kavitha

സ്വാതന്ത്ര്യദിനം

മഞ്ജുള ശിവദാസ് 2017-08-15 02:14:30pm

സ്വതന്ത്രയാം ഭാരത മണ്ണില്‍നിന്നും
സദാ വിലാപങ്ങളുയര്‍ന്നിടുമ്പോള്‍,
ശിശുക്കള്‍ പ്രാണനു മല്ലിടുമ്പോള്‍,
പഥികര്‍ വെട്ടേറ്റുവീണിടുമ്പോള്‍,
നാരി ഇരയായിരന്നിടുമ്പോള്‍,
സ്വതന്ത്രരോ ഭാരതപുത്രരിന്നും?

വിദേശശക്തിയൊട്ടേറ്റുമുട്ടി
പിതാമഹര്‍ രക്തമൊഴുക്കി നേടി,
നമുക്കു നല്‍കീ നിധിപോലെ കാക്കാന്‍,
പകുത്തുവന്നേ പല തുണ്ടമാക്കി.

പുകഞ്ഞുപൊന്തും പക മറച്ചുവക്കാന്‍
മതേതരത്വക്കുട ചൂടിയന്നേ.
ജനാധിപത്യത്തില്‍ നാടുവാണു,പിന്നെ
പണാധിപത്യമതേറ്റെടുത്തിന്നതു
മൃഗാധിപത്യത്തിലെത്തി നില്‍പ്പൂ.

കാലില്‍ കുരുക്കിട്ടു പാറിയ സ്വാതന്ത്ര്യം
ചിറകരിഞ്ഞിട്ടിരിക്കുന്നു.
കുരുക്കില്ല കൂടില്ല കാവലാളില്ല,
സ്വതന്ത്രരത്രേ നമ്മള്‍ ഭാരതീയര്‍.

പിറന്നമണ്ണിനായ് ഉയിര്‍ കൊടുത്തവര്‍
നമുക്കു നന്മക്കായ് പോരടിച്ചോര്‍.
രണാങ്കണത്തില്‍ പൊലിഞ്ഞ പൂര്‍വ്വികര്‍
പൊറുത്തിടട്ടെയീ മഹാപരാധങ്ങള്‍.... 

Credits to joychenputhukulam.com


OUR SUPPORTERS
* VINCENTÉ JEWELERS   * CEMAT AUTO SERVICES   * BOOK O TRIP   * LAKELAND CRUISE   * KERALA HOUSEBOAT   * FAMILY DENTAL CARE   * VINCENT CYRIAC   * EAST COAST CAPITAL   * CROSS ISLAND REALTYONE INC.   * PROFESSIONAL ACCOUNTING    * GREENPOINT TRAVEL   * KERALA KITCHEN