസിഡന്റ് ഷിനു ജോസഫും, അദ്ദേഹത്തിന്റെ ടീമുമാണ് മുന്‍കൈ എടുത്തത് എന്നുള്ള കാര്യം എടുത്തു പറയത്തക്കതാണ്. 2000ല്‍ സ്ഥാപിതമായ യോങ്കേഴ്‌സ് മലയാളി അസ്സോസിയേഷന്‍ ഫൊക്കാനാ വിഭജിച്ച അവസരത്തില്‍ അധികാര വടംവലി ഉണ്ടായതിന്റെ പേരില്‍ വിഭജിക്കപ്പെടുകയാണുണ്ടായത്.

ഫൊക്കാന പിളര്‍ന്ന അവസരത്തില്‍ ത്തന്നെ യോങ്കേഴ്‌സ് മലയാളി അസ്സോസിയേഷനെയും പിളര്‍ത്താനുള്ള ശ്രമം ആരംഭിച്ചു. ഒടുവില്‍ സുപ്രീംകോടതി വരെ എത്തിയെങ്കിലും അന്നത്തെ ഒരു വിവരമുള്ള ജഡ്ജി രണ്ടു കൂട്ടരോടും നിങ്ങള്‍ തമ്മിലടിക്കാതെ വിഭജിക്കുന്നതാണ് ഏറ്റവും നല്ലത്. കാരണം തമ്മിലടിച്ചാല്‍ നിങ്ങളുടെ പണം മുഴുവന്‍ നഷ്ടപ്പെടാന്‍ കാരണമാകും. അങ്ങിനെ വരുന്നപക്ഷം നിങ്ങളുടെ വരുംതലമുറയ്ക്കുതന്നെ അത് ഒരു ശാപമായിരിക്കും എന്ന് ഉപദേശിക്കുകയും, ഉണ്ടായിരുന്ന പണം രണ്ടായി വിഭജിച്ചെടുത്ത് പിരിയുകയും പിരിഞ്ഞവര്‍ ഇന്‍ഡ്യന്‍ അമേരിക്കന്‍ മലയാളി കമ്മ്യൂണിറ്റി ഓഫ് യോങ്കേഴ്‌സ് എന്ന പേരില്‍ ചെറിയൊരു ഗ്രൂപ്പായി പ്രവര്‍ത്തനം ആരംഭിക്കുകയും ചെയ്തിരുന്നു.

ഈ ലേഖകന്‍ അന്ന് സുപ്രീം കോടതിയില്‍ പോയതിനാല്‍ സത്യാവസ്ഥ അറിയാവുന്ന ആളുമാണ്. ഇന്‍ഡ്യന്‍ അമേരിക്കന്‍ മലയാളി കമ്യൂണിറ്റി ഓഫ് യോങ്കേഴ്‌സ്(ഐ.എ.എം.സി.വൈ.) യില്‍ ഫൊക്കാനയില്‍ അധികാരവടം വലിക്കുവേണ്ടി വീണ്ടും വിഭജനം ഉണ്ടാകാന്‍ സാദ്ധ്യത ഉണ്ടായ സാഹചര്യത്തില്‍ കഴിഞ്ഞ ഒരു വര്‍ഷക്കാലമായി പല മെമ്പര്‍മാരോടുമൊപ്പം ഈ ലേഖകനും മാറി നില്‍ക്കുകയാണ്.

വാസ്തവത്തില്‍ ഫോമാ, ഫൊക്കാന തിരിവാണ് നല്ല രീതിയില്‍ പ്രവര്‍ത്തിച്ചുകൊണ്ടിരുന്ന പല സംഘടനകളും തമ്മിലടിച്ച് ക്ഷയിക്കാനുണ്ടായ കാരണം എന്നു നമുക്കു കാണുവാന്‍ സാധിക്കും. ധാരാളം മലയാളികള്‍ ഒന്നിച്ചു താമസിക്കുന്ന യോങ്കേഴ്‌സില്‍ മലയാളികള്‍ ഒരു ശക്തി തന്നെ ആണെന്നു പറയാം. യോങ്കേഴ്‌സില്‍ മലയാളികള്‍ ഒന്നിക്കേണ്ടത് കാലഘട്ടത്തിന്റെ ആവശ്യമാണ്. ഷിനു ജോസഫിനെപ്പോലുള്ള ഒരാള്‍ നേതൃസ്ഥാനത്തേയ്ക്കു കടന്നു വന്നത് യോങ്കേഴ്‌സ് നിവാസികളായ മലയാളികള്‍ക്കെല്ലാം പ്രത്യാശയ്ക്കു കാരണമായി ത്തീര്‍ന്നിരിക്കുകയാണ്. എന്തിനേറെ അദ്ദേഹത്തിന്റെ നേതൃത്വത്തില്‍ ഏറെക്കുറെ വൈരികളെപ്പോലെ കഴിഞ്ഞിരുന്ന എന്റെ തൊട്ടയല്‍പക്കക്കാരയ മുന്‍കാല സുഹൃത്തുക്കള്‍ കഴിഞ്ഞകാല തെറ്റുകള്‍ മറന്ന് സ്‌നേഹത്തിന്റെ കൂട്ടായ്മയിലേക്കു വന്നതു കണ്ടപ്പോള്‍ എന്തെന്നില്ലാത്ത ചാരിതാര്‍ത്ഥ്യം.

ഐ.എ.എം.സി.വൈ.യുടെ സ്ഥാപക സെക്രട്ടറിയും, ഔദ്യോഗികമായി ഇപ്പോഴും അതിന്റെ ചെയര്‍മാന്‍ സ്ഥാനം ഉണ്ടെന്നു പറയാവുന്ന ഞാന്‍ കഴിഞ്ഞ 9 വര്‍ഷത്തോളം പ്രസ്ഥാനത്തിന്റെ നേതൃനിരയില്‍ത്തന്നെ ഉണ്ടായിരുന്നു. കൂടാതെ ഐ.എ.എം.സി.വൈ.യെ പ്രതിനിധീകരിച്ച് ഔദ്യോഗികമായി ഫൊക്കാനായിലെ നാഷ്ണല്‍ കമ്മറ്റി മെമ്പര്‍കൂടിയാണ്.

എന്റെ നേരിട്ടുള്ള അനുഭവത്തില്‍ പ്രാദേശിക സംഘടനകള്‍ ഒന്നിക്കാതിരിക്കാന്‍ ഏറ്റവും കൂടുതല്‍ ശ്രമിക്കുന്നത് ഫൊക്കാനായിലെ കുരുട്ടുബുദ്ധികളായ ചില നേതാക്കന്മാരാണെന്ന സത്യം മനസ്സിലാക്കാന്‍ കഴിഞ്ഞു. അത്തരക്കാരോട് ഒരു വിധത്തിലും മാനസികമായി പൊരുത്തപ്പെട്ടു പോകാന്‍ എനിക്കു സാധിക്കുന്നില്ല.

ഈ സാഹചര്യത്തില്‍ യോങ്കേഴ്‌സ് മലയാളികളുടെ കൂട്ടായ്മയ്ക്കു വിഘാതമായി നില്‍ക്കാതിരിക്കാന്‍ വേണ്ടി ഫൊക്കാനായിലുള്ള എന്റെ നാഷ്ണല്‍ കമ്മറ്റി മെമ്പര്‍ എന്ന സ്ഥാനം ഇതോടൊപ്പം രാജിവച്ചതായി ഞാന്‍ പ്രഖ്യാപിക്കാന്‍ ആഗ്രഹിക്കുന്നു. അങ്ങിനെയെങ്കിലും ഫോമാഫൊക്കാനാ എന്ന പേരില്‍ യോങ്കേഴ്‌സിലെ മലയാളികള്‍ തമ്മിലടിക്കാതെ ഒന്നിക്കാനിടവരട്ടെ എന്നു ഞാന്‍ പ്രത്യാശിക്കുന്നു. അതോടൊപ്പം ഷിനു ജോസഫിന്റെ നേതൃത്വത്തിലുള്ള യോങ്കേഴ്‌സ് മലയാളി അസ്സോസിയേഷന് എല്ലാ ഭാവുകങ്ങളും നേര്‍ന്നുകൊള്ളുന്നു.

