സാംസ്‌കാരിക വിശേഷങ്ങള്‍

പിഎംജി 5-ാം കുടുംബ സംഗമം ഡാലസില്‍ ജൂലൈ 27 മുതല്‍

ഡാലസ് : എംജി (പെന്റകോസ്റ്റല്‍ മാറാനാതാ ഗോസ്പല്‍ ചര്‍ച്ച്) അഞ്ചാമത് ദേശീയ കുടുംബ സംഗമം ജൂലൈ 27 മുതല്‍ 29 വരെ ഡാലസില്‍ നടക്കും. ഡാലസ് ഡെന്റന്‍ ക്യാംപ് കോപ്പാസ് റിട്രീറ്റ് (8200 ഈസ്റ്റ് മക്കിനി) കുടുംബ സംഗമത്തിന്റെ ഒരുക്കങ്ങളെല്ലാം പൂര്‍ത്തീകരിച്ചതായി പാസ്റ്റര്‍ ഫിന്നി ജോസഫ് (കണ്‍വീനര്‍), റവ. അനീഷ് കുര്യാച്ചന്‍ (സെക്രട്ടറി), റവ. ജേക്കബ് ഏബ്രഹാം (ട്രഷറര്‍) എന്നിവര്‍ അറിയിച്ചു.

എന്റെ കാഴ്ചപ്പാടിനെ വിശാലമാക്കണമേ (സദൃശ്യ വാക്യങ്ങള്‍ 29:18) എന്ന മുഖ്യ ചിന്താവിഷയത്തെ അധികരിച്ചു പാസ്റ്റര്‍ എം. എ. ജോണ്‍, പാസ്റ്റര്‍ ബിജു വില്‍സണ്‍ എന്നിവര്‍ പ്രഭാഷണം നടത്തും.

കൂടുതല്‍ വിവരങ്ങള്‍ക്ക് :

www.pmgcvsa.org എന്ന് വെബ് സൈറ്റില്‍ ലഭ്യമാണ്.

Read more

ഹഷ്മുഖ് പട്ടേലിന്റെ ഘാതകന്റെ വധശിക്ഷ നടപ്പാക്കി

ഹണ്ട്സ് വില്ല (ടെക്സസ്) : സാൻ അന്റോണിയൊ കൺവീനിയൻസ് സ്റ്റോർ ഉടമ ഇന്ത്യൻ അമേരിക്കൻ ഹഷ്മുഖ് പട്ടേലിനെ വെടിവച്ചു കൊന്ന കേസിലെ പ്രതി ക്രിസ്റ്റഫർ യങ്ങിന്റെ (37) വധശിക്ഷ ജൂലൈ 17 ചൊവ്വാഴ്ച വൈകിട്ട് ടെക്സസ് ഹണ്ട്സ് വില്ല ജയിലിൽ നടപ്പാക്കി. മോഷണ ശ്രമത്തിനിടയിലായിരുന്നു വെടിവയ്പ്.

ജയിൽ ജീവിതത്തിനിടയിൽ പ്രതിക്കുണ്ടായ മാനസാന്തരവും മറ്റു സഹതടവുകാർക്ക് നൽകിയിരുന്ന സേവനവും കണക്കിലെടുത്ത് വധശിക്ഷ ഒഴിവാക്കി കൊടുക്കണമെന്ന് കൊല്ലപ്പെട്ട പട്ടേലിന്റെ മകൻ നേരിട്ട് ടെക്സസ് ഗവർണരോട് ആവശ്യപ്പെട്ടിരുന്നു. 2004 ൽ കുറ്റകൃത്യം ചെയ്യുമ്പോൾ യുവാവായിരുന്ന ക്രിസ്റ്റഫർക്ക് അനന്തര ഫലങ്ങളെ കുറിച്ചുള്ള അജ്ഞത  പരിഗണിക്കണമെന്നാവശ്യവും തള്ളിയിരുന്നു.

വധശിക്ഷ നിർത്തിവയ്ക്കണമെന്നാവശ്യപ്പെട്ട് അവസാന നിമിഷം സമർപ്പിക്കപ്പെട്ട അപേക്ഷയും തള്ളി നിമിഷങ്ങൾക്കകം വധശിക്ഷ നടപ്പാക്കുകയായിരുന്നു. മാരകമായ വിഷ മിശ്രിതം ഉപയോഗിച്ചാണ് വധശിക്ഷ നടപ്പാക്കിയത്. ജൂലൈ 13 ന് ടെക്സസ് ബോർഡ് ഓഫ് പാർഡൻസും വധശിക്ഷക്ക് അനുമതി നൽകിയിരുന്നു. അമേരിക്കയിലെ ഈ വർഷത്തെ 13–ാമത്തേതും ടെക്സസിലെ എട്ടാമത്തേതുമായ വധശിക്ഷയാണ് ഇന്ന് നടപ്പാക്കിയത്. 1976 ൽ യുഎസ് സുപ്രീം കോടതി വധശിക്ഷ പുനഃസ്ഥാപിച്ചതു മുതൽ 553 പേരെ ടെക്സസിൽ മാത്രം വധശിക്ഷക്ക് വിധേയരാക്കിയിരുന്നു.

വിഷ മിശ്രിതം കുത്തിവച്ചു നടത്തുന്ന വധശിക്ഷ ക്രൂരവും ഭയാനകവുമാണെന്നു ചൂണ്ടിക്കാട്ടി പ്രതിഷേധങ്ങളും വിമർശനങ്ങളും ഉയരുമ്പോഴും ടെക്സസ് സംസ്ഥാനത്ത് വധശിക്ഷ നിർബാധം തുടരുകയാണ്.

Read more

ഇന്ത്യന്‍ അമേരിക്കന്‍ ജസ്‌റാണി നാസാ മിഷന്‍ കണ്‍ട്രോള്‍ ഡയറക്ടര്‍

ഹൂസ്റ്റൺ : നാസാ മിഷൻ കൺട്രോൾ ഡയറക്ടർ ടീമിൽ ഇന്ത്യൻ അമേരിക്കൻ ഏയ്റെ സ്പേയ്സ് എൻജിനീയർ പൂജ ജസ്റാണി ഇടം നേടി. പുതുതായി നിയമിക്കപ്പെട്ട ആറുപേരിൽ ഏക ഇന്ത്യൻ അമേരിക്കൻ എൻജിനീയറാണ് പൂജ. ഓസ്റ്റൻ യൂണിവേഴ്സിറ്റി ഓഫ് ടെക്സസിൽ നിന്നും 2007 ൽ എയ്റൊ സ്പേയ്സ് എൻജിനീയറിങ്ങിൽ ബിരുദം  നേടി.

വിദ്യാർഥിയായിരിക്കുമ്പോൾ തന്നെ യുണൈറ്റഡ് സ്പേയ്സ് അലയൻസിൽ പരിശീലനം നേടിയിരുന്നു. സ്പേയ്സ് സ്റ്റേഷൻ ഫൈളറ്റ് കൺട്രോൾ ടീമംഗമെന്ന നിലയിൽ ലൈഫ് സപ്പോർട്ട് കാപ്സ്യൂൾ കമ്മ്യൂണിക്കേറ്റർ, ബഹിരാകാശ സഞ്ചാരികളുമായി ആശയ വിനിമയം നടത്തുക തുടങ്ങിയ നിരവധി ചുമതലകളാണ് പൂജയിൽ നിക്ഷിപ്തമായിരിക്കുന്നത്.

2003 ൽ ബഹിരാകാശ യാത്രയിൽ പങ്കെടുത്ത് തിരിച്ചു വരുന്നതിനിടയിൽ സ്പേസ് ഷട്ടിൽ കൊളംബിയ തകർന്നപ്പോൾ ഇന്ത്യൻ അമേരിക്കൻ ബഹിരാകാശ ശാസ്ത്രജ്ഞ കൽപനാ ചൗള കൊല്ലപ്പെട്ടിരുന്നു. കൽപനാ ചൗളക്കുശേഷം നാസായിൽ ഉയർന്ന സ്ഥാനത്തു നിയമനം ലഭിക്കുന്ന ആദ്യ സ്പേയ്സ് എൻജിനീയറാണ് പൂജാ ജസ്റാണി.

Read more

യുണൈറ്റഡ് ക്രിസ്ത്യന്‍ മിനിസ്ട്രീയുടെ സുവനീര്‍ മാര്‍ത്തോമ്മ മെത്രാപ്പോലീത്ത പ്രകാശനം ചെയ്തു.

ഹ്യൂസ്റ്റണ്‍: പതിനഞ്ച് വര്‍ഷം പൂര്‍ത്തീകരിച്ച യുണൈറ്റഡ് ക്രിസ്ത്യന്‍ മിനിസ്ട്രിയുടെയും പതിനാല് വര്‍ഷം പിന്നീടുന്ന ഇന്റര്‍നാഷ്ണല്‍ പ്രയര്‍ ലൈനിന്റെയും നേതൃത്വത്തില്‍ പ്രസിദ്ധീകരിച്ച സുവനീര്‍ മാര്‍ത്തോമ്മ സഭയുടെ പരമാദ്ധ്യക്ഷന്‍ ഡോ.ജോസഫ് മാര്‍ത്തോമ്മ മെത്രാപ്പോലീത്ത നോര്‍ത്ത് അമേരിക്ക യൂറോപ്പ് ഭദ്രാസനാധ്യക്ഷന്‍ ബിഷപ് ഡോ.ഐസക് മാര്‍ ഫിലക്‌സിനോസിന് നല്‍കിക്കൊണ്ട് പ്രകാശനം ചെയ്തു.

സാമൂഹ്യവും ക്രിസ്തീയപരവും ആയ പ്രവര്‍ത്തനങ്ങള്‍ക്ക് മുന്‍തൂക്കം നല്‍കി ടെക്‌സാസിലെ ഹ്യൂസ്റ്റണ്‍ ആസ്ഥാനമായി 2003 മുതല്‍ രജിസ്റ്റര്‍ ചെയ്ത് പ്രവര്‍ത്തിക്കുന്ന സംഘടനയാണ് യുണൈറ്റഡ് ക്രിസ്ത്യന്‍ മിനിസ്ട്രി. മാര്‍ത്തോമ്മ സഭയുടെ നോര്‍ത്ത് അമേരിക്ക യൂറോപ്പ് ഭദ്രാസന മുന്‍ ട്രഷറാര്‍ ആയ ടി.എ.മാത്യു(ഹ്യൂസ്റ്റണ്‍) ആണ് സംഘടനയുടെ ഫൗണ്ടര്‍ പ്രസിഡന്റ്.

പ്രസ്തുത സംഘടനയുടെ കീഴില്‍ എല്ലാ സഭാവിഭാഗങ്ങളില്‍പ്പെട്ടവര്‍ക്കും വിവിധ ആവശ്യങ്ങള്‍ക്കായി ലോകത്തിന്റെ ഏതുകോണില്‍ നിന്നും ഒന്നിച്ച് പ്രാര്‍ത്ഥിക്കുവാനായി ഓണ്‍ലൈനിലൂടെ എല്ലാ ചൊവ്വാഴ്ച്ചയും ന്യൂയോര്‍ക്ക് സമയം വൈകീട്ട് ഒന്‍പത് മണിക്ക് ആരംഭിക്കുന്ന ഒരു പ്രാര്‍ത്ഥനായജ്ഞമാണ് ഇന്റര്‍ നാഷ്ണല്‍ പ്രയര്‍ ലൈന്‍ യു.എസ്.എ.യിലൂടെ കഴിഞ്ഞ പതിനാല് വര്‍ഷമായി നിര്‍വഹിച്ചുക്കൊണ്ടിരിക്കുന്നത്. മാര്‍ത്തോമ്മ സഭാതാരകയുടെ മുന്‍ മാനേജിംഗ് കമ്മിറ്റി അംഗമായ സി.വി.സാമുവേല്‍(ഡിട്രോയിറ്റ്) ആണ് ഇതിന് നേതൃത്വം നല്‍കുന്നത്. വിവിധ സഭകളില്‍പ്പെട്ട ആത്മീക നേതാക്കള്‍ ഇതിലൂടെ വചനദൂത് നല്‍കുന്നു.

പത്മഭൂഷണ്‍ ഡോ.ഫിലിപ്പോസ് മാര്‍ ക്രിസോസ്റ്റം മാര്‍ത്തോമ്മ വലിയ മെത്രാപ്പോലീത്തായുടെ നൂറ്റിഒന്നാം ജന്മദിനത്തോടനുബന്ധിച്ച് കേരളത്തിലെ കറ്റാനം സെന്റ് തോമസ് മിഷന്‍ ഹോസ്പിറ്റലുമായി സഹകരിച്ച് നൂറ്റിഒന്ന് പേര്‍ക്ക് തിമിര ശസ്ത്രക്രിയയും, നൂറ്റിഒന്ന് പേര്‍ക്ക് കിഡ്‌നി ഡയാലിസിസും സൗജന്യമായി നടത്തികൊടുത്തത് സംഘടനയുടെ സാമൂഹ്യ പ്രവര്‍ത്തനങ്ങളില്‍ എടുത്തു പറയത്തക്കതാണ്.

ഹ്യൂസ്റ്റണിലെ രാജ്യാന്തര എയര്‍പോര്‍ട്ടിന് സമീപമുള്ള ഹോട്ടല്‍ ഹില്‍ട്ടണില്‍ വെച്ച് നടന്ന സുവനീര്‍ പ്രകാശന ചടങ്ങിന് ടി.എ.മാത്യു, റെജി കുര്യന്‍, വില്‍സണ്‍, സാബു ടി ചെറിയാന്‍ എന്നിവര്‍ നേതൃത്വം നല്‍കി.

Read more

കേരള അസ്സോസിയേഷൻ ഓഫ് ന്യൂജേഴ്‌­സി (കാൻജ്) പ്രമുഖ മലയാളി താരങ്ങളെ ആദരിച്ചു!

ന്യൂ ജേഴ്‌­സി : കേരള അസ്സോസിയേഷൻ ഓഫ് ന്യൂജേഴ്‌­സി (കാൻജ്)  പ്രമുഖ മലയാളി താരങ്ങളെ ആദരിച്ചു! കേരള അസ്സോസിയേഷൻ ഓഫ് ന്യൂ ജേഴ്‌­സി (കാൻജ്) ന്റെ ആഭിമുഖ്യത്തിൽ പ്രമുഖ താരങ്ങളെ ആദരിച്ചു, മലയാളത്തിന്റെ  നിത്യഹരിത നായിക ഷീല, പ്രമുഖ ഗസൽ ഗായകൻ രമേശ് നാരായണൻ, നടൻ ജഗദീഷ്, ദേശീയ അവാർഡ് ജേതാവ് സുരഭി ലക്ഷ്മി, പ്രമുഖ ഗായിക രഞ്ജിനി ജോസ്, പ്രമുഖ ഗായിക  മധുശ്രീ, വിനോദ് കോവൂർ, അനീഷ് രവി,അനു  ജോസഫ്, ഗായകൻ സുനിൽ കുമാർ തുടങ്ങിയവർ അടങ്ങുന്ന മലയാള സിനിമാ സീരിയൽ പ്രവർത്തകരെയാണ്  കേരള അസ്സോസിയേഷൻ ഓഫ് ന്യൂജേഴ്‌­സിയുടെ നേതൃത്വത്തിൽ എഡിസൺ ഹോട്ടലിൽ നടന്ന ചടങ്ങിൽ ആദരിച്ചത്,

 പ്രസിഡന്റ് ജെയിംസ് ജോർജ് ചടങ്ങിലേക്ക് എല്ലാവരെയും സ്വാഗതം ചെയ്തു, ന്യൂ ജേഴ്‌സിയിലെ ഒരു കൂട്ടം  സിനിമാ പ്രേമികൾ പങ്കെടുത്ത ചടങ്ങിൽ പങ്കെടുത്ത താരങ്ങൾ തങ്ങളുടെ മനസ് തുറന്നു, പഴയ കാലത്തെയും പുതിയ കാലത്തെയും സിനിമാ വിശേഷങ്ങൾ പങ്കു വെച്ച വേദിയിൽ സദസ്സിൽ നിന്നും ഉള്ള അനേകം ചോദ്യങ്ങൾക്കും ഷീലയും ജഗദീഷും സുരഭിയും അടക്കമുള്ള താരങ്ങൾ മറുപടി പറഞ്ഞു, 
കാൻജിന്റെ പ്രമുഖ നേതാവ്  അനിയൻ ജോർജ് നയിച്ച ചോദ്യോത്തരവേള സിനിമാ പ്രവർത്തകരുടെയും സദസ്യരുടെയും പങ്കാളിത്തം കൊണ്ട് ശബ്ദമുഖരിതമായി, ചെമ്മീൻ മുതലിങ്ങോട്ടുള്ള പഴയ കാല സിനിമകളും  പുതു തലമുറയിലെ സിനിമകളും മനസ്സിൽ സൂക്ഷിക്കുന്ന മലയാളിക്ക് ഒരു മറക്കുവാൻ സാധിക്കാത്ത സായാഹ്നമായി പരിപാടി മാറി. കാൻജിന്റെ വകയായുള്ള സ്നേഹസമ്മാനങ്ങളും താരങ്ങൾ ഏറ്റു വാങ്ങി.

പ്രസിഡന്റ് ജെയിംസ് ജോർജ്, ജനറൽ സെക്രട്ടറി ദീപ്തി നായർ, ട്രഷറർ ജോസഫ് ഇടിക്കുള, ജോയിന്റ് ട്രഷറർ ബൈജു വർഗീസ്, വൈസ് പ്രസിഡന്റ്‌ ജയൻ എം ജോസഫ്, ജോയിന്റ് സെക്രട്ടറി ജിനേഷ് തമ്പി, സഞ്ജീവ്കുമാർ  കൃഷ്ണൻ (പബ്ലിക്‌ ആൻഡ്‌ സോഷ്യൽ അഫയേഴ്സ്), ജൂഡി പോൾ (യൂത്ത് അഫയേഴ്സ്), സ്വപ്ന  രാജേഷ് കൂടാതെ ഫോമാ ട്രഷറർ ഷിനു ജോസഫ്,  ട്രസ്റ്റി ബോർഡ് ചെയർ പേഴ്സൺ  ആനി ജോർജ്,  ട്രസ്റ്റി ബോർഡ് മെംബറും  ഫോമാ മുൻ ജനറൽ സെക്രട്ടറിയുമായ  ജിബി തോമസ് മോളോപറമ്പിൽ, മാലിനി നായർ, റോയ് മാത്യു കൂടാതെ  ദിലീപ് വർഗീസ്, അനിയൻ ജോർജ്, അലക്സ് കോശി വിളനിലം, സജി പോൾ,പിന്റോ കണ്ണമ്പള്ളിൽ, മലയാളി അസോസിയേഷൻ ഓഫ് സ്റ്റാറ്റൻ ഐലൻഡ് പ്രസിഡന്റ്  റോഷൻ മാമ്മൻ,ജെയ്സൺ അലക്സ്, അലക്സ് ജോൺ, ജോൺ തോമസ്, രാജൻ ചീരൻ,സജി എബ്രഹാം, ജോൺ ജോർജ്,ഷോൺ ഡേവിസ്, സണ്ണി വാളിപ്ലാക്കൽ, സുനിത അനീഷ്, ശർമിള ജോർജ്, ഷീബ ജെയിംസ്, മഹേഷ് കുമാർ,ജിനു അലക്സ്,ബാബു ജോസ്  തുടങ്ങി അനേകം പ്രമുഖർ ചടങ്ങിൽ പങ്കെടുത്തു.

Read more

ഏഴാമത് സീറോ മലബാര്‍ ‍നാഷണല്‍ ‍കണ്‍വന്‍ഷന്‍ 2019 ൽ ഹൂസ്റ്റണിൽ

ഹൂസ്റ്റൺ : അമേരിക്കയിലെ ചിക്കാഗോ സിറോ മലബാര്‍ രൂപതാ വിശാസി സമൂഹം ഒരുമിക്കുന്ന  ഏഴാമത്  നാഷണല്‍ കണ്‍വന്‍ഷനായി ഹൂസ്റ്റൺ ഒരുങ്ങുന്നു.   2019 ആഗസ്ത് ഒന്ന്   മുതൽ നാല് വരെ നടക്കുന്ന  ‍നാഷണൽ കണ്‍വന്‍ഷനു ആതിഥ്യമരുളുന്നത് ഹൂസ്റ്റൺ സെന്റ് ജോസഫ് സീറോ മലബാർ ഫൊറോനയാണ്. ഹൂസ്റ്റണിലെ  ഹിൽട്ടൺ അമേരിക്കാസ് കൺവൻഷൻ നഗർ വേദിക്കായി അണിഞ്ഞൊരുങ്ങും.

ചിക്കാഗോ സീറോ മലബാർ രൂപതാ മെത്രാൻ മാർ  ജേക്കബ് അങ്ങാടിയത്ത് കൺവൻഷന്റെ  രക്ഷാധികാരിയാണ്. രൂപതാ സഹായ മെത്രാൻ മാർ. ജോയ് ആലപ്പാട്ട് ജനറൽ കൺവീനറായും, ഫൊറോനാ വികാരി ഫാ. കുര്യൻ നെടുവേലിചാലുങ്കൽ കോ-കണ്‍വീനറായും വിവിധ കമ്മറ്റികൾക്കു  രൂപം കൊടുത്തു കൺവൻഷന്റെ പ്രാരംഭ പ്രവർത്തനങ്ങളാരംഭിച്ചു  കഴിഞ്ഞു.

പൂര്‍വികരാല്‍ അണയാതെ സൂക്ഷിച്ച സീറോ മലബാര്‍ സഭയുടെ  വിശ്വാസദീപ്തി കൂടുതല്‍ ജ്വലിപ്പിക്കുവാനും സഭാ പാരമ്പര്യം തലമുറകളിലേക്ക് പകരുവാനും കണവന്‍ഷനുപകരിക്കുമെന്നു  മാർ. ജേക്കബ് അങ്ങാടിയത്ത്‌ പ്രത്യാശ പ്രകടിപ്പിച്ചു.  കുട്ടികൾക്കും യുവജങ്ങൾക്കും മുതിർന്നവർക്കുമായി സെമിനാറുകൾ ഉൾപ്പെടെ വിവിധ പ്രോഗ്രാമുകൾ ഉൾപ്പെടുത്തിയാണ് കൺവൻഷനായി ഹൂസ്റ്റൺ ഒരുങ്ങുന്നതെന്നു ഫാ. കുര്യൻ നെടുവേലിചാലുങ്കൽ പറഞ്ഞു.  

നോർത്ത് അമേരിക്കയിലെ വിവിധ നഗരങ്ങളിലായി വ്യാപിച്ചു കിടക്കുന്ന നാല്പതോളം സീറോ മലബാർ ഇടവകകളിൽ നിന്നും,  നാൽപ്പത്തിഅഞ്ചോളം മിഷനുകളിൽ നിന്നുമായി  അയ്യായിരത്തിൽപരം  വിശാസികൾ ഈ കൺവൻഷനിൽ പങ്കെടുക്കും.  

Read more

ഫൊക്കാന മിഡ്‌വെസ്റ്റ് റീജിയന്‍ മുഖ്യമന്ത്രി പിണറായി വിജയന് സ്വീകരണം നല്‍കി

ചിക്കാഗോ: ഫൊക്കാന മിഡ്‌വെസ്റ്റ് റീജിയന്റെ ആഭിമുഖ്യത്തില്‍ ചിക്കാഗോ സെന്റ് മേരീസ് ക്‌നാനായ ദേവാലയ ഓഡിറ്റോറിയത്തില്‍ കേരളാ മുഖ്യമന്ത്രി പിണറായി വിജയന് ഉജ്വല സ്വീകരണം നല്‍കി. കേരളത്തിന്റെ വികസനത്തിന് പ്രവാസി മലയാളികളുടെ സഹകരണം ഉണ്ടാവണമെന്നു മുഖ്യമന്ത്രി ആവശ്യപ്പെട്ടു. ഫൊക്കാന മിഡ്‌വെസ്റ്റ് റീജിയന്‍ പ്രവര്‍ത്തനോദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. 

