സാംസ്‌കാരിക വിശേഷങ്ങള്‍

ശക്തമായ പ്രതിഷേധത്തെ തുടര്‍ന്ന് വാള്‍മാര്‍ട്ടുകളില്‍ നിന്നും ഗണേശ ഭഗവാന്റെ "പാവകള്‍" നീക്കം ചെയ്തു

പി. പി. ചെറിയാൻ 2018-01-13 01:48:00pm

ന്യുയോർക്ക്: യൂണിവേഴ്സൽ സൊസൈറ്റി ഓഫ് ഹിന്ദുയിസത്തിന്റെ നേതൃത്വത്തിൽ അമേരിക്കൻ ഹിന്ദു കമ്മ്യൂണിറ്റി നടത്തിയ ശക്തമായ പ്രതിഷേധത്തെ തുടർന്ന് വാൾമാർട്ടിന്റെ ഷോപ്പുകളിൽ വിൽപനയ്ക്ക് വച്ചിരുന്ന ഭഗവാൻ ഗണേശിന്റെ പാവകൾ നീക്കം ചെയ്തതായി സംഘടനയുടെ പ്രസിഡന്റ് രാജൻ സെഡ് അറിയിച്ചു.  ഭഗവാന്റെ ഡോൾ 18.94 ഡോളറിനാണ് വാൾമാർട്ട് സ്റ്റോറുകളിൽ വിറ്റിരുന്നത്.ഈ സംഭവത്തിൽ മാപ്പ് പറയണമെന്ന് വാൾമാർട്ട് ചീഫ് എക്സിക്യൂട്ടീവ് ഡഗ് മക്മില്ലനോട് സൊസൈറ്റി ആവശ്യപ്പെട്ടിരുന്നു.

ഹിന്ദുക്കളുടെ വികാരം ഞങ്ങൾ മാനിക്കുന്നുവെന്നും സ്റ്റോറുകളിൽ മാത്രമല്ല, ഓൺലൈനിലൂടേയും വിൽപന അവസാനിപ്പിച്ചതായി വാൾമാർട്ട് അറിയിച്ചു.

വാൾമാർട്ട് പോലുള്ള കമ്പനികളുടെ സീനിയർ ഓഫീസർമാരെ ശരിയായി പരിശീലിപ്പിച്ചാൽ മാത്രമേ ജനങ്ങളുടെ വികാരം അവർക്ക് മനസ്സിലാകൂ എന്നും സൊസൈറ്റി പ്രസിഡന്റ് അഭിപ്രായപ്പെട്ടു.