ഐ.എ.എം.സി.വൈയിലുള്ള എല്ലാ മെമ്പര്‍മാരും സാധിക്കുമെങ്കില്‍ സോണ്‍ഡേഴ്‌സ് ഹൈസ്ക്കൂളില്‍ വച്ചു നടക്കുന്ന മഹത്തായ ഓണാഘോഷത്തില്‍ പങ്കെടുത്ത് യോങ്കേഴ്‌സ് മലയാളികളുടെ കൂട്ടായ്മ വര്‍ദ്ധിപ്പിക്കാന്‍ ശ്രമിക്കണമെന്ന് താല്‍പര്യപ്പെടുന്നു.

(തോമസ് കൂവള്ളൂര്‍ അറിയിച്ചതാണിത്)

Read more

ഹൂസ്റ്റണില്‍ ബൈബിള്‍ കണ്‍വന്‍ഷന്‍ സെപ്റ്റംബര്‍ 30ന്

ഹൂസ്റ്റണ്‍: ഹാര്‍വി ദുരന്തക്കെടുതിയില്‍ വേദനയനുഭവിയ്ക്കുന്നവര്‍ക്ക് ആശ്വാസം പകരുന്നതിനും ദൈവത്തിന്റെ വലിയ കരുതലിന് നന്ദി കരേറ്റുന്നതിനുമായി സ്പ്രിംഗ്‌സ് ഇന്റര്‍നാഷ്ണല്‍ മിനിസ്ട്രീസിന്റെ(ടുൃശിഴ െകിലേൃിമശേീിമഹ ങശിശേെൃശല)െ ആഭിമുഖ്യത്തില്‍ ഏകദിന ബൈബിള്‍ കണ്‍വന്‍ഷന്‍ നടത്തപ്പെടുന്നു.

സെപ്റ്റംബര്‍ 30ന് ശനിയാഴ്ച വൈകുന്നേരം 6 മണിയ്ക്ക് സ്റ്റാഫോഡിലുള്ള സെന്റ് ജോണ്‍സ് ക്‌നാനായ ദേവാലയത്തില്‍ (8802, Brand Lane, Stafford, TX-77477) വച്ചാണ് കണ്‍വന്‍ഷന്‍ നടത്തപ്പെടുന്നത്. പ്രമുഖ ദൈവശാസ്ത്രജ്ഞനും അസീസി മാസികയുടെ ചീഫ് എഡിറ്ററും പ്രസിദ്ധ കണ്‍വന്‍ഷന്‍ പ്രാസംഗകന്‍ ഫാ.ജോസഫ് പുത്തന്‍പുരയ്ക്കലിന്റെ കോണ്‍ഗ്രിഗേഷന്‍ അംഗവും കപ്പൂച്ചിയന്‍ വൈദികനുമായ ഫാ.തോമസ് കണ്ണന്താനം തിരുവചന പ്രഘോഷണത്തിന് നേതൃത്വം നല്‍കും.

'പരിശുദ്ധാത്മാവ്' എന്ന വിഷയത്തെ ആധാരമാക്കിയുള്ള ഗഹനമായ തിരുവചനചിന്തകള്‍ ശ്രവിച്ച് അനുഗ്രഹം പ്രാപിയ്ക്കുവാന്‍ ജാതി മത ഭേദമെന്യേ ഏവരെയും സ്വാഗതം ചെയ്യുന്നുവെന്ന് സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക്:
റവ.ഫാ.സഖറിയാ.പി.713 501 8861
അനൂപ് ചെറുകാട്ടൂര്‍ 727 255 3650
ഫിലിപ്പ് പതിയില്‍832 389 0257
രവി വര്‍ഗീസ് 281 499 4593.

Read more

സെപ്റ്റംബർ 25 ന് ഗ്രീൻ റേഡിയോ സംപ്രേഷണം ആരംഭിക്കുന്നു

ഫീനിക്സ്: പുതു ജീവിതം എന്ന സന്ദേശവുമായി ലോകമെമ്പാടുമുള്ള ശ്രോതാക്കൾക്കു HD ശ്രവ്യ മികവോടെ 24 മണിക്കൂർ പ്രക്ഷേപണത്തിലൂടെ ക്രൈസ്തവ  മാധ്യമരംഗത്തു  ഒരു പുതിയ ചുവടുവയ്പ്പിനു തയ്യാറെടുക്കുന്ന ഗ്രീൻ റേഡിയോ സെപ്റ്റംബർ  25 ന്  സംപ്രേഷണം ആരംഭിക്കുന്നു . ഗ്രീൻ മിനിസ്ട്രിക്സ്  നേതൃത്വം  നൽകുന്ന ഈ റേഡിയോയിലൂടെ പഴയതും പുതിയതുമായ ക്രിസ്തീയ ഭക്തി ഗാനങ്ങൾ , ധ്യനാചിന്തകൾ, നാടകങ്ങൾ , കുട്ടികൾക്കുള്ള വിവിധ പരിപാടികൾ മുതലായവ ഉൾപ്പെടുത്തിയിട്ടുണ്ട്. ഐഫോൺ, ആൻഡ്രോയിഡ് ഉപഭോക്താക്കൾക്ക് സൗജന്യമായി ഈ റേഡിയോ ആപ് ഡൗൺലോഡ് ചെയ്യാം. 
visit www greenradiolive.com 
info@greenradiolive.com

Read more

ഇ മലയാളിയുടെ സാഹിത്യ അവാര്‍ഡ് ലാന സമ്മേളനത്തില്‍ വച്ച് സമ്മാനിക്കും

ന്യു യോര്‍ക്ക്: ഇ-മലയാളിയുടെ എഴുത്തുകാര്‍ക്ക് വേണ്ടി പ്രതിവര്‍ഷം സംഘടിപ്പിക്കുന്ന സാഹിത്യ അവാര്‍ഡുകള്‍ ലാന സമ്മേളനത്തില്‍ വച്ച് വിതരണം ചെയ്യും.ലാന ഭാരവാഹികള്‍ ഇതിനു സദയം അനുമതി നല്‍കി

ക്വീന്‍സിലെഫ്‌ളോറല്‍ പാര്‍ക്കിലെ ടൈസന്‍ സെന്ററില്‍ വച്ച് ഒക്ടോബര്‍ 6, 7, 8 എന്നീ തിയ്യതികളില്‍ ആണു ലാന സമ്മേളനം. കഴിയുന്നത്ര പേര്‍ അതില്‍ പങ്കെടുക്കണമെന്നുഅഭ്യര്‍ത്ഥിക്കുന്നു.

വായനക്കാരുടെ ഓര്‍മ്മക്കായി അവാര്‍ഡ് ജേതാക്കളുടെ വിവരംതാഴെ കൊടുക്കുന്നു.
1. കവിത - ശ്രീമതി എത്സി യോഹന്നന്‍ ശങ്കരത്തില്‍
2. കഥ - ശ്രീ സാംസി കൊടുമണ്‍
3. ലേഖനം - ശ്രീ ജോണ്‍ മാത്യു, ഹൂസ്റ്റന്‍
4. വായനക്കരുടെ പ്രിയ എഴുത്തുകാരന്‍- ശ്രീ ജോസഫ് പടന്നമാക്കല്‍
4. പ്രത്യേക അംഗീകാരം- ശ്രീമതി മീനു എലിസബത്ത്, ശ്രീ ബി. ജോണ്‍ കുന്തറ

ഈ വര്‍ഷം അമേരിക്കന്‍ മലയാളി എഴുത്തുകാര്‍ക്കൊപ്പം മറ്റു പ്രവാസി എഴുത്തുകാരേയും അവാര്‍ഡിനായി പരിഗണിച്ചിരുന്നു. അതനുസരിച്ച് താഴെ പറയുന്നവരെ തിരഞ്ഞെടുത്തു.
കവിത- തൊടുപുഴ കെ. ശങ്കര്‍, മുംബൈ
കഥ-ശ്രീപാര്‍വതി, കേരള
ലേഖനം- ശ്രീ എം. എസ്. സുനില്‍, കേരള
പ്രത്യേക അംഗീകാരം- മീട്ടു റഹ്മത് കലാം.