ഈ ഗവണ്‍മെന്റ് വന്നതിനുശേഷമുള്ള കാലയളവില്‍ എല്ലാ മേഖലകളിലും പുരോഗതി കൊണ്ടുവരാന്‍ കഴിഞ്ഞിട്ടുണ്ട്. പക്ഷെ ഇനിയും നമ്മുടെ നാട് കൂടുതല്‍ വികസിക്കേണ്ടിയിരിക്കുന്നു. അതിനു പ്രവാസി മലയാളികള്‍ കൂടി സഹകരിക്കണമെന്ന് അദ്ദേഹം ആവശ്യപ്പെട്ടു. എല്ലാ മതങ്ങളും ഒന്നാണെന്നു ലോക ജനതയെ പഠിപ്പിച്ച സ്വാമി വിവേകാനന്ദന്‍ കാലുകുത്തിയ സ്ഥലത്ത് വരുവാനും അവിടെ മലയാളികള്‍ വളരെ സൗഹൃദത്തോടെ കഴിയുന്നത് കാണുന്നതിലും വളരെയേറെ സന്തോഷമുണ്ട്. നമ്മുടെ സംസ്ഥാനത്തും മതേതരത്വം നിലനിര്‍ത്തുവാന്‍ കര്‍ശന നടപടികളാണ് എടുത്തുകൊണ്ടിരിക്കുന്നത്. 

തൊഴിലാളികളുടെ അവകാശങ്ങള്‍ക്കുവേണ്ടി മെയ്ദിനത്തില്‍ ജീവത്യാഗം ചെയ്തവരെ അടക്കം ചെയ്ത സ്ഥലം സന്ദര്‍ശിച്ച് ആദരാഞ്ജലികള്‍ അര്‍പ്പിച്ചതിനുശേഷമാണ് മുഖ്യമന്ത്രി സമ്മേളനത്തില്‍ പങ്കെടുക്കാനെത്തിയത്. സ്വാമി വിവേകാനന്ദന്‍ സന്ദര്‍ശിച്ച സ്ഥലവും സന്ദര്‍ശിക്കുകയുണ്ടായി. 

ചെണ്ടമേളത്തിന്റേയും താലപ്പൊലിയുടേയും അകമ്പടിയോടുകൂടി സെന്റ് മേരീസ് ക്‌നാനായ ഹാളില്‍ തിങ്ങി നിറഞ്ഞ മലയാളികള്‍ അത്യുജ്വല സ്വീകരണമാണ് നല്‍കിയത്. സമ്മേളനത്തില്‍ ഫൊക്കാന മിഡ്‌വെസ്റ്റ് റീജിയന്‍ വൈസ് പ്രസിഡന്റ് ഫ്രാന്‍സീസ് കിഴക്കേക്കുറ്റ് അധ്യക്ഷത വഹിച്ചു. 

ഫൊക്കാന മിഡ്‌വെസ്റ്റ് റീജിയന്റെ ചരിത്രത്തില്‍ ആദ്യമായിട്ടാണ് ഒരു കേരള മുഖ്യമന്ത്രി ഫൊക്കാനയുടെ സ്വീകരണം ഏറ്റുവാങ്ങുന്നതും പ്രവര്‍ത്തനോദ്ഘാടനം നിര്‍വഹിക്കുന്നതും. എന്നും രാഷ്ട്രീയത്തില്‍ ഉറച്ച നിലപാടുകളും, വ്യക്തമായ കാഴ്ചപ്പാടുകളും പുലര്‍ത്തുന്ന അനിഷേധ്യനായ നേതാവാണ് പിണറായി വിജയെന്നും ഫ്രാന്‍സീസ് കിഴക്കേക്കുറ്റ് തന്റെ അധ്യക്ഷ പ്രസംഗത്തില്‍ പറഞ്ഞു. 

ഡോ. അനിരുദ്ധന്‍ ആമുഖ പ്രസംഗത്തിലൂടെ മുഖ്യമന്ത്രിയെ പരിചയപ്പെടുത്തി. വി.പി. സജീന്ദ്രന്‍ എം.എല്‍.എ തുടര്‍ന്നു പ്രസംഗിച്ചു. 

റവ. ഫാ. ബിന്‍സ് ചേത്തലില്‍ പ്രസംഗിക്കുകയും തുടര്‍ന്ന് സെന്റ് മേരീസ് ക്‌നാനായ ദേവാലയത്തിന്റെ നാനൂറാമത് ബുള്ളറ്റിന്റെ കോപ്പി മുഖ്യമന്ത്രിക്ക് നല്‍കി പ്രകാശനം നിര്‍വഹിച്ചു. തുടര്‍ന്ന് സിറിയക് കൂവക്കാട്ടില്‍, ജോണ്‍ പാട്ടപതി, പീറ്റര്‍ കുളങ്ങര, പ്രവീണ്‍ തോമസ്, രഞ്ജന്‍ ഏബ്രഹാം, ബിജി എടാട്ട്, ശിവന്‍ മുഹമ്മ, അഗസ്റ്റിന്‍ കരിങ്കുറ്റിയില്‍ തുടങ്ങിയവര്‍ ആശംസകള്‍ അര്‍പ്പിച്ചു. 

ജസ്സി റിന്‍സി സ്വാഗതവും, ടോമി അമ്പേനാട്ട് കൃതജ്ഞതയും രേഖപ്പെടുത്തി. സന്തോഷ് നായര്‍ എം.സിയായി സമ്മേളന പരിപാടികള്‍ നിയന്ത്രിച്ചു. പ്രവീണ്‍ തോമസ്, ഷിബു മുളയാനികുന്നേല്‍, റിന്‍സി കുര്യന്‍, സതീശന്‍ നായര്‍ ജയ്ബു കുളങ്ങര എന്നിവര്‍ പരിപാടികള്‍ക്ക് നേതൃത്വം നല്‍കി. സാജു കണ്ണമ്പള്ളി അറിയിച്ചതാണിത്. 

Read more

ജോര്‍ജ് മാമ്മന്‍ കൊണ്ടൂരിന് ചിക്കാഗോ എയര്‍പോര്‍ട്ടില്‍ സ്വീകരണം

ചിക്കാഗോ: അമേരിക്കയുടെ വിവിധ സംസ്ഥാനങ്ങളില്‍ നടക്കുന്ന വിവിധ പരിപാടികളില്‍ പങ്കെടുക്കുവാനെത്തിയ കേരളാ സ്റ്റേറ്റ് ഹൗസ് ഫെഡ് ചെയര്‍മാനും, പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും , കോണ്‍ഗ്രസ് നേതാവുമായ ജോര്‍ജ് മാമ്മന്‍ കൊണ്ടൂരിന് ചിക്കാഗോ എയര്‍പോര്‍ട്ടില്‍ വന്‍ സ്വീകരണം. 

തോമസ് ജോര്‍ജ് , തമ്പി മാമ്മൂട്ടില്‍ , തോമസ് മാത്യു , ജോണി പുല്ലു കാലായില്‍ , റോണ്‍ തോമസ് , ഷോണ്‍ തോമസ് എന്നിവര്‍ ചേര്‍ന്ന് സ്വീകരിച്ചു.

Read more

ഫാമിലി കോണ്‍ഫറന്‍സ്; വിശിഷ്ടാതിഥികള്‍ എത്തി തുടങ്ങി

ന്യൂയോര്‍ക്ക്: നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി–യൂത്ത് കോണ്‍ഫറന്‍സില്‍ പങ്കെടുക്കുന്ന വിശിഷ്ട വ്യക്തികള്‍ എത്തിതുടങ്ങി. കോണ്‍ഫറന്‍സില്‍ മുതിര്‍ന്നവര്‍ക്കും യുവജനങ്ങള്‍ക്കും കോളജ് വിദ്യാര്‍ഥികള്‍ക്കും കുട്ടികള്‍ക്കും ക്ലാസുകള്‍ നയിക്കുന്നതും സെമിനാറുകള്‍ക്ക് നേതൃത്വം നല്‍കുന്നതും സഭയിലെ പ്രഗത്ഭരും പണ്ഡിതരുമാണ്. കുടുംബ ബന്ധങ്ങള്‍ ദൃ!ഢപ്പെടുത്തി സഭയിലും സമൂഹത്തിലും നന്മയുള്ള പൗരന്മാരെ വാര്‍ത്തെടുക്കുകയെന്നതാണ് കോണ്‍ഫറന്‍സിന്റെ ലക്ഷ്യം. വിവിധ പ്രായത്തിലുള്ളവര്‍ക്കുവേണ്ടി ഇംഗ്ലീഷിലും മലയാളത്തിലും നിരവധി ക്ലാസുകള്‍ ക്രമീകരിച്ചുവെന്ന് കോഓര്‍ഡിനേറ്റര്‍ റവ. ഡോ. വര്‍ഗീസ് എം. ഡാനിയേല്‍ അറിയിച്ചു. സൂപ്പര്‍ സെക്ഷന്‍ അമേരിക്കയില്‍ ജനിച്ചു വളര്‍ന്ന ആദ്യത്തെതും രണ്ടാമത്തെതുമായ ജനറേഷനില്‍ ഉള്ളവര്‍ക്കായി ക്രമീകരിച്ചിരിക്കുന്നു.

ഭദ്രാസന അധ്യക്ഷന്‍ സഖറിയ മാര്‍ നിക്കോളോവോസ് മെത്രാപ്പോലീത്തായുടെ ആത്മീയവും സജീവവുമായ നേതൃത്വത്തില്‍ വിവിധ കമ്മിറ്റികളുടെ പ്രവര്‍ത്തനങ്ങള്‍ വിജയത്തിലെത്തിക്കാന്‍ സാധിച്ചതില്‍ കമ്മിറ്റി അംഗങ്ങളോടുള്ള നന്ദിയും സ്‌നേഹവും ജനറല്‍ സെക്രട്ടറി ജോര്‍ജ് തുമ്പയില്‍ അറിയിച്ചു. കഴിഞ്ഞ വര്‍ഷത്തെപ്പോലെ തന്നെ ഈ വര്‍ഷവും ജനപങ്കാളിത്തം കൊണ്ട് കോണ്‍ഫറന്‍സ് ചരിത്രമാകുമെന്ന് ട്രഷറാര്‍ മാത്യു വര്‍ഗീസ് പറഞ്ഞു. റവ. ഡോ. ജേക്കബ് കുര്യനും ജോജോ വയലിലും ഇതിനോടകം ഇവിടെ എത്തിച്ചേര്‍ന്നു. വിവരങ്ങള്‍ക്ക് : റവ. ഡോ. വര്‍ഗീസ് എം. ഡാനിയേല്‍ : 203 508 2690, ജോര്‍ജ് തുമ്പയില്‍ : 973 943 6164, മാത്യു വര്‍ഗീസ് : 631 891 8184

Read more

ദി പെന്തെക്കോസ്ത് മിഷൻ യു.എസ് (ന്യൂ ടെസ്റ്റ്മെന്റ് ചർച്ച് ) രാജ്യാന്തര കൺവൻഷൻ സമാപിച്ചു

ന്യൂജേഴ്സി . ക്രൈസ്തവ വിശ്വാസികൾ ധനവാനാകാൻ നോക്കാതെ സമാധാനത്തിന്റെ നായകനായ യേശുക്രിസ്തുവിന്റെ പാത പിന്തുടർന്ന് നിത്യതയ്ക്കായി ഒരുങ്ങണമെന്ന് ചീഫ് പാസ്റ്റർ എൻ.സ്റ്റീഫൻ പറഞ്ഞു. ജൂലൈ 11 മുതൽ അമേരിക്കയിലെ പെൻസൽവേനിയ ഇന്ത്യാനാ യൂണിവേഴ്സിറ്റിയിലെ കോവിൽ ചിക്ക് കൺവെൻഷൻ സെന്ററിൽ നടന്ന് വന്ന ദി പെന്തെക്കോസ്ത് മിഷൻ സഭയുടെ അമേരിക്കയിലെ  രാജ്യാന്തര കൺവൻഷന്റെ സമാപന ദിന സംയുക്ത ആരാധനയിൽ പ്രസംഗിക്കുകയായിരുന്നു അദ്ദേഹം. ദൈവാത്മാമിന്റെ പ്രവർത്തനം ഉണ്ടെങ്കിൽ മാത്രമെ ജീവിതത്തിൽ രൂപാന്തരം ലഭിക്കൂ എന്നും അദ്ദേഹം പറഞ്ഞു. പാസ്റ്റർ. ഗീഹാൻ (കാനഡ) പ്രാർഥിച്ച് ആരംഭിച്ച കൺവൻഷനിൽ ഡപ്യൂട്ടി ചീഫ് പാസ്റ്റർ ഏബ്രഹാം മാത്യൂ, പാസ്റ്റർമാരായ ഗ്രിഗ് വിൽസൺ, ജോൺ മുസ, ഐഡാവെ, ഗീഹാൻ, കാർലാൻഡ് എന്നിവരും വിവിധ യോഗങ്ങളിൽ പ്രസംഗിച്ചു. കൺവൻഷനിൽ സുവിശേഷയോഗം, ഗാനശുശ്രൂഷ, യുവജനങ്ങൾക്കായി പ്രത്യേക സെമിനാർ, ഉണർവ് യോഗം, രോഗശാന്തി ശുശ്രൂഷ, പൊതുയോഗം, ജലസ്നാന ശുശ്രൂഷ എന്നിവ ഉണ്ടായിരുന്നു.
    
സമാപന ദിവസം സംയുക്ത ആരാധനയിൽ കാനഡയിലും, അമേരിക്കയിലുമുള്ള സഭയുടെ 40 ൽ പരം പ്രാദേശിക സഭകളിലെ നൂറിലധികം ശുശ്രൂഷകരും മൂവായിരത്തിൽ പരം വിശ്വാസികളും പങ്കെടുത്തു. 29 പേർ ജലസ്നാനം സ്വീകരിച്ചു.

കൂടുതൽ ആളുകൾ കൺവൻഷനിൽ പങ്കെടുക്കുന്നതിനു വേണ്ടിയാണ് ഇക്കുറിയും ഇന്ത്യാനാ യൂണിവേഴ്സിറ്റി ഓഫ് പെൻസൽവേനിയയിലെ കോവൽചിക്ക് കൺവൻഷൻ സെന്ററിൽ നടത്തിയത്. ന്യൂജേഴ്സി ന്യൂയാർക്ക് ആസ്ഥാനമാക്കി പ്രവർത്തിക്കുന്ന നോർത്ത്, സൗത്ത് അമേരിക്ക, ആഫ്രിക്ക, പാപാനൂഗിനിയ തുടങ്ങിയ അമേരിക്കൻ ഐക്യനാടുകളിലെ ന്യൂ ടെസ്റ്റ്മെൻറ് ചർച്ചിന്റെ മുഖ്യ ചുമതല വഹിക്കുന്ന പാസ്റ്റർ.ഗ്രെഗ് വിൽസൺ രാജ്യാന്തര കൺവൻഷന് മുഖ്യ നേതൃത്വം നൽകി.
    
അപ്പൊസ്തലിക പ്രതിഷ്ഠയും വിശ്വാസ ജീവിതവുമായി തൃശൂർ ജില്ലയിലെ ഏങ്ങണ്ടിയൂരിൽ ജനിച്ച രാമൻകുട്ടി എന്ന പാസ്റ്റർ പോൾ 1924ൽ ശ്രീലങ്കയിൽ സിലോൺ പെന്തെക്കോസ്ത് മിഷൻ എന്ന പേരിൽ സ്ഥാപിച്ച സഭയാണ് ഇന്ന് അമേരിക്കൻ ഐക്യനാടുകളിൽ ന്യൂ ടെസ്റ്റ്മെന്റ് ചർച്ച് എന്ന പേരിൽ അറിയപ്പെടുന്നത്. പെന്തെക്കോസ്ത് മിഷൻ സഭ വിവിധ രാജ്യങ്ങളിൽ വിവിധ പേരുകളിലാണ് അറിയപ്പെടുന്നത്. ചീഫ് പാസ്റ്റർ എൻ.സ്റ്റീഫൻ, ഡപ്യൂട്ടി ചീഫ് പാസ്റ്റർ. ഏബ്രഹാം മാത്യൂ , അസോസിയേറ്റ് ഡപ്യൂട്ടി ചീഫ് പാസ്റ്റർ ജി.ജെയം എന്നിവരാണ് സഭയെ നയിക്കുന്നത്. സഭയുടെ കേരളത്തിലെ ആസ്ഥാന മന്ദിരം കൊട്ടാരക്കരയിലും ഇന്ത്യയിൽ ചെന്നൈ ഇരുമ്പല്ലിലൂരിലും ശ്രീലങ്കയിൽ മട്ടക്കുളിയിലും അമേരിക്കയിൽ ന്യൂ ജേഴ്സിയിലുമാണ്. സഭയുടെ രാജ്യാന്തര കൺവൻഷൻ നടക്കുന്നതും പുതിയ ശുശ്രൂഷകരെ തിരഞ്ഞെടുക്കുന്നതും ഇവിടങ്ങളിലാണ്.

Read more

കേരളത്തിലെ കുട്ടികള്‍ക്ക് കൈത്താങ്ങേകിയ അമേരിക്കയിലെ എലിമെന്‍ററി സ്കൂള്‍ കുട്ടികളെ കേരളാ സാനിറ്റേഷന്‍ ഇനീഷ്യറ്റീവ് യു. എസ്. എ. ആദരിച്ചു

ബര്‍ഗന്‍ഫീല്‍ഡ്, ന്യൂജേഴ്സി:    കേരളത്തിലെ പാവപ്പെട്ട കുട്ടികള്‍ക്ക് കൈത്താങ്ങേകിയ  ഫ്രാങ്ക്ളിന്‍  എലിമെന്‍ററി സ്കൂള്‍ കുട്ടികളെ കേരളാ സാനിറ്റേഷന്‍ ഇനീഷ്യറ്റീവ് യു. എസ്. എ. ആദരിച്ചു.   ഫ്രാങ്ക്ളിന്‍ സ്കൂള്‍ മൈതാനത്തു  ജൂണ്‍ 19ന് നടന്ന വാര്‍ഷിക അവാര്‍ഡുദാന ചടങ്ങിലാണ് ഇതിനു വേദിയൊരുങ്ങിയത്. സ്കൂള്‍ പ്രിന്‍സിപ്പല്‍ . തോംസണ്‍ അധ്യക്ഷത വഹിച്ച ചടങ്ങില്‍വെച്ച് കെ. എസ്. ഐ. യു. എസ്. എ. പ്രസിഡന്‍റ് വര്‍ഗീസ് പ്ലാമൂട്ടില്‍ പത്തു കുട്ടികള്‍ക്കും മൂന്ന് അധ്യാപകര്‍ക്കും  പ്രശംസാ സര്‍ട്ടിഫിക്കറ്റുകള്‍ വിതരണം ചെയ്തു. സെക്രട്ടറി ഡോ. ജോജി ചെറിയാന്‍    കേരള സാനിറ്റേഷന്‍ ആന്‍റ് ഹെല്‍ത്ത് ഇനീഷിയേറ്റീവ് യു. എസ്. എ. (K.S.I.-U.S.A.) യുടെ പ്രവര്‍ത്തനത്തെക്കുറിച്ച്  വിശദീകരിക്കുകയും  കുട്ടികള്‍ക്കും  അധ്യാപകര്‍ക്കും  മാതാപിതാക്കള്‍ക്കും നന്ദി അര്‍പ്പിക്കുകയും ചെയ്തു. 

പ്രീ കെ.ജി. മുതല്‍ അഞ്ചാം ക്ലാസുവരെയുള്ള കുട്ടികള്‍ പഠിക്കുന്ന ഫ്രാങ്ക്ളിന്‍ സ്കൂളിലെ പത്തു വിദ്യാര്‍ത്ഥികള്‍ നടത്തിയ ജീവകാരുണ്യ പ്രവര്‍ത്തനം മറ്റൊരു ഭൂഖണ്ഡത്തില്‍ സ്ഥിതിചെയ്യുന്ന കേരളത്തിലെ കുട്ടികളുടെ ശുചിത്വ നിലവാരം ഉയര്‍ത്തുന്നതിനു വിനിയോഗിച്ചത് സ്കൂള്‍ മൈതാനിയില്‍ സന്നിഹിതരായിരുന്ന രക്ഷകര്‍ത്താക്കുളുടേയും അധ്യാപകരുടേയും സ്കൂള്‍ ജീവനക്കാരുടേയും മുക്തകണ്ഠമായ പ്രശംസക്കു പാത്രമായി.

കേരള സാനിറ്റേഷന്‍ ആന്‍റ് ഹെല്‍ത്ത് ഇനീഷിയേറ്റീവ് യു. എസ്. എ. (K.S.I.-U.S.A.) യുടെ പ്രവര്‍ത്തനത്തെക്കുറിച്ച്  അറിയാനിടയായ കുട്ടികള്‍ തങ്ങളനുഭവിക്കുന്ന ജീവിതസൗഭാഗ്യങ്ങളൊന്നുമില്ലാതെ അടിസ്ഥാന ശുചിത്വ സംവിധാനങ്ങള്‍ പോലുമില്ലാതെ കഷ്ടപ്പെടുന്ന അറിയപ്പെടാത്ത സുഹൃത്തുക്കള്‍ക്കുവേണ്ടി തങ്ങളാലാവുന്ന സഹായമെത്തിക്കുവാന്‍ തീരുമാനിച്ചു. അതിന്  അവര്‍ കണ്ട മാര്‍ഗ്ഗം കാലിയായ ഡ്സ്പോസബിള്‍ വാട്ടര്‍ ബോട്ടിലുകള്‍ സമാഹരിച്ച് റീസൈക്കിള്‍ ഡിപ്പോകളിലെത്തിച്ച് അതില്‍ നിന്നും കിട്ടുന്ന വരുമാനം കൈമാറുകയെന്നതായിരുന്നു. 

ഒരു കുപ്പിക്ക് കിട്ടുന്നത് വെറും അഞ്ചു സെന്‍റു മാത്രം. എല്ലാ കുപ്പികളും റീസൈക്കിളിംഗിന് അനുയോജ്യവുമല്ല. അതിനാല്‍ കുപ്പികള്‍ സമാഹരിച്ചതിനുശേഷം തരംതിരിക്കേണ്ടതുമുണ്ട്.  ഈ പത്തു കുട്ടികളും തങ്ങളുടെ ലഞ്ച് സമയം വിനിയോഗിച്ച് സ്കൂളില്‍ ചുറ്റിനടന്ന് തങ്ങളുടെ സഹപാഠികള്‍ ഉപേക്ഷിക്കുന്ന കാലിക്കുപ്പികള്‍ ശേഖരിക്കുവാന്‍ തുടങ്ങി. ഏതാനും മാസങ്ങളുടെ പരിശ്രമഫലമായി ഇതിലൂടെ മുന്നൂറോളം ഡോളര്‍ സമാഹരിക്കുവാന്‍ ഇവര്‍ക്കു കഴിഞ്ഞു. സ്വന്തം സമയം വിനിയോഗിച്ച് തങ്ങളുടെ കാറുകളില്‍ ഈ ബോട്ടിലുകള്‍ റീസൈക്കിള്‍ സെന്‍ററുകളിലെത്തിച്ച് പണമാക്കി മാറ്റുവാന്‍ അവരുടെ മൂന്നു അധ്യാപകരും  സഹായിച്ചു. പരിസരശുചീകരണവും അതിലൂടെ ജീവകാരുണ്യവും സമന്വയിപ്പിച്ച ഈ കുരുന്നുകളുടെ സേവനകഥ കേട്ടുനിന്ന  മാതാപിതാക്കളും അധ്യാപകരുമടങ്ങുന്ന സദസ്സ് വികാരഭരിതരായി.

