സാംസ്‌കാരിക വിശേഷങ്ങള്‍

താടി വളര്‍ത്തുന്നതിന് മുസ്ലീം പോലീസുകാര്‍ക്ക് അനുമതി

പി. പി. ചെറിയാൻ 2018-01-13 01:52:35pm

ന്യുയോർക്ക് : ന്യുയോർക്ക് പൊലീസ് ഡിപ്പാർട്ട്മെന്റിൽ ജോലി ചെയ്യുന്ന മുസ്‌ലിം മത വിശ്വാസികളായ പൊലീസുകാർക്ക് താടിവളർത്തുന്നതിന് അനുമതി.

ഒരു മില്ലി മീറ്റർ കൂടുതൽ താടി വളർത്തിയതിനു ജോലിയിൽ നിന്നും സസ്പെന്റ് ചെയ്ത മസൂദ് സയ്യദ് ന്യുയോർക്ക് സിറ്റി സിവിൽ റൈറ്റ്സ് ലംഘനം നടത്തി എന്നാരോപിച്ചു ഫയൽ ചെയ്ത ലൊ സ്യൂട്ടിന്മേലാണ് ധാരണയായത്. 2016 ജൂണിലാണ് മസൂദ് ലൊ സ്യൂട്ട് ഫയൽ ചെയ്തത്.

നൊ ബിയേർഡ് എന്ന റൂൾ മത വിശ്വാസത്തിന്റെ പേരിൽ ഒഴിവാക്കി കിട്ടുന്നതിന് മൻഹാട്ടൻ ഫെഡറൽ കോടതിയിലാണ് കേസ് വിചാരണയ്ക്കെടുത്തത്. കോടതിയിൽ കേസ് ഫയൽ ചെയ്തതിനെ തുടർന്ന് മസൂദിന്റെ സസ്പെൻഷൻ പിൻവലിച്ചു ജോലിയിൽ പ്രവേശിപ്പിച്ചിരുന്നു. പുതിയ നയം അനുസരിച്ചു മതവിശ്വാസത്തിനു വിധേയമായി ഒന്നര ഇഞ്ചുവരെ താടി നീട്ടി വളർത്തുന്നതിനാണ് അനുമതി നൽകിയിരിക്കുന്നത്. ന്യുയോർക്ക് സിറ്റി പൊലീസ് ഡിപ്പാർട്ട്മെന്റ് ടർബൻ ധരിക്കുന്നതിനുള്ള അനുമതി സിക്ക് പൊലീസിനും ഇതിനു മുമ്പ് നൽകിയിരുന്നു.

 


OUR SUPPORTERS
* VINCENTÉ JEWELERS   * CEMAT AUTO SERVICES   * BOOK O TRIP   * LAKELAND CRUISE   * KERALA HOUSEBOAT   * FAMILY DENTAL CARE   * VINCENT CYRIAC   * EAST COAST CAPITAL   * CROSS ISLAND REALTYONE INC.   * PROFESSIONAL ACCOUNTING    * GREENPOINT TRAVEL   * KERALA KITCHEN