2017 ലെ അവാര്‍ഡുകള്‍ക്കായി എഴുത്തുകാര്‍ അവരുടെ നല്ല രചനകള്‍ ഇ-മലയാളിക്ക് അയച്ച് കൊണ്ടിരിക്കുക. വര്‍ഷാവസാനം അവയെല്ലാം വിലയിരുത്തപ്പെടും.

എല്ലാ എഴുത്തുകാര്‍ക്കും, വായനക്കാര്‍ക്കും, അഭ്യുദ്യകാംക്ഷികള്‍ക്കും ഇ മലയാളി നന്ദിയും കടപ്പാടും അറിയിക്കുന്നു.

പ്ര്‌സ്തുത ചടങ്ങിലേക്ക് എല്ലാവരുടേയും സാന്നിദ്ധ്യം സാദരം ക്ഷണിക്കുന്നു.

സ്‌നേഹത്തോടെ
ഇ മലയാളി പത്രാധിപസമിതി 

Read more

തോമസ് കേളച്ചന്ദ്ര ഫ്‌ളോറിഡയില്‍ നിര്യാതനായി

ഫ്‌ളോറിഡ: ചിങ്ങവനം കേളചന്ദ്ര പരേതരായ കെ.സി. കുരുവിള- ശോശാമ്മ കുരുവിള ദമ്പതികളുടെ മകന്‍ തോമസ് കേളചന്ദ്ര (88) ഫ്‌ളോറിഡയിലെ വിന്റര്‍ ഹെവനില്‍ നിര്യാതനായി.

റാന്നി കോയിപ്പുറം രാജമ്മയണ് ഭാര്യ.

മക്കള്‍: ബിജോയ് (നോര്‍ത്ത് കരോളിന), ബിനോയ് (മസ്കീറ്റ്, ഡാളസ്), ബിജു (നോര്‍ത്ത് കരോളിന), ബീന (നോര്‍ത്ത് കരോളിന), ബിന്ദു (നോര്‍ത്ത് കരോളിന). മരുമക്കള്‍: റനി (നോര്‍ത്ത് കരോളിന), ബെറ്റി (മസ്കീറ്റ്, ഡാളസ്),ബിന്‍സി (നോര്‍ത്ത് കരോളിന), റജി (നോര്‍ത്ത് കരോളിന), ബിജു (നോര്‍ത്ത് കരോളിന).

പൊതുദര്‍ശനം: സെപ്റ്റംബര്‍ 22-ന് വൈകിട്ട് 6 മുതല്‍ അപ്പക്‌സ് ഫ്യൂണറല്‍ ഹോമില്‍ (500 w വില്യംസ് സ്ട്രീറ്റ്, അപ്പക്‌സ്, നോര്‍ത്ത് കരോളിന 27523).

സംസ്കാര ശുശ്രൂഷ: സെപ്റ്റംബര്‍ 23-ന് രാവിലെ 10 മണിക്ക് ലൂര്‍ദ് മാതാ സീറോ മലബാര്‍ കാത്തലിക് ചര്‍ച്ചില്‍ (1400 വിഷന്‍ ഡ്രൈവ്, അപ്പകസ്, NC 27523).

തുടര്‍ന്ന് വേക്ക് മെമ്മോറിയല്‍ പാര്‍ക്കില്‍ സംസ്കാരം.

കൂടുതല്‍ വിവരങ്ങള്‍ക്ക്: ബിനോയ് തോമസ് (469 363 4874).

Read more

എസ്.എം.സി.സി നാഷണല്‍ കോണ്‍ഫറന്‍സിനായി ചിക്കാഗോ ഒരുങ്ങുന്നു

ചിക്കാഗോ: നാല്‍പ്പതോളം ഇടവകകളിലായി പടര്‍ന്നുകിടക്കുന്ന സീറോ മലബാര്‍ രൂപതയുടെ അല്‍മേനി അസോസിയേഷനായ എസ്.എം.സി.സിയുടെ നാഷണല്‍ കോണ്‍ഫറന്‍സിനായി ചിക്കാഗോ ഒരുങ്ങുന്നു.

ഒക്‌ടോബര്‍ 28,29 തീയതികളില്‍ നടക്കുന്ന കോണ്‍ഫറന്‍സില്‍ സീറോ മലബാര്‍ രൂപതയുടെ മേലധ്യക്ഷന്മാര്‍ പങ്കെടുക്കുന്നതായിരിക്കും.

ചിക്കാഗോ എസ്.എം.സി.സി അംഗങ്ങളുടെ പൂര്‍ണ്ണ സഹകരണത്തോടെ നടത്തുന്ന ഈ കോണ്‍ഫറന്‍സില്‍ ചിക്കാഗോ രൂപതയുടെ എല്ലാ ഇടവകകളില്‍ നിന്നും എസ്.എം.സി.സി അംഗങ്ങള്‍ പങ്കെടുക്കുന്നതാണ്.

ഒക്‌ടോബര്‍ 28-ന് ശനിയാഴ്ച രാവിലെ 8.30-ന് നടക്കുന്ന കുര്‍ബാനയ്ക്കുശേഷം സീറോ മലബാര്‍ രൂപതാധ്യക്ഷന്മാര്‍ കോണ്‍ഫറന്‍സ് ഉദ്ഘാടനം ചെയ്യുന്നതും സന്ദേശങ്ങള്‍ പങ്കുവെയ്ക്കുന്നതുമാണ്.
ശനിയാഴ്ച വൈകുന്നേരം 5.30-ന് ആരംഭിക്കുന്ന ബാങ്ക്വറ്റ് വിഭവസമൃദ്ധമാര്‍ന്നതും, സീറോ മലബാര്‍ പ്രതിഭകളുടെ നൃത്ത -സംഗീത പരിപാടികളും ഉള്‍പ്പെടുന്നതാണ്.

കത്തീഡ്രല്‍ വികാരി റവ.ഡോ. അഗസ്റ്റിന്‍ പാലയ്ക്കാപ്പറമ്പിലും, അസിസ്റ്റന്റ് വികാരി റവ.ഡോ. ജയിംസ് ജോസഫും കോണ്‍ഫറന്‍സിന്റെ വിജയത്തിനായി എല്ലാവിധ സഹകരണങ്ങളും നേടുകയുണ്ടായി.

കോണ്‍ഫറന്‍സ് കണ്‍വീനര്‍ ജോണ്‍സണ്‍ കണ്ണൂക്കാടന്‍, ചെയര്‍ വുമണ്‍ മേഴ്‌സി കുര്യാക്കോസ്, ചിക്കാഗോ എസ്.എം.സി.സി പ്രസിഡന്റ് ഷിബു അഗസ്റ്റിന്‍, ആന്റോ കവലയ്ക്കല്‍, സണ്ണി വള്ളിക്കളം, ബിജി വര്‍ഗീസ്, ജേക്കബ് കുര്യന്‍, ഷാജി ജോസഫ്, കുര്യാക്കോസ് ചാക്കോ, സജി വര്‍ഗീസ്, ആഗ്‌നസ് മാത്യു, ജോയി വട്ടത്തില്‍, ഷാബു മാത്യു, ജോയി ചക്കാലയ്ക്കല്‍, ജോസഫ് നാഴിയംപാറ, ജയിംസ് ഓലിക്കര എന്നിവരും കോണ്‍ഫറന്‍സിന്റെ വിജയത്തിനായി ഒത്തൊരുമിച്ച് പ്രവര്‍ത്തിക്കുന്നു.

മേഴ്‌സി കുര്യാക്കോസ് അറിയിച്ചതാണിത്. 