കേരളത്തിലെ പാവപ്പെട്ട സ്കൂള്‍ കുട്ടികളുടെയും ദുര്‍ബ്ബല വിഭാഗങ്ങളുടെയും ശുചിത്വവും ആരോഗ്യസംരക്ഷണവും ലക്ഷ്യമാക്കി അംഗീകൃത 501c(3) ചാരിറ്റബിള്‍ സംഘടനയായി രൂപംകൊണ്ട  KSI-USA ചുരുങ്ങിയ കാലംകൊണ്ട് കേരളത്തിലെ അറുനൂറിലധികം വിദ്യാര്‍ത്ഥി വിദ്യാര്‍ത്ഥിനികള്‍ക്ക് ടോയിലെറ്റുകള്‍ നിര്‍മ്മിച്ചു നല്‍കുകയും ആദിവാസി കുടുംബങ്ങള്‍ക്ക് ശുചിമുറികള്‍ നിര്‍മ്മിച്ചു നല്‍കുന്ന പദ്ധതിയുമായി സഹകരിക്കുകയും ചെയ്തു. കൂടാതെ നിര്‍ധനരായ ഏതാനും വ്യക്തികള്‍ക്ക്  മരുന്നും ചികിത്സാ  സഹായവും എത്തിച്ചുകൊടുക്കുകയും ചെയ്തു.  കേരളത്തിലെ    ദുര്‍ബല വിഭാഗങ്ങള്‍ക്ക് നിയമപരമായും, സുതാര്യമായും, സത്യസന്ധമായും ജീവകാരുണ്യ സഹായങ്ങള്‍ നികുതി ഇളവോടെ ചെയ്യുവാന്‍  ഈ സംഘടയിലൂടെ സാധിക്കുന്നു.
www.ksiusa.org
Donations which are tax deductible can be sent to KSI USA, P.O. Box 16, New Milford, NJ 07646, USA. To send donations via bank, pay to the order of Wells Fargo Bank NA, NJ 021200025, Kerala Sanitation Initiative USA NJ 1469244691. Or visit the facebook page: https://www.facebook.com/ksiusa.org/

Read more

വെസ്റ്റ് ചെസ്റ്റര്‍ മലയാളി അസോസിയേഷന്റെ സമ്മര്‍ പിക്‌നിക്ക് ജൂലൈ 21 ന് ശനിയാഴ്ച

ന്യൂറൊഷേല്‍: അമേരിക്കയിലെ ആദ്യകാല മലയാളി സംഘടനകളില്‍ ഒന്നായ വെസ്റ്റ് ചെസ്റ്റര്‍ മലയാളി അസോസിയേഷന്റെ ഈവര്‍ഷത്തെ സമ്മര്‍ പിക്‌നിക്ക് ജൂലൈ  21   ന് ശനിയാഴ്ച  ന്യൂറോഷലിലെ ഗ്ലെന്‍ ഐലന്‍ഡ് പാര്‍ക്കില്‍ വച്ച് രാവിലെ 10 മണി മുതല്‍ വൈകിട്ട് 5 മണിവരെ നടത്തുന്നതാണ്.  

രാവിലെ 10 മണിക്ക് ലഘുഭക്ഷണത്തോടുകൂടി ആരംഭിക്കുന്ന പിക്‌നിക്ക് വൈകിട്ടി 5 മണി വരെ തുടരുന്നതാണ്. പിക്‌നിക്ക് ആസ്വാദ്യകരമാക്കുവാന്‍ വിവിധ പ്രായത്തിലുള്ളവര്‍ക്കായി നടത്തപ്പെടുന്ന ഗെയിമുകള്‍ക്കും, കായിക മത്സരങ്ങള്‍ക്കുമൊപ്പം നിരവധി കൗതുകകരമായ മത്സരങ്ങളും ഉള്‍പ്പെടുത്തിയിട്ടുണ്ട്. വെസ്റ്റ് ചെസ്റ്റര്‍ മലയാളി അസോസിയേഷന്റെ ലോഗോയുള്ള നൂറ് ടീഷർട്ടുകൾ ആദ്യം വരുന്ന 100 പേർക്ക് നൽകുന്നതാണ്.

വെസ്റ്റ് ചെസ്റ്റര്‍ മലയാളി അസോസിയേഷന്റെ എക്‌സിക്യൂട്ടീവിന്റെ തന്നെ ചുമതലയില്‍ നടത്തപ്പെടുന്ന ഈ പിക്‌നിക്കിലേക്ക് ന്യൂയോര്‍കിലും പരിസര പ്രദേശങ്ങളിലുമുള്ള എല്ലാ മലയാളി കുടുംബാംഗങ്ങളേയും അസോസിയേഷന്റെ എക്‌സിക്യൂട്ടീവ് കമ്മിറ്റി സ്വാഗതം ചെയ്യുന്നു. കെ.ജെ. ഗ്രിഗറി, രാജ് തോമസ്,എ .വി. വർഗീസ്  ,ജോണ്‍ തോമസ്,സുരേന്ദ്രന്‍ നായര്‍ എന്നിവര്‍ പിക്‌നിക്ക് കോര്‍ഡിനേറ്റര്‍മാരായി പ്രവര്‍ത്തിക്കുന്നു.

ഈ പിക്‌നികീന്റ് വിജയത്തിനായി എല്ലാവരുടേയും സഹായ സഹകരണങ്ങള്‍ പ്രതീക്ഷിക്കുന്നതായി എക്‌സിക്യൂട്ടീവ് കമ്മിറ്റിക്കുവേണ്ടി പ്രസിഡന്റ് ആന്റോ വര്‍ക്കി ,സെക്രട്ടറി  ലിജോ ജോൺ ,ട്രഷറര്‍ വിപിൻ ദിവാകരൻ , വൈസ് പ്രസിഡന്റ് ശ്രീകുമാർ ഉണ്ണിത്താൻ  , ജോയിന്റ്  സെക്രട്ടറി ഷാജൻ ജോർജ്  , ട്രസ്റ്റി ബോര്‍ഡ് ചെയര്‍മാന്‍ ജോൺ സി  വർഗീസ്, കോർഡിനേറ്റർ ടെറന്‍സണ്‍ തോമസ്  എന്നിവര്‍ അറിയിച്ചു.

Read more

ക്‌നാനായ കണ്‍വെന്‍ഷന് വ്യാഴാഴ്ച കൊടികയറുന്നു

അറ്റ്‌ലാന്റാ ക്‌നാനായ സമുദായത്തിന്റെ ഒത്തൊരുമയുടെയും സ്‌നേഹത്തിന്‍ റെയും പ്രതീകമായ കണ്‍വെന്‍ഷന്‍ ഈ വരുന്ന വ്യാഴാഴ്ച വൈകുന്നേരം കൊടികയറുന്നു.. ലോകത്തിലെ വലിയ കണ്‍വെന്‍ഷനുകളില്‍ ഒന്നായ ഴംര വച്ച് വ്യാഴാഴ്ച വൈകുന്നേരം അഞ്ചുമണിക്ക് നടക്കുന്ന പരിശുദ്ധ കുര്‍ബാനയോടുകൂടി ക്‌നാനായ മാമാങ്കത്തിന് തുടക്കം കുറിക്കുന്നു. ദൂരെ നിന്നും യാത്ര ചെയ്തു വരുന്നവരുടെ സൗകര്യാര്‍ത്ഥം വ്യാഴാഴ്ച രാവിലെ ഏഴു മണിമുതല്‍ വൈകിട്ട് പത്തുമണിവരെ രജിസ്‌ട്രേഷന്‍ നടത്തുന്നതിനുള്ള സൗകര്യങ്ങള്‍ ഒരുക്കിയിട്ടുണ്ട്. റൂമുകളുടെ ലഭ്യതയനുസരിച്ച് നേരത്തെ തന്നെ ഹോട്ടല്‍ ചെക്കിങ്ങും തുടങ്ങാവുന്നതാണ്.

പുതുമയാര്‍ന്ന പല പരിപാടിള്‍ കൊണ്ടു് നിറഞ്ഞ ഈ കണ്‍വെന്‍ഷന്‍ എല്ലാവര്‍ക്കും ഒരു പുതിയ അനുഭവമായിരിക്കും എന്ന് കെസി സിഎന്‍എ പ്രസിഡന്റ് ശ്രീ. ബേബി മണക്കുന്നേല്‍ പറഞ്ഞു. ന്യൂയോര്‍ക്കില്‍ നിന്നും വരുന്ന പ്രശസ്തിയാര്‍ജ്ജിച്ച ഗായകര്‍ ഉള്‍പ്പെടുന്ന ജഡ്ജസിനെ സഹായത്തോടെ നടത്തുന്നു ക്‌നാനായ ശറീഹ ഏറ്റവുംപുതുമയാര്‍ന്ന ഒരു പ്രോഗ്രാമാണ്. കൊച്ചു കുട്ടികളുടെ ഇടയില്‍ ഒരു ഹരമായി മാറി കൊണ്ട് അടുത്ത പുതിയ പ്രോഗ്രാം ലിറ്റില്‍ പ്രിന്‍സ് &പ്രിന്‍സസ്. പലതരം ക്യാഷ് അവാര്‍ഡുകളും ആയി പുതുമയാര്‍ന്ന അവതരണത്തിലൂടെ ശ്രദ്ധ പിടിച്ചു പറ്റുവാന്‍ പോകുന്ന ക്‌നാനായ മന്നന്‍ & മങ്ക. ഇതിന്റെ എല്ലാം പിന്നില്‍ പ്രവര്‍ത്തിച്ച ക്‌നാനായ വുമന്‍സ് ഫോറം പ്രസിഡണ്ട് ശ്രീമതി സ്മിത വിട്ടു പാറപ്പുറത്തിനും എക്‌സിക്യൂട്ടീവ് അംഗങ്ങളെയും പ്രത്യേകം എടുത്ത് പ്രശംസിക്കേണ്ട താണ്. 
ഇതോടൊപ്പംതന്നെ സാധാരണ കണ്‍വെന്‍ഷനുകളില്‍ ഉള്ള പരിപാടികളായ കലാസാഹിത്യ മത്സരങ്ങളും, കായികമത്സരങ്ങളും, സെമിനാറുകള്‍, കെ സി വൈ എല്‍ എന്ന നടത്തുന്ന വിവിധ പരിപാടികള്‍ യുവജന വേദിയുടെ പ്രത്യേകത പ്രോഗ്രാമുകള്‍ എന്നിവയെല്ലാം ഉള്‍പ്പെടുത്തിയിട്ടുണ്ട്. 

ബുധനാഴ്ച വൈകുന്നേരം ആറുമണി മുതല്‍ വെളുപ്പിനെ ഒരു മണിവരെയും അതുപോലെതന്നെ വ്യാഴാഴ്ച രാവിലെ ഏഴുമണിമുതല്‍ വൈകിട്ട് 10 മണി വരെയും എയര്‍പോര്‍ട്ടില്‍ നിന്നും കണ്‍വെന്‍ഷന്‍ സെന്റര്‍ ലേക്ക് വാഹന സൗകര്യങ്ങള്‍ ഉണ്ടായിരിക്കും.

ക്‌നാനായ സമുദായത്തിന്റെ ശക്തി തെളിയിക്കുന്ന ഒരു കണ്‍വെന്‍ഷന്‍ ആയിരിക്കും അറ്റ്‌ലാന്റാ കണ്‍വെന്‍ഷന്‍.

Read more

ഹ്യൂസ്റ്റണ്‍ ശ്രീ ഗുരുവായൂരപ്പന്‍ അമ്പലത്തില്‍ വോട്ടര്‍ രജിസ്‌ട്രേഷന്‍ കാമ്പെയിൻ സംഘടിപ്പിച്ചു

ഹ്യൂസ്റ്റണ്‍: ഫോര്‍ട്ട് ബെന്റ് കൗണ്ടി ജഡ്ജി സ്ഥാനത്തേക്ക് മത്സരിക്കുന്ന മലയാളി കെ.പി. ജോര്‍ജിന്റെ തിരഞ്ഞെടുപ്പു പ്രവര്‍ത്തനങ്ങളുടെ ഭാഗമായി പുതിയ വോട്ടര്‍മാരെ ചേര്‍ത്തുന്നതിനുള്ള വോട്ടര്‍ രജിസ്‌ട്രേഷന്‍ ക്യാമ്പയ്ന്‍ ജൂലായ് 14 ശനിയാഴ്ച രാവിലെ ഹ്യൂസ്റ്റന്‍ ശ്രീ ഗുരുവായൂരപ്പന്‍ അമ്പല പരിസരത്തും സംഘടിപ്പിച്ചു.

യുവാക്കള്‍ ഉള്‍പ്പെടെ നിരവധി പുതിയ വോട്ടര്‍മാരെ രജിസ്ടര്‍ ചെയ്യിപ്പിക്കുന്നതിന് കഴിഞ്ഞതായി നേതൃത്വം നല്‍കിയ ബാബു തെക്കേക്കര അറിയിച്ചു.

നവംബറില്‍ നടക്കുന്ന പൊതുതിരഞ്ഞെടുപ്പില്‍ ജഡ്ജി സ്ഥാനത്തേക്ക് മത്സരിക്കുന്ന കെ.പി. ജോര്‍ജിനെ വിജയിപ്പിക്കുന്നതിന് അര്‍ഹരായ എല്ലാവരും വോട്ടര്‍ പട്ടികയില്‍ പേര് ചേര്‍ക്കുന്നതിന് മുന്നോട്ടുവരണമെന്നും ബാബു അഭ്യര്‍ത്ഥിച്ചു.

അലിഷ, ടോം, റാഫേല്‍ സാമുവേല്‍ തുടങ്ങിയവരാണ് ക്യ്മ്പയ്ന്‍ പ്രവര്‍ത്തനങ്ങളില്‍ പങ്കെടുത്തത്. ക്ഷേത്രപരിസരത്ത് ക്യാമ്പയ്ന്‍ സംഘടിപ്പിക്കുവാന്‍ അനുമതി നല്‍കിയ ക്ഷേത്രം ഭാരവാഹികളെ ബാബു തെക്കേക്കര അഭിനന്ദിക്കുകയും, നന്ദി രേഖപ്പെടുത്തുകയും ചെയ്തു. ഇതുപോലുള്ള ക്യാമ്പയ്ന്‍ ഹ്യൂസ്റ്റണ്‍ പരിസരത്തുള്ള മറ്റു അമ്പലങ്ങളിലും, മോസ്‌കുകളിലും, പള്ളികളിലും സംഘടിപ്പിക്കുവാന്‍ ശ്രമിക്കുമെന്നും അദ്ദേഹം പറഞ്ഞു.

Read more

മേയര്‍ സജിജോര്‍ജ്, കൗണ്‍സിലംഗം ബിജു മാത്യു എന്നിവര്‍ക്ക് മാര്‍ത്തോമാ ഫാമിലി കോണ്‍ഫ്രന്‍സില്‍ സ്വീകരണം നല്‍കി

ഹ്യൂസ്റ്റണ്‍: നോര്‍ത്ത് അമേരിക്കാ യൂറോപ്പു മാര്‍ത്തോമാ ഭദ്രാസനത്തിന്റെ ആഭിമുഖ്യത്തില്‍ ഹ്യൂസ്റ്റണില്‍ നടന്ന മുപ്പത്തിരണ്ടാമതു ഫാമിലി കോണ്‍ഫ്രന്‍സില്‍ ടെക്‌സസു സംസ്ഥാനത്തെ സണ്ണിവെയില്‍ സിറ്റി മേയറായി തിരഞ്ഞെടുക്കപ്പെട്ട സജി ജോര്‍ജ്ജിനും, കോപ്പേല്‍ സിറ്റി കൗണ്‍സില്‍ മെമ്പറായി തിരഞ്ഞെടുക്കപ്പെട്ട ബിജു മാത്യുവിനും ഊഷ്മള സ്വീകരണം നല്‍കി.

ജൂലായ് 7ന് ചേര്‍ന്ന സമാപന സമ്മേളനത്തില്‍ മാര്‍ത്തോമാ സഭാ പരമാധ്യക്ഷന്‍ ഡോ. ജോസഫ മാര്‍ത്തോമാ, സജി ജോര്‍ജിനും, ഭദ്രാസന എപ്പിസ്‌കോപ്പാ ഐസക്ക് മാര്‍ ഫിലൊക്ലനിയോസു ബിജു മാത്യുവിനും പ്രത്യേക ഫലകം നല്‍കി ആദരിച്ചു.

സജിയുടേയും, ബിജുവിന്റേയും തിരഞ്ഞെടുപ്പു വിജയം മാര്‍ത്തോമാ സഭക്ക് മാത്രമല്ല മുഴുവന്‍ മലയാളി സമൂഹത്തിനും അഭിമാനമാണെന്ന് മെത്രാ പോലീത്ത പറഞ്ഞു. ഡാളസ് സെന്റ് പോള്‍സ് ഇടവകാംഗമായ സജി, ഡാളസ് മാര്‍ത്തോമാ ചര്‍ച്ച് (ഫാര്‍മേഴ്‌സ് ബ്രാഞ്ച്) ഇടവകാംഗമായ ബിജു എന്നിവരുടെ ഭാവി പ്രവര്‍ത്തനങ്ങള്‍ക്ക് എല്ലാ വിധ ആശംസകളും വിജയങ്ങളും നേരുന്നതായി ഭദ്രാസന എപ്പിസ്‌ക്കോപ്പി പറഞ്ഞു.

എട്ടുവര്‍ഷമായി സണ്ണിവെയില്‍ സിറ്റി കൗണ്‍സില്‍ അംഗമായി പ്രവര്‍ത്തിക്കുന്ന സജി ജോര്‍ജ്ജും, രണ്ടര ദശാബ്ദമായി പൊതു പ്രവര്‍ത്തനരംഗത്ത് സജീവമായിരുന്ന ബിജു മാത്യുവും ആദ്യമായാണ് പുതിയ ഉത്തരവാദിത്വങ്ങള്‍ ഏറ്റെടുക്കുന്നത്. ജനോപകാരമായ പ്രവര്‍ത്തനങ്ങള്‍ നിസ്വാര്‍ത്ഥമായി നിറവേറ്റുവാന്‍ സര്‍വ്വശക്തനായ ദൈവം ആവശ്യമായ കൃപയും ജ്ഞാനവും നല്‍കുന്നതിന് എല്ലാവരുടേയും പ്രാര്‍ത്ഥന ആവശ്യമാണെന്ന് തിരുമേനി ഓര്‍മ്മപ്പെടുത്തി. ലഭിച്ച ഊഷ്മള സ്വീകരണത്തിന് സജി ജോര്‍ജ്ജും, ബിജു മാത്യുവും പ്രത്യേകം നന്ദി അറിയിക്കുകയും ചെയ്തു.

Read more

മുലപ്പാലിലൂടെ ഒഴുകിയെത്തിയ വിഷാംശം കുഞ്ഞിന്റെ ജീവന്‍കവര്‍ന്നു: മാതാവ് അറസ്റ്റില്‍

പെന്‍സില്‍വാനിയ: അമിതമായി ലഹരിമരുന്നുകളും, വേദനസംഹാരികളും കഴിച്ചുകൊണ്ടിരുന്ന മാതാവിന്റെ മുലപ്പാലിലൂടെ ഒഴുകിയെത്തിയ മാരകവിഷാംശം ഉള്ളില്‍ ചെന്ന പതിനൊന്നു ആഴ്ച പ്രായമുള്ള ആണ്‍കുഞ്ഞു മരിച്ച കേസ്സില്‍ മാതാവിനെ അറസ്റ്റുചെയ്തു കേസ്സെടുത്തു.

പെന്‍സില്‍വാനിയ ബക്ക്‌സു കൗണ്ടിയില്‍ ഏപ്രില്‍ 2ന് നടന്ന സംഭവത്തില്‍ ജൂലായ് 14 വെള്ളിയാഴ്ചയാണ് മാതാവു അറസ്റ്റിലായത്. ഒട്ടോപ്‌സി റിപ്പോര്‍ട്ടില്‍ മെത്തഡന്‍, ആംപിറ്റാമിന്‍, മെത്താംപിറ്റാമിന്‍ എന്നീ മാരകമായ മരുന്നുകളുടെ മിശ്രിതം വിഷാംശമായി മുലപ്പാലിലൂടെ കുഞ്ഞിന്റെ വയറിനകത്തേക്കു പ്രവേശിച്ചതാണു മരണ കാരണമെന്ന് കണ്ടെത്തിയിരുന്നു.

സംഭവദിവസം വൈകീട്ടു 7.40 ന് ലഭിച്ച സന്ദേശത്തെ തുടര്‍ന്ന് വീട്ടിലെത്തിയ പോലീസ് അബോധാവസ്ഥയില്‍ കിടക്കുന്ന കുട്ടിയെ ഉടന്‍ ആശുപത്രിയില്‍ എത്തിച്ചുവെങ്കിലും മരണം സംഭവിച്ചിരുന്നു.

പ്രസവത്തെ തുടര്‍ന്ന് വേദന സംഹാരികള്‍ കഴിച്ചിരുന്നതിനാല്‍ കുട്ടിക്കു നല്‍കിയിരുന്നത് പ്രത്യേക ഫോര്‍മുലയായിരുന്നുവെന്നും, സംഭവദിവസം വളരെ ക്ഷീണം അനുഭവപ്പെട്ടതിനാല്‍ ഫോര്‍മുല തയ്യാറാക്കാന്‍ കഴിഞ്ഞില്ലെന്നും, മുലപ്പാല്‍ നല്‍കിയെന്നുമാണ് മാതാവു മൊഴി നല്‍കിയതെന്ന് ടൗണ്‍ഷിപ്പു പോലീസ് പറഞ്ഞു.

മാതാവായ സമാന്‍ന്ത വിറ്റ്‌നി (30) യെ കോടതിയില്‍ ഹാജരാക്കി. നരഹത്യക്കു കേസ്സെടുത്ത ഇവര്‍ക്ക് 3 മില്ല്യണ്‍ ഡോളറിന്റെ ജാമ്യം അനുവദിച്ചു. 2 വയസ്സുള്ള കുട്ടിയെ പിതാവിനെ ഏല്‍പ്പിച്ചു. 18 വയസ്സിനു താഴെയുള്ള കുട്ടികളുമായി ബന്ധപ്പെടുന്നതു കോടതി കര്‍ശനമായി വിലക്കിയിട്ടുണ്ട്.

Read more

ഹൂസ്റ്റൺ സെന്റ് തോമസ് ഇവൻജലിക്കൽ ചർച്ച്‌ ഇടവകദിനവും ഗ്രൗണ്ട് ബ്രെയ്ക്കിങ് സെറിമണിയും നടത്തി

ഹൂസ്റ്റൺ: സെന്റ് തോമസ് ഇവൻജലിക്കൽ ചർച്ച്‌ ഓഫ് ഇന്ത്യ ഹൂസ്റ്റൺ ഇടവകയുടെ ഇടവകദിനാഘോഷം വൈവിധ്യമാർന്ന പരിപാടികളോടെ നടത്തപ്പെട്ടു. ജൂലൈ 14നു ശനിയാഴ്ച രാവിലെ 10 മുതൽ സെന്റ് തോമസ് ഇവൻജലിക്കൽ ചർച്ച്‌ ദേവാലയത്തിൽ നടന്ന ചടങ്ങുകൾക്ക് സഭയുടെ പ്രിസൈഡിങ് ബിഷപ്പ് മോസ്റ്റ്.റവ.ഡോ.സി.വി.മാത്യു അദ്ധ്യക്ഷത വഹിച്ചു.

വികാരി റവ. കെ.ബി.കുരുവിള വന്നു ചേർന്നവർക്കു സ്വാഗതം ആശംസിച്ചു. തുടർന്ന് സൺ‌ഡേസ്കൂൾ കുട്ടികൾ അവതരിപ്പിച്ച വിവിധ പരിപാടികൾ ചടങ്ങിന്റെ  മാറ്റ് കൂട്ടി. നോർത്ത് അമേരിക്കയിലെ ഇവൻജേലിക്കൽ സഭയുടെ ചരിത്രം ജോൺ.സി.ശാമുവേൽ അവതരിപ്പിച്ചു. ഹൂസ്റ്റൺ ഇടവകയുടെ ചരിത്രം ജോർജ് മാത്യുവും അവതരിപ്പിച്ചു.

സഭയുടെ നോർത്ത് അമേരിക്കയിൽ നിന്നുള്ള സഭ കൌൺസിൽ അംഗം എബ്രഹാം മാത്യു, അഭിലാഷ് ജോസഫ്, കെൽസി ശാമുവേൽ, മേഴ്‌സി ശാമുവേൽ ,അമ്പിളി ജോൺ എന്നിവർ ആശംസാ പ്രസംഗങ്ങൾ നടത്തി.

അഭിവന്ദ്യ ബിഷപ്പ് ഡോ.സി.വി.മാത്യു ഇടവകകദിന സന്ദേശം നൽകി. ഇടവക സെക്രട്ടറി റോണി ജോസഫ് നന്ദി പ്രകാശിപ്പിച്ചു.

ഞായറാഴ്ച നടന്ന കൺഫർമേഷൻ സർവീസിനും തിരുവത്താഴ ശുശ്രൂഷയ്കും അഭിവന്ദ്യ തിരുമേനി നേതൃത്വം നൽകി.   
      
ആരാധനായെ തുടർന്ന് ഇടവക പുതുതായി പണികഴിപ്പിക്കുന്ന ആരാധനാലയത്തിന്റെ ഗ്രൗണ്ട് ബ്രെയ്ക്കിങ് സെറിമണിയ്ക്കും അഭിവന്ദ്യ തിരുമേനി നേതൃത്വം നൽകി.

