സാംസ്‌കാരിക വിശേഷങ്ങള്‍

കമല ഹാരീസ് യു.എസ്സ്. സെനറ്റ് ജുഡീഷ്യറി കമ്മിറ്റിയില്‍

പി. പി. ചെറിയാൻ 2018-01-11 02:36:55pm

വാഷിംഗ്ടൺ ഡിസി : ഇന്ത്യൻ അമേരിക്കൻ വംശജയും കാലിഫോർണിയയിൽ നിന്നുള്ള ഡമോക്രാറ്റിക് സെനറ്ററുമായ കമല ഹാരിസിനെ (53) സെനറ്റ് ജുഡീഷ്യറി കമ്മറ്റിയിലേക്ക് നോമിനേറ്റ് ചെയ്തു. ഹോംലാന്റ് സെക്യൂരിറ്റി ആന്റ് ഗവൺമെന്റ് അഫയേഴ്സ് കമ്മിറ്റി അംഗമായും കമല പ്രവർത്തിക്കുന്നു.

സാൻഫ്രാൻസിസ്ക്കൊ മുൻ ഡിസ്ട്രിക്റ്റ് അറ്റോർണി, കലിഫോർണിയ അറ്റോർണി ജനറൽ എന്നീ നിലകളിൽ പരിചയ സമ്പന്നയായ കമല, യുഎസ് കോൺഗ്രസിൽ അറ്റോർണി ജനറലായ ജെഫ് സെഷന്റെ രൂക്ഷ വിമർശകയായിരുന്നു. ഇത്രയും ഉന്നതമായ കമ്മിറ്റികളിൽ പ്രവർത്തിക്കാൻ അവസരം ലഭിച്ചതിൽ അതീവ കൃതാർത്ഥയാണെന്ന് കമലയുടെ പ്രസ്താവനയിൽ പറയുന്നു.