Read more

ശരത്കാല സന്ധ്യയില്‍ സംഗീത വര്‍ഷവുമായി എം.ജി.ശ്രീകുമാറും, ശ്രേയ ജയദീപും ന്യജേഴ്‌സിയിലെ സോമര്‍സെറ്റില്‍ സെപ്റ്റംബര്‍ 23 ന് "നിങ്ങളോടൊപ്പം"

ന്യൂജേഴ്സി: സംഗീതത്തെ സ്‌നേഹിക്കുന്ന ഏവരുടെയും ഹൃദയ താളങ്ങളായി മാറിക്കഴിഞ്ഞ മലയാളത്തിന്റെ കൊച്ചു വാനമ്പാടി, മലയാളികളുടെ പൊന്നോമന പാട്ടുകാരി ശ്രേയ ജയദീപ് മലയാളത്തിന്റെ പ്രശസ്ത ചലച്ചിത്ര പിന്നണിഗായകന്‍ എം. ജി. ശ്രീകുമാറിനോപ്പം "നിങ്ങളോടൊപ്പം' സ്റ്റേജ് ഷോയുമായി ന്യൂജേഴ്‌സിയിലെ സോമര്‍സെറ്റില്‍ സെപ്റ്റംബര്‍ 23-ന് എത്തുന്നു.

സെപ്റ്റംബര്‍ 23-ന് ശനിയാഴ്ച 5 മണിക്ക് സോമര്‍സെറ്റിലെ ഫ്രാങ്ക്ളിന്‍ ഹൈസ്കൂള്‍ ഓഡിറ്റോറിയത്തിലാണ് (500 Elizabeth Avenue, Somerset, New Jersey 08873) ഷോ അരങ്ങേറുക. ഷോ കാണാനെത്തുന്ന പ്രേക്ഷകര്‍ സ്കൂളിന്റെ പുറകു വശത്തുള്ള പ്രധാന പ്രവേശന കവാടത്തിലൂടെ യാണ് ഓഡിറ്റോറിയത്തിലേക്കു പ്രവേശിക്കേണ്ടത്.

ചില സാങ്കേതിക കാരണങ്ങളാല്‍ ജൂണില്‍ നടത്താന്‍ കഴിയാതെ പോയ ഗിന്നസ് കോമഡി ഷോയുടെ ടിക്കറ്റ് എടുത്തിട്ടുള്ളര്‍ക്ക് അതേ ടിക്കറ്റില്‍ തന്നെ നിങ്ങളോടൊപ്പം മെഗാഷോയില്‍ പ്രവേശനം ഉണ്ടായിരിക്കും എന്ന് സംഘാടകര്‍ അറിയിക്കുന്നു.

സംഗീതവും, നൃത്തവും, ഹാസ്യവും ഇഴചേര്‍ത്ത്, ചലച്ചിത്ര ടെലിവിഷന്‍ രംഗത്ത് പുതിയ തലമുറയിലെ ഏറ്റവും കഴിവുറ്റ കലാപ്രതിഭകള്‍ മാറ്റുരയ്ക്കുന്ന സംഗതനൃത്തഹാസ്യ കലാവിരുന്ന് "നിങ്ങളോടപ്പം' അമേരിക്കന്‍ ഐക്യനാടുകളിലെ മലയാളികള്‍ക്ക് എന്നും ഓര്‍മ്മിക്കാന്‍ കഴിയുന്ന നല്ല ഷോകള്‍ മാത്രം കാഴ്ചവെച്ചിട്ടുള്ള സേവന്‍ സീസ് എന്റര്‍ടൈന്റ്‌മെന്റിന്‍റെ ബാനറിലാണ് എത്തുക.

പ്രശസ്ത മലയാളചലച്ചിത്ര പിന്നണിഗായകനും, സംഗീതസംവിധായകനും, നിരവധി ടെലിവിഷന്‍ ഷോകളിലെ വിധി കര്‍ത്താവുമായ എം.ജി. ശ്രീകുമാറിനൊപ്പം, അഖിലേന്ത്യാ തലത്തില്‍ തന്നെ ഇന്നറിയപ്പെടുന്നവരില്‍ ഏറ്റവും പ്രായം കുറഞ്ഞ ഗായിക, സംഗീത പ്രമികള്‍ ഒന്നോടെ നെഞ്ചിലേറ്റിയ മലയാളികളുടെ പൊന്നോമന പാട്ടുകാരി ശ്രേയ ജയദീപും, മലയാളത്തിലെ യുവ പിന്നണി ഗായകന്‍ രമേശ് ബാബു, പ്രശസ്ത പിന്നണി ഗായിക സുമി എന്നിവരും ഈ സംഗീത പെരുമഴയില്‍ ഒത്തുചേരുന്നു.

ഏഷ്യാനെറ്റിലെ വെള്ളാനകളുടെ നാട് എന്ന കോമഡി സ്കിറ്റിലൂടെ കോമഡി രംഗത്ത് ചിരിയുടെ അലകളുയര്‍ത്തിയ, മലയാള സിനിമ ടെലിവിഷന്‍ രംഗത്തെ പ്രമുഖ ഹാസ്യതങ്ങളായ സെന്തില്‍, ഷിബു ലബാന്‍, അഞ്ജന അപ്പുക്കുട്ടന്‍ എന്നിവര്‍ ചേര്‍ന്നൊരുക്കുന്ന മിമിക് കോമഡിയും, പ്രശസ്തരായ കലാപ്രതിഭകള്‍ നയിക്കുന്ന നയന മനോഹരമായ നൃത്തനൃത്യങ്ങളും ഈ ഷോക്ക് മാറ്റേകുന്നു.

കേരളത്തിലെ പ്രശസ്ത കീബോര്‍ഡ് പ്ലേയറും, ഏഷ്യനെറ്റ് ടെലിവിഷനിലെ പ്രമുഖ ആര്‍ട്ടിസ്റ്റുമായ അനൂപാണ് ഓര്‍ക്കസ്‌ട്രേഷന്‍ കൈകാര്യം ചെയ്യുന്നത്. പ്രൊഫഷണലിസത്തിന്റെ മികവും നൂതന സാങ്കേതികവിദ്യകളുടെ സമന്വയവും, അവതരണത്തിന്റെ വ്യത്യസ്തതയും ""നിങ്ങളോടൊപ്പം'' ഷോയെ മറ്റ്ഷോകളില്‍ നിന്നും വേറിട്ടതാക്കും എന്നതില്‍ സംശയമില്ല . പ്രശസ്ത സൗണ്ട് എഞ്ചിനീയര്‍ സമ്മിയാണ് ശബ്ദനിയന്ത്രണം. ഡെയ്ലി ഡിലൈറ്റും, റിയാ ട്രാവല്‍സും ആണ് ഗ്രാന്‍ഡ് സ്പോണ്‍സര്‍മാര്‍.

ഈ ഷോയുടെ വിജയത്തിനായി എല്ലാവരുടേയും പ്രാര്‍ത്ഥനയും, സഹകരണവും ഇടവക വികാരി ബഹു. ഫാ. ലിഗോറി ജോണ്‍സന്‍ ഫിലിപ്‌സ് അഭ്യര്‍ത്ഥിച്ചു.

കൂടുതല്‍ വിവരങ്ങള്‍ക്കും, ടിക്കറ്റിനും ബന്ധപ്പെടുക,

സെബാസ്റ്റ്യന്‍ ആന്റണി (732) 6903934
ടോണി മംഗന്‍ (347) 721 8076
റ്റോം പെരുംപായില്‍ (646) 3263708,
മിനേഷ് ജോസഫ് (ട്രസ്റ്റി ) 2019789828
മേരിദാസന്‍ തോമസ് (ട്രസ്റ്റി ) 2019126451
ജസ്റ്റിന്‍ ജോസഫ് (ട്രസ്റ്റി ) 7327626744
സാബിന്‍ മാത്യൂ (ട്രസ്റ്റി ) 8483918461

വെബ്: www.Megashownj.com

സെബാസ്റ്റ്യന്‍ ആന്റണി അറിയിച്ചതാണിത്. 