Read more

കേരള എന്‍ജിനീയേഴ്‌സ് അസോസിയേഷന്റെ പത്താം വാര്‍ഷിക കിക്ക്ഓഫ് ഷൈലജ ടീച്ചർ നിർവഹിച്ചു

ന്യൂയോര്‍ക്ക്: കേരള എന്‍ജിനീയേഴ്‌സ് അസോസിയേഷന്റെ(KEAN) പത്താം വാര്‍ഷിക കിക്ക്ഓഫ് ബഹു. മന്ത്രി കെ.കെ. ഷൈലജ ടീച്ചര്‍ പദ്മശ്രീ സോമസുന്ദരനു പ്രഥമ ടിക്കറ്റ് നല്‍കിക്കൊണ്ട് നിര്‍വഹിച്ചു. 
സെക്രറട്ടറി റെജിമോൻ എബ്രഹാം വിശിഷ്ട വ്യക്തികളെ സദസ്സിനു പരിചയപ്പെടുത്തി. കീൻ കേരളത്തെ മറന്നിട്ടില്ലെന്നും കഴിഞ്ഞ പത്തു വർഷമായി കേരളത്തിലെ നൂറ്റിപ്പത്തോളം  എൻജീനിയറിങ്ങു വിദ്യാർത്ഥികൾക്കു സ്‌കൊളർക്ഷിപ്പും അതോടൊപ്പം ഉപദേശങ്ങളും നൽകുന്നുണ്ടെന്ന് പ്രസിഡന്റ് പ്രകാശ് കോശി പറഞ്ഞു. ലോകപ്രസിദ്ധ ഐഐറ്റിയിൽ പഠിച്ച വിദ്യാർത്ഥിക്കും കീൻ സ്കോളർഷിപ്പ് ലഭിച്ചിരുന്നു.

കേരളത്തിലെ പ്രാഥമീക ആരോഗ്യമേഖലക്കു അമേരിക്കൻ മലയാളി എഞ്ചിനീയേഴ്‌സിനു അനേകം സംഭാവനകൾ നൽകാൻ കഴിയുമെന്നും കേരളം അതിനെ സ്വാഗതം ചെയ്യുന്നു എന്നും മന്ത്രി ഷൈലജ ടീച്ചർ പറഞ്ഞു.  കേരളത്തിലെ ഗവർമെന്റ് കോളേജുകളിൽ പഠിച്ച്‌ ഇവിടെ എത്തിയവർ നല്ലനിലയിൽ കാണുന്നതിൽ വളരെ സന്തോഷമുണ്ട്.  ലോകപ്രസിദ്ധ എഞ്ചിനിയേഴ്സ് വരെ കേരളത്തിൽ നിന്നും വന്നവരിൽ ഉണ്ട്.  നാടിനും കൂടി അവരുടെ വിജയങ്ങൾ  പങ്കുവെക്കണമെന്ന്  മന്ത്രി അഭ്യർത്ഥിച്ചു.   

പത്തു വര്ഷം മുൻപ് തുടങ്ങിയ എഞ്ചിനിയേഴ്‌സിന്റെ കൂട്ടായ്മ്മ ഇന്ന് പടർന്നു പന്തലിച്ച് വലിയ ഒരു പ്രൊഫഷണൽ  ഓർഗനൈസേഷൻ ആയി മാറിയിരിക്കുന്നു എന്ന് ആഘോഷ കമ്മിറ്റി ചെയർമാൻ ജെയ്സൺ അലക്സ് പറഞ്ഞു. നോർത്ത് അമേരിക്കയിലും കാനഡയിലും ഉള്ള എല്ലാ മലയാളി എഞ്ചിനീയറിംഗ് അസ്സോസിയേഷൻസും കൂട്ടുചേർന്ന്  കൊണ്ട് വലിയ ഒരു കൂട്ടായ്‌മക്കുള്ള ചർച്ചകളിൽ ആണ് കീൻ എന്ന് ജെയ്സൺ അലക്സ് എടുത്തു പറഞ്ഞു.  

ഒക്‌ടോബര്‍ 20-നു ന്യൂജേഴ്‌സിയിലെ ഹോട്ടല്‍ എഡിസണില്‍ വച്ചു നടത്തുന്ന വാര്‍ഷികാഘോഷങ്ങളൊപ്പം കേരളത്തിലെ  പ്രാഥമിക ആരോഗൃകേന്ദ്രങ്ങൾക്കും കീനിന്റെ കൈത്താങ്ങൽ എത്തിക്കുമെന്ന് ആഘോഷകമ്മിറ്റിയുടെ കോ-ചെയ്ർ  ഫീലിപ്പോസ് ഫിലിപ്പ് പറഞ്ഞു. 

വനിതാ കമ്മീഷന്‍ ചെയര്‍ ഷാഹിദ കമാല്‍ തദവസരത്തില്‍ സന്നിഹിതയായിരുന്നു. ജോയിന്റ് ട്രഷറര്‍ ദീപു വര്‍ഗീസ് കൃതജ്ഞത പറഞ്ഞു.

ഒക്‌ടോബര്‍ 20-നു ന്യൂജേഴ്‌സിയിലെ ഹോട്ടല്‍ എഡിസണില്‍ വച്ചു നടത്തുന്ന വാര്‍ഷികാഘോഷങ്ങള്‍ക്ക് നേതൃത്വം നല്‍കുവാന്‍ മുന്‍ പ്രസിഡന്റുമാരായ ജയ്‌സണ്‍ അലക്‌സ്, ഫിലിപ്പോസ് ഫിലിപ്പ്, പ്രീത നമ്പ്യാര്‍ എന്നിവരടങ്ങിയ കമ്മിറ്റി പ്രവര്‍ത്തനം ആരംഭിച്ചുകഴിഞ്ഞതായി പ്രസിഡന്റ് കോശി പ്രകാശ് അറിയിച്ചു.  എല്ലാ എന്‍ജിനീയേഴ്‌സിനേയും എഡിസണിലേക്ക് സ്വാഗതം ചെയ്യുന്നതായി എക്‌സിക്യൂട്ടീവ് കമ്മിറ്റിയും, ബോര്‍ഡ് ഓഫ് ട്രസ്റ്റിക്കുവേണ്ടി ചെയര്‍മാന്‍ ബെന്നി കുര്യനും അറിയിച്ചു.

നീന സുധീറും, മാലിനി നായരും സാംസ്കാരിക പരിപാടികള്‍ക്ക് നേതൃത്വം നല്‍കും. ഷാജി കുര്യാക്കോസ്, നോബിള്‍ വര്‍ഗീസ്, അജിത് ചിറയില്‍ എന്നിവര്‍ കീന്‍ പ്രവര്‍ത്തനങ്ങള്‍ അവലോകനം ചെയ്യും. കെ.ജെ. ഗ്രിഗറി, ജയിന്‍ അലക്‌സാണ്ടര്‍, എൽദോ പോൾ, മനോജ് ജോണ്‍, ലിസി ഫിലിപ്പ്, റോയി തരകൻ, ഗീവറുഗീസ്‌ വറുഗീസ്, ജോർജ് ജോൺ എന്നിവര്‍ വിവിധ കമ്മിറ്റികള്‍ക്ക് നേതൃത്വം നല്‍കും.

വാര്‍ഷികാഘോഷങ്ങളുടെ ഭാഗമായി സിയാറ്റിലിലെ പ്രമുഖ വ്യവസായി ജോണ്‍ ടൈറ്റസിനെ ആദരിക്കുവാന്‍ കമ്മിറ്റി തീരുമാനിച്ചതായി ചെയര്‍മാന്‍ ജയ്‌സണ്‍ അലക്‌സ് അറിയിച്ചു. ന്യൂജേഴ്‌സിയിലെ സ്പ്രിംഗ്‌ളര്‍ കമ്പനി സി.ഇ.ഒ രാജി തോമസ് ആയിരിക്കും കീനോട്ട് സ്പീക്കര്‍. 

ആഘോഷങ്ങളോടനുബന്ധിച്ച്‌ പ്രസദ്ധീകരിക്കുന്ന ബിസിനസ് സോവനീയറിലേക്കു പരസ്യങ്ങൾ ക്ഷണിക്കുന്നതായി ബെന്നി കുര്യൻ അറിയിച്ചു. 

കൂടുതല്‍ വിവരങ്ങള്‍ക്ക്: www.keanusa.org
Prakash Koshy (914-450-0884), Shaji Kuriakose (845-642-2060), Rajimon Abraham (908-240-3780), Neena Sudhir (732-789-8262), Benny Kurian (201-951-6901), Jaison Alex (914-645-9899), Preetha Nambiar (201-699-2321), Philipose Philip (845-642-2060). 

Read more

ഫോമയുടെ സാരഥികള്‍ റെഡി, തേരോട്ടം ജൂലൈ പതിനാറു മുതല്‍

ഫോമയുടെ നാഷനല്‍ കമ്മിറ്റി ജൂലൈ 16 ന് യോഗം ചേരുന്നതൊടെ പുതിയ ഭാരവാഹികളും സ്ഥാനമേല്‍ക്കും.
ഇലക്ഷനിലെ ഭിന്നതയും കടുത്ത മല്‍സരവും മറന്ന് ഒന്നായി സംഘടനയെ സേവിക്കാനുള്ള അവസരമാണ് വിജയികള്‍ക്കു കൈവന്നിരിക്കുന്നത്.ഐക്യവും സൗഹ്രുദവും ഒറ്റക്കെട്ടായുള്ള പ്രവര്‍ത്തനവും ആണു ജനം പ്രതീക്ഷിക്കുന്നത്. ആ പ്രതീക്ഷകള്‍ സഫലമാക്കുമെന്നു പുതിയ ഭാരവാഹികള്‍ നേരത്തെ വ്യക്തമാക്കിയിരുന്നു

ഫിലിപ്പ് ചാമത്തില്‍ - ഫോമാ പ്രസിഡന്റ്.

ഫോമായുടെ നാഷണല്‍ കമ്മറ്റി മീറ്റിംഗ് ജൂലൈ പതിനാറിന്, ഭാരവാഹികള്‍ പുതിയ ദിശാബോധത്തോടെ സംഘടനകളുമായി സംവദിക്കും. അമേരിക്കന്‍ മലയാളികളുടെ ജനകീയ സംഘടന എന്ന ഖ്യാതി താഴെതട്ടിലേക്ക് വികേന്ദ്രികരിക്കും. 

ഫോമയുടെ കണ്‍വന്‍ഷന്‍ ഇനി നടക്കേണ്ടത് ഡാളസിലാണ്. ഫോമയുടെ പ്രവര്‍ത്തനം ടെകസാസിലേക്കും വ്യാപിക്കേണ്ടതുണ്ട്. അമേരിക്കയില്‍ ഏറ്റവും കൂടുതല്‍ ഇന്ത്യക്കാര്‍ കുടിയേറുന്ന ഒരു പ്രദേശം ടെകസാസിലെ ഡാളസ് ആണ്. അതു കൊണ്ട് തന്നെ അമേരിക്കന്‍ മലയാളികള്‍ക്ക് സംഘടനയില്‍ കൂടുതല്‍ വിശ്വാസ്യത നേടിയെടുക്കാന്‍ ഈ നേതൃത്വ മാറ്റത്തിന് കഴിയും എന്ന് വിശ്വസിക്കുന്ന മലയാളി സമൂഹം ഇവിടെ ഉണ്ട്. ഫോമായുടെ 2018 -20 കാലഘട്ടം അമേരിക്കന്‍ സംഘടനാ ചരിത്രത്തിലെ തന്നെ മികച്ച ഒരു കാലഘട്ടമായി മാറ്റുവാന്‍ എല്ലാ അംഗ സംഘടനകളും ശ്രമിക്കണം .അതിനായി അമേരിക്കന്‍ മലയാളികള്‍ക്കൊപ്പവും അവരുടെ ജീവല്‍ പ്രശനങ്ങളിലും ഒപ്പം നില്‍ക്കുക എന്ന ദൗത്യം കൂടി ഉണ്ട്. അത് ഒരു ഭാരിച്ച ഉത്തരവാദിത്വം ആണ് എന്ന ഉത്തമ ബോധ്യവും ഉണ്ട്. അതിനായി ഒരു ടീമിനെ തന്നെ റെഡിയാക്കി എടുക്കുവാനാണ് പദ്ധതി. കൂടുതല്‍ ചെറുപ്പക്കാരെ ഫോമയിലേക്കു ആകര്‍ഷിക്കുവാനുള്ള ഒരു പ്രവര്‍ത്തനത്തിന്റെ പ്രാരംഭ പ്രവര്‍ത്തനങ്ങള്‍ക്ക് വ്യക്തിപരമായി ഇതിനോടകം തുടക്കം കുറിച്ചിട്ടുണ്ട് . 

പദ്ധതികള്‍ പ്രഖ്യാപിക്കാന്‍ വേണ്ടി മാത്രം കേരള കണ്‍ വന്‍ഷന്‍ നടത്തുന്നതു കൊണ്ട് കാര്യമില്ല. അതു പ്രയോജന പ്രദമാകണം. അമേരിക്കന്‍ സാഹചര്യങ്ങളെപറ്റി നാട്ടിലുള്ളവര്‍ക്ക് അവബോധം നല്‍കാനുള്ള സെമിനാറുകളും മറ്റും നടത്താന്‍ നമുക്കാകും. ഇവിടെ ബിസിനസ് നടത്തുന്നതിന്റെ പ്രശ്നങ്ങള്‍, ഇമ്മിഗ്രന്റായി വന്നാല്‍ ശ്രദ്ധിക്കേണ്ട കാര്യങ്ങള്‍ തുടങ്ങിയവ അതില്‌പെടും.

ഫിലിപ്പ് ചമത്തില്‍ അമേരിക്കയില്‍ ടെക്‌സാസ് സംസ്ഥാനത്ത് ഡാലസില്‍ കുടുംബസമേതം വസിക്കുന്നു. 

ജോസ് എബ്രഹാം - സെക്രട്ടറി.

നിരവധി പദ്ധതികള്‍ പരിഗണയില്‍ ഉണ്ട്. യുവജനങ്ങളുടെ കടന്നു വരവ്, രാഷ്ട്രീയ പ്രവേശം, ചാരിറ്റി എന്നിവയും, നമ്മുടെ അമേരിക്കന്‍ മലയാളികളില്‍ ഉണ്ടാകേണ്ട മാറ്റങ്ങളൊക്കെ അതില്‍ പെടുന്നു.

രണ്ടോ മൂന്നോ ദിവസം നീളുന്ന ഒരു യൂത്ത് സമ്മിറ്റ് ലക്ഷ്യങ്ങളില്‍ ഒന്നാണ്. ഇതിനുള്ള പണം ഫെഡറല്‍ സര്‍ക്കാറിന്റെ പ്രോജക്ടുകളില്‍ നിന്നു കണ്ടെത്തുക എന്നതാണു പ്രധാനം. അതു സാധ്യമാവും. ഇപ്പോഴത്തെ ജനസമ്പര്‍ക്ക പരിപാടി കോണ്‍ഫറന്‍സ് കോളിലൂടെയാണെങ്കിലും നല്ലതു തന്നെ. അത് ഒന്നു കൂടി വികസിപ്പിച്ച് ജനങ്ങളുമായി കഴിയുന്നത്ര നേരിട്ട് ബന്ധപ്പെടുകയാണു തന്റെ ലക്ഷ്യം.

മുഖ്യധാരയുമായി ഇപ്പോള്‍ നമുക്കു ബന്ധം കുറവാണ്. ഒന്നാം തലമുറക്കു അതിനുള്ള പരിമിതികളുമുണ്ട്. എന്നാല്‍ രണ്ടാം തലമുറക്ക് അതിനുള്ള അവസരം ഒരുക്കാന്‍ നമുക്കാകും. ഇപ്പോള്‍ തന്നെ ഹോളിവുഡ്, മ്യൂസിക് രംഗം , ടിവി എന്നിവിടങ്ങളിലൊക്കെ നമ്മൂടെ രണ്ടാം തലമുറ വലിയ നേട്ടങ്ങളുണ്ടാക്കിയിട്ടുണ്ട്. നമ്മുടെ സഹായമൊന്നും കൂടാതെയാണു അവര്‍ ഈ നേട്ടമൊക്കെ കൈവരിച്ചത് എന്നതു മറക്കേണ്ടതില്ല. ഇപ്പോഴും ഒന്നാം തലമുറ മെഡിക്കല്‍ രംഗമാണു കരിയറായി കാണുന്നത്. അതിനു മാറ്റം വരേണ്ട കാലമായി.

മാധ്യമ പ്രവര്‍ത്തകകന്‍ കൂടിയായ ജോസ് ഏബ്രഹാം അമേരിക്കന്‍ മലയാളികള്‍ക്കു സുപരിചിതനാണ്. ഓണ്‍ലൈന്‍ മാധ്യമങ്ങളില്‍ എഴുതുന്നതു കൂടാതെ ടിവി രംഗത്തും കഴിവു തെളിയിക്കാന്‍ കഴിഞ്ഞ അപൂര്‍വ്വം ചിലരിലൊരാള്‍. 

ജോസ് എബ്രഹാം ന്യൂ യോര്‍ക്ക് സ്റ്റാറ്റന്‍ ഐലന്റില്‍ വസിക്കുന്നു. 

ഷിനു ജോസഫ് - ട്രെഷറര്‍.

യോങ്കേഴ്സ് മലയാളി അസോസിയേഷന്റെ പ്രസിഡന്റായി സംഘടനക്ക് നല്‍കിവരുന്ന പുത്തന്‍ ഉണര്‍വ് ഷിനുവിന്റെ നേതൃപാടവത്തിന് നല്ലൊരു ഉദാഹരണമാണ്. ന്യൂയോര്‍ക്കിലെ അറിയപ്പെടുന്ന ബിസിനസുകാരന്‍ കൂടിയായ ഷിനു ഇക്കൊല്ലത്തെ റിപ്പബ്ലിക്കന്‍ കമ്മിറ്റിയുടെ ബസ്റ്റ് എന്റര്‍പ്രണര്‍ അവാര്‍ഡിനും അര്‍ഹനായിട്ടുണ്ട്. വിവിധ സാമൂഹ്യ, സാംസ്‌കാരിക സംഘടനകളിലും ഷിനു പ്രവര്‍ത്തിച്ചുവരുന്നു. 2020ല്‍ ഫോമായുടെ കണ്‍വന്‍ഷന്‍ ഡാളസ് സിറ്റിയില്‍ നടത്തണമെന്നും കണ്‍വന്‍ഷന്‍ ഫോമായുടെ ചരിത്രത്തിലെ നാഴികകല്ലായി മാറ്റിയെടുക്കുമെന്നും ഷിനു പറഞ്ഞു. ഫോമായുടെ പ്രവര്‍ത്തന ഫണ്ടുകള്‍ കണ്ടെത്തുവാനും, കണക്കുകള്‍ സുതാര്യമാക്കുവാനും തന്‍ സാദാ ജഗരൂഗനാണന്നും അദേഹം കൂട്ടിച്ചേര്‍ത്തു. ഷിനു ജോസഫ് ന്യൂ യോര്‍ക്ക് യോങ്കേര്‍സില്‍ താമസിക്കുന്നു.

വിന്‍സെന്റ് ബോസ് മാത്യു - വൈസ് പ്രസിഡന്റ്.

ഫോമയുടെ ആരംഭ കാലം മുതല്‍ സജീവമായി പ്രവര്‍ത്തന രംഗത്തുള്ള സീനിയര്‍ നേതാവും ഫോമ അഡൈ്വസറി കൗണ്‍സില്‍ വൈസ് ചെയര്‍മാനുമായിരുന്നു വിന്‍സന്റ് ബോസ് മാത്യു. പ്രമുഖ വ്യവസായിയും സാമൂഹിക സാംസ്‌ക്കാരിക ജീവകാരുണ്യ പ്രവര്‍ത്തനങ്ങളില്‍ സജീവ സാന്നിധ്യവുമായ ഇദ്ദേഹം വിവിധ സംഘടനകളില്‍ നേതൃരംഗത്തും കലാരംഗത്തും പ്രവര്‍ത്തിക്കുന്നു. മലയാളി അസ്സോസിയേഷന്‍ ഓഫ് നോര്‍ത്തേണ്‍ കാലിഫോര്‍ണിയയുടെ (മങ്ക) വൈസ് പ്രസിഡന്റും ഫോമയുടെ സ്ഥാപക നേതാക്കളിലൊരാളുമാണ് അദ്ദേഹം. പിറവം പ്രവാസി ഗ്ലോബല്‍ അസോസിയേഷന്‍ പ്രസിഡന്റ് എന്ന നിലയില്‍ പിറവം നിവാസികള്‍ക്ക് ഒട്ടേറെ സ്‌കോളര്‍ഷിപ്പുകള്‍ നല്‍കിയിട്ടുണ്ട്. വിന്‍സെന്റ് ബോസ് മാത്യു കാലിഫോര്‍ണിയയില്‍ സാന്‍ ഫ്രാന്‍സിസ്‌കോയില്‍ വസിക്കുന്നു. 

സാജു ജോസഫ് - ജോയിന്റ് സെക്രെട്ടറി.

മലയാളി അസോസിയേഷന്‍ ഓഫ് നോര്‍ത്തേണ്‍ കാലിഫോര്‍ണിയയുടെ (മങ്ക ) മുന്‍ പ്രസിഡണ്ടും സാമൂഹ്യ-സാംസ്‌കാരിക മേഖലകളിലെ പ്രവര്‍ത്തനവും നേതൃപടവവും ഫോമയുടെ പ്രവര്‍ത്തനങ്ങളെ ശക്തിപ്പെടുത്തുവാന്‍ സഹായിക്കും എന്നതില്‍ സംശയമില്ല. ഫോമാ നാഷണല്‍ കമ്മിറ്റി മെമ്പറായി സേവനമനുഷ്ടിച്ചിട്ടുണ്ട്. സാജു ജോസഫ്. കാലിഫോര്‍ണിയയില്‍ സാന്‍ ഫ്രാന്‍സിസ്‌കോയില്‍ വസിക്കുന്നു. 

ജയിന്‍ മാത്യൂസ് - ജോയിന്റ് ട്രെഷറര്‍.

നാലു പതിറ്റാണ്ടിന്റെ പ്രവര്‍ത്തന പാരമ്പര്യമുള്ള മിഷിഗണിലെ ആദ്യ സാംസ്‌കാരിക സംഘടനയായ കേരളാ ക്ലബിന്റെ പ്രസിഡന്റായി ജയിന്‍ മാത്യൂസ് ഇപ്പോള്‍ പ്രവര്‍ത്തിക്കുന്നു. തത്വാധിഷ്ഠിത നിലപാടുകളും, സത്യസന്ധതയും, സുതാര്യവുമായ പ്രവര്‍ത്തനവും, കഠിനാധ്വാനവും, സമര്‍പ്പണവും ജയിന്‍ മാത്യൂസ് എന്ന വ്യക്തിയെ വ്യത്യസ്തനാക്കുന്നു. 

Read more

തിരുവല്ലാ അസോസിയേഷൻ ജോർജ് മാമ്മൻ കൊണ്ടൂരിനും ഫിലിപ്പ് ചാമത്തിലിനും ഉജ്ജ്വല വരവേൽപ് നൽകി

ഡാലസ് : തിരുവല്ലാ അസോസിയേഷന്റെ നേതൃത്വത്തിൽ ഡാലസിലെ പ്ലേനോ ബസെറ റെസ്റ്റോറന്റ് ഹാളിൽ കൂടിയ സമ്മേളനത്തിൽ പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോൺഗ്രസ് നേതാവുമായ ജോർജ് മാമ്മൻ കൊണ്ടൂരിനും ഡാലസ് മലയാളി അസോസിയേഷന്റെ സാരഥിയും ഫോമയുടെ പ്രസിഡന്റും ആയ ഫിലിപ്പ് ചാമത്തിലിനും ഉജ്ജ്വല വരവേൽപ്പ് നൽകി.

സോണി ജേക്കബിന്റെ അധ്യക്ഷതയിൽ കൂടിയ സമ്മേളനത്തിൽ തിരുവല്ലാ അസോസിയേഷനെ പ്രതിനിധീകരിച്ച് സുനിൽ വർഗീസ്, ലയൺസ് ക്ലബിനെ പ്രതിനിധികരിച്ച് പി. ടി. മാത്യു, റാന്നി അസോസിയേഷനെ പ്രതിനിധികരിച്ച് ഷിജു എബ്രഹാം, ഡാലസിലെ കേരളാ എക്യുമെനിക്കൽ ക്രിസ്ത്യൻ ഫെലോഷിപ്പിനെ പ്രതിനിധികരിച്ച് അലക്സ് അലക്സാണ്ടർ, ഫ്ലാവേഴ്സ് ടിവിയെ പ്രതിനിധീകരിച്ച് ടി. സി. ചാക്കോ, ഡാലസ് മലയാളി അസോസിയേഷനെ പ്രതിനിധികരിച്ച് ലിജി തോമസ് എന്നിവർ ആശംസകൾ നേർന്ന് സംസാരിച്ചു.