Read more

മാത്യൂസ് ചെരുവിൽ - മിലൻ പ്രസിഡന്റ്

ഡിട്രോയിറ്റ്: തൊണ്ണൂകളുടെ അവസാന പാദം മുതൽ മിഷിഗണിലെ മലയാളികളുടെ ഇടയിൽ, മലയാള ഭാഷയേയും സാഹിത്യ കൃതികളേയും ഭാഷാ ആസ്വാദകരുടേയും ഉന്നമനത്തിനായി പ്രവർത്തിക്കുന്ന സാഹിത്യ കൂട്ടായ്മയായ മിഷിഗൺ മലയാളി ലിറ്റററി അസ്സോസിയേഷന്റെ അടുത്ത രണ്ടു വർഷത്തെ കാലയളവിലേക്കുള്ള നേതൃത്വനിരയെ തിരഞ്ഞെടുത്തു. 

2017 ഓഗസ്റ്റ് 27ആം തീയതി നടന്ന മീറ്റിംഗിൽ മിഷിഗണിൽ സാംസ്ക്കാരിക രംഗത്ത് തന്റെതായ വ്യക്തി മുദ്ര പതിപ്പിച്ച മാത്യൂസ് ചെരുവിലിനെ ഐക്യകണ്ഠന തിരഞ്ഞെടുത്തു.

സെക്രട്ടറിയായി പ്രവാസി എഴുത്തുകാരനും, ഒട്ടനവധി കൃതികളുടെ കർത്താവുമായ അബ്ദുൾ പുന്നയൂർക്കുളമാണ്. ട്രഷറാറായി, മുൻ ട്രഷറാർ മനോജ് കൃഷ്ണൻ തന്നെ തിരഞ്ഞെടുക്കപ്പെട്ടു.

വൈസ് പ്രസിഡന്റായി കേരളാ ഹിന്ദൂസ് ഓഫ് നോർത്ത് അമേരിക്കയുടെ പ്രസിഡന്റും വാക്മിയുമായ സുരേന്ദ്രൻ നായരാണ് തിരഞ്ഞെടുക്കപ്പെട്ടത്. ജോയിന്റ് സെക്രട്ടറിയായി മിലന്റെ സ്ഥാപക നേതാക്കളിലൊരാളായ തോമസ് കർത്തനാൾ തിരഞ്ഞെടുക്കപ്പെട്ടു. 

പ്രസിഡന്റ് ജയിംസ് കുരീക്കാട്ടിലിന്റെ അധ്യക്ഷതയിൽ കൂടിയ ചടങ്ങിൽ മിഷിഗണിലെ സാഹിത്യ പ്രേമികൾ പങ്കെടുത്തിരുന്നു. മലയാള ഭാഷ മറന്നു കൊണ്ടിരിക്കുന്ന ഈ കാലഘട്ടത്തിൽ, പ്രവാസികളായ ഒരു പറ്റം ആൾക്കാർ ഭാഷയേയും സാഹിത്യത്തെയും ഉയർത്തിപ്പിടിക്കാൻ ഉണ്ട് എന്നുള്ളത് പ്രശംസനീയമാണെന്ന് മാത്യൂ ചെരുവിൽ അഭിപ്രായപ്പെട്ടു. ചടങ്ങിൽ ജയിംസ് കുരീക്കാട്ടിലിന്റെ ഒരു കവിതയും ചർച്ച ചെയ്യപ്പെട്ടു. നാട്ടിലെ സമകാലീന പ്രശ്നങ്ങളിൽ പ്രതികരണ ശേഷി നഷ്ടപ്പെടാതെ മൗനം ഭജ്ഞിക്കണമെന്ന് കവിതയിലൂടെ അദ്ദേഹം ഓർമ്മപ്പെടുത്തി. അടുത്ത രണ്ടു വർഷം മിലനെ ഇനിയും മുകളിലേക്ക് ഉയർത്താൻ പുതിയ ഭരണ സമിതിക്ക് ആകട്ടെയെന്ന് ചടങ്ങിൽ പങ്കെടുത്തവർ ആശംസിച്ചു. 

കൂടുതൽ വിവരങ്ങൾക്ക്
മാത്യൂസ് ചെരുവിൽ 586 206 6164
സുരേന്ദ്രൻ നായർ 248 525 2351
അബ്ദുൾ പുന്നയൂർക്കുളം 586 994 1805
തോമസ് കർത്തനാൾ 586 747 7801
മനോജ് കൃഷ്ണൻ 248 837 9935

Read more

സുഷമ സ്വരാജ് ഇവാങ്ക ട്രമ്പുമായി കൂടികാഴ്ച നടത്തി

ന്യൂയോർക്ക് : യുഎൻ അസംബ്ലിയിൽ പങ്കെടുക്കുന്നതിന് ന്യുയോർക്കിൽ എത്തിച്ചേർന്ന ഇന്ത്യൻ വിദേശകാര്യ വകുപ്പു മന്ത്രി സുഷമ സ്വരാജ് അമേരിക്കൻ പ്രസിഡന്റ് ഡോണൾഡ് ട്രംപിന്റെ അഡ്വൈസറും മകളുമായ ഇവാങ്ക ട്രംപുമായി കൂടികാഴ്ച നടത്തി.

സ്ത്രീ ശാക്തീകരണ വിഷയത്തെ കുറിച്ചു ഇരുവരും ചർച്ച നടത്തി. നവംബർ 28 മുതൽ 30 വരെ ഹൈദരാബാദിൽ വെച്ച് നടക്കുന്ന ജിഇഎസ് പങ്കെടുക്കുന്ന അമേരിക്കൻ  ഡലിഗേഷനെ നയിക്കുന്നത് ഇവാങ്ക ട്രംപിന് ലോകത്തിന്റെ വിവിധ ഭാഗങ്ങളിൽ നിന്നുള്ള നിക്ഷേപകർ, ബിസിനസ് ലീഡേഴ്സ് തുടങ്ങിയവർ ഒത്തുചേരുന്ന സമ്മേളനമാണ് ഹൈദരാബാദിൽ വെച്ച് നടക്കുന്നത്.

ഇന്ത്യൻ വിദേശ വകുപ്പ് മന്ത്രി സുഷമ സ്വരാജുമായുള്ള കൂടികാഴ്ച ഇവാങ്ക‌ ട്രംപിന്  വലിയ മതിപ്പുളവാക്കിയതായി ട്വിറ്ററിൽ പ്രസിദ്ധീകരിച്ച സന്ദേശത്തിൽ ഇവാങ്ക പറയുന്നു.

യുഎൻ അസംബ്ലിയിൽ ഇന്ത്യയിൽ നിന്നുള്ള ഡലിഗേഷനുമായി ന്യുയോർക്കിൽ എത്തിയ സുഷമ സ്വരാജ് ഒരാഴ്ച വിവിധ യോഗങ്ങളിൽ പങ്കെടുത്തു. ഇന്ത്യയിലേക്കു സെപ്റ്റംബർ 23 ന് തിരിച്ചു പോകും.

Read more

ഇന്ത്യന്‍ വിദ്യാര്‍ഥിനി വാഹനാപകടത്തില്‍ മരിച്ചു; ഡ്രൈവര്‍ പിടിയില്‍

മിനിസോട്ട : മിനിസോട്ട, സെന്റ് പോളിലെ യൂണിവേഴ്സിറ്റി ഓഫ് സെന്റ്  തോമസ് ഇന്ത്യൻ അമേരിക്കൻ വിദ്യാർഥിനി റിയ പട്ടേൽ  (20) വാഹനാപകടത്തിൽ മരിച്ചു.സ്റ്റോപ്പിൽ നിർത്തിയിട്ടിരുന്ന റിയായുടെ കാറിൽ, യുവാവും യുവതിയും സഞ്ചരിച്ചിരുന്ന വാഹനം ഇടിച്ചാണ് മരണം സംഭവിച്ചത്. അപകടത്തിനുശേഷം കാറിൽ നിന്നും ഇറങ്ങി ഓടിയ യുവാവിനെ (കാംപൽ– 21) പൊലീസ് പിന്നീടു പിടികൂടി. അറസ്റ്റ് ചെയ്ത പ്രതിയെ മിനിസോട്ട ജയിലിലേക്ക് മാറ്റി. ജാമ്യം നിഷേധിച്ചു.