സമ്മേളനത്തിൽ വിശിഷ്ടാതിഥികളെ തോമസ് എബ്രഹാം പൊന്നാട അണിയിച്ചു. സുനു മാത്യു സ്വാഗതവും മാത്യു സാമുവേൽ നന്ദിയും രേഖപ്പെടുത്തി. സെക്രട്ടറി ബിജു വർ‍ഗീസ് എംസിയായി പ്രവർത്തിച്ചു. പത്തനംതിട്ട  ജില്ലയുടെ വിവിധ പ്രദേശങ്ങളിൽ തിരുവല്ലാ അസോസിയേഷൻ ചെയ്യുന്ന പ്രവർത്തനങ്ങൾക്ക് ജോർജ് മാമ്മൻ കൊണ്ടൂർ ജില്ലാ പഞ്ചായ ത്തിന്റെ പേരിലുള്ള നന്ദിയും ഫോമയുടെ പ്രസിഡന്റായി തിരഞ്ഞെടുക്കപ്പെ‌ടാൻ  ഇടയായതിൽ ഡാലസിലെ എല്ലാ മലയാളി സംഘടനാ നേതാക്കളോടുമുള്ള നന്ദി ഫിലിപ്പ് ചാമത്തിലും അറിയിച്ചു.

Read more

സ്വന്തം മകളെ വില്‍ക്കാന്‍ ശ്രമിച്ച മാതാവിന് 40 വര്‍ഷം തടവ്

ടെക്സസ്: രണ്ടു വയസ്സുള്ള പെൺകുഞ്ഞിനെ വിൽക്കാൻ ശ്രമിച്ച ഇരുപത്തിയഞ്ചുകാരിയായ മാതാവിന് 40 വർഷം തടവ് ശിക്ഷ വിധിച്ചു. കുട്ടിയെ സെക്സ്റാക്കറ്റിന് വിൽക്കാൻ ശ്രമിച്ച മാതാവ് സാറ പീറ്റേഴ്സിന് പരോൾ ലഭിക്കണമെങ്കിൽ 2038 വരെ കാത്തിരിക്കേണ്ടി വരുമെന്ന് മോണ്ട് ഗോമറി കൗണ്ടി ഡിസ്ട്രിക്റ്റ് അറ്റോർണി ഓഫിസ് അറിയിച്ചു.

ഓൺലൈനിൽ പരിചയപ്പെട്ട യുവാവിനാണ് കുട്ടിയെ വിൽക്കാൻ ഇവർ കരാർ ഉറപ്പിച്ചത്. 1200  ഡോളർ വേണമെന്ന് ആവശ്യപ്പെടുകയും ചെയ്തു. ഓൺലൈനിൽ ബന്ധപ്പെട്ട വ്യക്തി അണ്ടർ കവർ ഓഫീസറാണെന്നുള്ള വിവരം അറസ്റ്റു ചെയ്തതിനുശേഷമാണ് ഇവർ അറിയുന്നത്. മോണ്ട് ഗോമറി ബസ് സ്റ്റേഷനിൽ വച്ച് ബസിൽ യാത്ര ചെയ്യുന്നതിനിടയിലാണ് ഇവർ അറസ്റ്റിലാകുന്നത്. ഇത്രയും പ്രായം കുറഞ്ഞ മാതാവ് തന്റെ കുഞ്ഞിനെ വിൽക്കാൻ ശ്രമിച്ചത് വിശ്വസിക്കാനാവുന്നില്ലെന്ന് അറ്റോർണി ഓഫിസ് അറിയിച്ചു.

Read more

സ്വന്തം ചരമകുറിപ്പു തയ്യാറാക്കി 5 വയസ്സുക്കാരന്‍ മരണത്തിന് കീഴടങ്ങി

ഐഓവാ: മരണത്തിനുശേഷം എന്തെല്ലാം ചെയ്യണമെന്നും ചരമ കുറിപ്പ് എന്തായിരിക്കണമെന്ന നിർദേശങ്ങൾ മാതാപിതാക്കൾക്കും സഹോദരങ്ങൾക്കും നൽകി അഞ്ചു വയസുകാരനായ ഗാരറ്റ് മത്തിയാസ് മരണത്തിന് കീഴടങ്ങി. കുട്ടികൾക്ക്  വരുന്ന പ്രത്യേക കാൻസർ  രോഗത്തിനു ചികിത്സയിലിരിക്കെ ജൂലൈ 6 ന് മരിക്കുന്നതിനുമുമ്പു മകന്റെ എല്ലാ ആഗ്രഹങ്ങളും തങ്ങളെ അറിയിച്ചിരുന്നതായി ഐഓവായിലെ വാൻ മീറ്ററിൽ നിന്നുള്ള മാതാപിതാക്കള്‍ അറിയിച്ചു.

മരണശേഷം മൃതശരീരം ദഹിപ്പിക്കണമോ അതോ അടക്കം ചെയ്യണമോ എന്ന ചോദ്യത്തിന് ദഹിപ്പിക്കണമെന്നാണ് ഗാരറ്റ് ആവശ്യപ്പെട്ടത്. എനിക്ക് അഞ്ചു വയസ്സാണ് പ്രായം, അഞ്ചു  ബൗൺസി ഹൗസസ് ഞാൻ മരിക്കുമ്പോൾ വേണം. ബാറ്റ്മാൻ തോർ, അയൺ മാൻ, ഹൽക്ക് ആന്‍ഡ് സൈബോർഗ് എന്നിവരാണ് തന്റെ സൂപ്പർ ഹീറോസ് എന്നും തന്റെ ചരമ കുറിപ്പിൽ ചേർക്കണമെന്നും ഗാരറ്റ് ആവശ്യപ്പെട്ടു.

ഒമ്പതു മാസം കാൻസർ രോഗത്തോടു മല്ലടിച്ചാണ് അവസാനം ഗാരറ്റ് തോൽവി സമ്മതിച്ചതെന്ന് മാതാപിതാക്കൾ പറഞ്ഞു. മറ്റൊരു കുട്ടിയുടേയും ജീവൻ കാൻസർ കവർന്നെടുക്കാത്ത വിധം ഇതിനെ പരാജയപ്പെടുത്തണമെന്നും ഒരു ഗുസ്തിക്കാരനെപോലെ ഇതിനെ നേരിടണമെന്നും ഗാരറ്റ് ആഗ്രഹിച്ചിരുന്നു. ഗാരറ്റിന്റെ ആഗ്രഹങ്ങൾ സഫലീകരിക്കുന്നതിന് 39,000 ഡോളറാണ് സംഭാവനയായി ലഭിച്ചത്.

Read more

ഡാളസ് എപ്പിസ്‌ക്കോപ്പല്‍ ചര്‍ച്ചില്‍ സ്വവര്‍ഗ്ഗ വിവാഹത്തിന് പച്ചകൊടി

ഓസ്റ്റിൻ (ടെക്സസ്) : ഡാലസ് ഉൾപ്പെടെ എട്ട് എപ്പിസ്കോപ്പൽ ഡയോസിസുകളിൽ ലോക്കൽ ബിഷപ്പിന്റെ എതിർപ്പിനെ പോലും മറികടന്ന് മാതൃ ഇടവകകളിൽ സ്വവർഗ വിവാഹം നടത്തുന്നതിനുള്ള അനുമതി നൽകി. ഓസ്റ്റിനിൽ നടക്കുന്ന എപ്പിസ്കോപ്പൽ ചർച്ച് ലീഡേഴ്സിന്റെ വാർഷിക കൺവൻഷനിലാണ് ഇതു സംബന്ധിച്ച പ്രമേയം പാസ്സാക്കിയത്. ജൂലൈ 13 ന പ്രഖ്യാപനമുണ്ടായി.

ഡാലസ് ഉൾപ്പെടെ എട്ട് യുഎസ് ഡയോസീസുകളിൽ നേരത്തെ സ്വവർഗ്ഗ  വിവാഹത്തിന് അനുമതി നിഷേധിച്ചിരുന്നു. സ്വവർഗ്ഗ വിവാഹത്തിനു അനുമതി വേണമെന്നാവശ്യപ്പെടുന്നവർക്ക് ലോക്കൽ പ്രീസ്റ്റുകൾ വിവാഹം നടത്തികൊടുക്കണമെന്നും ആവശ്യമെങ്കിൽ ഇതര ഡയോസീസ് ബിഷപ്പുമാരിൽ നിന്നും പാസ്റ്ററൽ സപ്പോർട്ട് ആവശ്യപ്പെടാവുന്നതാണെന്നും പ്രമേയത്തിൽ ചൂണ്ടികാണിക്കുന്നു.

ന്യുയോർക്കിൽ നിന്നുള്ള എപ്പിസ്കോപ്പൽ ബിഷപ്പാണ് ഇത് സംബന്ധിച്ചു പ്രമേയം തയ്യാറാക്കി കൺവൻഷണനിൽ അവതരിപ്പിച്ചത്. അമേരിക്കയിലെ പ്രധാന ചർച്ചുകളിലൊന്നായ യുണൈറ്റഡ് മെത്തഡിസ്റ്റ് ചർച്ച് നാലു വർഷത്തിലൊരിക്കൽ സംഘടിപ്പിക്കുന്ന കൺവൻഷനിൽ 2016 ൽ ഈ വിഷയം അവതരിപ്പിച്ചത് കൂടുതൽ ചർച്ചകൾക്കായി 2020 ലേക്ക് മാറ്റിവച്ചിരിക്കയാണ്.

മറ്റൊരു പ്രധാന ചർച്ചയായ ബാപ്റ്റിസ്റ്റ് ചർച്ച് പുരുഷനും സ്ത്രീയും തമ്മിൽ മാത്രമേ വിവാഹമാകാവൂ എന്ന നിബന്ധന കർശനമായി പാലിക്കപ്പെടണമെന്ന് തീരുമാനിച്ചിട്ടുണ്ട്.

Read more

ചിക്കാഗോ കെ.സി.എസ് ഒളിമ്പിക്‌സ് ശ്രദ്ധേയമായി

ചിക്കാഗോ: ചിക്കാഗോ ക്‌നാനായ കാത്തലിക് സൊസൈറ്റിയുടെ ആഭിമുഖ്യത്തില്‍ ജൂലൈ ഏഴാം തീയതി മോര്‍ട്ടന്‍ഗ്രോവിലുള്ള സെന്റ് പോള്‍ വുഡ്‌സ് പാര്‍ക്കില്‍ വച്ചു നടത്തപ്പെട്ട ഒളിമ്പിക്‌സ് ശ്രദ്ധേയമായി.

രാവിലെ കായികതാരങ്ങളുടെ മാര്‍ച്ച് പാസ്റ്റോടുകൂടി ആരംഭിച്ച ഒളിമ്പിക്‌സില്‍ കെ.സി.എസ് പ്രസിഡന്റ് ബിനു പൂത്തുറ സല്യൂട്ട് സ്വീകരിച്ചു. തുടര്‍ന്ന് കെ.സി.എസ് സ്പിരിച്വല്‍ ഡയറക്ടര്‍ റവ.ഫാ. ഏബ്രഹാം മുത്തോലത്ത് ഒളിമ്പിക്‌സ് ഉദ്ഘാടനം ചെയ്തു. ജനറല്‍ സെക്രട്ടറി ജോണിക്കുട്ടി പിള്ളവീട്ടില്‍ സ്വാഗതവും വൈസ് പ്രസിഡന്റ് സാജു കണ്ണമ്പള്ളി നന്ദിയും പറഞ്ഞു. ട്രഷറര്‍ ഷിബു മുളയാനികുന്നേല്‍, ജോയിന്റ് സെക്രട്ടറി സിബിന്‍ വിലങ്ങുകല്ലേല്‍, കെ.സി.സി.എന്‍.എ വൈസ് പ്രസിഡന്റ് മേയമ്മ വെട്ടിക്കാട്ട്, റീജണല്‍ വൈസ് പ്രസിഡന്റ് ജോയി നെല്ലാമറ്റം എന്നിവര്‍ സന്നിഹിതരായിരുന്നു.

ചിക്കാഗോയിലെ ക്‌നാനായ കുടുംബങ്ങളെ നാലു ഫൊറോനാ ഗ്രുപ്പുകളായി തിരിച്ച് നടത്തിയ വാശിയേറിയ കായിക മത്സരങ്ങള്‍ക്ക് കെ.സി.എസ് ഔട്ട് ഡോര്‍ കമ്മിറ്റി അംഗങ്ങളും, വിവിധ ഫൊറോനാ കോര്‍ഡിനേറ്റേഴ്‌സും നേതൃത്വം നല്‍കി. വൈകിട്ട് 8 മണിയോടെ സമാപിച്ച ഒളിമ്പിക്‌സില്‍ ഏകദേശം 400-ല്‍പ്പരം ആള്‍ക്കാര്‍ പങ്കെടുത്തു. 

Read more

മാനിഫെസ്റ്റിംഗ് ഹിസ് ഗ്ലോറി ന്യൂയോര്‍ക്കില്‍

ന്യൂയോര്‍ക്ക്: സഭാ വ്യത്യാസമില്ലാതെ യേശുക്രിസ്തുവില്‍ വിശ്വസിക്കുന്ന ന്യൂയോര്‍ക്ക്, സ്റ്റാറ്റന്‍ഐലന്റിലും പരിസര പ്രദേശങ്ങളിലും ഉള്ള വിശ്വാസികള്‍ എല്ലാ ഞായറാഴ്ചകളിലും പ്രാര്‍ത്ഥനയ്ക്കും, ദൈവവചനത്തിനും ആരാധനയ്ക്കും ഒത്തുകൂടുന്ന Immanuel Prayer Grroup-ല്‍ ഈ ആഴ്ച പ്രത്യേക രോഗസൗഖ്യ വിടുതല്‍ ശുശ്രൂഷ നടക്കുന്നു.

ജൂലൈ 15-നു ഞായറാഴ്ച വൈകിട്ട് ആറിന് Immanuel Prayer Group 2329 Victory BLVD, Staten Island, NY 10314 (All Saints Episcopel Church) -ല്‍ നടക്കുന്ന പ്രത്യേക യോഗത്തില്‍ ഈ നൂറ്റാണ്ടില്‍ ദൈവം അതിശക്തമായി ഉപയോഗിക്കുന്ന പാസ്റ്റര്‍ ജോമോന്‍ കോട്ടയം ശുശ്രൂഷിക്കുന്നു.

പി.കെ. തോമസ്, സാബു, കൊച്ചുമോന്‍, ഷാജി, അബു, സജി തുടങ്ങിയവര്‍ ഇമ്മാനുവല്‍ പ്രയര്‍ ഗ്രൂപ്പില്‍ എല്ലാ ഞായറാഴ്ചകളിലും ശുശ്രൂഷയ്ക്ക് നേതൃത്വം നല്‍കുന്നു.

എല്ലാ ഞായറാഴ്ചകളിലും നടക്കുന്ന ഈ പ്രാര്‍ത്ഥനാ യോഗത്തില്‍ വിവിധ ക്രൈസ്തവ വിഭാഗങ്ങളില്‍ നിന്നുള്ളവര്‍ ശുശ്രൂഷിക്കുന്നു.

ജൂലൈ 15-ന് നടക്കുന്ന പ്രത്യേക യോഗത്തില്‍ വിവിധ ആവശ്യങ്ങളാല്‍ ഭാരപ്പെടുന്നവര്‍, രോഗസൗഖ്യം ആഗ്രഹിക്കുന്നവര്‍ എന്നിവര്‍ക്കായി പ്രത്യേക പാര്‍ത്ഥന ഉണ്ടായിരിക്കുന്നതാണ്. ജാതി മത സഭാ വ്യത്യാസമില്ലാതെ ഏവര്‍ക്കും സ്വാഗതം.

കൂടുതല്‍ വിവരങ്ങള്‍ക്ക്: 646 664 5905, 347 552 2796, 917 855 2024. 

Read more

യുവത്വത്തിനായി വേറിട്ട പരിപാടികളുമായി എന്‍ എസ് എസ് സംഗമം

ഷിക്കാഗോ:  ഷിക്കാഗോയില്‍  ആഗസ്റ്റ് 10, 11, 12 തീയതികളില്‍ നടക്കുന്ന എന്‍ എസ് എസ് ഓഫ് നോര്‍ത്ത് അമേരിക്കയുടെ ദേശീയ സംഗമം യുവതി യുവാക്കളുടെ വേറിട്ട പരിപാടികള്‍ക്ക് വേദിയാകും. വ്യത്യസ്ഥവും പുതുമയാര്‍ന്നതുമായ പരിപാടികളാണ് യുവത്വത്തിനായി തയ്യാറാക്കിയിരിക്കുന്നത്. യൂത്ത് ചെയര്‍മാന്‍ വരുണ്‍ നായര്‍, കോ ചെയര്‍ രേവതി നായര്‍ എന്നിവര്‍ അറിയിച്ചു കണ്‍വന്‍ഷനെത്തുന്ന 21 വയസ്സില്‍ താഴെയുള്ള കുട്ടികള്‍ ഒന്നിച്ചിരുന്ന് കീര്‍ത്തനം ആലപിക്കുന്ന നാദ ബ്രഹ്മം വേറിട്ട സംഗീത പരിപാടിയാകും. യുവതികള്‍ക്ക് മാത്രമായി മിസ് മഹാലക്ഷമി എന്ന പേരില്‍ ഫാഷന്‍ ഷോ ഉണ്ടാകും. കേരളത്തിലെ പ്രമുഖ വസ്ത്രാലയമായ മഹാലക്ഷ്മി സില്‍ക്ക് പ്രായോജനകരാകുന്ന പരിപാടി വ്യത്യസ്ഥ രീതിയിലാണ് അവതരിപ്പിക്കുക. 

യൂത്തിനുവേണ്ടി ഡോ പ്രദീപ് ചള്ളിയില്‍ പ്രത്യേക പ്രചോദന പ്രഭാഷണം നടത്തും. ഇവര്‍ക്കായി പ്രശ്‌നോത്തരി മത്സരവും ഉണ്ടകാും. പ്രത്യേക നഗരകാഴ്ച, കലാശക്കൊട്ട് ഡി ജെ എന്നിവയും  വരുണ്‍ നായര്‍ ചെയര്‍മാനും, കോ ചെയര്‍ രേവതി നായര്‍ കോ ചെയറുമായുള്ള  യൂത്ത് കമ്മിറ്റിയുടെ മേല്‍നോട്ടത്തിലും നിയന്ത്രണത്തിലും നടക്കും .

അമേരിക്കയിലെ മലയാളി നായര്‍ കുടുബങ്ങളെ ഏകോപിപ്പിക്കുന്നതിനായി 2010 ല്‍ ന്യൂയോര്‍ക്ക് കേന്ദ്രീകരിച്ച് തുടങ്ങിയ  നായര്‍ സര്‍വീസ് സൊസൈറ്റി ഓഫ് നോര്‍ത്ത് അമേരിക്കയുടെ പ്രഥമ കണ്‍വന്‍ഷന്‍് 2012 ല്‍ ഡാളസിലാണ് നടന്നത്. തുടര്‍ന്ന് 2014 ല്‍ വാഷിംഗ്ടണിലും 2016ല്‍ ഹൂസ്റ്റണിലും ദേശീയ കണ്‍വന്‍ഷന്‍ നടന്നു. പ്രസിഡന്റ് എം.എന്‍.സി നായര്‍ , ജനറല്‍ സെക്രട്ടറി അജിത് നായര്‍, ചെയര്‍മാന്‍ ജയന്‍ മുളങ്ങാട്,  കോ ചെയര്‍മാന്‍ സുനില്‍ നായര്‍  എന്നിവരുടെ നേതൃത്വത്തിലാണ് മൂന്നു ദിവസത്തെ കണ്‍വന്‍ഷന്‍ നടക്കുക

Read more

ഡാലസ് കേരള അസോസിയേഷന്‍ ദിലീഷ് പോത്തനു സ്വീകരണം നല്‍കുന്നു

ഡാലസ് : ചലച്ചിത്ര നടനും ഡയറക്ടറുമായ ദിലീഷ് പോത്തനു ഡാലസ് കേരള അസോസിയേഷന്‍ സ്വീകരണം നല്‍കുന്നു. മലയാളം ഫീച്ചര്‍ ഫിലിം നാഷണല്‍ ഫിലിം അവാര്‍ഡ് ജേതാവാണു പോത്തന്‍.

ജൂലൈ 14 ശനിയാഴ്ച വൈകിട്ട്  5നു ഗാര്‍ലന്റിലുള്ള കേരള അസോസിയേഷന്‍ കോണ്‍ഫറന്‍സ് ഹാളിലാണ് സ്വീകരണ സമ്മേളനം നടക്കുന്നത്. സമ്മേളനത്തില്‍ പങ്കെടുക്കുന്നതിന് ഏവരേയും ക്ഷണിക്കുന്നതായി ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക് :

റോയ് കൊടുവത്ത് : 972 569 7165

ഡാനിയേല്‍ കുന്നേല്‍ : 469 274 3456

Read more

ടെക്‌സസ് മെഗാ ചര്‍ച്ച് രക്തദാനത്തിലൂടെ രക്ഷിച്ചത് 4,600 ജീവന്‍

സൗത്ത് ലേക്ക് (ടെക്സസ്) : ടെക്സസ് ഇന്റർ ഡിനോമിനേഷൻ മെഗാ ചർച്ചിന്റെ ആഭിമുഖ്യത്തിൽ ആറാഴ്ച നീണ്ടു നിന്ന രക്തദാന പരിപാടിയിലൂടെ 4,600 പേരുടെ ജീവൻ രക്ഷിക്കാനായെന്ന് ഗേറ്റ് വെ ചർച്ച് പാസ്റ്റർ റോബർട്ട് മോറിസ് അറിയിച്ചു.

ടെക്സസ് സൗത്ത് ലേക്ക് ആസ്ഥാനമായി പ്രവർത്തിക്കുന്ന ഗേറ്റ് വെ ചർച്ച് കാർട്ടർ ബ്ലഡ് കെയറുമായി സഹകരിച്ചാണ് റിക്കാർഡ് രക്തദാനം നടത്താനായതെന്നും പാസ്റ്റർ പറഞ്ഞു.

രക്തദാനമെന്ന ആശയം ചർച്ചിൽ പ്രാവർത്തികമാക്കാൻ തന്നെ പ്രേരിപ്പിച്ചതിനെ കുറിച്ച് പാസ്റ്റർ വ്യക്തമാക്കി. ഏപ്രിൽ മാസം ഭാര്യയുമായി സഞ്ചരിക്കുമ്പോൾ പെട്ടെന്നു ബോധക്ഷയം ഉണ്ടായി. ഉടനെ ഹെലികോപ്റ്ററിൽ ആശുപത്രിയിൽ പ്രവേശിപ്പിച്ചു. പരിശോധനയിൽ  ആന്തരിക രക്ത സ്രാവമാണെന്നും ധാരാളം രക്തം ആവശ്യമാണെന്നും അതിനെ തുടർന്ന് രക്തം ദാനം ചെയ്യുവാൻ അനേകർ മുന്നോട്ടുവന്നുവെന്നും, മിക്കവാറും മരിച്ചുവെന്ന് വിധിയെഴുതിയ എന്നെ ജീവിതത്തിലേക്ക് തിരിച്ചു കൊണ്ടുവന്നതു തക്കസമയത്തു ലഭിച്ച രക്തമായിരുന്നുവെന്നും അദ്ദേഹം പറഞ്ഞു.

ആറാഴ്ച നീണ്ടു നിന്ന രക്തദാനം ചർച്ചിന്റെ ചരിത്രത്തിൽ ആദ്യമാണെന്നും അംഗങ്ങളുടെ പരിപൂർണ്ണ സഹകരണമാണ് ഇങ്ങനെയൊരു റിക്കാർഡ് സൃഷ്ടിക്കാൻ ഇടയാക്കിയതെന്നും തുടർന്നും ഈ മഹത്തായ പ്രവർത്തനം ചർച്ചിന്റെ മറ്റു ക്യാംപസുകളിലേക്കും വ്യാപിപ്പിക്കുമെന്നും പാസ്റ്റർ പറഞ്ഞു.

Read more

പിതാവിന്റെ ഘാതകന്റെ വധശിക്ഷ ഒഴിവാക്കണമെന്നു മകന്‍

സാൻ അന്റോണിയൊ : 2004 ൽ സാൻ അന്റോണിയായിലെ കൺവീനിയൻസ് സ്റ്റോറിൽ കവർച്ച നടത്തുന്നതിനിടെ വെടിയേറ്റു മരിച്ച ഇന്ത്യൻ അമേരിക്കൻ ഹസ്മുഖ് പട്ടേലിന്റെ ഘാതകന്റെ വധ ശിക്ഷ ഒഴിവാക്കണമെന്ന് മകൻ മിതേഷ് പട്ടേൽ ആവശ്യപ്പെട്ടു.

ജൂലൈ 17 ന് നിശ്ചയിക്കപ്പെട്ട വധശിക്ഷ ഒഴിവാക്കണമെന്ന ആവശ്യം ടെക്സസ് കോർട്ട് ഓഫ് ക്രിമിനൽ അപ്പീൽസ് തള്ളിയിരുന്നു.

14 വർഷം മുമ്പ് 21 വയസ്സുള്ള പ്രതിയുടെ അറിവില്ലായ്മയായിരിക്കും ഇങ്ങനെയൊരു കുറ്റകൃത്യത്തിനു പ്രേരിപ്പിച്ചതെന്നും, 14 വർഷത്തെ ജയിൽ ജീവിതം പ്രതി ക്രിസ് യങ്ങിന്റെ ജീവിതം  ആകെ മാറ്റിമറിച്ചിരിക്കുകയാ ണെന്നും ക്രിസിന്റെ വധശിക്ഷ നടപ്പാക്കിയാൽ കുട്ടികൾക്ക് പിതാവും മാതാപിതാക്കൾക്ക് ഒരു മകനും നഷ്ടപ്പെടുന്നതിനു മാത്രമേ ഉപകരിക്കൂ എന്നും പട്ടേൽ പറഞ്ഞു. മരണത്തെ പ്രതീക്ഷിച്ചു ഡെത്ത് റോയിൽ കഴിയുന്ന ക്രിസ് കുട്ടികൾക്ക് നല്ലൊരു പിതാവും ഒഴിവു സമയങ്ങളിൽ നല്ലൊരു പെയിന്ററുമായി മാറി കഴിഞ്ഞിട്ടുണ്ട്.

മിതേഷ് പട്ടേൽ തന്നെ മുൻകൈയ്യെടുത്ത് 23,000 ഒപ്പുകൾ ശേഖരിച്ചു ടെക്സസ് ഗവർണർ ഗ്രോഗ് ഏബട്ടിന്റെ മുമ്പാകെ സമർപ്പിച്ചിട്ടുണ്ട്. വധശിക്ഷക്ക് വിധിക്കപ്പെട്ടവരോട് യാതൊരു അനുകമ്പയും പ്രകടിപ്പിക്കാത്ത ഗവർണർ ക്രിസിന്റെ വധശിക്ഷ ഒഴിവാക്കുമോ എന്ന പ്രതീക്ഷയോടെ കാത്തിരിക്കുകയാണ് മിതേഷും ഘാതകന്റെ കുടുംബാംഗങ്ങളും.

Read more

കലിഫോർണിയയിൽ മലയാളി സോഫ്റ്റ് വെയർ എൻജിനീയർ മുങ്ങി മരിച്ചു

സാൻഫ്രാൻസിസ്കോ : സുഹൃത്തുക്കളോടൊപ്പം ഉല്ലാസയാത്രയ്ക്ക് പോയ സോഫ്റ്റ് വെയർ എൻജിനീയർ മാർക്ക് തോമസ് (ഗൗതം –34) കുളിക്കുന്നതിനിടെ മുങ്ങി മരിച്ചു. സാൻഫ്രാൻസിസ്കോയിൽ നിന്ന് ഏകദേശം 180 മൈൽ അകലെയുള്ള സ്പൈസർ മെഡോ റിസവോയറിൽ നീന്തി കുളിക്കുന്നതിനിടെയാണു മരണം സംഭവിച്ചത്.

ജൂലൈ 6 വെള്ളിയാഴ്ച ഉച്ചയ്ക്കു ശേഷം 3.30 ന് ആണ് സംഭവം നടക്കുന്നത്. പാരാമെഡിക്കൽ ജീവനക്കാർ കിണഞ്ഞ് പരിശ്രമിച്ചിട്ടും ജീവൻ രക്ഷിക്കാനായില്ല. മൃതദേഹം ഓട്ടോപ്സിക്കു ശേഷം ബന്ധുക്കൾക്കു വിട്ടുകൊടുത്തു.

ബാംഗ്ലൂരിൽ സ്ഥിരതാമസമാക്കിയ തിരുവനന്തപുരം എരുത്തിക്കൽ തോമസ് മാർക്കോസിന്റേയും ആറാട്ടുപുഴ കൊല്ലംപറമ്പിൽ പരേതയായ സാറാ തോമസിന്റെയും രണ്ടു മക്കളിൽ ഇളയ മകൻ ആണു ഗൗതം. മൂത്തമകൻ മാത്യൂ തോമസ് കുടുംബ സമേതം നോർത്ത് കാരലൈനായിൽ ആണ്.

പൊതുദർശനം ജൂലൈ 14 ശനിയാഴ്ച ഉച്ചക്ക് 12 മുതൽ 3 വരെ സാൻഫ്രാൻസിസ്ക്കോയിലുള്ള ഗാർഡൻ ചാപ്പൽ ഫ്യൂണറൽ  ഹോമിൽ 885 EL Camino Real, South San Francisco, CA-94080) നടത്തും . സംസ്കാരം തിരുവനന്തപുരം സെന്റ് ജോർജ് ഓർത്തഡോക്സ് കത്തീഡ്രൽ പള്ളി സെമിത്തേരിയിൽ പിന്നീട്.

Read more

ജയിന്‍ തെരേസാ ബാബു ഫൊക്കാന കലാതിലകം

ഫിലഡല്ഫിയ: ഫൊക്കാനയുടെ കലാതിലകം പട്ടം നേടിയജയിന്‍ തെരേസാ ബാബു മിസ് ഫൊക്കാന മല്‍സരത്തില്‍സെക്കന്‍ഡ് റണ്ണര്‍ അപ്പുമായിരുന്നു.

പെണ്‍കുട്ടികള്‍ക്ക് കലാതിലകം എന്നും ആണ്‍കുട്ടികള്‍ക്ക് കലാപ്രതിഭയെന്നും വേറിട്ട്സമ്മാനം നല്കിയില്ല എന്ന പുതുമയും ഈ വര്‍ഷമുണ്ട്. കലാമല്‍സരത്തില്‍ ഏറ്റവും കൂടുതല്‍ മാര്‍ക്ക് നേടുന്ന കുട്ടിക്ക് കിരീടം. ആണുകുട്ടി എങ്കില്‍ കലാപ്രതിഭപട്ടം. പെണ്‍കുട്ടി എങ്കില്‍ കലാതിലകം പട്ടം. ഇത്തവണ ജൂണിയര്‍, സബ് ജൂണിയര്‍ തലങ്ങളിലും പെണ്‍കുട്ടികളാണു ഒന്നാം സ്ഥാനത്തു വന്നത്. ഈ പുതുമ അഭിനന്ദനാര്‍ഹമായി.

ജയിന്‍ തെരേസാ ബാബു ഓര്‍ലാന്റോയിലുള്ള നൃത്യാധ്യാപിക കൂടിയായ നിമ്മി ബാബുവിന്റേയും, ആര്‍ട്ടിസ്റ്റ് ചിയ്യേഴത്ത് ബാബുവിന്റേയും പുത്രിയാണ്. എറണാകുളം സ്വദേശികള്‍.

അരങ്ങേറ്റം കഴിഞ്ഞങ്കിലും ഡോ. സുനില്‍ നെല്ലായിയുടെ കീഴില്‍ ഇപ്പോഴും നൃത്തം പഠിക്കുന്നു. നൃത്താധ്യാപിക കൂടിയായ ജയിന്‍ തെരേസ കോറിയോഗ്രാഫറുമാണ്. സംഗീതവും പഠിച്ചിട്ടുണ്ട്. ഫാഷന്‍- സിനിമാ രംഗങ്ങളില്‍ പ്രവര്‍ത്തിക്കുക ലക്ഷ്യമിടുന്നു.

Read more

പാലാ മീനച്ചില്‍ താലൂക്ക് പിക്‌നിക്കും സമ്മേളനവും ജൂലായ് 21 ന്

ചിക്കാഗോ: പാലാക്കാര്‍ എന്നറിയപ്പെടുന്ന മീനച്ചില്‍ താലൂക്ക് നിവാസികളുടെ 18മത് പാലാ പിക്‌നിക്കും സമ്മേളനവും 2018 ജൂലായ് 21 ശനിയാഴ്ച രാവിലെ 11:00 മുതല്‍ വൈകിട്ട് 6:00 വരെ മോര്‍ട്ടണ്‍ഗ്രോവിലുള്ള ലിന്‍ വുഡ് പാര്‍ക്കില്‍ നടക്കുന്നു .

കഴിഞ്ഞ 18 വര്‍ഷമായി മുടങ്ങാതെ നടക്കുന്ന ഈ കൂട്ടായ്മയിലേക്ക് ജന്മം കൊണ്ടും കര്‍മ്മം കൊണ്ടും പാലാക്കാരയവരും പാലായുടെ ആഭ്യുതകാംഷികളുമായവരെയും ഈ മഹത് കൂട്ടായ്മയിലേക്കു ഭാരവാഹികള്‍ ഷണിക്കുന്നു .

പാലാക്കാരുടെ ഇഷ്ട വിനോധങ്ങളായ വോളിബോള്‍ ,വടംവലി മത്സരങ്ങള്‍ ഈ പിക്‌നിക്കിന്റെ പ്രത്യേകതകളാണ് . കുട്ടികള്‍ക്കും മുതിര്‍ന്നവര്‍ക്കുമായി വിവിധ കലാ കായിക മത്സരങ്ങള്‍ ഈ പിക്ക്‌നിക്കിനോടനുബന്ധിച്ച് ഉണ്ടായിരിക്കുന്നതാണ്.

പാലായുടെ പാരപര്യവും തനിമയും നിലനിര്‍ത്തുന്നതിനും കാത്തു സൂഷിക്കുന്നതിനും നടത്തുന്ന ഈ കൂട്ടായ്മയില്‍ പാലാ തനിമയുള്ള ഭക്ഷണങ്ങളും ശീതള പാനിയങ്ങളും പ്രത്യേകതകളാണെന്നു ഭാരവാഹികള്‍ അറിയിക്കുന്നു.

കൂടുതല്‍ വിവരങ്ങള്‍ക്ക്: റോയി മുളകുന്നം 847 363 0050, പയസ് ഒറ്റപ്ലാക്കല്‍ 312 231 3345, ജോര്‍ജ് കുമ്പുക്കല്‍ 630 281 0335, ആന്റണി വെള്ളൂകുന്നേല്‍ 847 224 5761, സന്തോഷ് നായര്‍ 312 730 5112. റോയ് മുളകുന്നം അറിയിച്ചതാണിത്

Read more

വെസ്റ്റ്‌ചെസ്റ്റര്‍ അമ്പലത്തില്‍ സ്വാമി ഗുരുരത്‌നം ജ്ഞാനതപസിക്കും , സ്വാമി ജനനന്മ ജ്ഞാനതപസിക്കും സ്വീകരണം നല്‍കി.

വെസ്റ്റ്‌ചെസ്റ്റര്‍  അമ്പലത്തില്‍ എത്തിയ സ്വാമി  ഗുരുരത്‌നം ജ്ഞാനതപസിയെയും, സ്വാമി  ജനനന്മ ജ്ഞാനതപസിയെയും ക്ഷേത്രം പ്രസിഡന്റ് പാര്‍ഥസാരഥി പിള്ള, ഗണേഷ് നായര്‍, രാജന്‍ നായര്‍  എന്നിവരുടെ നേതൃത്വത്തില്‍  സ്വീകരണം നല്‍കി. 

ഗുരുരത്‌നം സ്വാമിജിയെ  ചന്ദ്രന്‍ താഴയില്‍,  ജനനന്മ സ്വാമിജിയെ രാധകൃഷ്ണന്‍ പോര്‍ചെസ്റ്ററും പൊന്നാട നല്‍കി ആദരിച്ചു.  ബാബു നായര്‍, ജോഷി നാരായണന്‍ എന്നിവര്‍ പരിപാടികള്‍ക്ക് നേതൃത്വം നല്‍കി.

ആധുനിക യുഗത്തില്‍ താമസിക്കണ മനുഷ്യര്‍ക്ക്  ആന്മവിനെ പൂജിക്കേണ്ടത് ആവശ്യമാണ് എന്ന് സ്വാമി ഗുരുരത്‌നം ജ്ഞാനതപസി അഭിപ്രായപ്പെട്ടു. ആത്മീയത  എന്നത് എല്ലാ മനുഷ്യരും  പരിപാലിക്കേണ്ട ഒന്നാണ്. ആത്മീയത പരിപാലിപ്പിക്കാന്‍  ക്ഷേത്രങ്ങള്‍, ദേവാലയങ്ങള്‍, വേദപഠനശാലകള്‍ തുടങ്ങിയവ  നമ്മെ  സഞ്ജമാക്കുന്നു. അതിലൂടെ ഇന്നത്തെ തലമുറ അനുഭവിക്കുന്ന മാനസിക സമ്മര്‍ദ്ദങ്ങള്‍  മാറ്റി  നല്ല ഒരു തലമുറയെ വാര്‍ത്തെടുക്കാന്‍ നമ്മുക്ക്  സാധിക്കും. ആത്മീയതയിലൂടെ മാത്രമേ അതിനെ നിയന്തിക്കാന്‍ സദ്യമാകൂ.  വരും തലമുറയ്ക്ക് അന്യം നിന്ന് പോകാതിരിക്കാന്‍, സനാധന ധര്‍മ്മം അടുത്ത തലമുറക്ക് കൈ മാറാന്‍ നാം ഓരോരുത്തരും ബാധ്യസ്ഥരാണ്. അങ്ങനെ ആരാധനാലയങ്ങള്‍ എന്നും മനുഷ്യ ജീവിതത്തിന്റെ ഭാഗം തന്നെആക്കി മാറ്റണമെന്നും അദ്ദേഹം അഭിപ്രായപ്പെട്ടു.

 ധര്‍മ്മം അനശ്വരമാണ്.   ധര്‍മ്മമാകുന്ന മാര്‍ഗത്തിലൂടെ മോക്ഷമാകുന്ന ലക്ഷ്യത്തിലേക്കുള്ള ഒരു തീര്‍ത്ത യാത്രയാണ്  ജീവിതം. ജീവിത യാത്ര എന്നൊക്കെ പറയുന്നതിന്റെ അടിസ്ഥാനം അതൊക്കെയാണ്. ധര്‍മത്തിന് കോട്ടം വരാതെയുള്ള ഒരു ജീവിത രീതിക്ക് ആരാധനാലയങ്ങള്‍  നമ്മെ പ്രാപ്തരാക്കുന്നു. എല്ലാ പുഴകളും ഒഴുകി സമുദ്രത്തില്‍ ചെന്ന് ചേരുന്നതുപോലെ എല്ലാ ആരാധനാലയങ്ങള്‍ നമ്മെ  ഈശ്വരനിലേക്കു നയിക്കുന്നു. 

ക്ഷേത്രങ്ങള്‍ ആണ്  സര്‍വധര്‍മ സമഭാവനയുടെ അടിസ്ഥാനം. സത്യം ഏകമാണെന്നും ആ സത്യം തന്നെയാണ് സകല ചാരാചരങ്ങളായിരികുന്നതെന്നും നമ്മെ പഠിപ്പിക്കുന്നത് എന്നും സ്വാമി  ഗുരുരത്‌നം ജ്ഞാനതപസി അഭിപ്രായപ്പെട്ടു.

Read more

കീനിൻറെ പത്താം വാർഷീക ആഘോഷങ്ങളുടെ കിക്ക് ഓഫ് ജൂലൈ 15ന് യോങ്കേഴ്സിൽ

ന്യൂയോർക്ക്: കേരള എഞ്ചിനീയറിംഗ് അസോസിയേഷൻ ഓഫ് നോർത്ത് ഈസ്റ്റ് അമേരിക്കയുടെ (KEAN ) പത്താം വാർഷികാഘോഷങ്ങളുടെ കിക്ക് ഓഫ് പരിപാടി ജൂലൈ 15 നു ശനിയാഴ്ച മന്ത്രി കെ.കെ. ഷൈലജ ടീച്ചർ ഉദ്‌ഘാടനം ചെയ്യും.

 ശനിയാഴ്ച്ച 5.30 PM നു യോങ്കേഴ്സിൽ ഉള്ള മുംബൈ സ്‌പൈസ് റെസ്റ്റോറന്റിൽ നടക്കുന്ന ചടങ്ങിൽ  ആഘോഷങ്ങളുടെ പ്രഥമ ടിക്കറ്റ് മന്ത്രി  ഷൈലജ ടീച്ചർ പത്മശ്രീ ഡോ. സോമസുന്ദരത്തിനു നൽകി കൊണ്ട് ഉദ ഘാടനം നിർവഹിക്കുന്നത്. വനിതാ കമ്മീഷൻ ചെയർ പേഴ്സൺ ഷഹീദ കമൽ, നോർക്ക എക്സിക്യൂട്ടീവ് വൈസ് ചെയർമാൻ കെ. വരദരാജൻ എന്നിവരും പങ്കെടുക്കും.

ഒക്ടോബർ 20നു ന്യൂജേഴ്‌സിയിലെ  എഡിസൺ ഹോട്ടലിൽ വച്ചാണ് നടത്തുന്നത്.. 

നോർത്ത്ഈസ്റ്റിലെ എല്ലാ എഞ്ചിനിയേഴ്‌സീനേയും ഈ മീറ്റിംഗിൽ പങ്കെടുക്കാൻ  ക്ഷണിക്കുന്നതായി ഭാരവാഹികൾ അറിയിച്ചു.അഡ്രസ്:   Mumbai Spices, 1727 Central Park Ave, YONKERS, NY 10710. 

കൂടുതൽ വിവരങ്ങൾക്ക്: Prakash Koshy (914-450-0884), Shaji Kuriakose (845-642-2060), Rajimon Abraham (908-240-3780), Neena Sudhir (732-789-8262), Benny Kurian (201-951-6901), Jaison Alex (914-645-9899), Preetha Nambiar (201-699-2321), Philipose Philip (845-642-2060).

Read more

ബേബി എല്ലോറയുടെ "മരുഭൂമിയിലെ പ്രണയം" നോവല്‍ പ്രകാശനം ചെയ്തു.

സാഹിത്യ പ്രവര്‍ത്തക കോ-ഓപ്പറേറ്റീവ് സൊസൈറ്റി(SPCS) പ്രസിദ്ധീകരിച്ച ശ്രീ.ബേബി എല്ലോറയുടെ ഏറ്റവും പുതിയ നോവല്‍ 'മരുഭൂമിയിലെ പ്രണയം' ന്യൂയോര്‍ക്കില്‍ റോക്ക്‌ലാന്‍ഡ് കൗണ്ടിയിലുള്ള Sitar Palace Restaurant ല്‍ ജൂണ്‍ 30നു നടന്ന നെടങ്ങാടപ്പള്ളി സംഗമം കുടുംബ സമ്മേളനത്തില്‍ വെച്ച് റിട്ട. പ്രൊഫ.ജോര്‍ജ് ജോസഫ് സംഗമത്തിന്റെ 2019 ലെ പ്രസിഡന്റ് റസ്സല്‍ സാമുവലിനു ഒരു കോപ്പി നല്‍കി പ്രകാശനം ചെയ്തു. നെടുങ്ങാപ്പള്ളി സംഗമത്തിന്റെ 2018 പ്രസിഡന്റ് ഫിലിപ്പ് ജോണ്‍(രവി), സെക്രട്ടറി തോമസ് വര്‍ഗീസ്(സണ്ണി), ട്രഷറര്‍ ബാബു പൂപ്പള്ളി, ജോണ്‍ വര്‍ക്കി എന്നിവര്‍ അനുമോദന പ്രസംഗം നടത്തി.

നെടുങ്ങാടപ്പള്ളി നിവാസിയായ ബേബി എല്ലോറയുടെ പുതിയ നോവലാണ് മരുഭൂമിയിലെ പ്രണയം. മരുഭൂമി എന്നത് ഒരവസ്ഥയാണ്. ഒറ്റപ്പെടുന്നവന്റെ അവസ്ഥ. രക്ഷപ്പെടാനാകാതെ, രക്ഷപ്പെടുത്താനാളില്ലാതെ എന്തു ചെയ്യണമെന്നറിയാതെ പെട്ടു പോകുന്ന ഒരവസ്ഥ. ഒരു മാര്‍ഗങ്ങളുമില്ലാതെയാകുമ്പോള്‍ ആ അവസ്ഥയെ സന്തോഷത്തോടെ സ്വീകരിക്കാന്‍, ഇഷ്ടപ്പെടുവാന്‍ തയ്യാറെടുക്കുന്ന ഒരു സ്ത്രീയുടെ കഥ നമ്മളേയും നൊമ്പരപ്പെടുത്തുന്നു എന്ന് ഈ നോവല്‍ വായിക്കുന്ന ആര്‍ക്കും മനസ്സിലാകും.

ബേബി എല്ലോറയുടെ 'തൃപ്പടിദാനം' എന്ന ആദ്യ നോവലിന്റെ കോപ്പിയും  എല്ലാവര്‍ക്കും വിതരണം ചെയ്തു.

Read more

ഫ്രണ്ട്സ് ഓഫ് റാന്നി - ഡിട്രോയിറ്റിന്റെ സ്വീകരണം ഏറ്റു വാങ്ങി രാജു എബ്രഹാം എം.എൽ.എ.

ഡിട്രോയിറ്റ്: പത്തനംതിട്ട ജില്ലയിലെ റാന്നി താലൂക്കിൽ നിന്നും വിവിധ രാജ്യങ്ങളിലായി പ്രവാസ ജീവിതം നയിക്കുന്ന  ലോകമെമ്പാടുമുള്ള റാന്നി മലയാളികളുടെയും അവരുടെ സുഹൃത്തുക്കളുടെയും കൂട്ടായ്മയായ ഫ്രണ്ട്സ് ഓഫ് റാന്നിയുടെ ഡിട്രോയിറ്റ് ചാപ്റ്ററിന്റെ നേതൃത്വത്തിൽ, റാന്നിയുടെ നിയമസഭാ സമാജികനായ രാജു എബ്രഹാം എം.എൽ.എ.യ്ക്ക് സ്വീകരണം നൽകി. 

മിഷിഗണിലെ സ്റ്റെർലിങ്ങ് ഹൈറ്റ്സിലുള്ള നാഷണൽ പാർട്ടി ഹാളിൽ വച്ചാണ് സ്വീകരണ ചടങ്ങുകൾ നടന്നത്. റാന്നിയിൽ നിന്നുള്ള തോമസ് ജോർജിന്റെ (ചാച്ചി) അദ്ധ്യക്ഷതയിൽ കൂടിയ ചടങ്ങിൽ സ്വാഗത പ്രസംഗം നൽകിയത് സുരേഷ് തോമസാണ്. അദ്ദേഹം തന്റെ സ്വാഗത പ്രസംഗത്തിൽ കൂടി വന്നവരെയെല്ലാം സ്വാഗതം ചെയ്യുന്നതിനൊപ്പം, റാന്നിയെ കുറിച്ചുള്ള ഓർമ്മകളും രാജു എബ്രാഹാം എം.എൽ.എ.യെ കുറിച്ചും സംസാരിച്ചു.
അതിനു ശേഷം, മാത്യൂസ് ചെരുവിൽ, തോമസ് ജോർജും (ചാച്ചി) ചേർന്നു രാജു എബ്രാഹാം എം.എൽ.എ.യെ പൊന്നാട അണിയിച്ചു സ്വീകരിച്ചു.

തുടർന്നു രാജു എബ്രഹാം എം.എൽ.എ. ഇപ്പോൾ കേരളത്തിൽ നടന്നു കൊണ്ടിരിക്കുന്ന വികസനങ്ങളെ കുറിച്ചും, അദ്ദേഹത്തിന്റെ മണ്ഡലമായ റാന്നിയെ കുറിച്ചും സംസാരിച്ചു. തുടർന്നു നടന്ന ചോദ്യോത്തരവേളയിൽ, റാന്നിലെ റോഡ് വികസനത്തെ കുറിച്ചും, ശബരിമല എയർപ്പോർട്ട്, റാന്നി ബസ് സ്റ്റാന്റ് വികസനത്തെ കുറിച്ചുള്ള ചർച്ചയും നിർദ്ദേശങ്ങളും നൽകി. 