മിനിസോട്ട ഹെന്നിപിൻ കൗണ്ടിയിൽ പുലർച്ചെ 3.50 നാണ് അപകടം ഉണ്ടായത്. ഇടിച്ച വാഹനം ഓടിച്ചിരുന്ന യുവാവ് മദ്യപിച്ചിരുന്നതായാണ് പൊലീസ് റിപ്പോർട്ട്.സെന്റ് തോമസ് യൂണിവേഴ്സിറ്റി ബിസിനസ് മേജർ വിദ്യാർത്ഥിയായിരുന്നു റിയാ. മിനിസോട്ടായിലെ ഭരത്– ദേവയാനി ദമ്പതിമാരുടെ മകളാണ്.

മരിച്ച റിയായും ഇടിച്ച വാഹനം ഓടിച്ചിരുന്ന കാംപല്ലും ഫെയ്സ്ബുക്ക് സ്നേഹിതരായിരുന്നുവെന്ന് പറയപ്പെടുന്നു.

ഗ്രേറ്റർ മിനിയാപൊലീസ് ബിസി കോഫി ബ്രാൻണ്ട് അംബാസഡറായിരുന്ന റിയാ പട്ടേൽ. ഇന്റർ നാഷണൽ സ്കൂൾ ഓഫ് മിനിസോട്ടയിൽ നിന്നാണ്  ഹൈസ്കൂൾ വിദ്യാഭ്യാസം പൂർത്തീകരിച്ചത്. റിയായുടെ അപ്രതീക്ഷിത മരണത്തിൽ യൂണിവേഴ്സിറ്റി അധികൃതർ അനുശോചനം രേഖപ്പെടുത്തി.

Read more

ഒക്കലഹോമ ഇന്ത്യന്‍ കോണ്‍സുലാര്‍ ക്യാംപ് സെപ്റ്റംബര്‍ 30 ന്

ഒക്കലഹോമ: കോൺസുലേറ്റ് ജനറൽ ഓഫ് ഇന്ത്യ (ഹൂസ്റ്റൺ), ഒക്കലഹോമ മലയാളി അസോസിയേഷനും ഇന്ത്യൻ അസോസിയേഷൻ ഓഫ് ഒക്കോലഹോമയുമായി സഹകരിച്ചു ഏകദിന കോൺസുലർ ക്യാംപ് സംഘടിപ്പിക്കുന്നു. യൂക്കൺ പാർക്ക് അവന്യുവിലുള്ള ഇന്റർനാഷണൽ പെന്റ് കോസ്റ്റൽ അസംബ്ലിയിൽ രാവിലെ 10 മുതൽ വൈകിട്ട് 4 വരെയാണ് ക്യാംപ് നടക്കുന്നത്.

യുഎസ് പാസ്പോർട്ട് കൈവശം ഉള്ളവർ ഒസിഐ കാർഡും, വിസ, റിണൻസിയേഷൻ ഓഫ് ഇന്ത്യൻ നാഷണാലിറ്റി തുടങ്ങിയ അപേക്ഷകൾ പൂരിപ്പിച്ചു ആവശ്യമായ രേഖകൾ സഹിതം ക്യാമ്പിൽ വരികയാണെങ്കിൽ ഓഫീസർമാർ പരിശോധിച്ചു സാക്ഷ്യപ്പെടുത്തിയതിനുശേഷം ഹൂസ്റ്റണിലുള്ള സികെജിഎസ് ഓഫീസിലേക്ക് അയച്ചു കൊടുക്കാവുന്നതാണ്.

ഏകദിന വിസ ക്യാമ്പിൽ ഇന്ത്യൻ പാസ്പോർട്ട് പുതുക്കൽ, പുതിയതായി അപേക്ഷിക്കുന്നവർ പൂരിപ്പിച്ച അപേക്ഷകളുമായി എത്തിയാൽ പരിശോധിച്ചു സാക്ഷ്യപ്പെടുത്തി നൽകുമെന്നും അധികൃതരുടെ അറിയിപ്പിൽ പറയുന്നു.

കൂടുതൽ വിവരങ്ങൾക്ക് : 713 626 2148

Read more

ഡോ. നബീല്‍ ഖുറേഷി മെമ്മോറിയല്‍ സര്‍വ്വീസ് 21 ന്

ഹൂസ്റ്റണ്‍: സെപ്റ്റംബര്‍ 16 ന് ഹൂസ്റ്റണില്‍ നിര്യാതനായ ഡോ. നബീല്‍ ഖുറേഷിയുടെ മെമ്മോറിയല്‍ സര്‍വ്വീസ് സെപ്റ്റംബര്‍ 21 വ്യാഴാഴ്ച രാവിലെ 10 മുതല്‍ കാറ്റി ഫ്രീവേയിലുള്ള ഹൂസ്റ്റണ്‍ ഫസ്റ്റ് ബാപ്റ്റിസ്റ്റ് ചര്‍ച്ചില്‍ നടക്കും.

ഡോ. നബീല്‍ ഖുറേഷിക്ക് അന്തിമോപചാരം അര്‍പ്പിക്കുന്നതിന് എല്ലാവര്‍ക്കും അവസരം ഉണ്ടായിരിക്കുമെന്നും മെമ്മോറിയല്‍ സര്‍വീസ് നടക്കുമ്പോള്‍ ഓപ്പണ്‍ കാസ്‌ക്കറ്റായിരിക്കുമെന്നും അറിയിച്ചിട്ടുണ്ട്.

മെമ്മോറിയല്‍ സര്‍വ്വീസ് ലൈവായി ടെലികാസ്റ്റും ഉണ്ടായിരിക്കും 
Web:hustonfirst.org/media OR rzim.org

https://youtu.be/2HRvJpHb32c

കൂടുതല്‍ വിവരങ്ങള്‍ക്ക് : അലക്‌സ് : 832 726 4841

Read more

നോർത്ത് അമേരിക്കൻ മാർത്തോമ്മാ ഭദ്രാസന യുവജനസഖ്യം സമ്മേളനത്തിന്റെ ഒരുക്കങ്ങൾ പൂർത്തിയായി

ന്യൂജഴ്സി : നോർത്ത് അമേരിക്ക –യൂറോപ്പ് മാർത്തോമ്മ ഭദ്രാസന യുവജനസഖ്യത്തിന്റെ 19–ാം സമ്മേളനത്തിന്റെ ഒരുക്കങ്ങൾ പൂർത്തിയായതായി സംഘാടകർ അറിയിച്ചു. ന്യൂജഴ്സി സെന്റ് പീറ്റേഴ്സ് മാർത്തോമ്മ യുവജനസഖ്യം ആതിഥ്യമരുളുന്ന യുവജന മഹാസമ്മേളനത്തിന്  Honor's Heaven Resort and conference Center (1195 Arrowwhead Rd, Ellenville, NY-12428)  വേദിയാകും. നോർത്ത് അമേരിക്ക –യൂറോപ്പ് ഭദ്രാസനാധിപൻ ഡോ. ഐസക്ക് മാർ ഫീലക്സിനോക്സ് എപ്പിസ്കോപ്പ സമ്മേളനം ഉദ്ഘാടനം ചെയ്യും. ക്രിസ്റ്റ്യൻ കൺവൻഷൻ : A Commitment or Compromise  എന്നതാണ് ഈ വർഷത്തെ സമ്മേളന ചിന്താവിഷയം.