ജോസ് ചാക്കോ, സുരേന്ദ്രൻ നായർ, വിനോദ് കൊണ്ടൂർ തുടങ്ങിയവർ ആശംസകൾ അർപ്പിച്ചു. വളരെ കുറഞ്ഞ സമയം കൊണ്ട് ഈ പരിപാടികൾ സംഘടിപ്പിച്ച ചാച്ചിയെ കൂടി വന്നവർ അഭിനന്ദിച്ചു. 

ഫോമായുടെ ജോയിന്റ് സെക്രട്ടറിയായി പ്രവർത്തിച്ച വിനോദ് കൊണ്ടൂരിനേയും, നിയുക്ത ജോയിന്റ് ട്രഷറർ ജെയിൻ മാത്യൂസിനെയും , നിയുക്ത ആർ. വി. പി. സുരേന്ദ്രൻ നായരേയും ചടങ്ങിൽ അനുമോദിച്ചു. സ്നേഹ വരുന്നിനു ശേഷം പരിപാടികൾ സമംഗളം പര്യവസാനിച്ചു. 

Read more

ബിജു മാത്യു കോപ്പേല്‍ സിറ്റി കൗണ്‍സിലറായി സത്യപ്രതിജ്ഞ ചെയ്തു

കൊപ്പേല്‍ (ടെക്‌സസ്): ടെക്‌സസിലെ കൊപ്പേല്‍ സിറ്റി കൗണ്‍സില്‍ മെമ്പറായി ബിജു മാത്യു സത്യപ്രതിജ്ഞ ചെയ്ത് അധികാരമേറ്റു.ജൂലായ് 10 തിങ്കളാഴ്ച വൈകിട്ട് സിറ്റി ഹാളില്‍ നടന്ന ചടങ്ങില്‍ ജഡ്ജ് ലാന്‍ഡ് വര്‍ സത്യപ്രതിജ്ഞ ചൊല്ലി കൊടുത്തു. കൊപ്പേല്‍ സിറ്റിയില്‍ ആദ്യമായാണ് ഒരു മലയാളി സിറ്റി കൗണ്‍സിലില്‍ അംഗമായി എത്തുന്നത്.

ബോസ്റ്റണിലും ടെക്‌സസിലും ഡാലസിലും രണ്ടര ദശാബ്ദക്കാലം രാഷ്ട്രീയ പ്രവര്‍ത്തനവുമായി രംഗത്തുണ്ടായിരുന്നുവെങ്കിലും ആദ്യമായാണ് തിരഞ്ഞെടുപ്പില്‍ മത്സരിച്ച് വിജയിക്കുന്നത്. ഐടി മേഖലയില്‍ പ്രവര്‍ത്തിക്കുന്ന ബിജു, കൊപ്പേല്‍ റോട്ടറി ക്ലബിലും അംഗമാണ്. പൊതുപ്രവര്‍ത്തനം മഹനീയ ആശയങ്ങളുടെ ഉത്തരവാദിത്വം ഏറ്റെടുക്കലാണെന്ന് വിശ്വസിക്കുന്ന ബിജുവിന്റെ വിജയം തികച്ചും അര്‍ഹതപ്പെട്ടതാണ്.

ബിജുവിന്റെ സത്യ പ്രതിജ്ഞാ ചടങ്ങില്‍ ക്യാപയിന്‍ മാനേജര്‍ സുഭാഷ് പനവേലില്‍, റവ. ബ്ലെസിന്‍ കെ. മോന്‍, ചാക്കോ ജോണ്‍സന്‍, ബാബു സി. മാത്യു, ഈശോ മാളിയേക്കല്‍, ജൊ ഇട്ടി, എബി ജോര്‍ജ്, പി. വി. ജോണ്‍, ആന്‍ഡ്രൂസ് അഞ്ചേരി, റേച്ചല്‍ ഡാനിയേല്‍, സുജ മാത്യു, ഏബ്രഹാം മാത്യു, അന്നമ്മ ജോണ്‍സന്‍, ജസ്റ്റിസ് ബില്‍ വൈറ്റ് ഹില്‍, ഗാരി ടണല്‍, രാജു മാത്യു, ഡെയ്‌സി മാത്യു, ജുഡിഷ് മാത്യു, ജിഷി ജേക്കബ്, മാത്യു ഇട്ടൂപ്പ്, റാള്‍ഫ് റാഡോള്‍ഡ് തുടങ്ങിയവര്‍ പങ്കെടുത്തു.

Read more

ന്യൂജേഴ്‌സിയില്‍ സന്ദര്‍ശനത്തിനെത്തി; മടങ്ങിയത് ഒരു മില്യന്‍ ഡോളറുമായി

ന്യൂജഴ്‌സി: പ്രദീപ് കുമാര്‍ ന്യൂജഴ്‌സിയില്‍ സന്ദര്‍ശനത്തിനെത്തിയത് കുടുംബാംഗങ്ങളെ കണ്ടു സൗഹൃദം പുതുക്കുന്നതിനാണ്. ഒരു മില്യന്‍ ഡോളറിന്റെ ലോട്ടറി അടിക്കുമെന്നു സ്വപ്നത്തില്‍ പോലും കരുതിയിരുന്നില്ല.ബെര്‍ഗന്‍കൗണ്ടി ബെര്‍ഗന്‍ഫീല്‍ഡ് വാഷിങ്ടന്‍ അവന്യുവിലുള്ള സെവന്‍ ഇലവനില്‍ സാധനങ്ങള്‍ വാങ്ങുവാന്‍ കയറിയപ്പോള്‍ ഒരു ലോട്ടറി ടിക്കറ്റ് എടുത്തു.

സെവന്‍ ഇലവന്‍ കടയുടമ പ്രദീപ് കുമാറിന്റെ മുന്നില്‍ വച്ചു തന്നെ ടിക്കറ്റ് നമ്പര്‍ ഉരച്ചു നോക്കി. ഈ ദിവസത്തെ ഭാഗ്യവാന്‍ ആരാണെന്ന് കണ്ടെത്തുന്നതിന്റെ ഭാഗമായാണ് ടിക്കറ്റ് പരിശോധിച്ചത്. നമ്പറിനു മുകളില്‍ പൊതിഞ്ഞിരുന്നതു തുടച്ചു മാറ്റിയപ്പോള്‍ തെളിഞ്ഞു വന്നത് 100000 മില്യന്‍ ഡോളറിന്റെ സമ്മാനം.

ജാക്ക്‌പോട്ട് പ്രൈസ് കിട്ടിയതറിഞ്ഞു കുമാറിനു തന്റെ സന്തോഷം അടക്കാനായില്ല.സമ്മാന ടിക്കറ്റുമായി ട്രെന്റനിലുള്ള ലോട്ടറി ആസ്ഥാനത്തെത്തി സമ്മാന നമ്പര്‍ പരിശോധിച്ചു ഉറപ്പു വരുത്തി. പണം ലഭിക്കുന്നതിനാവശ്യമായ രേഖകള്‍ പൂര്‍ത്തിയാക്കുന്നതിനു ചില ദിവസങ്ങള്‍ കൂടി വേണം എന്തായാലും സമ്മാന തുക ഉപയോഗിച്ചു ഒരു പുതിയ വീടുവാങ്ങണമെന്നാണ് കുമാര്‍ ആഗ്രഹിക്കുന്നത്. 

Read more

കാനഡയിലെ ക്യൂബെക് പ്രോവിന്‍സില്‍ മാത്രം 70 പേര്‍ സൂര്യതാപമേറ്റു മരിച്ചു

ക്യുബെക്ക് (കാനഡ): കാനഡയിലെ ക്യുബെക്ക് പ്രവിന്‍സില്‍ ജൂലൈ ആദ്യവാരം സൂര്യതാപമേറ്റ് 70 പേര്‍ മരിച്ചതായി കനേഡിയന്‍ ആരോഗ്യ വകുപ്പ് ഉദ്യോഗസ്ഥര്‍ വെളിപ്പെടുത്തി. മോണ്‍ട്രിയാല്‍ സിറ്റിയില്‍ മാത്രം 34 പേര്‍ മരണമടഞ്ഞതായി കാനഡ ആരോഗ്യവകുപ്പു മന്ത്രാലയം പുറത്തുവിട്ട റിപ്പോര്‍ട്ടില്‍ പറയുന്നു.

മോണ്‍ട്രിയായിലെ ഫ്യുണറല്‍ ഹോമുകളില്‍ മരിച്ചവരുടെ മൃതദേഹങ്ങള്‍ സൂക്ഷിക്കുവാന്‍ സ്ഥലമില്ലാത്തതിനാല്‍ സ്റ്റോറേജുകളിലേക്ക് മാറ്റുകയാണ്.അറുപത് വയസ്സിന് മുകളിലുള്ളവരും കഠിന രോഗങ്ങള്‍ക്ക് അടിമപ്പെട്ടവരുമാണ് മരിച്ചവരില്‍ ഭൂരിഭാഗവും.

ശീതികരണ സംവിധാനങ്ങള്‍ ഇല്ലാത്തതും മരണസംഖ്യ വര്‍ധിക്കുന്നതിനിടയാക്കിയിട്ടുണ്ടെന്ന് സിറ്റി പബ്ലിക്ക് ഹെല്‍ത്ത് ഓഫിസ് അറിയിച്ചു.മുന്‍പ് ശക്തമായ ചൂടില്‍ മോണ്‍ഡ്രിയാലില്‍ 2010 ല്‍ നൂറു പേരാണു മരിച്ചത്. ശൈത്യ മേഖലയെന്ന് അറിയപ്പെടുന്ന കാനഡയില്‍ പോലും സൂര്യ താപമേറ്റു മരിക്കുന്നുവെന്നത് ആഗോള താപവല്‍ക്കരണത്തിന്റെ ഭാഗമായാണെന്നു കരുതപ്പെടുന്നു.

ജൂലൈ ആദ്യവാരം അവസാനിച്ചതോടെ ചൂടിന് അല്‍പം ശമനം ലഭിച്ചിട്ടുണ്ട്. ഇപ്പോള്‍ 82 ഡിഗ്രി വരെ താപനില കുറഞ്ഞിട്ടുണ്ട്. ശക്തമായ ചൂടില്‍ പുറത്തിറങ്ങി നടക്കുന്നവര്‍ക്ക് മുന്നറിയിപ്പ് നല്‍കിയിട്ടുണ്ട്. വീടുകളിലുള്ള എയര്‍കണ്ടീഷനിങ് സംവിധാനം പരിശോധിച്ചു പ്രവര്‍ത്തിക്കുന്നുണ്ടെന്ന് ഉറപ്പു വരുത്തണമെന്നും അധികൃതര്‍ അഭ്യര്‍ഥിച്ചിട്ടുണ്ട്.

Read more

റിച്ചാര്‍ഡ് വര്‍മ്മയ്ക്ക് ഹാര്‍വാര്‍ഡ് യൂണിവേഴ്‌സിറ്റിയുടെ ഫെല്ലോഷിപ്പ്

വാഷിംഗ്ടണ്‍: ഒബാമയുടെ കാലഘട്ടത്തില്‍ അമേരിക്കയുടെ ഇന്ത്യന്‍ അംബാസിഡറായി രണ്ടു വര്‍ഷം(20152017) സേവനമനുഷ്ഠിച്ച ഇന്ത്യന്‍ അമേരിക്കന്‍ റിച്ചാര്‍ഡ് വര്‍മയെ ഹാര്‍വാര്‍ഡ് യൂണിവേഴ്‌സിറ്റി ഫെല്ലോഷിപ്പ് നല്‍കി ആദരിച്ചു. ജൂലായ് 3ന് പുറത്തിറക്കിയ യൂണിവേഴ്‌സിറ്റി പത്രകുറിപ്പിലാണ് ഈ വിവരം വെളിപ്പെടുത്തിയിരിക്കുന്നത്.

ഹാര്‍വാര്‍ഡ് ജോണ്‍ എഫ് കെന്നഡി സ്കക്ൂള്‍ ഗവണ്‍മെന്റില്‍ ഡിപ്ലോമസി ഡവലപ്‌മെന്റ് ഇന്‍ ഏഷ്യ, യു.എസ്. നാഷ്ണല്‍ സെക്യൂരിറ്റി പോളിസി തുടങ്ങിയ വിഷയങ്ങളെകുറിച്ച് വിദ്യാര്‍ത്ഥികള്‍ക്ക് പഠന ക്ലാസ് നടത്തിയതിന്റെ അംഗീകാരം കൂടിയാണിത്.ഹാര്‍വാര്‍ഡ് യൂണിവേഴ്‌സിറ്റി ഫെല്ലോഷിപ്പ് ലഭിച്ചതില്‍ തികച്ചും സംതൃപ്തനാണെന്നും, പ്രത്യേകം നന്ദി രേഖപ്പെടുത്തുന്നുവെന്നും റിച്ചാര്‍ഡ് വര്‍മ പ്രതികരിച്ചു.

പെന്‍സില്‍വാനിയ ജോണ്‍സ് ടൗണില്‍ താമസിക്കുന്ന വര്‍മ യു.എസ്. എയര്‍ഫോഴ്‌സില്‍ ക്യാപ്റ്റനായും സ്റ്റേറ്റ് ലജിസ്ലേറ്റീവ് അഫയേഴ്‌സ് അസിസ്റ്റന്റ് സെക്രട്ടറിയായും പ്രവര്‍ത്തിച്ചിട്ടുണ്ട്. ഇന്ത്യയും അമരിക്കയുമായി നല്ല സുഹൃദ്ബന്ധം സ്ഥാപിക്കുന്നതിനും, ഡിഫന്‍സ്, എനര്‍ജി, സയന്‍സ് തുടങ്ങിയ രംഗങ്ങളില്‍ പരസ്പരം വിവരങ്ങള്‍ കൈമാറുന്നതിനും റിച്ചാര്‍ഡ് വര്‍മ്മയുടെ കാലഘട്ടത്തില്‍ കഴിഞ്ഞു എന്നുള്ളത് വലിയ നേട്ടമാണ്.

കമല്‍വര്‍മയുടേയും, സാവിത്രി വര്‍മ്മയുടേയും മകനായി 1968 നവംബര്‍ 27ന് എഡ്മണ്ട്(കാനഡ) യിലായിരുന്നു വര്‍മയുടെ ജനനം. ജോര്‍ജ് ടൗണ്‍ യൂണിവേഴ്‌സിറ്റിയില്‍ നിന്നും നിയമബിരുദം കരസ്ഥമാക്കി. ഇപ്പോള്‍ ഏഷ്യ ഗ്രൂപ്പിന്റെ വൈസ് ചെയര്‍മാനായി പ്രവര്‍ത്തിക്കുന്നു.

Read more

ഇന്റര്‍നാഷണല്‍ എഡ്യൂക്കേഷന്‍ ഫൗണ്ടേഷന്‍ 2018 വാര്‍ഷിക ഗ്രാഡ്വേഷന്‍ ചടങ്ങില്‍ വിദ്യാര്‍ത്ഥികളെ ആദരിച്ചു

ചിക്കാഗോ: ജൂണ്‍ ഒമ്പതാം തീയതി ഇന്റര്‍നാഷണല്‍ എഡ്യൂക്കേഷന്‍ ഫൗണ്ടേഷന്‍ ഗ്രാഡ്വേറ്റ് ചെയ്ത വിദ്യാര്‍ത്ഥികളെ ആദരിക്കുന്ന ചടങ്ങ് നടത്തി. ഈവര്‍ഷം വളരെ മികച്ച വിജയത്തോടെ ഹൈസ്കൂളില്‍ നിന്നും കോളജില്‍ നിന്നും ഗ്രാഡ്വേറ്റ് ചെയ്ത 17 കുട്ടികളെ ഐ.ഇ.എഫ് ആദരിച്ചു. ചടങ്ങില്‍ മുഖ്യാതിഥിയായി പെന്‍സില്‍വേനിയ അഞ്ചാം ഡിസ്ട്രിക്ട് സെനറ്റര്‍ ജോണ്‍ പി. സബാറ്റിന ജൂണിയര്‍ വിദ്യാര്‍ത്ഥികള്‍ക്ക് അവാര്‍ഡുകള്‍ നല്കി.

ഇതുകൂടാതെ വളരെ പ്രശംസനീയമായ സെനറ്ററുടെ ഗുഡ് സിറ്റിസണ്‍ അവാര്‍ഡ് അദ്ദേഹം അഖില ബെന്നി, എലിസബത്ത് പ്രസാദ്, സാമുവേല്‍ മാത്യു, സിമി ജോസഫ് എന്നീ വിദ്യാര്‍ത്ഥികള്‍ക്ക് നല്‍കി. അതൊടൊപ്പം സ്‌കോളര്‍ഷിപ്പുകള്‍, കമ്യൂണിറ്റി സര്‍വീസ് അവാര്‍ഡുകള്‍ എന്നിവ മികവ് കാട്ടിയ അഞ്ച് വിദ്യാര്‍ത്ഥികള്‍ക്ക് ഐ.ഇ.എഫ് അഡ്മിനിസ്‌ട്രേറ്റര്‍മാര്‍ നല്‍കി. 14 വിദ്യാര്‍ത്ഥികള്‍ ഹൈസ്കൂളില്‍ നിന്നും ഗ്രാഡ്വേറ്റ് ചെയ്തു. ഒരു വിദ്യാര്‍ത്ഥി ബിരുദ പഠനം പൂര്‍ത്തീകരിച്ചു. രണ്ട് വിദ്യാര്‍ത്ഥികള്‍ ബിരുദാനന്തര ബിരുദം പൂര്‍ത്തീകരിച്ചു.

നിലവിലുള്ള വിദ്യാര്‍ത്ഥി അംഗങ്ങളെ കൂടാതെ പൂര്‍വ്വ വിദ്യാര്‍ത്ഥികള്‍, രക്ഷകര്‍ത്താക്കള്‍ തുടങ്ങിയവര്‍ പങ്കെടുത്ത ഈ പരിപാടി ആവിഷ്കരിച്ചത് പ്രോഗ്രാം കോര്‍ഡിനേറ്റേഴ്‌സായ ആന്‍ ഇടിച്ചാണ്ടി,. ഗ്രേയ്‌സണ്‍ കളത്തില്‍, മോണിക്ക ജസ്റ്റീന്‍, സോണ മാത്യു, പുന്നൂസ് ചെറിയാന്‍ തുടങ്ങിയ സീനിയര്‍ വിദ്യാര്‍ത്ഥികളായിരുന്നു. സെനറ്റര്‍ സബാറ്റിനയുടെ സാന്നിധ്യവും, സഹകരണവും എല്ലാ ഐ.ഇ.എഫ് അംഗങ്ങള്‍ക്കും പ്രചോദനമായി പരിപാടി സമാപിച്ചു. 

Read more

അന്നമ്മ ജോൺ ഫ്ലോറിഡയിൽ നിര്യാതയായി

ഫ്ലോറിഡ: പാസ്റ്റർ ജോൺ സി കോശിയുടെ ഭാര്യ അന്നമ്മ ജോൺ (അമ്മിണി-80) കർതൃസന്നിധിയിൽ  ചേർക്കപ്പെട്ടു. പുന്തല താഴപ്പള്ളിൽ കുടുംബാംഗമാണ്.സംസ്കാര ശുശ്രുഷ  ജൂലൈ 12 ന് ഐ.പി.സി ലേക്ക്ലാന്റിൽ നടക്കും.  മക്കൾ. ജോസ്, ജെസ്സി, മോൻസി, ഷാജി, റെജി. മരുമക്കൾ. ഡെയ്സി, അനിയച്ചൻ,  ലിസി, സൊഫീയ.                                        

Read more

പി.വൈ.പി.എ വി ബി എസ് 16 മുതൽ

ന്യൂയോർക്ക്: ഇന്ത്യാ പെന്തക്കോസ്ത് ദൈവസഭയുടെ യുവജന സംഘടനയായ പി.വൈ.പി.എ നോർത്തമേരിക്കൻ ഈസ്റ്റേൺ റീജിയന്റെ ആഭിമുഖ്യത്തിൽ വെക്കേഷണൽ ബൈബിൾ സ്കൂൾ ജൂലൈ 16 മുതൽ 18 വരെ ന്യൂജേഴ്സി ഹാക്കൻസാക്കിലുള്ള ഐ.സി.എ ചർച്ചിലും 25 മുതൽ 27 വരെ ന്യൂയോർക്ക്  ലെവിട്ടൺ ഇന്ത്യാ ക്രിസ്ത്യൻ അസംബ്ലി സഭാഹാളിലും വെച്ച് നടത്തപ്പെടും. 4 വയസ് മുതൽ 13 വയസുവരെയുള്ള കുട്ടികൾക്ക് 'ഷിപ്പ് റെക്സ് " വി.ബി.എസിൽ പങ്കെടുക്കാം. വിദ്യാർത്ഥികൾക്കായി പ്രത്യേക ബൈബിൾ ക്ലാസും തയ്യാറാക്കിയിട്ടുണ്ടെന്ന് പ്രസിഡന്റ് ഡോ. റോജൻ സാം അറിയിച്ചു.

കൂടുതൽ വിവരങ്ങൾക്ക്   718 288 1485

Read more

ഒമ്പതു മണിക്കൂര്‍ മണ്ണിനടിയില്‍ കിടന്ന കുഞ്ഞിന് പുനര്‍ജന്മം

മൊണ്ടാന: മൊണ്ടാന ലൊലൊ ഹോട്ട് സ്പ്രിംഗ്സിൽ ഒൻപതു മണിക്കൂറുകളോളം മണ്ണു മൂടി കിടന്നിരുന്ന അഞ്ചു മാസം  പ്രായമായ കുഞ്ഞിനെ അത്ഭുതകരമായി രക്ഷപ്പെടുത്തി.ജൂലൈ 7 ശനിയാഴ്ച വൈകിട്ടായിരുന്നു സംഭവം.  ആരോ ഒരാൾ മദ്യപിച്ചു ബഹളമുണ്ടാക്കുന്നു എന്ന സന്ദേശം ലഭിച്ചതിനെ തുടർന്നാണ് പൊലീസ് ഇവിടെ എത്തിച്ചർന്നത്. പൊലീസിനെ കണ്ട് ഇയാൾ അവിടെ നിന്നും സ്ഥലം വിട്ടു.

ഫ്രാൻസിസ് കാർട്ടൺ ക്രോലി (32) യുടെ കസ്റ്റഡിയിലുണ്ടായിരുന്ന കുഞ്ഞിനെ ഇതിനകം കാണാതായതായി പൊലീസിനു വിവരം ലഭിച്ചു. ഫ്രാൻസിസ് ആയിരുന്നു ബഹളം വച്ചതെന്നു തിരിച്ചറിഞ്ഞതോടെ കുട്ടിക്കുവേണ്ടി തിരച്ചിൽ ആരംഭിച്ചു. ഇയാളെ പിടികൂടി ചോദ്യം ചെയ്തപ്പോഴാണ് കുഞ്ഞിനെ അവിടെ എവിടെയോ കുഴിച്ചിട്ടിട്ടുണ്ടെന്നു മനസ്സിലായി. 

ആറു മണിക്കൂർ നീണ്ടു നിന്ന തിരച്ചിലിനിടയിൽ കുഞ്ഞിന്റെ നിലവിളി കേട്ട ഭാഗത്തേക്ക് പൊലീസ് എത്തി. മുഖം മണ്ണിലമർന്ന് മരച്ചില്ലകളും മറ്റും കൊണ്ടു മൂടി കിടന്നിരുന്ന കുഞ്ഞിനെ ഉടനെ തന്നെ ആശുപത്രിയിലേക്ക് മാറ്റി. കുഞ്ഞ് ആരോഗ്യമായി കഴിയുന്നുവെന്നും,  പ്രാഥമിക ചികിത്സയ്ക്കുശേഷം ചൈൽഡ് ആന്റ് ഫാമിലി സർവ്വീസിനു കുഞ്ഞിനെ വിട്ടു കൊടുത്തതായും പൊലീസ് അറിയിച്ചു. അറസ്റ്റു ചെയ്ത ഫ്രാൻസിസിനെ 50,000 ഡോളറിന്റെ ജാമ്യം അനുവദിച്ചിട്ടുണ്ട്.

Read more

ഇന്ത്യന്‍ അമേരിക്കന്‍ റിപ്പോര്‍ട്ടര്‍മാരായ സന്ധ്യക്കും അശ്വിനും 2018 ജേര്‍ണലിസം അവാര്‍ഡ്

ഷിക്കാഗോ: ഇന്ത്യൻ അമേരിക്കൻ ജേർണലിസ്റ്റുകളായ സന്ധ്യ കമ്പംപാട്ടി, അശ്വിൻ ശേഷാഗിരി എന്നിവർക്ക് 2018 ലെ ജെറാൾഡ് ലൂപ്പ് അവാർഡ് നൽകി ആദരിച്ചു. ന്യുയോർക്ക് ടൈംസിലെ ഡപ്യൂട്ടി എഡിറ്റർ അശ്വിനും പ്രൊ പബ്ലിക്ക് ഇല്ലിനോയ്സ് ഡാറ്റാ റിപ്പോർട്ടർ സന്ധ്യക്കുമാണ് മാധ്യമ രംഗത്തെ ഉയർന്ന ബഹുമതി ലഭിച്ചത്.