ഡോ. ഐസക് മാർ ഫീലക്സിനോക്സ്, റവ. ഈപ്പൻ വർഗീസ് (മാർത്തോമ്മ തിയോളജിക്കൽ സെമിനാരി കോട്ടയം), റവ. തോമസ് കുര്യൻ, ഡോ. ഷോൺ രാജൻ എന്നിവർ കോൺഫറൻസിന് നേതൃത്വം നൽകും. ആത്മീക ഉണർവ് നൽകുന്ന സന്ദേശങ്ങൾ, ചിന്താവിഷയതിഷ്ഠിതമായ പഠനങ്ങൾ, ചർച്ചകൾ, പ്രെയിസ് ആൻഡ് വർഷിപ്പ്, കലാവിരുന്നുകൾ കോർത്തിണക്കിയ ടാലന്റ് ഷോ, സഖ്യം പൂർവ്വകാല പ്രവർത്തകരെ പങ്കെടുപ്പിച്ചു കൊണ്ടുള്ള അലുംനി പ്രോഗ്രാം തുടങ്ങിയവ ഈ വർഷത്തെ സമ്മേളനത്തിന്റെ ഭാഗമായിരിക്കും. കോൺഫറൻസിനോടനുബന്ധിച്ച് സുവനീറും പ്രസിദ്ധീകരിക്കും. ഒക്ടോബർ ഒന്നിന് യുവജനസഖ്യം സമ്മേളനം സമാപിക്കും.

ഭദ്രാസനത്തിലെ വിവിധ ഇടവകകളിൽ നിന്നുമായി 450 ൽ പരം അംഗങ്ങൾ പങ്കെടുക്കും. ഡോ. ഐസക്ക് മാർ ഫീലക്സിനോക്സ് എപ്പിസ്കോപ്പ രക്ഷാധികാരിയായ കോൺഫറൻസ് കമ്മിറ്റിക്ക് സെന്റ് പീറ്റേഴ്സ് യുവജനസഖ്യം പ്രസിഡന്റ് റവ. മോൻസി മാത്യു, ജനറൽ കൺവീനർ വർഗീസ് ജേക്കബ്, ഡോ. ലിസി മാത്യു (കോ. കൺവീനർ) അരുൺ തോമസ് (വൈസ് പ്രസിഡന്റ്), സജി ഫിലിപ്പ് (സെക്രട്ടറി)‌, റജി ജോസഫ് (റജിസ്ട്രേഷൻ), അനിൽ തോമസ് (സുവനീർ) ജോൺ വർഗീസ് (ഫൈനാൻസ്) ഷിബു മാത്യു (പബ്ലിക് റിലേഷൻ, വെബ്സൈറ്റ്, ഐടി), മാത്യു പി. സാം (പ്രോഗ്രാം), തോമസ് കൊച്ചുമ്മൻ (കൾച്ചറൽ പ്രോഗ്രാം), ഷൈൻ തോമസ് (ഫുഡ്) ഷിബി തോമസ് (ഗായക സംഘം), സജി റ്റി. മാത്യു (പ്രയർ  ആൻഡ് വർഷിപ്പ്), റീനാ മാത്യു(മെഡിക്കൽ) ജിജി ഏബ്രഹാം( ഓഡിയോ ആൻഡ് വിഷ്വൽ), ഷീജാ മാത്യൂസ് (റിസപ്ഷൻ), റോയി മാത്യു(അലുംനി), ജോയി ജോൺ (ട്രാൻസ്പോർട്ടേഷൻ), പ്രേം അലക്സാണ്ടർ (റിക്രിയേഷൻ), ജെറി ജേക്കബ് (ചിൽഡ്രൻ ആൻഡ് യൂത്ത് പ്രോഗ്രാം) എന്നിവരുടെ നേതൃത്വത്തിലുള്ള വിവിധ സബ് കമ്മിറ്റികൾ നേതൃത്വം നൽകുന്നു.

സമ്മേളനത്തിന് ആത്മീയ ചൈതന്യം പകരുന്ന ശ്രുതി മധുരമായ ഗാനങ്ങൾ ഗായക സംഘം അവതരിപ്പിക്കും. കുട്ടികൾക്കും സ്കൂൾ  വിദ്യാർഥികൾക്കുമായി വ്യത്യസ്തമായ പരിപാടികൾ ഈ വർഷത്തെ കോൺഫറൻസിന് ഒരുക്കിയിരിക്കുന്നു. ഈ വർഷത്തെ യുവജന സമ്മേളനം അനുഗ്രഹീതമായി നടത്താൻ എല്ലാ ക്രമീകരണങ്ങളും പീറ്റേഴ്സ് മാർത്തോമ്മ യുവജനസഖ്യം അംഗങ്ങൾ ഒരുക്കിയിരിക്കുന്നു.

നോർത്ത് അമേരിക്കൻ ഭദ്രാസന യുവജനസഖ്യം കൗൺസിൽ നൽകി വരുന്ന പിന്തുണ സമ്മേളനത്തിന്റെ ക്രമീകരണങ്ങൾക്ക് സഹായകരമാകുന്നു. അഭി. ഡോ. ഐസക്ക് മാർ ഫീലക്സിനോക്സ് (പ്രസിഡന്റ്), റവ. ഡെന്നീസ് ഫിലിപ്പ്(ഭദ്രാസന സെക്രട്ടറി), റവ. സജു ബി.ജോൺ  (വൈസ് പ്രസിഡന്റ്), അജു മാത്യു (സെക്രട്ടറി), ലിബു കോശി (ട്രഷറർ) റോജിഷ് സാമുവേൽ (ഭദ്രാസന അസംബ്ലി അംഗം) എന്നിവർ ഭദ്രാസന യുവജനസഖ്യം കൗൺസിലിനു നേതൃത്വം നൽകുന്നു.

കൂടുതൽ വിവരങ്ങൾക്ക് :  www.ysconferencej2017.org  എന്ന കോൺഫറൻസ് വെബ് സൈറ്റ് സന്ദർശിക്കുക.

Read more

ഫിലഡല്‍ഫിയ സെന്റ് ഗ്രിഗോറിയോസ് മലങ്കര ഓര്‍ത്തഡോക്സ് ചര്‍ച്ചില്‍ ഷാരോണ്‍ വോയ്സ് സംഗീത സായാഹ്നം ഒക്ടോബര്‍ 1ന്

ഫിലാഡല്‍ഫിയ: സെന്റ് ഗ്രിഗോറിയോസ് മലങ്കര ഓര്‍ത്തഡോക്സ് ചര്‍ച്ച് ഒക്ടോബര്‍ 1ന് നടത്തുന്ന കൊയ്ത്തു മഹോത്സവത്തോടനുബന്ധിച്ചു ന്യൂയോര്‍ക്ക് ഷാരോണ്‍ വോയ്സിന്റെ സംഗീത സായാഹ്നം സംഘടിപ്പിക്കുന്നു.

ബെന്‍ ശാലോം എസ്.ജി.എം.ഒ.സിയില്‍ ഒക്ടോബര്‍ 1 ഞായറാഴ്ച രാവിലെ 11 മണി മുതല്‍ കൊയ്ത്തു മഹോത്സവം ആരംഭിയ്ക്കും. തുടര്‍ന്ന് 2 മണിക്ക് ന്യൂയോര്‍ക്കിലെ ഷാജു പീറ്റര്‍, സാറാ പീറ്റര്‍ എന്നീ അനുഗ്രഹീത ഗായകര്‍ പങ്കെടുക്കുന്ന ലൈവ് ഓര്‍കസ്ട്രയുടെ അകമ്പടിയോടെ സംഗീത സായാഹ്നവും ഉണ്ടായിരിക്കുമെന്ന് സംഘാടകര്‍ അറിയിച്ചു. കൊയ്ത്തുത്സവത്തില്‍ കേരളത്തിന്റെ തനതായ ഭക്ഷണ പദാര്‍ത്ഥങ്ങള്‍ ഉള്‍കൊള്ളുന്ന ഫുഡ് ഫെസ്റ്റിവലും സംഘടിപ്പിക്കുന്നുണ്ട്.

ഞായറാഴ്ച നടക്കുന്ന എല്ലാ പരിപാടികളിലും പങ്കെടുത്തു വന്‍ വിജയമാക്കണമെന്ന് വികാരി.റവ.ഫാ.ഷിബു വേണാട് മത്തായി, അഭ്യര്‍ത്ഥിച്ചു.