ബിസിനസ്, ഫിനാ‍ൻസ്, ഇക്കണോമി തുടങ്ങിയ വിഷയങ്ങളെ കുറിച്ചു പഠിച്ചു റിപ്പോർട്ടുകൾ സമർപ്പിച്ച ഇരുവർക്കും ജൂൺ 24 ന് ന്യൂയോർക്ക് കേപിറ്റെയ് ലിൽ നടന്ന ബാഗ്വറ്റിലാണ് അവാർഡുകൾ സമ്മാനിച്ചത്. അശ്വിൻ യുസി ബർക്കിലിയിൽ നിന്നുള്ള ജേർണലിസ്റ്റ് ഗ്രാജ്യുവേറ്റാണ്. സന്ധ്യ ഒഹായൊ യൂണിവേഴ്സിറ്റി ഇ ഡബ്ല്യു സ്ക്രിപ്സ് ജേർണലിസം സ്കൂളിൽ നിന്നാണ് ബിരുദം നേടിയത്.

രണ്ടു തലങ്ങളായി നടന്ന മത്സരത്തിൽ ലഭിച്ച 470 എൻട്രികളിൽ നിന്നാണ് അവാർഡ് ജേതാക്കളെ തിരഞ്ഞെടുത്തത്. 1957 ൽ ജെറാൾഡ് ലൂപ്പാണ് ബിസിനസ് ജേർണലിസത്തിനുവേണ്ടി പ്രത്യേക അവാർഡ് ഏർപ്പെടുത്തിയത്.

Read more

അമേരിക്കൻ വ്യവസായ പ്രമുഖർ കേരള മുഖ്യമന്ത്രി പിണറായി വിജയനുമായി ചർച്ച നടത്തി

ഫിലഡൽഫിയ : അമേരിക്കൻ പ്രവാസി മലയാളികളും അമേരിക്കൻ വ്യവസായ പ്രമുഖരുമായി കേരള മുഖ്യമന്ത്രി പിണറായി വിജയൻ കേരളത്തിൽ നടപ്പാക്കാൻ ഉദ്ദേശിക്കുന്ന വിവിധ പദ്ധതികളെ കുറിച്ചു വിശദമായി ചർച്ച നടത്തി. കേരള ടൂറിസം വകുപ്പു മന്ത്രി കടകംപിള്ളി സുരേന്ദ്രനും ചർച്ചയിൽ പങ്കെടുത്തു. ഫിലഡൽഫിയയിൽ നടന്ന ഫൊക്കാന സമ്മേളനത്തിൽ പങ്കെടുക്കാൻ എത്തിയതായിരുന്നു മുഖ്യമന്ത്രി.

വേസ്റ്റ് മാനേജ്മെന്റ് (മാലിന്യ നിർമാർജന പദ്ധതി) എക്കോ ടൂറിസം എന്നിവയായിരുന്നു പ്രധാന ചർച്ചാ വിഷയം.

പോൾ ഇ. മാത്യൂ, പോൾ പി. പറമ്പി, മൈക്കിൾ ബ്രമ്മർ, റബേക്ക പാർകിൻസ്, കാതലിൻ മിസ്ട്രി, ഡോ. കൃഷ്ണ ബനോഡ, ഡോ. അനിരുദ്ധൻ, റജി ലൂക്കോസ്, പോൾ കറുകപിള്ളിൽ, റജി ജേക്കബ് കാരക്കൽ തുടങ്ങിയവർ ചർച്ചയിൽ സജീവമായി പങ്കെടുത്തു. ചർച്ചയിൽ ഉരുത്തിരിഞ്ഞു വന്ന നിർദ്ദേശങ്ങൾ അനുഭാവപൂർവ്വം പരിഗണിക്കാമെന്നും ഈ പദ്ധതികൾ വിജയിക്കണമെങ്കിൽ എല്ലാവരുടേയും സഹായ സഹകരണങ്ങൾ ആവശ്യമാണെന്നും മുഖ്യമന്ത്രി പറഞ്ഞു.

മുഖ്യമന്ത്രിയുമായി നടത്തിയ ചർച്ചയിൽ പൂർണ്ണ സംതൃപ്തിയുണ്ടെന്ന് പോൾ ഇ. മാത്യുവും, പോൾ പി. പറമ്പിലും പറഞ്ഞു.

Read more

മൂന്നു കുട്ടികളേയും ഭാര്യയേയും കൊലപ്പെടുത്തി പിതാവ് ആത്മഹത്യ ചെയ്തു

ഡെലവയർ : ഡെലവയർ പ്രിൻസസ് കോർണറിലുള്ള വീട്ടിൽ അഞ്ചു പേർ വെടിയേറ്റു മരിച്ച നിലയിൽ കണ്ടെത്തിയതായി പൊലീസ് അറിയിച്ചു.മാത്യു എഡ്‍വേർഡ് (42) ഭാര്യ ജൂലി (41) ആറും നാലും മൂന്നും വയസ്സുള്ള രണ്ട് ആൺകുട്ടികളും ഒരു പെൺകുട്ടിയുമാണു കൊല്ലപ്പെട്ടത്.

പിതാവ് മാത്യു എഡ്‍വേർഡ് നാലു  പേരേയും വെടിവച്ചു കൊലപ്പെടുത്തിയ ശേഷം സ്വയം വെടിയുതിർത്തു മരിക്കുകയായിരുന്നുവെന്നും പൊലീസ് പറഞ്ഞു.

ജൂലൈ 9 തിങ്കളാഴ്ച വീട്ടിൽ നിന്നും ലഭിച്ച ഫോൺ സന്ദേശത്തെ തുടർന്ന് എത്തിച്ചേർന്നു പൊലീസ് വീടിന്റെ മുകൾ നിലയിലാണ് അഞ്ചു പേരും വെടിയേറ്റു മരിച്ചു കിടക്കുന്നതായി കണ്ടെത്തിയത്. മൃതദേഹങ്ങൾ തുടർന്ന് ആശുപത്രിയിലേക്ക്  മാറ്റി. വിവാഹബന്ധത്തിലുണ്ടായ പ്രശ്നങ്ങളും ജോലി നഷ്ടപ്പെട്ടതുമാണു മാത്യുവിനെ ഈ കൃത്യത്തിനു പ്രേരിപ്പിച്ചതെന്നു പറയപ്പെടുന്നു.

മാതാപിതാക്കളും കുട്ടികളുമായും നല്ല ബന്ധമാണുണ്ടായിരുന്നതെന്നും മക്കളെ വളരെയധികം സ്നേഹിക്കുന്ന മാതാവായിരുന്നു ജൂലിയെന്നും പേർ വെളിപ്പെടുത്താനാകാത്ത അയൽവാസി പറഞ്ഞു. ഡലവയർ ഡിവിഷൻ ഓഫ് ഫോറൻസിക് സയൻസ് നടത്തിയ ഓട്ടോപ്സിയിൽ മരണം കൊലപാതകവും ആത്മഹത്യയുമാണെന്ന് സ്ഥിരീകരിച്ചു.

Read more

എം.എം.ജേക്കബ് ഇന്ത്യയെ അറിഞ്ഞ നേതാവ്; ഐഎൻഓസി ടെക്സാസ് ചാപ്റ്റർ

ഹൂസ്റ്റൺ: മികച്ച പാർലമെന്റേറിയനും മുൻ കേന്ദ്ര സഹമന്ത്രിയും 1995 മുതൽ 2007  വരെ മേഘാലയ ഗവർണറുമായിരുന്ന അന്തരിച്ച മുതിർന്ന കോൺഗ്രസ് നേതാവ് എം.എം. ജേക്കബിനെ ഇന്ത്യൻ ഓവർസീസ് കോൺഗ്രസ് ടെക്സാസ് ചാപ്റ്റർ അനുസ്മരിച്ചു.

ജൂലൈ 8 നു ഞായറാഴ്ച വൈകുന്നേരം 5:30 നു സ്റ്റാഫോർഡിലുള്ള സൗത്ത് ഇന്ത്യൻ ചേംബർ ഓഫ് കോമേഴ്‌സ് ഹാളിൽ നടന്ന അനുസ്മരണ യോഗത്തിൽ 
ചാപ്റ്റർ ജോയിന്റ് സെക്രട്ടറി ജീമോൻ റാന്നി അദ്ധ്യക്ഷത വഹിച്ചു.

ഹൂസ്റ്റണിൽ ഹൃസ്വ സന്ദര്ശനത്തിനു എത്തിച്ചേർന്ന പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോൺഗ്രസ് നേതാവുമായ ജോർജ് മാമൻ കൊണ്ടൂർ മുഖ്യ അനുസ്മരണ പ്രസംഗം നടത്തി.

ജേക്കബ്‌ സാറിന്റെ വാത്സല്യ ശിഷ്യരിലൊരാൾ കൂടിയായ കൊണ്ടൂർ 'എന്റെ ജീവിതത്തിൽ നികത്താൻ പറ്റാത്ത നഷ്ടം, എന്റെ രാഷ്ട്രീയ ഗുരു എന്ന് പറയുന്നതിൽ അഭിമാനം, ആരുടേയും മുമ്പിൽ അടിയറവു വയ്ക്കാത്ത വ്യക്തിത്വം, രാഷ്ട്രീയജീവിതത്തിൽ മാത്രമല്ല വ്യക്തി ജീവിതത്തിലും ഏറെ സ്വാധീനിച്ച എന്റെ ഗുരു, പറഞ്ഞു തന്ന വാക്കുകൾ മാത്രം മതി മുമ്പോട്ടുള്ള ജീവിതത്തിനു...ആ സ്മരണകൾക്കു മുമ്പിൽ ആദരാഞ്ജലികൾ അർപിക്കുന്നു' എന്ന്    
അനുസ്മരണ സന്ദേശത്തിൽ ചൂണ്ടിക്കാട്ടി.

വിദ്യാർത്ഥിയായിരിക്കുമ്പോഴേ സ്വാതന്ത്ര്യസമര പോരാട്ടങ്ങളിൽ പങ്കാളിയായിരുന്ന ജേക്കബ് സാർ ആചാര്യവിനോബഭാവേയുടെ ഭൂദാൻ പ്രസ്ഥാനത്തിൽ കൂടെയാണ് പൊതുപ്രവർത്തനരംഗന്തും കോൺഗ്രസിലും സജീവമാകുന്നത്. പിന്നീടിങ്ങോട്ട് എം.എം. ജേക്കബ് സാർ ഇന്ത്യൻ കോൺഗ്രസ് രാഷ്ട്രീയ രംഗത്തെ പ്രമുഖരിൽ ഒരാളായി മാറിയതോടൊപ്പം തന്നെ ഭരണരംഗത്തെ കരുത്തുറ്റ സാന്നിധ്യവുമായി മാറി.

ഫോമാ മുൻ പ്രസിഡണ്ടും പത്തനംതിട്ട ജില്ലാ അസ്സോസിയേഷൻ പ്രസിഡന്റുമായ ശശിധരൻ നായർ, ഐ.എൻ.ഓ.സി പെൻസിൽവാനിയ ചാപ്റ്റർ സെക്രട്ടറി സന്തോഷ് എബ്രഹാം,പുതുതായി തെരഞ്ഞെടുക്കപ്പെട്ട  ഡബ്ലിയു.എം.സി അമേരിക്ക റീജിയൻ പ്രസിഡണ്ട് ജെയിംസ് കൂടൽ,  ഫോമാ റീജിയണൽ വൈസ് പ്രസിഡണ്ട് തോമസ് ഒലിയാംകുന്നേൽ, ബിബി പാറയിൽ, ജോർജ് കൊച്ചുമ്മൻ, സജി ഇലഞ്ഞിക്കൽ, ഡാനിയേൽ ചാക്കോ, സക്കറിയ കോശി, റോയ് തീയാടിക്കൽ, റോയ് വെട്ടുകുഴി, മാമ്മൻ ജോർജ്  തുടങ്ങിയവർ ജേക്കബ് സാറിനെ അനുസ്മരിച്ചു സംസാരിച്ചു. ഇന്ത്യയെ തൊട്ടറിഞ്ഞ ആദര്ശധീരനായ നേതാവായിരുന്നു എം.എം. ജേക്കബ് എന്ന് പ്രസംഗകർ പറഞ്ഞു.  

അദ്ദേഹത്തോടുള്ള ആദര സൂചകമായി ഒരു മിനിറ്റു മൗനം ആചരിച്ചു. 

Read more

ജോർജ് മാമ്മൻ കൊണ്ടൂരിനു പത്തനംതിട്ട ജില്ലാ അസോസിയേഷൻ ഉജ്ജ്വല സ്വീകരണം നൽകി

ഹൂസ്റ്റൺ: ഹൃസ്വ സന്ദർശനാർത്ഥം  അമേരിക്കയിൽ എത്തിച്ചേർന്ന പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോൺഗ്രീസ് നേതാവുമായ ജോർജ് മാമ്മൻ കൊണ്ടൂരിനു പത്തനംതിട്ട ജില്ലാ അസ്സോസിയേഷന്റെ ആഭിമുഖ്യത്തിൽ ഉജ്വല സ്വീകരണം നൽകി. ജൂലൈ 8 നു ഞായറാഴ്ച വൈകുന്നേരം 4:30  നു  സ്റ്റാഫോർഡിലുള്ള സൗത്ത് ഇന്ത്യൻ ചേംബർ ഓഫ് കോമേഴ്‌സ് ഹാളിൽ വച്ചായിരുന്നു സ്വീകരണ സമ്മേളനം.  

പ്രസിഡന്റ് ശശിധരൻ നായർ അദ്ധ്യക്ഷത വഹിച്ചു. തുടർന്ന് ഷാൾ അണിയിച്ചു കൊണ്ടൂരിനെ അദ്ദേഹം സ്വീകരിച്ചു.

ജനറൽ സെക്രട്ടറി ജെയിംസ് കൂടൽ സ്വാഗതം ആശംസിച്ചു. 

പത്തനംതിട്ട ജില്ലയിലെ ജനങ്ങളുടെ അടിസ്ഥാന ആവശ്യങ്ങൾ നിറവേറ്റുന്നതിനും ജില്ലയുടെ വികസനത്തിന് ജില്ലാ പഞ്ചായത്തും കൊണ്ടൂരും ചെയ്യുന്ന കാര്യങ്ങൾ സവിസ്തരം അദ്ദേഹം വ്യക്തമാക്കി. ജില്ലയിലെ വിദ്യാഭാസ സ്ഥാപനങ്ങൾ, റോഡുകൾ, ജലസേചന പദ്ധതികൾ, ആശുപത്രികൾ, പ്രകൃതിക്ഷോഭത്തോടനുബന്ധിച്ചുള്ള ദുരിതാശ്വാസ പ്രവർത്തനങ്ങൾ,     തുടങ്ങിയവയെപ്പറ്റി പങ്കെടുത്തവർ  ചോദ്യങ്ങളായി  ശ്രദ്ധയിൽ പെടുത്തിയപ്പോൾ നാളിതു വരെ പ്രഖ്യാപിക്കപ്പെട്ട പദ്ധതികളും ജില്ലാ പഞ്ചായത്തിന്റെ പരിഗണനയിൽ ഇരിക്കുന്ന പദ്ധതികളും മറ്റു വികസന പരിപാടികളെ പറ്റിയും വിശദമായി കൊണ്ടൂർ മറുപടി നൽകി.

സ്കൂളുകളിൽ പോകുന്ന വിദ്യാർത്ഥിനികളുടെ സുരക്ഷയെ ലക്ഷ്യമാക്കി രക്ഷ കർത്താക്കൾക്കു ഉപകരിക്കത്തക്ക വണ്ണം തുടക്കമിട്ട മൊബൈൽ ആപ്പ് സംവിധാനം സംസ്ഥാനമാകെ ശ്രദ്ധിയ്ക്കപ്പെട്ട പദ്ധതിയാണെന്നു അദ്ദേഹം പറഞ്ഞു.

വികസനത്തിന് രാഷ്ട്രീയം പാടില്ല എന്ന് പ്രസംഗത്തിൽ നിരവധി തവണ അദ്ധേഹം ഉത്‌ബോധിപ്പിച്ചു,  
     
നിരവധി ട്രേഡ് യൂണിയനുകൾക്കു നേതൃത്വം നൽകുന്നതോടൊപ്പം കേരള സംസ്ഥാന കോ-ഓപ്പറേറ്റീവ് ഹൗസിങ് ഫെഡറേഷൻ വൈസ്  ചെയർമാനായും പ്രവർത്തിക്കുന്ന കൊണ്ടൂർ പത്തനംതിട്ട ജില്ലാ പഞ്ചായത്തിന്റെ വൈസ് പ്രസിഡന്റ് പദവിയോടൊപ്പം സാമ്പത്തിക കാര്യസമിതിയുടെ ചെയർമാനായും പ്രവർത്തിക്കുന്നു, സംസ്ഥാന സർക്കാരിന്റെ 2017 ലെ ഏറ്റവും മികച്ച ജില്ലാ പഞ്ചായത്തിനുള്ള അവാർഡും 25 ലക്ഷം രൂപ സമ്മാനവും പത്തനംതിട്ട ജില്ലാ പഞ്ചായത്തിനു കരസ്ഥമാക്കുവാൻ കൊണ്ടൂർ വഹിച്ച പങ്ക് പ്രശംസനീയമാണ്.

ജില്ലാ  അസ്സോസിയേഷൻ സെക്രട്ടറി ജീമോൻ റാന്നി, സ്ഥാപക നേതാക്കളായ ജോർജ്‌ എം ഫിലിപ്പ്, ബ്ലസൻ ഹൂസ്റ്റൺ, സക്കറിയ കോശി, ഐ.എൻ.ഓ.സി പെൻസിൽവാനിയ ചാപ്റ്റർ സെക്രട്ടറി സന്തോഷ് എബ്രഹാം, എസ്.കെ.ചെറിയാൻ, സജി ഇലഞ്ഞിക്കൽ, മാമ്മൻ ജോർജ്‌, റോയ് തീയാടിക്കൽ, ജെ.ഡബ്ലിയു.വര്ഗീസ്, റോയ് വെട്ടുകുഴി, ഡാനിയേൽ ചാക്കോ, ജോർജ് കൊച്ചുമ്മൻ ജോമോൻ ഇടയാടി, തോമസ് ഒലിയാംകുന്നേൽ  തുടങ്ങിയവർ ചർച്ചകളിൽ സജീവമായി പങ്കെടുത്തു.    
  

Read more

എന്‍ എസ് എസ് സംഗമം: മികച്ച രജിസ്ട്രഷന്‍

ഷിക്കാഗോ:  ഷിക്കാഗോയില്‍  ആഗസ്റ്റ് 10, 11, 12 തീയതികളില്‍ നടക്കുന്ന എന്‍ എസ് എസ് ഓഫ് നോര്‍ത്ത് അമേരിക്കയുടെ ദേശീയ സംഗമത്തിന്റെ രജി്സ്ട്രേഷന്‍ മികച്ച രീതിയില്‍ മുന്നോട്ടു  പോകുന്നതായി രജിസ്ട്രേഷന്‍ കമ്മറ്റി ചെയര്‍മാന്‍  അരവിന്ദ് പിള്ള, കോ ചെയര്‍മാന്‍ സുരേഷ് ബാലചന്ദ്രന്‍ എന്നിവര്‍ അറിയിച്ചു. അമേരിക്കയില്‍ എന്‍ എസ് എസ് കരയോഗ പ്രവര്‍ത്തനമുള്ള  സ്ഥലങ്ങളില്‍ നിന്നുമാത്രമല്ല മറ്റു സ്ഥലങ്ങളില്‍ നിന്നും നിരവധി പേര്‍ രജിസ്ട്രര്‍ ചെയ്്തു കഴിഞ്ഞു.

സ്പോണ്‍സര്‍( നാല് തരം),ഫാമിലി, കപ്പിള്‍ എന്നിങ്ങനെ ആറ് തരം രജിസ്ര്ടേഷന്‍ പാക്കേജുകളാണ് ഉള്ളത്. കൂടുതല്‍ രജിസ്ട്രേഷന്‍ ഫാമിലി പാക്കേജിലാണ്. രണ്ട് മുതിര്‍ന്നവരും രണ്ട് കുട്ടികളും അടങ്ങുന്ന കുടുബത്തിന് രണ്ടു രാത്രി താമസം നല്‍കുന്നതാണ് 879 ഡോളറിന്റെ ഈ പാക്കേജ്.കണ്‍വന്‍ഷന്‍ ദിനങ്ങളില്‍ കേരളീയ ഭക്ഷണം, ബാക്വറ്റിലും സാംസ്‌ക്കാരിക പരിപാടിയിലും പങ്കെടുക്കാന്‍ ടിക്കറ്റും സീറ്റ് റിസര്‍വേഷനും, വേദിയില്‍ പരെടുത്ത് പരാമര്‍ശനം,  ഒഹ്റെ വിമാനത്തിവളത്തില്‍ നിന്ന് കണ്‍വന്‍ഷന്‍ സ്ഥലത്തേക്ക് യാ്ത്രാ സൗകര്യം, സൗജന്യ പാര്‍ക്കിംഗ് എന്നിവ ഈ പാക്കേജിന്റെ പ്രത്യേകതയാണ്. 699 ഡോളറിന്റെ  പാക്കേജില്‍ രജിസ്ട്രര്‍ ചെയ്യുന്ന ദമ്പതികള്‍ക്കും രണ്ടു രാത്രി താമസം , കേരളീയ ഭക്ഷണം , ബാക്വറ്റിനും സാംസ്‌ക്കാരിക പരിപാടിക്കും ടിക്കറ്റ് എന്നിവ ലഭ്യമാക്കും.
 രണ്ട് പാക്കേജുകളിലും ഏതാനും പേര്‍ക്കു കൂടി രജിസ്ട്രര്‍ ചെയ്യാന്‍ അവസരമുണ്ടെന്ന് അരവിന്ദ് പിള്ളയും സുരേഷ് ബാലചന്ദ്രനും അറിയിച്ചു.

അമേരിക്കയിലെ മലയാളി നായര്‍ കുടുബങ്ങളെ ഏകോപിപ്പിക്കുന്നതിനായി 2010 ല്‍ ന്യൂയോര്‍ക്ക് കേന്ദ്രീകരിച്ച് തുടങ്ങിയ  നായര്‍ സര്‍വീസ് സൊസൈറ്റി ഓഫ് നോര്‍ത്ത് അമേരിക്കയുടെ പ്രഥമ കണ്‍വന്‍ഷന്‍ 2012 ല്‍ ഡാളസിലാണ് നടന്നത്. തുടര്‍ന്ന് 2014 ല്‍ വാഷിംഗ്ടണിലും 2016ല്‍ ഹൂസ്റ്റണിലും ദേശീയ കണ്‍വന്‍ഷന്‍ നടന്നു. പ്രസിഡന്റ് എം.എന്‍.സി നായര്‍ , ജനറല്‍ സെക്രട്ടറി അജിത് നായര്‍, ചെയര്‍മാന്‍ ജയന്‍ മുളങ്ങാട്,  കോ ചെയര്‍മാന്‍ സുനില്‍ നായര്‍  എന്നിവരുടെ നേതൃത്വ്ത്തിലാണ് മൂന്നു ദിവസത്തെ കണ്‍വന്‍ഷന്‍ നടക്കുക

Read more
OUR SUPPORTERS
* BOOK O TRIP   * CEMAT AUTO SERVICES   * VINCENTEE DIAMONDS   * CROSS ISLAND REALTY ONE INC.   * BROOKHAVEN HEART   * EAST COST MORTGAGE   * FAMILY DENTAL CARE, Dr NINA PATEL   * GREEN POINT TRAVEL- SHAJI   * HEDGE BROKERAGE   * QUEENS NASSAU CARDIOLOGY & INTERNAL MEDICINE   * KERALA HOUSEBOAT   * LAKELAND CRUISES   * MODERN CABINETS   * PROFESSIONAL ACCOUNTING & TAX CONSULTING.INC.   * KERALA KITCHEN   * US INSURANCE AGENCY   * CANYON MORTGAGE   * VINOD KEARKE   * BHAGAT AUTO   * RELIANCE TITLE AGENCY   * SANGHOM WORLD TRAVEL   * SHRADDHA ADHVARYU- DENTAL CLINIC