കൂടുതല്‍ വിവരങ്ങള്‍ക്ക് 215 639 4132 എന്ന ഫോണ്‍ നമ്പറില്‍ ബന്ധപ്പെടാവുന്നതാണ്.

Read more

മാര്‍ ജോയി ആലപ്പാട്ടിന് കൊളംബസില്‍ ഊഷ്മള സ്വീകരണം

ഒഹായോ: കൊളംബസ് സെന്റ് മേരീസ് സീറോ മലബാര്‍ മിഷനില്‍ ഇടയ സന്ദര്‍ശനത്തിന് എത്തിച്ചേര്‍ന്ന ഷിക്കാഗോ രൂപതാ സഹായ മെത്രാന്‍ മാര്‍ ജോയി ആലപ്പാട്ടിന് കൊളംബസ് സമൂഹം ഊഷ്മള സ്വീകരണം നല്‍കി.

തിരുനാള്‍ ആഘോഷത്തില്‍ കുട്ടികളുടെ പങ്കാളിത്തത്തെ അദ്ദേഹം അനുമോദിക്കുകയും, അത് നമ്മുടെ പാമ്പര്യം അടുത്ത തലമുറയിലേക്ക് പകര്‍ന്നു നല്‍കുവാന്‍ ആവശ്യമാണെന്നു ഓര്‍മ്മിപ്പിക്കുകയും ചെയ്തു. പരിശുദ്ധ കന്യാമറിയത്തെ അമ്മയായി സ്വീകരിച്ച് ക്രിസ്തുജീവിതം നയിക്കേണ്ടത് ഓരോ ക്രൈസ്തവന്റേയും കടമയാണെന്നു പിതാവ് ആഹ്വാനം ചെയ്തു.
പി.ആര്‍.ഒ റോസ്മി അരുണ്‍ അറിയിച്ചതാണിത്. 

Read more

റവ.ഫാ. ജോയി ജോണിന് ഊഷ്മള യാത്രയയപ്പ്

ഫിലാഡല്‍ഫിയ: സമര്‍പ്പിതമായ വൈദീക ശുശ്രൂഷയുടെ എട്ടുവര്‍ഷം വിജയകരമായി പൂര്‍ത്തീകരിച്ച് ന്യൂയോര്‍ക്കിലെ ഇടവക ശുശ്രൂഷയിലേക്ക് സ്ഥലംമാറിപ്പോകുന്ന റവ.ഫാ. ജോയി ജോണിന് ഫിലാഡല്‍ഫിയ സെന്റ് പീറ്റേഴ്‌സ് സിറിയന്‍ ഓര്‍ത്തഡോക്‌സ് കത്തീഡ്രലിന്റെ ആഭിമുഖ്യത്തില്‍ സ്‌നേഹോഷ്മളമായ യാത്രയയപ്പ് നല്‍കി. എട്ടുനോമ്പാചരണത്തിന്റെ സമാപനമായ സെപ്റ്റംബര്‍ പത്താംതീയതി വിശുദ്ധ കുര്‍ബാനയ്ക്കുശേഷം ചേര്‍ന്ന യാത്രയയപ്പ് സമ്മേളനത്തില്‍ ഇടവക എക്‌സിക്യൂട്ടീവ് കമ്മിറ്റി അംഗങ്ങള്‍, ഭക്തസംഘടനാ ഭാരവാഹികള്‍ തുടങ്ങിയവര്‍ ആശംസകള്‍ നേര്‍ന്നു. സീനിയര്‍ വൈദീകനായ റവ.ഫാ. ജോസ് ദാനിയേല്‍ പയറ്റേലിന്റെ മഹനീയ അധ്യക്ഷതയില്‍ ചേര്‍ന്ന സമ്മേളനത്തില്‍ നിരവധിയാളുകള്‍ പങ്കെടുത്തു.

ഉത്തത ദീര്‍ഘവീക്ഷണവും, ഇച്ഛാശക്തിയും, അതിരില്ലാത്ത പ്രവര്‍ത്തന സന്നദ്ധതയും കൈമുതലായുള്ള റവ.ഫാ. ജോയി ജോണിന്റെ നേതൃത്വം ഇടവകയുടെ സമ്പൂര്‍ണ്ണമായ ആത്മീയ - ഭൗതീക വളര്‍ച്ചയ്ക്ക് വഴിയൊരുക്കിയെന്ന് ആശംസാ പ്രാസംഗീകര്‍ ചൂണ്ടിക്കാട്ടി. ഇടവകയുടെ വിവിധ നിര്‍മാണ പ്രവര്‍ത്തനങ്ങള്‍ക്കും ആദ്ധ്യാത്മിക സംഘടനകളുടെ ഏകോപിച്ചുള്ള പ്രവര്‍ത്തനങ്ങളക്കും നല്‍കിയ നേതൃത്വം മഹനീയമാണ്. അച്ചന്റെ വൈദീക ശുശ്രൂഷാ കാലത്ത് ഇടവക കത്തീഡ്രല്‍ പദവിയിലേക്ക് ഉയര്‍ത്തപ്പെടാന്‍ ഭാഗ്യമുണ്ടായി. സാധുജന സംരക്ഷണ രംഗത്ത് അനേകം പ്രവര്‍ത്തനങ്ങള്‍ നടത്തുവാന്‍ കഴിഞ്ഞു. നാളിതുവരെ വികാരിയായി സേവനം അനുഷ്ഠിച്ചിട്ടുള്ള മുഴുവന്‍ ഇടവകകളുടേയും സമ്പൂര്‍ണ്ണ വളര്‍ച്ചയ്ക്ക് ആരംഭം കുറിക്കുവാന്‍ കഴിഞ്ഞിട്ടുള്ള അച്ചന്റെ സേവനം വേണ്ടവിധം പ്രയോജനപ്പെടുത്തുവാന്‍ ഭദ്രാസനത്തിലെ ഇടവകകള്‍ക്ക് കഴിയട്ടെ എന്നും ഏവരും ആശംസിച്ചു.

സെക്രട്ടറി സരിന്‍ ചെറിയാന്‍ കുരുവിള അവതാരകനായിരുന്നു. ലിസി ജോര്‍ജ് (സെന്റ് മേരീസ് വിമന്‍സ് ലീഗ്), ആന്‍മേരി ഇടിച്ചാണ്ടി (യൂത്ത് അസോസിയേഷന്‍), ഷാന ജോഷ്വാ (സണ്‍ഡേ സ്കൂള്‍) എന്നിവര്‍ ആശംസകള്‍ നേര്‍ന്ന് സംസാരിച്ചു. ഇടവകയുടെ സ്‌നേഹോപഹാരം ഫാ. ജോസ് ദാനിയേലും കമ്മിറ്റിയംഗങ്ങളും ചേര്‍ന്ന് അച്ചന് സമ്മാനിച്ചു. നാളിതുവരെ ഇടവക കൂട്ടായി നല്‍കിയ എല്ലാ സഹകരണങ്ങള്‍ക്കും ഐക്യ പ്രവര്‍ത്തനങ്ങള്‍ക്കും തന്റെ മറുപടി പ്രസംഗത്തില്‍ അച്ചന്‍ നന്ദി പ്രകാശിപ്പിച്ചു. ട്രഷറര്‍ മാത്യൂസ് മഞ്ച കൃതജ്ഞത രേഖപ്പെടുത്തി. സ്‌നേഹവിരുന്നോടെയാണ് ചടങ്ങുകള്‍ സമാപിച്ചത്. സെന്റ് പീറ്റേഴ്‌സ് കത്തീഡ്രലിന്റെ പുതിയ വികാരിയായി റവ.ഫാ. ഗീവര്‍ഗീസ് ജേക്കബ് ചാലിശേരി നിയമിതനായി.

ഇടവകയ്ക്കുവേണ്ടി സരിന്‍ ചെറിയാന്‍ കുരുവിള അറിയിച്ചതാണിത്. 

Read more